DKLM Bar & Restaurant (Closed)

本約咗1300，但我地12:58到咗及坐咗響到，坐咗半個鐘先見到有人響到，但當時全店己有幾個客坐咗響到等食，只得一個人響到😓完全唔夠人手再坐半個鐘就落單叫咗第一個餸，“海鮮龍蝦忌廉汁意粉”，食時竟比咗兩隻紙碟及兩隻膠叉🤔(心諗：唔喺懶到唔想洗嘢吖嗎)食時個味道：覺得有啲鹹+有啲沙😓之後再叫個“安格斯牛迷你漢堡伴車打芝士及松露薯條”，味道：唔錯，個薯條要趁熱食🍟最後再叫個“千島海鮮薄餅”，等咗個半鐘多都未有得食😓(心諗：差過麵粉+焗個批，再個法式餐都唔洗咁內呀～)最終響1536食到個批了，味道：幾好，但唔夠熱飲完杯水先見個杯底有條頭髮響到😓本人喺長髮，何來有條短頭髮喺度🤔PS：當日唔趕時間又冇第二個地點去嘅可嚟呢間食，落咗order後，每個嘢食太概要等個幾鐘到

呢日有嘢喺尖沙咀要做，順便同朋友喺尖沙咀食埋個lunch ,喺openrice睇下附近有咩食，見到呢間酒吧餐廳午餐時間有6折（除了chef special)，即刻訂位上去食🙈餐廳座位唔算多，中間擺左一張大嘅波枱，不過我唔識玩，唔獻醜，如果唔係都可以玩返舖😂同埋如果VIP房無人訂可以入去唱歌添架，不過趕時間就無唱了。另外餐廳係有shisha架，好似都唔錯，下次可以再試安格斯牛肉迷你漢堡伴車打芝士及松露薯條 $88漢堡唔錯，牛肉幾軟，煎得幾香，迷你size容易食，薯條好好味，啱啱炸起熱辣辣，味道都適中香煎三文魚扒伴蕃茄忌廉汁扁意粉 $98三文魚煎得幾香，不過味道有少少淡，意粉幾彈牙，唔會太腍，但個蕃茄忌廉汁就比較淡左少少所有lunch set都可以加多$10~$38加唔同嘅飲品，我地都揀左$28橙雜特飲，酸酸地嘅有汽飲品，唔錯

星期六想放鬆下,又想玩桌球,就選了間有好多野玩既酒吧!冇諗過星期六仲有SET LUNCH,飲品加主食都好抵食下,而且有好多款式。朋友叫左個迷你牛肉漢堡午餐,仲有好香既黑松露薯條同埋HAM包住鮮露筍,超驚喜。忍唔住偷左好多條朋友既薯條黎食。呢個份量岩一人食,亦岩分享黎食。而我就叫左個海鮮白汁意粉,味道同平時食開既有少少唔同,但好好味!跟餐我地加左杯蘋果汁,抵飲呀!另外仲有任REFILL既蝦條!我地係度吹左好耐水!

🍺朋友放Lunch hour 約咗我去酒吧chill 下，短暫抖下氣。一入去見到搶眼嘅霓虹燈牌，門口仲有beer pong，諗到日頭去酒吧都幾得意，身邊人好少會咁做。聽講Shisha 唔錯，如果vip房無人訂，可以入去唱歌。本來想點廚師推介嘅龍蝦意粉同牛扒，不過是日售罄。所以，我哋叫咗🐟香煎三文魚扒蕃茄忌廉汁扁意粉$98啖啖魚肉帶少量骨， 蕃茄味濃郁，忌廉味道唔算突出，但係令意粉更滑溜濕潤。 🌭德國香腸拼盤配薯蓉$88香腸種類有3款以上，無辣腸啱曬唔食辣嘅人，估唔到仲有原條芝士腸。我哋諗住係打蛇餅/長條嘅香腸，不過已經係切成細細件🤣，食得幾方便。薯蓉自動轉咗做薯條，不過都幾香脆。 +$10 蘋果汁返工返學唔想飲酒，都可以飲蘋果汁消化下。比較多冰，可以叫少冰。

