丼丼屋 (Closed)

尋晚我同屋企人去左樂富丼丼屋食團年飯，因為早前經過樂富地鐵站攞左優惠券，原來呢間分店將會係三月頭結業，所以星期一至四晚有買一送一優惠，只要係正價主餐就可以尋晚都算座無虛席，我地五人總共叫左六個主餐，整體來說份量比我之前食嘅細左，但服務都算可以，環境舒適我點左天婦羅餅烏冬，一開始見餐牌寫住每日只限十客，所以去到即刻叫，期望好大，可惜食落有點失望，天婦羅嘅款式有點似餸頭餸尾，有三文魚碎、蟹柳、茄子、菇、一粒帶子......，不過味道好淡，但烏冬就幾好食，口感佳我其他屋企人就點左咖哩豬排滑蛋飯、饅魚飯、炙燒魚生飯、辛辣海鮮烏冬、䐁肉飯，饅魚飯及魚生飯味道不錯，但都係比較細份量，另外豬排飯就唔夠熱雖然食物質素冇之前咁好，但總算開開心心食團年飯，而且埋單只係三百蚊，買一送一嘅優惠好抵食，最後仲有得抽獎，抽到下次食甜品或飲品可以買一送一，可以再試下

今日難得唔洗食飯盒，可以外出食個午餐，樂富唔太熟有咩正嘢，好似有間丼丼屋可以坐得舒服D，所以試一試佢嘅午餐，都幾多嘢揀。價錢由$48至$108！我就揀咗$68豚肉生薑燒定食再加配北海道3.6牛乳軟雪糕😋，同事就叫咗三文魚丼定食，以上午餐都送荔枝凍果茶，本人都喜好荔枝味，所以冇加$5飲奶茶、咖啡。豚肉生薑燒定食好好味，好多肉汁又入味，珍珠米飯量剛好，又有湯飲👍🏼同事食個三文魚丼定食有好大片三文魚，個樣都新鮮，同事好容易肚痛但佢吃完都冇肚痾，應該靠得住！仲有一個小沙律，岩keep fit美媚食！荔枝凍果茶味道都👌🏽 最後，來一個北海道3.6牛乳軟雪糕，奶味濃正到真係不得了！👍🏼👍🏼👍🏼

《丼丼屋》在樂富已營業多年，以前經過都以為它是很高級的一家餐廳，沒有多加留意。這天忽然心血來潮，駐足細看餐牌，原來價錢完全不貴，屬中低價位的日本菜～餐廳店面非常大，能容納很多人，裝飾是那種典型的日式食堂格局。沙律太多麻醬了，但亦有不少豆腐，味道清新且感覺健康。雞中翼裡塞滿了明太子，細細粒很幼細，但味道就被雞肉蓋過了。魚生飯的配料豐富，在眾多魚生中以三文魚和蟹籽最多，因是迷你魚生飯所以飯固然不多，但魚生沒有因此縮水，份量甚至比白飯更多，全部切粒，味道鮮甜。平時吃忌廉汁意粉就多了，烏冬配忌廉汁的配搭反而少吃。味道也不錯，忌廉汁很多，吃完烏冬仍有不少醬汁剩，但煙肉就不太多。烏冬不冷不熱，煙韌彈牙。

樂富廣場真係越來越多嘢食，又多嘢行，所以成日都區內消費！今次帶埋牙仔去食日本野，嘆番個午餐午餐選擇都幾多全部都唔使＄100，他們最有名的都可以選擇，加少少錢又可以升級今次冇加錢要咗他們白桃紅茶，配搭都清新，同紅茶好夾，不用加錢大大杯豚肉溫泉玉子烏冬，肉的份量都多，不過肉質就有點鞋，溫泉蛋最正！不過最好食反而係他們的烏冬，非常煙人，個湯都係清甜雜錦刺身丼，不過刺身份量我就覺得少了一點，種類都不夠多，不過都係新鮮的，加少少豉油芥辣撈埋一齊同食壽司感覺好不同，不過最好食嘅都係個飯，粒粒豐滿，口感好好所以最好的的確要付出貴一點，他們的所有用了都好好，值得

