甜品老媽 (Closed)

看過電視的介紹, 也看過網民的食評, 很久以前已經想來一試, 今天雖然已經食得好飽, 但仍然為了朱古力心太軟那個美麗的裝飾「冒(肥)死而來」!!!店內的環境不錯, 座位當然是超級Flexible, 可無限量加位, 又令你不想/能坐太耐的圓木椅... 牆上貼滿了食客給老媽的留言, 我覺得這一幅是畫得最好的...影相時發現Facebook Check-in可減2元的宣傳單張(藍色的), 本想待會兒向老媽打探一下, 豈料... 說時遲, 那時快, 我剛落單, 老媽已著我立即付款!!! 是立即!!! 快得我來不及問是否Facebook Check-in可減2元!!! 單也印了, 我無奈下, 無癮下, 照付款可也!!! 我初時還在想, 老媽是怕我會等得不耐煩, 中途走人不吃了嗎?!! 但我真的想多了, 其實是老媽要去送外賣, 收了我的錢便走了, 留低我與廚房內的1位店員...特濃朱古力心太軟 $42-- Oh No!!! 那片網狀的糖膠裝飾不見了?!! 明明網民數月前拍的照片, 糖膠裝飾還在!!! 那我為何要「冒(肥)死而來」呀?!!再者, 杯的形狀有點怪, 頭好像太窄了吧!!! 換了細一個尺碼

今天放假, 同老公到東大街吃齋後, 想到最近常去的甜品店吃甜品, 怎料店主話今天壊了機, 不能做生意了, 轉去我光顧過一次的這間甜品店, 因為上次這間店安排我坐近洗手間位, 無甚好感, 上次吃了芝士蛋糕, 味道OK.今天再和外子去就中伏了, 我點的楊枝金露味道好一般, 芒果粒看似不新鮮, 老公點的刨冰話味道也一般，以後不會再來.又楊枝金露不便宜, 廿八元, 老公的刨加了芒東漿及雪糕, 要四十二, 不抵食.

去完石澳, 出番黎筲箕灣, search一search, 就search到呢間甜品舖口碑唔錯. 於是就行左一條大街黎到.一入門口俾塊野撞親, 塊野係用黎'禁'住門口防冷氣走.星期日六點幾無咩人, 坐低就叫左招牌杏汁蛋白. 等既同時就睇下個牆, 好多人留COMMENT, 咩文都有D咁. 等左十分鐘度就來左. 一見到個樣我覺得好奇怪, 因為個面好唔平滑, 原來D蛋白係好散既蛋白, 一條條的.唔, 我覺得整體SO SO.自己雖然鐘意杏汁, 但佢呢個配搭D蛋白算少, 杏汁D味普通, 唔係特別令人印象深刻. 所以我覺得$28呢個價錢唔值.一試無妨, 下次試其他野.

在台灣，一直喜愛吃棉花冰。顧名思義，吃起來像棉花糖一樣，入口即溶，不冰稍涼有微甜，比刨凍好吃千倍。以前在台灣，可說是放學至愛，與朋友各點一客，就可以聊一個下午。一直很懷念那種味道，前陣子終於在旺角的糖百府再嘗這種美食，今日在東大街，眼看門口美麗如彩雪的相片，與同事約定，晚上非吃不可。晚上至店前，他們感到奇怪，為何九分飽還要必吃甜品，我跟他們說，這是美食，你們不吃可先行離開，我可是不吃不行。入店後，正當三位同事與甜品老媽聊得高興之際，我已經選擇所愛，這裡與糖百府不一樣，我的是芒果冰底、朱古力糖醬、加芒果星星椰果。冰底既用上鮮芒果又香又鮮甜婆婆湯圓特色：甜品老媽一直強調，湯圓餡並沒有加豬油，雖不流沙，但更健康。加上有豐富的黑芝麻及花生，估計還有黃糖，十分香口。總括而言，大家算是讚賞之聲不絕，加上店長老媽，不時推薦和閒聊

