點點心 (Closed)

有時好想食點心，但又唔想去酒樓，基本上就會去點心店，不過d質素就比較參差，唔係樣樣都好食。午巿有套餐，我哋叫咗雲耳金針滑雞加時菜，d飯粒粒分明，蒸得啱啱好，d雞份量都好多，32蚊真係好抵。千島醬蝦春卷一向都係比較穩陣既點心，蝦份量比較少，但配埋沙律醬味道唔錯，又唔貴。煎釀茄子唔係用鯪魚肉，有少少似蝦膠，但唔夠彈牙，口感普通。醬汁蒸鳳爪一般貨色，同平時既差唔多。蝦網蒸腸粉真係唔多掂，因為佢d蝦好似未熟透咁，好難咬開，仲係透透哋明咁，真係食唔落。芋泥煎堆幾香口，中間芋泥冇想像中甜，可以一試。珍珠雞普通貨色，d糯米有d碎，冇平時食嗰d好食。南瓜蒸排骨又係要blacklist，d肉好難咬開，咬咗一啖已經唔多想食，可以88了。

#中意嘅請分享請點讚🍻----------😋金沙豬仔包 $24其實係3個豬仔樣嘅流沙包，流心餡夠流質，而且重鹹蛋味，可以一試。😋誠實菠蘿包 $23真係有菠蘿嘅菠蘿包，菠蘿絲份量都多，焗完菠蘿更甜，食落仲似鳳梨酥添，幾特別。😋章魚肉餅飯 $28章魚份量比較少，而且肉餅太薄身，不過有馬蹄食落爽口。另外，個飯加分，飯粒分明加豉油夠惹味。唔食豉油嘅唔洗怕，因為豉油另上。😋燒汁釀茄子 $26特別嘅係茄子上唔係鯪魚肉，係蝦肉食落幾彈牙，而且澆汁好香，同茄子好夾。😋荷葉臘味糯米飯 $28時間岩岩好，唔會超乾身/太濕，不過臘味得幾粒，唔夠料。😋香煎蘿蔔糕 $22都幾厚，唔會得麵粉有蘿蔔絲，正正常常。😋黑松露野菌腸 $24呢款係素食，真係有好香嘅黑松露味，腸粉夠滑，不過餡料唔多，得少少香菇絲、蘿蔔絲、木耳絲，食落似食齋腸。😋茶錢每位 $4--------宜家多左好多新式點心店，由朝到晚都可以食點心，點心亦比酒樓精緻，而且茶錢比較平。----------🔎點點心🚩紅磡黃埔新邨船澳街99號佳富樓地下F號舖

突然想食點心，唔使去茶樓，有好多點心專門店提供方便快捷既途徑俾我地一盅兩件，止下點心癮～點點心既晚市蒸飯套餐好似好抵，只需$35，就可以有一款蒸飯同一碟生菜，有時晚飯諗唔到食咩，呢個都係超方便又健康既選擇～我揀左煎蛋牛肉飯，味道都ok,生菜份量都唔少～我黎呢度係食點心架嘛，分別order左蝦餃、賽螃蟹菜苗餃、蜜汁叉燒腸同「真係菠蘿包」～菠蘿包外皮都幾脆，內餡真係有菠蘿！叉燒腸不過不失，幾滑！兩款餃就比較遜息，睇相都睇到，好似蒸過龍，有啲乾爭爭，破壞左我食點心既心情，點心專門店質素竟然如此⋯⋯

工作既淡季梗係要搵食搵食再搵食啦。今次黎到黃埔接朋友收工，又好耐冇食點心，咁就一於去試試呢間專做點心既鋪頭啦。香煎蘿蔔糕，有粒粒蘿蔔同蠟味係入面，真材實料架！最愛既小籠包，我食個陣總飛哂湯汁出黎，真係冇跨張蝦餃，當然有粒粒大蝦係入面啦！而且個皮唔算厚。灌湯餃，不過有少少失望，略微咸左少少但用足料。食點心當然唔少得係燒賣啦 ，真材實料，總有蝦肉係入面呀總言呢，下個月有外國朋友黎香港暫住，我都會帶佢黎食，因為相當有特色，而且好好味呀

想飲茶但又懶得早起，次次都係去點點心止下飲茶癮😋呢個有個蒸飯餐配一款點心，不過只限堂食今日叫咗個鳳爪排骨飯拼煎蘿蔔糕，抵食之餐😛而且品質都可以，所以長期都咁多人🤪再叫多兩點心SHARE，燒賣大大粒仲有四粒添，味道都比得上茶樓至於腸粉就唔算好滑，而且餡料比較淡味道。腸粉始終都係酒樓最好食

點心多數去酒樓 少去點心專門店 今日試試成日經過嘅點點心！金沙豬仔包 $23有三個嘅嘻嘻 真係豬仔嘅樣 幾得意唔係得個樣！佢都好流沙吓🥰食嗰時要小心熱 同埋一唔小心就漏走晒出嚟😂流沙重鹹蛋黃味 唔錯！芋香蘿蔔仔 $21又係賣相已經贏咗一半 好似蘿蔔🥕出面炸嘅 質地似鹹水角 但無咩蘿蔔味入面個餡佢話係芋香 但其實覺得似紫薯多啲深紫色 都唔算少餡 幾好食！

.呢間既點心既賣相幾得意的！而且幾好食！會encore 🤤👍🏻有吾少分店，我地揀左紅磡店。.金沙肥豬仔 $24豬年應下節🐷仲有得玩🤣好多餡！流沙好好味！口感正🤤.真係菠蘿包 $23因為個名而叫的🤣吾錯，入面真係有菠蘿粒🤣不過個酥皮如果更香脆會更好！.脆皮炸鮮奶 $24炸得好好味😍入面既鮮奶夠滑👍🏻.芋香蘿蔔仔 $21賣相有創意！入面係芋香泥，正！🤩.陳皮燉原隻雪梨 $25好味又滋潤❤️❤️.同埋我地仲叫左一碟牛肉腸粉，呢個就好普通。

