甜品革命 (Closed)

今次係我第１次寫食評，就係因為呢間餐廳啦！而呢間餐廳究竟有ｄ咩能夠驅使我黎寫第１篇食評呢？！就係我今日同男朋友之行喇，話說我同ｂｆ係朗豪坊睇完戲行過黎呢度見到有心太軟就入黎試下啦因為我同ｂｆ都超級鍾意食心太軟既平時我同佢通常都會一人叫一個唔同既甜品一齊食但今日我地好似發左呢個心太軟引呀，好想食呀所以把心一橫一人叫一個喇，咁大家都唔洗爭又唔洗吊引啦好啦，咁ｗａｉｔｅｒ話左會耐ｄ架喇都無問題，心太軟預左等，最後等左足足３０ｍｉｎｓ終於黎到啦２碟既心太軟！！之後我同ｂｆ就準備切蛋糕"而"式啦，一齊切開個ｃａｋｅ之後我地大家都立即Ｏ咀望住大家．．喂，點解無心流出來既？？之後再切多Ｄ，我又切下ｂｆ果個多ｄ～嘩，咩事呀，２個都變左係實心既【心太硬】囉！係連個蛋糕都硬埋要出力先吉得入果隻喎！嘩，洗唔洗咁硬呀！！原本今日興致勃勃既心情就係咁樣比呢個心太硬吹萎左喇 我今日真係好嬲自己唔映張相比大家睇下～但因果個ｍｏｍｅｎｔ心情真係突然好ｄｏｗｎ，我完全無想過用相機映低佢既意慾呀！因為佢除左心太硬之餘，佢既賣相都係十分差既一隻白碟，一個細既白色碗裝左幾片生果，之後就咁一球雪糕，同一個心太硬 賣相本身已經無

侯爵朱古力心太軟最期待也最失望..朱古力入口濃郁,材料份量剛好..可惜皮不脆, 心不流, 也就失去食心太軟的本義焦糖布丁椰果子所加入的生果配搭牽強..而且亦切割得太大件..椰果子甜味不足.. 唯一讓人覺安慰的是焦糖布丁!抹茶奶凍拼曲奇雪糕..老實說,沒有奶凍比有更好..班戟千層..算了..唔知食左咩落肚帶一眾友人試新野.. 怎知好似呃左佢地去..

同家姐係旺角shopping 完，見到這家店有咁多雜誌訪問就入去試一試啦。環境都唔錯，幾舒服 打開餐牌好多甜品都好吸引，最後選擇左這裡既招牌椰果子同好好味既心太軟~~先講個有栗子茸既椰果子，全個椰子上碟既賣相可以，栗子茸幾香，生果新鮮，椰果子食落好清涼似啫喱，創意之作，唯一係三樣野各自各精彩，完全唔夾 侯爵朱古力"心太硬"，即係裡面無咩朱古力流出黎，而個蛋糕面都過左火太實喇 !! 唔合格，味道一般，都係旺角既「唐X」比佢好，起碼個賣相唔錯，而革命既賣相又係三樣各有各咁，生果一片片，酒樓咩? 最重要係成$4X ，唔值! 見隔離D客叫既甜品賣相都你麻麻，同餐牌既相有一段距離。欣賞佢地既創意，不過唔好食都無用，如果佢做椰果子專賣店可能好D! 短期內都唔會有下次 ~

一直都好想試...呢間..榛子麵包布甸二重奏個布甸...好普通...唔特別...無咩驚喜..舊雪糕又細...椰果子龍泉眼露伴雪糕 好稀呀...d料少得可憐...好似d甜水咁..甜品份量同想像中一樣細份..好彩有學生證..有9折..如果唔係仲唔抵結論︰一次就夠了無再食既念頭

食過一平安之後搭了兩個站到旺角逛了一會，順便試埋甜品革命!一直都timing唔岩所以冇機會試...店內不大!都OK多人幫襯...坐下來，看看MENU~甜品的價錢也不便宜!不過都要試試沒有被大大的芧屋嚇倒!所以一定會叫這個焦糖布丁椰果子，太特別了!人內有人似的..肉眼看到的是椰奶做底，面頭就是焦糖布丁加幾片芒果，而奶汁下面就是一大層椰果子!布丁很滑!反而我覺得奶的份量太小了!!!塊椰果估了一半~一個人食就真的太多了...幸好是2人食!最後連椰殼上的椰果都刮左D黎試一下~還點了侯爵朱古力心太軟，首先覺得賣相已經不吸引!望落去唔得睇咁....立即切開來看看裡面如何~情況好像被逼流心一樣!要撐得很開才能看到~比起唐苑的差得遠!無論是賣相、味道&設計等等...唯一可讚的就是曲奇雪糕味道不錯....不知道是不是最後革命!希望會對焦糖布丁椰果子留一點情吧~