DKLM Bar & Restaurant🌟整體: 真係DKLM ～酒吧都有lunch 食 午市套餐仲有6折(除chef special)🏠環境: 典型酒吧裝修 bar枱 高身枱果D不過都有D大sofa 所以都坐得okie 見佢咁多shisha 用具 應該都唔錯～ 有一間VIP房無人book，可以入去唱歌🧑🏻‍🍳服務: ✔️ ☆║．．．．．．．．．．．．．║☆‼️迷你安格斯牛肉漢堡配車打芝士及黑松露薯條 $88 好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ burger 細細舊 幾得意 包皮脆 肉ok juicy ✅ 大大兜 粗薯條 有黑松露醬喺面 唔會太咸 有黑松露香味 飽到傻✅ 仲有兩舊ham 包住D沙律菜 好似一個食完一大堆肥膩野贖罪嘅item咁 ‼️ 軟殼蟹迷你漢堡伴蟹肉醬及松露薯條 $128好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 個包同薯條同上面一樣 不過主角唔同咗 係軟殼蟹✅ 成隻加炸漿炸起咗 仲砌到成隻蟹咁 擺盤上加D分 食落脆 而重蟹味📍 尖沙咀金巴利道40號MW Plaza 2樓2/F, MW Pla

<<DKLM的抵食❗>>同朋友係尖沙咀美麗華 staycation, 諗住附近食飯再 check-in~Openrice一揾見到餐廳個名咁得意，於是拜候一下。上去見到格局係酒吧式餐廳，大大張桌球枱，仲有好多壁畫同螢光裝飾~打卡夠靚☺最愛中指侵侵🌚.叫完野食同店主傾咗陣~佢話如果 VIP房冇人訂，仲可以入去唱 K!😍不過見有人唱緊，下次要早 d黎霸位先😂. 🟥軟殼蟹，野菌松露忌廉汁意粉🦀🟧大大隻的軟殼蟹即叫即炸夠酥脆，配上 creamy白汁雙重享受~醬汁亦唔會太濃令到好漏，仲好大份2個人食唔哂😆. 🟨千島海鮮Pizza🍕🟩薄底 Pizza超級香脆，食到卜卜聲😂每塊 pizza都有大大塊的三文魚好豐富.🟦鐵板牛油蒜香燒青口🟪鐵板上咋咋聲😎熱辣辣，蒜蓉好多好惹味.🟫飲品🍹🟫加$10仲可以配果汁，橙/蘋果/菠蘿/紅莓汁~超多選擇☺.跟住後尾俾錢，見到咁平以為計錯數😂店主話原來而家午市做緊6折❗真係好抵❗.仲有！夜晚黎除咗飲酒，仲可以食 shisha添😍下次我都係要夜晚再黎~要唱 K篤波 shisha😎..

平日放工同朋友Happy Hour, 大家都揀左個中間點，咁岩平時夜晚都去開尖沙咀既DKLM Bar & Restaurant飲酒 ，所以今次Happy Hour 都去左佢既晚餐質素。平時7點嘅時間比較早，所以唔洗等位，直接有得入!叫左自己最鐘意既德國酥脆咸豬手，依一個非常出色，皮脆肉入味，如果唔係食得太多會濟，真係想食多個。而蜜糖香燒雞翼 (5pcs)，反而有啲失望，因為菜式好似無咩蜜糖燒嘅味道，反而似瑞士雞翼。整體黎講唔錯，因為豬手比左好多分。