2017年9月27日 (星期三) 11:45am 揉合了現代與傳統的日式料理概念，以日本新潟縣的秋田小町米製作丼飯(日式碗飯)。店內裝潢以時尚樸實為本，感覺舒適和優閑。 環境光亮整潔，餐具乾淨。 為慶祝 ※懶懶熊大聯盟※ 八週年，特地選擇此餐廳用膳。 人數：2人 HK$236不用等位 丼（Donburi）是日文漢字，是一種日式飯食，以大瓷碗盛載著白飯，飯上覆以各款食材。傳統丼包括：牛丼 - 烹煮牛肉與洋蔥後覆於飯面親子丼 - 以雞肉、蛋及洋蔥烹煮覆於飯面。豬扒丼 - 是將豬扒裹上麵包糠後，經油炸而成，油的高溫將肉汁鎖在肉內，混合洋蔥、雞蛋覆於飯面。 什錦刺身丼定食 - 包括：三文魚、吞拿魚、北寄貝、帶子和雞。三文魚肉質軟滑，味道甜美。吞拿魚粉嫩，新鮮可口。北寄貝具咬口，帶子鮮甜。全部款款厚切，完全沒有冷凍感覺和雪藏味道。碗內的珍珠米十分軟綿，一點都不乾硬，在拌勻蟹籽及青瓜片後進食，感覺爽口清新。同時，配合刺身一起吃，味道更是一流！【推介之選】❤❤❤ 蔬菜沙律 - 酸酸甜甜，清涼爽口，開胃之選。( 今次多加了炸蕃薯，脆卜卜，正呀！)【推介之選】❤❤❤ 味噌湯 - 包括：蠔仔、紅蘿蔔和白

野食好吃，但服務一般，叫佢加飯講左唔該6次可以聽唔到無反應，門口的男人點票果個服務認真一般，他會主動問你是否在等位，如果你答唔夠一半人數，他便會唔客氣地再問你是否在等位，你答唔夠半數，佢就會火大黑你面大聲話: 我問你是否在等位呀，好似坐係外面等夠人再入去食都唔得，我先生到左後，佢又黑我先生面，唔陪我先用一齊入座，總之服務一般，不過勝在d 野食好正就真，咁就補返數la ，經理的管理需要改善la 請埋依d 人倏員工影衰公司

星期六早上通常會同爸媽去飯堂飲茶，但今朝起身頭重重，改食晏唔飲茶。唔舒服的時候，通常想去一間舒適的餐廳，點先舒適？唔一定要貴，在於我，最最重要是整間餐廳設計要簡約，不要金碧輝煌，太過華麗，我個頭仲重！其次，沒有嘈雜聲，檯與檯要有一些距離，最後，當然是東西不可太難吃！阿媽想食鰻魚飯，可惡地沒有供應，只提供此貴版本鰻魚飯，可惡👿👿👿 結果，我哋叫了3碗迷你十和田燒牛肉洋蔥丼。牛肉和洋蔥燒得很香，牛肉很好吃，洋蔥很爽甜，整體調味很好👍🏻

