Video
5-min walk from Exit B, Whampoa MTR Station
continue reading
Opening Hours
Mon - Sun
11:30 - 22:00
Above information is for reference only. Please check details with the restaurant.
係黃埔返左咁耐工，都未去食過，老公過左黎搵我食飯，咁試下依間啦。睇完個餐牌，價錢係依區黎講都唔算平，隔離幾條街真係街坊價，但係一見到隔離檯叫嘅食物，就知道依個價錢係值得俾嘅。我老公叩左依個壽司ＳＥＴ，又有湯，沙律，烏冬，飯團，壽司，好多。佢一個人食都話飽。當然食物質素都好好因為我事前唔知道大家嘅分量，所以我叫左雜錦魚生飯，出到黎原來仲大碗，又好多料，而且都幾新鮮，係唯一我唔鐘意咁多天婦羅嘅炸粉係度，好奇怪咁。但係overall係好味嘅，而且我又有湯同沙律，又係飽到上心口。雖然依個lunch set唔平，２個人都要差不多3百幾4百，但係周不時食下都幾好嘅。而且侍應都幾有禮貌，所以會再有下次～
continue reading
率之到偽情人同我食生日飯喇我就決定食日本嘢咁我呢個僞情人好嘴刁嘅就叫佢幫我揀一間囉佢話呢度有款壽司好正，同埋刺身好新鮮嘴刁情人係不用懷疑，Gogogo一嚟就嗌咗個10款刺身同埋松葉蟹三文魚子壽司先講壽司，佢有啲類似好鬆脆嘅肉鬆喺面蟹子又唔腥，雖然佢個松葉蟹味唔太出不過有蟹子又有鬆脆野混住一齊食好正另外個碟刺身，基本上所有都好新鮮除左海膽好腥之外，最最最令我同情人食左雙跟發光嘅係個拖羅，入口即溶，D油花感覺到係口中四濺😱😱好食到呢我哋即刻兩個想散叫一碟點知發現差不多要兩舊水一碟😱😱我哋覺得好唔抵然後喺度考慮緊不如叫多碟刺身拼盤都係$468，但我哋又低估左刺身嘅飽肚力🙈🙈所以再叫咗其他小食🤪
continue reading
這間招牌是天婦羅，點了個天婦羅壽司餐，友人點了天婦羅刺身餐。有沙律，面豉湯，六件壽司，蕎麥麵，天婦羅有兩蝦一魚一南瓜一茄子。壽司鮮美（三文魚，蝦，貝，油甘魚，吞拿魚，黑松露炙燒左口魚邊），其中兩件壽司有三至四件魚生疊起，好正啊！天婦羅炸漿薄身香口，蝦肉彈牙！冷蕎麥麵掛汁，調味剛好，雖然食到最後已經好飽，但都食晒個面！天婦羅刺身餐有四款魚生，每款三至四件，吃不多太多的選擇，價錢貴$10呢間唔駛等位又近屋企，吃天婦羅魚生之選！
continue reading
平時去接另一半都會嚟呢度食個晚餐，其實主要係主打天婦羅同魚生定食，呢個價錢食到天婦羅同刺身其實已經好好，今次就試咗雞扒定食，味道都還可以，因為雞扒嘅醬汁濃烈，即是雪藏雞都唔太覺。不過下次我都係食返魚生或者天婦羅。
continue reading
約咗一個好耐冇見嘅朋友喺黃埔食飯，行過呢間餐廳，見佢價錢唔貴而且個樣都幾靚又幾日式感覺，就決定一試。叫咗一個定食，呢度啲定食最好係組合非常多，我叫呢個就一次過滿足晒我想食嘅嘢，有天婦羅、刺身、烏冬或者蕎麥面，而且上菜嘅擺法非常之吸引，用一個盤放到滿滿咁樣放喺你面前，即時食慾大增，比人好豐富滿足的感覺刺身感覺好新鮮，係吞拿魚放喺啲生菜上面，令到塊生菜有啲紅色的女，唔知嗰啲係咪血水，有少少卻步，建議唔好用生菜放底。但係其他刺身全部味道都鮮味。天婦羅炸粉非常薄，相比出面好多餐廳，通常材料細炸粉多，但呢度明顯材料新鮮而且炸粉少，吃出食材的鮮味，尤其天婦羅蝦最出色，蝦肉非常嫩滑，熟度剛好最可惜我烏冬放喺最後食，已有少少發脹左，同啲脆脆令個烏冬肥膩左，但味道是好吃的，建議先吃整體來講，餐廳環境好，員工服務亦非常之好，會不停為你加水同好快手，食物質素亦好，必定會再食
continue reading