抵食午市套餐 酥脆黑松露薯條～～～今晚想食打邊爐 所以星期六一瞓醒 即刻過嚟尖沙咀呢邊諗住去Donki買番啲火鍋料 去行Donki之前 順道喺附近嘅呢一間餐廳食咗個午餐 佢哋嘅午市套餐幾抵食 一共有七個套餐 +20幾蚊左右 仲會有埋酒 差唔多係平時嘢食嘅六折 幾抵食～～～餐廳環境幾舒服 墻上霓虹燈裝飾 加埋暗暗地啲嘅環境 同埋背景嘅港式音樂 就算晏晝都令人覺得有種置身於酒吧嘅感覺 下次可以夜晚嚟shisha同飲酒🍴～～～你我地最後揀咗 軟殼蟹迷你漢堡伴蟹肉醬及松露薯條 同埋燒美國極黑豬扒伴黑醋燒汁 再另外加咗$28叫咗杯紅酒～～～軟殼蟹迷你漢堡伴蟹肉醬及松露薯條：迷你漢堡的的骰骰 麵包柔軟 中間嘅軟殼蟹好香脆 食落去整體感覺唔會好油膩 黑松露薯條散發住淡淡嘅黑松露香氣 薯條都係新鮮即炸 幾香脆 中間嘅薯幾綿密 唔會好重空氣感🍟～～～美國極黑豬扒伴黑醋燒汁：極黑豬扒7分瘦3分肥 食落去肉質彈牙 幾有豬味 加埋黑醋燒汁 整體調味唔會太濃 頗開胃 同紅酒🍷幾夾 呢個價錢黎講 性價比唔錯～～～DKLM Bar & Restaurant (尖沙咀)尖沙咀金巴利道40號MW Plaza 2樓

DKLM Bar & Restaurant地址：尖沙咀金巴利道40號MW Plaza 2樓去拍拖拖，假日中午我地都鐘意食西餐或cafe 飲下咖啡，無咁heavy 寫意地慢活感受一天。除chef special午市套餐6折起，本身lunch set原價只係$78 起，折左平過食茶餐廳，仲可以有budget 多點個小食或甜品添$88 德國香腸拼盤加炸著條，因為呢度有pool 桌球玩，成間野都覺得走酒吧路線，通常我去酒吧都點腸仔雞翼呢類小食。德國腸味濃郁，切成一口食用大小，薯條又夠脆。$88 黑豚肉扒黑醋汁,有兩大塊伴炸著條，好抵食呀！肉汁豐富好咬口。lunch 加錢跟飲品，有beer 添,$20 half pint beer，唔怕醉 餐廳偏向酒吧路線，仲有酒同shisha, vip房可以入去唱歌

位於尖沙咀金巴利道的MW Plaza, 地點十分方便, 而且樓上舖的關係, 唔算多人, 十分適合朋友聚會。香煎三文魚伴蕃茄忌廉意粉, 三文魚外層煎得香脆, 內層嫩滑, 配上甜酸比例恰當的蕃茄忌廉意粉, 好好食! 覺得份量可以再多D, 因為真係太好食。安格斯牛肉迷你漢堡伴車打芝士及松露薯條, 松露薯條即炸即食十分香口, 松露味亦都好香濃, 而安格斯牛肉迷你漢堡就細細件好得意, 味道唔錯。安格斯肉眼牛扒伴香菌燒汁, 叫左五成熟, 黎到煎到岩岩好, 同埋都幾大塊, 好適合同朋友分享一齊食。美國極黑豬扒伴黑醋燒汁, 豬扒有驚喜! 好怕食到好柴的豬扒, 但依塊唔會, 軟硬適中仲有少少肉汁, 配上黑醋燒汁味道好夾, 另外配菜有薯條同沙律菜, 自己一個食都幾飽。星期六下午唔算多人,同埋果度有間K房可以唱K, 相信好適合一大班朋友食飯傾計飲下酒。