是日晚上來到好一段時間沒有的光顧的丼丼屋。餐牌也有了點轉變，除了多添了直盈份旺的丼物和烏冬，套餐也增添了「加大版沙律」和「唐揚炸雞」款式。菜牌以外，還供應節令限定的菜式，盛夏當造期間，供應日本直送的鰻魚。可惜，數量限定關係，是日跟它緣慳一面。是日添了另一款菜牌上較便宜的炭燒雞肉丼（$58）加配沙律套餐（+20），再奇生啤一杯（$38）。丼丼屋樂富店的丼物水準穩定，就是價格定位較高，這款雞肉丼物似乎彌補了這個問題。大約十分鐘，食物一併用漆盤上桌。加大的沙律果然份量多了不少。依舊是羅馬生菜、雜色沙律菜、粟米、車厘茄與和風醬汁的配搭，但上面增添了炸牛蒡片。牛蒡片不只外脆內軟，其甜味也綜和了醬油沙律汁的咸度，更開胃好吃了。主角炭燒雞肉丼（$58）由數塊烤至金黃的雞件、大蔥和香菇組成，感覺挺豐富。味道也是偏向甜身，飯底也澆上了醬汁，吃得時候也滿滿是雞汁和醬甜。日本飯又不會煲得軟爛，雞肉也烤得多汁，十分出色。佐一杯冰鎮杯子盛載的生啤更是下暑呢！至於，麵豉湯也有了轉變，由原有的腩肉片摸成了蜆肉。蜆肉入口無渣，搭配湯底的紅白蘿蔔，味道比以前來得更鮮甜，麵豉味道淡淡提出，筆者十分欣賞日式料理店對時令變化

有一日喺屋企搵到張丼丼屋嘅$100現金券，而竟然未過期，所以誓要去食左佢！因為有張丼丼屋嘅$100coupon，而今日係last day，本身記得大埔有一間分店，點知已經結左業💔所以去左樂富分店。丼丼屋啲野食質素其實係ok，不過價錢唔平，cp值中等，所以之前都係有現金券先黎食樂富地鐵站一出嗰個商場好靚，令到鄰近舖頭有一種小店嘅感覺（但明明就係集團舖頭哈哈）呢間丼丼屋位置係超近地鐵站，一出地鐵站出口，再搭扶手電梯就到。但因為我地一開始唔識去，係商場搵黎搵去都搵唔到，最後要問職員先知道點去。終於到咗喇！見到間店勁開心，因為好熱終於可以入去坐，同埋好大嘅落地玻璃，可以坐係度享受住下午茶。正值下午茶時段，唔太多人。反而最開心係環境，有啲自然陽光曬入黎，很自然的感覺，同埋間店都幾大，所以幾Enjoy坐係度嘆下~點左個超值下午茶之選，滑蛋吉列豬扒丼SET ＄68 呢個套餐包含面鼓湯、沙律、果茶。可惜冇麵食，比較少選擇之中揀左呢個set！面鼓湯：都唔差架，細細一碗都已經有好多材料，男朋友勁鍾意，竟然有蜆肉。沙律：冇平時加嘅沙律醬，但係有好多款蔬菜，食咗都好開胃，但係唔會有飽肚感，所以我可以盡情食個叫

我第一次食這間連鎖店😂店裡環境也乾淨俐落，平日去啦而家都冇咩人食，所以靜靜地幾適合人哋傾計。咁入到去侍應都好好咁比餐牌我哋，咁就揀咗兩個普通嘅飯啊！一個呢就係佢跟餐嘅沙律，其實都OK嘅，普普通通好似平時沙律咁。咁呢個都係跟餐嘅玉子，味道都可以接受。不得不提而杯橙汁，簡直想比負評。正常橙汁都唔會加冰，但佢仲要加冰，分量非常少，簡直係偷工減料啊，佢都唔應該咁hea，本身想換左佢，但算啦有佢。炙燒海鮮丼咁食物方面都咩都唔差嘅，不過不失啦，價錢可能貴咗啲，食完之後好似冇食過野落肚咁。三色鰻魚定食一個鰻魚飯係好食嘅，不過都係果句分量太少，食完一餐飯冇好似冇野落我個肚感。

琴日同屋企人去開樂富購物，行到晏晝，見餓餓地，就去搵吓附近有咩好食。作為日本控既我， 見到丼丼屋，就二話不說決定去呢間食午餐。由於我哋去到嘅時候已經大約兩點半，所以我哋決定點下午茶餐。佢哋下午茶餐有大概九款野食俾你揀，有魚生飯、咖喱飯、炸豬扒滑蛋飯、等等等等。而我今次就點左炸豬扒滑蛋飯。炸豬扒滑蛋飯塊炸豬扒熱辣辣，外皮脆卜卜， 但係裏面啲肉一啲都唔實，非常好食。配埋炸豬扒下面嘅滑蛋撈飯一齊食，成個口感好有層次，非常有日本嘅風味。呢次已經係我第二次食呢個炸豬扒滑蛋飯，質素依然非常好，下次去樂富一定會去返呢間丼丼屋食佢哋呢間炸豬扒滑蛋飯。