首先本人吾係好鍾意食甜品,咁啱果日經過就同老婆入去試下啦~果幾日個肚唔係咁舒服, 想食熱 D 嘅甜品, 點知個 WAITER 話"無".咁都算啦~ 唔想掃老婆馨, 就想揀個椰果子試下, 見個圖中椰子上面有幾塊野, 問下咩來, WAITER 話係芒果, 本人唔係好想要芒果, 問下有冇得轉啦~ 點知個WAITER 話：『無喎！我地忙緊, 唔可以轉！』我地再望下, 間野邊度多人, 檯檯都已經食緊, 點會忙呀？ 而且又唔係多客係間鋪度！改塊芒果 JE~ 是但西瓜、蜜瓜、哈蜜瓜 放上面之嘛！咁都忙？？？ 好明顯係個 WAITER 係唔想同廚房講囉！！之後我老婆叫果個橙酒梳乎里到左, 個碟上面都有西瓜、蜜瓜、哈蜜瓜各一塊！ 咁又話無！ 唔改得就唔好做甜品啦！我老婆話個梳乎里超級普通, 又話係橙酒梳乎里, 一 D 橙味, 酒味都無！！而且 D 甜品都唔平, 個橙酒梳乎里都要 HK$43 ！！ 差不多食個飯的價錢！ 但係咁嘅服務同品質, 真係唔會再去！！！

我是餵食猫咪, 同樣是甜魔一個, 中西式甜品全不放過好彩男友亦都是啫甜一族, 不過佢呢排喉嚨不太舒服, 但都成日陪住我呢隻餵食猫周圍去食甜野.今日放工後出到旺角, 經過呢間甜品店, 甜品革命---我就睇下你點革命法, 兩個人坐低, 因為汪汪喉嚨還沒好所以祇點了一個心太軟加雪糕, 我地坐係度周圍睇下, 間舖無咩點裝修, 門口還門都無, 不過如果甜品整得出色我相信大家唔會介意這些.甜品一上枱, 我就唔客氣啦, 唔知幾時開始愛上了心太軟, 都曾試過幾個地方既出品, 但呢間既心太軟卻令我最滿意, 一切開個心太軟, 中間既朱古力漿立即流出來, 出面少少脆脆地, 而且口感亦好好, 唔會太甜但卻有好濃既朱古力味, 用附上的生果點上朱古力漿食, 又係估唔到的夾, 曲奇雪糕上枱時有少少溶, 此為美中不足.好開心, 以後如果我想食心太軟唔駛周圍去搵啦傻瓜, 下次等你喉嚨好番, 你一定要試試!後來幾次經過, 外賣"迷你焦糖布甸" $10一個細細地, 但真係好好味, 反而另一次買的"黃金杏仁露"麻麻地, 因為加左好多椰汁溝淡左杏仁味, 而且令到成碗杏仁露變稀左, 不是我杯茶!

行親旺角都會經過呢間新開的甜品店...有次見個肚仲有少少空位...決定俾次機會佢...入去試試...結果證實佢的革命仲未成功= =同男朋友仔一人叫左一個...招牌椰果子:一個大椰青入面收埋左4樣野.... 1...2片生果 2...超級市場都買到的焦糖布甸 3...椰果子 (姐係=大菜糕) 4...椰汁佢呢4樣野味道都係一般...我諗佢特別之處就係從來都冇人將佢地放埋一齊食囉...侯爵朱古力心太軟:味道可以...但第一次見心太軟唔識流心...睇返之前的食評...佢的心太軟流心的程度非常唔穩定...個人認為...作為店裡的推介甜品...最起碼是可以突出那甜品的特別之處...何況一個心太軟最基本只是流心...其實只要留意焗的時間...要整一個成功流心的心太軟唔會係一件難事~繼續努力革

甜品革命開張冇幾耐，我就同男朋友一齊去試下。我一心為咗“ 候爵朱古力心太軟拌雪糕”。由落單到碟“心太軟”攞到我面前，等咗大半個鐘。時間已經唔係問題。我望住碟野，都唔知講咩好，個侍應望咗我一眼就走開咗。同我以前食既“心太軟”簡直冇得比。除咗雪糕係圓形之外，“舊”“心太軟”冇形狀可以形容。就好似一個容咗既雪糕。我男朋友仲叫我食，不過真系食唔落咯。所以，我就剩系食咗個雪糕就冇食喇。之後，個甜品師傅走出黎同我講唔好意思，因為佢太心急，所以整成咁。不過，我覺得呢個唔系理由咯。我俾錢唔係想食一“撇”容咗既朱古力啊~！

第一次俾意見..今次可算係慕名而來!!但係...真係幾失望!!...當日一行四人叫左:2 X 候爵朱古力心太軟拌雪糕1 X 榛子麵包布甸二重奏1 X 招牌焦糖布甸椰果子招牌焦糖布甸椰果子：最初睇佢個樣真係唔係好可靠咁....但係食落都算唔錯喎!!!佢個焦糖布甸幾香~~榛子麵包布甸二重奏：好似食緊"繽紛樂"咁...候爵朱古力心太軟拌雪糕：(呢個係重點!!)睇張相都已經覺得"好似"麻麻地咁.....但係女朋友想食所以都係叫左.....點知黎到....真係真係極之極之失望!!!!先唔講佢D賣相勁差既生果!!!...佢個候爵心太軟係我食過咁多個之中最差既一個!!!無論賣相，味道，口感.....冇一樣係得既.....呀!!!唯一可取既地方係-----雪糕!!說真的...唔會再有下次...