梳乎厘係即點即焗, 所以等了大概 10分鐘左右。等緊既期間, 可以見到o係小小既焗爐裡面焗緊!君度橙酒梳乎厘 ($36):要大匙 spoon 到最底, 連埋上面層蛋白先會有橙味。蛋白夠企身, 夠高度。朱古力梳乎厘 ($36):好濃既朱古力味! 大概 30秒左右之後, 高度就蹋低了。而且, 食既時候, 蛋白開始出水, 變水水地.....我覺得朱古力味雖然都好味, 但搶了蛋白本身的香味。相反, 橙酒梳乎厘比較貼近原味, 但帶點微微既果香, 所以我比較鐘意白色既蛋白。碟上面擺了一粒士多啤梨, 係 frozen strawberry, 所以食落好冰,同熱既soufflé 有強烈既對比。舖頭既牆上面貼滿食客既留言。食完如果想寫返一張先走, 可以問服務員拎紙同顏色筆。

單叫一個GREEN TEA梳乎利, 大大個, 好有綠茶味道!! 食飽到東大街食甜品, 一定要去老媽食我最愛既心太軟, 好味道既朱古力流心同雲尼拿雪糕係絕配, 加上一個好有心思既裝飾, 真係好正!今日好多人等位呀..下次要再旱D先...!!

男友突然心血來潮，說要去吃甜食。故，他便帶我去了這店吃甜品。我們點了：白之戀人芒果雪糕拉麵我對白之戀人極為失望，因為這完全難以放在口中吃。味道太怪了！唯獨男友所選的芒果雪糕拉麵較為像樣外，其他的，我真的興趣不大。故，你們若不次有機會去這家店鋪吃甜品，請小心中伏

食完晚飯當然要食返個甜品。黎到見到佢哋出名朱古力心太軟，立刻叫黎試試。朋友叫咗個芒果拿破崙。朱古力心太軟太甜。有少少失望希望好味，但芒果好酸。最後都係失望而回

於東大街食飽飯, 預留左個胃食甜品, 即刻入左甜品老媽~~我同老婆都係熟客, 經常係佢地既杏汁蛋白, 不過今次換一換口味, 試下佢地D西式野.本來想食梳乎里, 不過有各男待應介紹我地一個叫朱古力凍熱雙拼既新甜品, 我見個賣相都唔錯, 就同老婆share一個黎食. (因為$60...所以share).....點知一黎到......嘩~! 個樣好得, 超靚 (呢個係我開post既原因). 個朱古力雙拼一邊係燒蕉朱古力撻另一邊係朱古力慕斯, 中間有個雲呢拿雪糕. 先講個撻, 香蕉切片再加糖在上面燒成焦糖, 放在濃朱古力味既撻皮上~~~再講慕斯, 甜左D, 但係用左班尼士餅底都算係有心意~~兩個人份量, $60都唔算貴呀~~下次再試其他新野. 重吸左個印仔~~有野送WRO~~~~~

以下係小弟一年前的經歷，希望仍能登出。甜品老媽除左甜品外，其實做lunch都ok，總有d餐揀得落手，例如台式牛肉麵，土匪雞球飯等;牛肉麵一向係水準之作，湯濃，牛展夠厚夠"淋"，幾乎每次去都叫;點知有1次，牛肉麵個湯淡而無味，以為係咁岩失手吧，下次再叫過la;到左"下次"，再叫牛肉麵，個湯依然淡而無味......食完比錢，好心同老媽講聲，提提佢改善下，誰知對方竟用以下原因作藉口:1~老媽唔食牛肉，所以無試味 (咁你請d廚師返黎做乜？如果連試都無試過你憑乜賣比客？)2~佢地唔用味精，所以會清淡d (而家唔係清，而係淡而無味...你話唔落味精所以無味，咁即係之前食過幾次濃味ge係落左味精？另外如果唔落味精就淡到咁，咁屋企d住家菜咪全部都無味？簡直嚴重侮辱客人智慧!!)自此，就無再去食野了。其實佢生意咁好，無左我地4，5個客都無問題，但覺得出黎做生意，仲要咁多人食ge鋪頭點解連少少氣度都無？客人善意提醒，唔係為左唔比錢，唔係為左要你換過其他野比我食，但就連唔好意思都無句，只係不斷諗d咁ge藉口去侮辱食客們的智慧......其實講句"唔好意思ar，我會跟進下原因"係咪真係咁難開口？

