點天下 (Closed)

8號風球冇乜餐廳開經過點心鋪入去不妨一試 點心即叫即蒸😋😋😋本人推介雞扎同蝦餃我自己唔鍾意食芋頭 雞扎只有好大舊的魚肚 雞同冬菇另外 蝦餃 九成都系蝦 足料十足👍👍其他點心都幾好食👍👍👍👍

已經叫過幾次，見無人點評，我都比下評論，可惜無影相。套餐飯+ 點心鳳爪排骨飯 + 牛肉燒賣排骨飯濃味，飯唔會太濕👍份量正常，可能我細食，但食半盒已經飽牛肉燒賣，味精感覺唔重，牛肉有口感雞球大包我的最愛，一定有偏見，但已經好少地方有。蛋黃，臘腸，香菇，彈牙雞球全部元素有齊。已經比我第二餐食埋燒賣及奄春蛋燒賣彈牙，味道夠，蝦同肥豬肉比例合理，個人覺得水準之作蒸排骨甩骨，夠味。份量多，如果唔配南瓜更好（我唔食南瓜）鮮竹卷正常合理蒸牛肚最失望係呢個，極淡口，無沙茶味整體上，以佢嘅價錢，已經交足功課，希望繼續加油努力

難得見新開張 又想食山竹牛肉，決定試試！於門口見到個晚餐廣告，蒸飯加點心套餐49蚊！叫左個咸魚肉餅飯（大） 同山竹牛肉！女侍應聲稱每樣野都係即叫即蒸要等約15分鐘如果慢工出細貨，15分鐘冇所謂啦返到屋企打開，先評論 山竹牛肉！彈牙爽口，支竹都幾多，缺點就係果兜（啲汁）太細，汁又少！撈牛肉球食好困難.... 8分！當食完山竹牛肉後，仲係好肚餓，好奇怪！再打開咸魚肉餅飯，好失望！d飯少得好可憐...飯就完全冇米香！再討論塊肉餅...簿到好似張紙咁..完全唔彈牙！最後係所謂既咸魚...比哂d骨位我，幾條骨？肉呢？呢碗野比既豉油又係超過份，比太多豉油啦！唔知以為豉油係例湯囉！當所有野食哂之後，完全唔飽肚！都唔知自己食過d咩，49蚊黎講唔合格唔會再有下一次