Video
4-min walk from Exit A2, Sheung Wan MTR Station
continue reading
Telephone
35210868
Additional Information
General Restaurant Licence Number: 2218808315
Opening Hours
Today
10:00 - 22:00
Mon - Sun
10:00 - 22:00
Above information is for reference only. Please check details with the restaurant.
起29/11，因為同親戚走左去上環，所以入左呢間店試下。環境似舊式茶樓格局，不過都算乾淨。我同我親戚當時就叫左唔同架點心同飯。點樣果邊就講過佢地嘅點心係手工整成。當時最為推薦嘅就係手工炸流心奶黃包，外脆內軟，奶黃會爆出來，超正。煎蛋牛肉飯都唔錯，牛肉新鮮，飯味都唔錯。素鮮竹卷食材都幾豐富下。整體來講手工點心幾好幾新鮮，值得食下。
continue reading
平時食開連鎖大牌子酒樓朋友介紹：不如試吓呢間點心小店門外長期排隊 深受歐美日韓遊客歡迎食過一次之後 都忍不住回頭幾次店內點心全部自家新鮮製作 非攞貨Hea你 絕對有誠意特別推薦：蒜香炸春卷 雪山叉燒包 乾炒牛河乾炒牛河真心有驚喜 炒得很香很乾身 河粉煙煙韌韌 雪山叉燒包絕對比得上大牌米芝蓮點心 轉香炸春卷點醋 香口得來又不會太滯亦都試過佢嘅招牌春風得意腸 有別於一般用油炸鬼蝦滑 店家係春卷做餡 所以更加脆口 唯一覺得腸粉皮可以做得更薄 略嫌有啲厚粉總括而言，絕對值得一試的點心店
continue reading
紮根上環嘅聚點坊，相信街坊同上班族都唔陌生，今日我哋午市時間去，目測9成滿座，唔需要等位，唔算闊落，志在嘆番一盅兩件。先嚟春風得意腸，熱氣騰騰，內裏嘅腐皮卷夠脆，而醬汁甘甜，可謂開個靚頭。淮山雞扎，包裹喺腐皮下嘅冬菇、魚肚、雞肉、淮山好似一幅描畫山水同飛鳥嘅水墨畫，內容豐富而輕描淡寫，試得出餐廳對食材嘅處理。我哋嘅第一感受係：不過不失啦。而點心之王嘅蝦餃，就比到少少驚喜，蝦餃皮厚薄彈性適中，蝦肉彈牙爽口，筍粒帶嚟些微清爽，平民點心嚟講，加上堂食熱辣辣有加成，冇挑剔嘅位。相反，我哋每次飲茶，或者食上海嘢都必嗌嘅小籠包，偏厚嘅皮遇上蒸得太耐嘅問題，令到口感過硬同「食麵粉」嘅感覺，湯汁唔多亦有啲扣分。廣東酒樓每枱一盅嘅鳳爪排骨飯，我哋偏好硬飯同多汁，硬橋硬馬，唔會暴露肉類，特別係排骨嘅雪藏味。呢盅飯就正好滿足上述條件。成餐飯嚟講，茶水就一定冇茶樓咁靚，呢度嘅點心夠熱，「一熱遮三醜」，至少食得滿足。食物味道偏濃，健康路線嘅朋友或者老人家要注意。印象中聚點坊係COVID期間頭幾間出現個案嘅鋪頭，好彩捱過疫情，唔係嘅話街坊街里又少一個嘆平民點心嘅聚處(5個點心加茶水大概150，中上環嚟講算make sense嘅)。嚟緊會繼續寫食評記錄我哋去過嘅餐廳，多謝支持。
continue reading
樓面有兩個上菜嬸嬸 兩位男士。四個人服務過五十人嘅樓面。非常之頻撲。第一次問疑似經理嘅男士攞辣椒醬，等左幾分鐘見佢來來回回幾次都未有，於是再問。今次佢立刻有俾。之後牛肉球覺得喼汁唔夠。老實講見到四個樓面無時停都唔知問邊個好。已經一路觀察佢地面色係咪好忙，等嬸嬸A上完菜回程先問其中一個。佢好似聽到 但係無任何回應。於是我再等幾分鐘，都係無。我啲牛肉球已經開始涼。於是又觀察下等另一個嬸嬸B上完菜回程先問，佢亦都無俾回應我。等左一陣，都無。咁唔知係咪上菜嬸嬸係唔負責其他服務只係負責上菜啦。於是我問貌似經理嘅男士。呢五次我每次都係正常有禮貌咁問 唔該可唔可以俾辣椒醬/喼汁我。老實講我覺得我已經好體諒佢地忙。食飯變左觀察邊個得閒，叫左要估究竟等幾多分鐘先知佢地係唔記得定聽唔到....見佢地咁忙 我都覺得算數，無投訴亦繼續保持禮貌。咁呢次問呢個經理，佢有即刻俾喼汁我，而嬸嬸B又咁岩又俾喼汁我，然後呢位經理就辣慶左啦。佢話類似係”你問幾個人攞野 我地好唔得閒點點點” 我話”問左幾次所以再問呀。”（老實講我一啲唔耐煩唔客氣都無反而俾你鬧翻轉頭，你唔係唔知你樓面嘅人真係會唔記得野 或者要再催先會上到野）佢又話”唔通我地幾個人好得閒棟係度？”（唔係 作為顧客我只係想有合理要求之後 問左想知道會唔會黎 同埋唔洗問幾次啫）我話”問左幾次都無先再問啫”。然後佢就話牛肉球裡面已經有喼汁 （我枱上面食剩一個半牛肉球你見到嘅 我唔係唔知咩味）我話唔夠喼汁呀 佢話唔夠咪叫咯 （咁所以我叫咯）成件事一句唔好意思都無。基本上錯嘅完全係我。佢覺得佢地人手唔夠服務不周，係正常合理嘅。持平啲講 佢唔係好惡咁鬧我嘅 但係你做野做到無耐性 好似都唔係咁樣話返個顧客轉頭喔 你人手唔夠搞到個客要不停問 仲要照顧你地係咪好忙連叫個汁都要小心翼翼 員工唔記得左都好似唔應該再問唔知做乜要受呢個氣😅
continue reading
呢間餐廳我覺得主要都係招呼啲外國人台台都係講英文人少d見到本地呀佰你可以攞個指標冇乜本地阿佰多英文人都應該唔係嗰回事不過勝在價錢幾平好唔好食就見仁見智啦都勉強可以落肚呢間嘢出奇地都叫做有啲service 總括嚟講以呢個價錢冇乜嘢投訴唯一我覺得唔好嘅就係佢嘅炸嘢有油益味當佢一間快餐點心店啦
continue reading