作為點心迷，每次想食點心都去點點心，價格平民又總有一間係附近咁，好方便，每次次次去食都一定叫蝦餃燒賣，次次食咁好食，有質素我最仲意既係脆皮鮮蝦腸，又係每次都會叫既，真係好好味ar依樣好似其他點心舖無得食，我成日都掛住依樣點心，好似食上癮咁😂豬仔流沙包又係我至愛，而今次就叫左樣新野，唔記得左個名，入面有鮮魷豆腐pot既，但依樣就下次唔會再叫la，水汪汪，唔太好食但我仍然係點點心fans放工肚餓都去買外賣食

晏晝落大雨，倒水咁呀陰公，於是唔行得太遠，嚟到呢度飲杯茶算。一坐低，望望menu，原來有午市蒸飯套餐，只係$32蚊，好抵。不過偏偏唔想食飯，好想食點心。嗌左翡翠鮮蝦菠菜餃，一籠三粒，餡料十足，熱氣騰騰。叉燒膠三大條，好多叉燒，粉皮又超軟滑，加埋豉油更好食。再嗌肥豬仔包，即係奶黃流沙包。雖然賣相好勉強，唔討好，但勝在好食。流沙奶黃相對較稠，不過味道有少少蛋黃味，特別香。食飽埋單七十幾，可以坐耐少少會抵啲囉～

星期六日想食吓點心去飲茶本來諗緊喺添好運同點點心中間揀最後決定揀咗點點心想試吓呢個又台灣明星阿緯嚟香港開嘅點心到底同真正嘅港式點心有冇分別呢於是就黎試吓啦但係其實唔係太多人一入嚟就搵到位價錢其實同添好運差唔多嘅咁選擇都幾多壺香片好香茶味胡椒豬肚湯好香胡椒味真係好吸引豬肚都幾入味嘅 好重胡椒味用嚟打個底唔錯到之後嘅章魚肉餅飯其實嗰啲飯呢有加到鼓油好似仲有少少豬油味 甜甜地咁 好開胃呀蝦餃都唔算特別大粒同普通酒樓蝦餃其實冇乜分別個鳳爪排骨我冇食到所以唔知好唔好味呢牛肉腸幾好嘅 啲牛肉夠滑就算擺咗喺腸粉入邊蒸 啲肉質都好彈牙同添好運比 我覺得唔係太大分別唯一嘅分別就係呢度冇添好運嘅脆皮叉燒包啊呢個係無可取代㗎其他其實可以一戰👅

想一盅兩件，又不想去洒樓，便來點心快餐店！選擇都算多，加上都是即叫即蒸，所以要耐心等候。點了藥膳棉花雞，中藥味很濃，不過只在香味上濃，舌尖卻不是太重味。雞柳都算滑滑的鳳爪排骨飯不論外觀或是味道上也是一半半，不過若是要抵肚餓的也可以一叫，因為份量不錯。最後有燒賣，我覺得是最好的，很新鮮，肉量夠肉質是新鮮有彈性，是即叫即蒸的質量！說明是點心快餐，坐位比一般連鎖快餐廳更迫，若是要去進餐，最好不要帶太多東西去！

同朋友狂喜左一晚，起身落街突然心血來潮想飲茶黃埔唔多熟，諗住搵下茶樓，點知班朋友同得一樣懶懶地，見到呢間點點心就費事街同搵，決定入去做定定。間店鋪面唔多大，又無咩位，星期六12點左右都無咩人，心諗應該都麻麻地好食，諗住求求其其食飽就算，點知原來又幾好食喎！😂😂食食下覺發現原來間店上過電視家喎😂真係有眼不識泰山😅細路女唔睇電視🤭🙈四個人仔不斷叫叫叫同加單，食到飽飽，好滿足😂價錢唔算太貴，每人除返都係一百左右，好抵食👍🏻

很少去紅磡區，今天去探朋友賀她添了小寶寶，我們順便到處逛逛。近黃埔有很多食肆，各式都有。我們先吃點東西再去吃薑醋。點心店外面有個電視機播放著小儀主持的飲食節目，當中介紹這兒的菠蘿包(真。菠蘿包）便內進試下。真係菠蘿包 是一客有三個，唔止菠蘿包咁簡單，因為裏面有真菠蘿做餡料，又幾特別又好味喎。賽螃蟹翡翠菜苗餃裏面有鮮蝦及菜苗等，賽螃蟹呢？蝦仁不太爽，但味道也可以。晶瑩鮮蝦餃 樣子很美，蝦同樣是不太爽，但也可以接受。我們還叫了一個陳皮燉原隻雪梨，想滋潤一下，但是雪梨夠稔但太甜了。

味道淡咗些🍚🥢章魚肉餅飯應該是好惹味的，但這裡的很淡，無乜油份，好彩個飯底不錯，飯粒分明，加上調過幾好味的豉油，一頓午餐便完成了。隔離的客人正在品嚐點心，他們吃得津津有味，點心的樣子也很可愛，或者下回都要試下點心啦

太甜的陳皮燉雪梨🍐點點心 有一個特價燉雪梨，満心歡喜的去吃，可是個燉品加得太多糖份，太甜了，而且陳皮好像冇乜味道，陳皮的顏色很淺的，沒有什麼香味，本來想潤一潤，現在似吃加了糖的燉雪梨。