不久前一位朋友向我提過這間店舖不錯, 於是我便相約友人去吃宵夜!店舖提供的選擇頗多, 也花了不少時間才作出抉擇!最後我點了侯爵朱古力心太軟伴雪糕, 友人點了榛子麵包布甸二重奏先是來了榛子麵包布甸二重奏, 賣相很不錯榛子的味道不錯, 而且吃上去很有層次感, 挺好吃, 感覺也不會太heavy!然後因為心太軟要即叫即焗的關係, 等待的時間較長!熱騰騰的心太軟不過不失! 不會給人太甜的感覺!兩款食品比較起來, 我喜歡榛子麵包布甸二重奏, 因為較特別, 街外較難吃到!兩款食品都配有曲奇味雪糕同水果, 也算是不錯的配搭!

一直覺得這家會是不錯的甜品店,光看名字已經夠氣勢了但可惜一看到openrice的食評真的嚇了嚇,為什麼會這麼多負評所以路經此店之時就決定一試,看看能否幫他們平反! 要了焦糖布丁椰果子上桌時被大大的一個茅屋嚇到了,很怕會吃不完 布丁很香滑,而且蛋味濃又不過甜,不消數分鐘已把整個布丁消滅了啊! 為什麼會覺得不好吃? 可能我是把布丁和椰青果凍分開吃吧,完全不覺得不夾到了椰青果凍,它不像果凍般彈牙,反而有點像大菜糕的質感;但印象中記得好像是用海藻類抽取物做的不管是什麼,反正入口清甜加上帶點爽的口感很得我心吃完整個茅屋之後真的撐不下去了,不然真想叫多個別的甜品來試呢!下次有機會都一定會再來吃!! 要把他們的招牌甜品都試光了!!!

10年1月31日（星期日）晚，吃完烏冬，我和女友繼續行去旺角，這時女友的甜胃又發作，嚷著要去一直念念不忘的「甜品革命」。我們去到門口，發現竟然沒有人在門外等位，再入內見到竟然有位，今趟女友終於“革命成功”了！為了慶祝成功“登陸”，女友就點了芒果楊枝甘露椰果子，而我又是“例牌”，即是侯爵朱古力心太軟。我沒有吃過女友的芒果楊枝甘露椰果子，但女友說芒果味很濃郁；我的侯爵朱古力心太軟比預期的來得快，朱古力蛋糕很鬆軟，切開蛋糕時卻不見流心，朱古力醬呈半凝固狀，但朱古力味很濃，足以彌補不流心的缺點，不過看過之前的食評，說這心太軟有櫻桃味和酒味，可惜兩者我都感覺不到。是將產品改良了嗎？還是我運氣不佳？是晚女友終於「革命成功」，埋單後很滿足地離開“革命地”，在等巴士期間又巧遇食友，寒喧了幾句，看來是晚女友的運氣很不錯。

25/01/10 晴天那天經過油麻地,見到一間的招牌燈非常光亮, 就是這間甜品革命, 上OPENRICE見到不少食家都去過食, 那時令我有想食甜品的衝動,之後就毫不猶豫同嘉豪入了去了店鋪地方細細, 室內環境都好寧靜,只有一兩個客人, 可能現在是下午五點,所以都無太多客人, 設有梳化座位令人感到坐得舒適,但環境裝修就太單調, 店內的盡頭還有水桶,木梯放置在廳面, 有點不是太美觀,只有一個太光猛的招牌燈, 也缺乏一點裝飾品了一坐下來打開了menu, 都好多選擇, 有招牌椰果子, 麵包布甸, 心太軟, 梳乎里等等.....入來甜品革命, 我當然試下椰果子, 椰果子有9款味道可以選擇, 有鮮奶,龍眼,芒果, 藍莓,士多啤梨,栗子,hazelnut,焦糖布甸&曲奇雪糕的味道, 價錢是$36-38等等.....最後我點了藍莓的味道--藍莓招牌椰果子$36而嘉豪食個炸意式芝士窩餅伴曲奇雪糕$35藍莓招牌椰果子$36--椰青水再加入越南水晶粉做成的內饀, 水晶般晶瑩剔透的椰果子,起初誤以為是大菜糕, 食落都好清新煙韌軟滑又不會太甜,可是blended的藍莓醬被清幽甜美的椰青水遮蓋了味道,賣相真是較差,

$25。黃金芝麻糊：只有凍的。得個樣，但味道好唔掂！表層是被火搶燒過的，蛋黃沙巴翁蓋著下面的就是芝麻糊了，但可惜毫無芝麻的香濃味和酒味，拌在一起更令芝麻糊變得更淡，唔好食囉！無特別！$43。候爵朱古力心太軟拌雪糕：需時15分鐘，心太軟的確不錯，飽滿微脆的外皮內就是濃濃的朱古力，微暖的朱古力醬慢慢流出，不會稀稀的湧出。雪糕則是曲奇雪糕，香滑好味。另有三片水果，分別是：蜜瓜、哈蜜瓜、西瓜，都唔多甜共：$74