從未試過，還未行到位，未坐底，已被人問要吃甚麼。雖然我的確在門外看了一陣子。那個原味芝士蛋樣子似乎OK，便點一件吧。碟子寫著3.6牛乳，我不知道是否有關係，但那碟子上莫名的一灘水卻是無法原諒！這是多停胃口，令人懷疑你的衛生程度！也許是雪了已有好一會兒吧，有一絲雪櫃味飄過，也略為硬。不過本身蛋糕算是做得不錯，濃郁結實，但未致膩的程度。甜度也是剛好。$28一件，算是交足貨。

山長水遠由旺角去筲箕灣食糖水，坐低唔夠一分鐘餐牌都未睇完就被人問：「你地叫得未架！」＞＂＜跟住同仔仔影多兩張相就話，唔俾人影相！都唔係影佢d野食，招牌或裝修，淨係影個自己個仔都唔得！把聲又勁惡！食物又一般，唔係特別好食！（叫左西瓜沙冰，同榴蓮忘返）總之感覺差到爆！唔會再去！

踏入龍年的第一個食評, 就寫一餐吃湯丸的吧. 下午來到這裡, 不算太多人, 加上環境是簡潔的. 感覺還不俗. 見店方有個十大排行榜, 就跟這個榜來定出以下四款甜品.歌劇院蛋糕 $28: 4分, 這裡不少甜品是即場製作, 但先試的是一早做好的opera, 層次感一般, 朱古力跟咖啡都不太濃烈, 質感也麻麻. 加入了冧酒, 不過效果未算明顯.特選朱古力心太軟 $40: 6分, 流心度一般, 只是小小流的程度, 朱古力一樣的不夠濃烈, 質感就對辦, 幾實淨, 配上雲尼拿雪糕同吃, 還是可以的.招牌杏汁蛋白 $26: 8分, 即叫即煮, 都要等好一陣子先有得食. 叫得招牌, 也果然是幾有水準, 不會太甜, 杏汁香濃, 蛋白幾滑, 是稍嫌部份蛋白是一舊舊, 但怎也是值得一試的招牌甜品.上元丸 + 薑湯 $19: 5分, 當然也要吃吃湯丸, 團一團圓, 不過這裡的湯丸水準一般, 花生不夠香, 皮也不夠煙韌, 還好薑湯是相當薑, 當中暖胃也幾好.杏汁蛋白是水準之作, 不過其他甜品就強差人意. 當然, 能夠一家人一同吃吃湯丸, 也是高興的一餐.

咖喱豬扒雞蛋飯 - 咖哩汁少辣，椰奶味重，似葡汁多啲。雞蛋肉燥飯 - 以為會好似台式肉燥咁用肉碎，上菜才發現係肉片，味道OK，份量也多，但當然不及肉碎好撈飯。連餐飲及例湯 (西洋菜湯)，個湯反而最好味，應該無乜味精。以競爭激烈的東大街來說，食物不算很出眾，間唔中一次還可。

在甜品老媽吃下午荼...我點了法式焦糖燉蛋...焦糖完全唔係焦糖..個面根本唔脆個燉蛋根本就係得蛋味..同d所謂既焦糖完全唔夾比$34 一d都唔值得!!!朋友點了炸薯條豬扖炸豬扖d粉好難食..仲有點薯條既茄汁有陣怪味比$25都係一d都唔值得!!!比起上一次食甜品老媽係年幾兩年前..上次食都覺得ok今次食完之後.以後都唔會再食!