作為神徒，星期六去咗尖沙咀影教主塊巨型廣告牌😍。由於唔知要排幾耐，所以無一早搵定食乜。搞掂之後喺Openrice睇下附近有乜訂枱優惠，就比我發現咗「DKLM Bar& Restaurant」。經網上訂枱可享折扣優惠，下午茶時間更低至55折。不過店員話餐廳現時都做緊午市套餐6折嘅著數推廣(Chef Special除外)，計落真係好抵食喎🤪。黑松露巴馬火腿薄餅併火箭菜($98)，🍕薄餅幾有驚喜喎，薄餅堅薄，又香又脆，大大減低咗飽滯感，有啲似食緊餅乾。同時，配料方面亦處理得好好，🥓巴馬火腿鹹香十足，佢同黑松露醬及火箭菜好夾，加埋茄醬底，每啖食都感覺豐富。意式肉醬意粉($88)，🍝意粉造型比較普通，佢並非拎去焗製，所以好澎湃嘅拉絲芝士效果欠奉，相反以芝士粉取替。不過味道係水準以上，麵條採用扁意粉，口感幾好，有嚼勁。肉醬份量多，入味夠多汁，所以整體食落唔會乾身。椒鹽脆炸花枝丸($48)，餐牌寫一客得四粒，但出到嚟有五粒，好似賺咗咁😛。大大粒花枝丸炸到金黃色，質感爽彈，外皮酥脆之餘，仲灑上椒鹽，非常惹味，成個感覺好似台灣夜市小食🦑。由於係酒吧，餐廳晏晝都會為客人送上一大杯蝦片🍤。總括嚟講，如果行經

今天lunch到了尖沙咀一間樓上bar, 原來bar的選擇也很多, 而且午市套餐六折起！德國香腸拼盤半薯蓉及洋蔥燒汁 $88這個拼盤裏面有四至五種不同香腸，可以滿足不同人的需要，旁邊的薯條炸得非常香脆！燒美國極黑豬扒伴黑醋燒汁 $98黑豬肉 Kurobuta Pork 原來是一種很優質的食材，豬肉至今還是鹿兒島重要的產物，豬肉扒非常厚，燒得香口，肉質比較厚實，而旁邊的燒汁配起這個豬肉非常夾，還可以已旁邊的海鹽黑椒調味套餐加$20 可享用Stella 生啤 250ml加$28 可享用橙雜特飲，這個特飲甜甜的非常可口

適逢奧運期間，餐廳都有多部電視做直播～有Shisha有K房，多人party都好夠玩仲有鏢機同酒game，唔怕悶本身已經唔貴，午餐仲可以６折 ！超抵食香煎三文魚伴蕃茄忌廉意粉三文魚煎得外脆內嫩，份量都唔細！蕃茄汁超開胃，一人份量岩岩好安格斯牛肉迷你漢堡伴車打芝士及松露薯條貪心想食幾款就唔好錯過，松露超香超多，漢堡包都香口，牛肉味濃。安格斯肉眼牛扒伴香菌燒汁肉眼扒好juicy，５成熟岩岩好，厚肉但冇筋，肉淋，個菌汁好重菇味，非常夾美國極黑豬扒伴黑醋燒汁一上黎同牛扒有D似，豬扒鬆軟，油脂均勻，大火煎香引人垂涎～

夜晚是酒吧，lunch就餐廳😆尖沙咀午餐地方輕輕鬆鬆不用等位~現時午餐menu有六折優惠，非常抵食！🥢安格斯漢堡伴黑松露薯條打卡之選~😆味道也不錯！Parma ham捲沙律菜再加黑松露，風味同味道都配搭得很好，吃起來非常清爽！🤩黑松露薯條的黑松露醬一點都不小氣，非常大方！喜歡黑松露的朋友應該會很喜歡😆安格斯牛扒迷你版兩個，很可愛☺️看起來份量不大，但其實十分之飽肚。👍🥢龍蝦汁海鮮意大利粉是龍蝦汁不是龍蝦😆海鮮的份量多！又有青口，又有海蝦，又有蜆肉！豐富有滿足😆意大利粉的軟硬適中，龍蝦汁有龍蝦的鮮味，有沒有太鹹，味道是下了功夫😆PS 夜晚有水煙提供、還有vip房可以唱k

今次第一次過黎試左呢間既set lunch, 入面係似bar restaurant既感覺，好多部電視，仲有snooker 枱。lunch 冇咩人，得我地一枱客，set lunch 都幾多選擇，我地分別叫左軟殼蟹野菌松露意粉，德國香腸配薯菜 同埋 燒牛扒。可惜佢set lunch 係冇湯冇野飲，要另加錢。等左30分鐘左右，野食終於到，d 野食唔錯，份量唔會太多又唔會太少。幾好味雖然野食唔錯，但如果set lunch 包埋餐飲，會似set lunch 多d 🤣🤣