今天下午，非常炎熱，在樂富工作完畢，揾午餐食晏，立刻諗到冷氣充裕的丼丼屋，到達時已是2:23分，枱面仍放上午餐牌，詢問下午茶時間是2:30，所以多等幾分鐘即慳返17，因我想食滑蛋吉列豬扒丼定食呢！再加上杯香濃幼滑咖啡，真係悶熱天氣盡消！滑蛋吉列豬扒當定食直得一提是員工服務態度非常好，唔會因你等下午茶餐而比不友善態度，所以我時常都會光顧這間食肆呢！其實工作壓力已爆燈，再去食晏都受氣會令自己心理不平衡，所以我會選擇一些有質素的食肆呢！

約好姊妹去丼丼屋食飯都唔係第一次啦，因為我地都鍾意食日本嘢（成日食元氣/板長🤦🏻‍♀️）但預算💰又唔多，加上北區又無乜特色日本嘢，所以都會揀就近嘅大埔丼丼屋。不過，今次我地想食果日一Search Openrice，先發現原來大埔繼沙田丼丼屋之後都已結業。於是，我地就去咗樂富分店。我地大概7:45pm去到，可能係平日嘅關係，完全唔洗排隊～✌️樂富分店嘅環境比起上述兩間較寬敞，入門口處可以見到有路通往示範廚房搞員工Training或者搞Marketing活動時用。一坐低我地就先叫咗一人一杯蘋果汁。👇弘前黃金農園100%蘋果汁🍎（$25 一杯）清新甘甜的純天然蘋果味道！加一小片薄荷葉增加夏日清爽嘅感覺、幾特別！不過飲落越來越淡，如果不加冰的話應該會更加好飲！閨蜜點了特上盛大蝦海鮮丼（$128）👇我點了吉列大蝦（$63）再加野菜定食（$20）👇雖然芝麻配吉列豚肉比較合適，但喜歡芝麻的我是完全無所謂的🤤小鉢的煮野菜好好味👍，沙律反而一般，吉列大蝦除了炸粉稍微多一點之外，味道是十分不錯的！最後就是甜品時間！我地叫左宇治金時新地+草莓新地👇，裏面加咗爆谷好好味～（請暫時忘記個「肥」字，盡情享受咗先，哈哈

2017年6月8日 (星期四) 11:30am 揉合了現代與傳統的日式料理概念，以日本新潟縣的秋田小町米製作丼飯(日式碗飯)。店內裝潢以時尚樸實為本，感覺舒適和優閑。 環境光亮整潔，餐具乾淨。不用等位 丼（Donburi）是日文漢字，是一種日式飯食，以大瓷碗盛載著白飯，飯上覆以各款食材。傳統丼包括：牛丼 - 烹煮牛肉與洋蔥後覆於飯面親子丼 - 以雞肉、蛋及洋蔥烹煮覆於飯面。豬扒丼 - 是將豬扒裹上麵包糠後，經油炸而成，油的高溫將肉汁鎖在肉內，混合洋蔥、雞蛋覆於飯面。 三色海鮮丼定食 - 包括：三文魚、吞拿魚和油甘魚。三文魚肉質軟滑，味道甜美。吞拿魚粉嫩，新鮮可口。油甘魚則帶有腥味，感覺差了下去。雖然全部都不是厚切，但是完全沒有冷凍感覺和雪藏味道。碗內的珍珠米十分軟綿，一點都不乾硬，而且更是微熱的，令人感到窩心。在配合刺身一起吃，味道簡直一流！【推介之選】❤❤❤ 蔬菜沙律 - 酸酸甜甜，清涼爽口，開胃之選。( 今次粟米粒、車厘茄和蔬菜份量特別多，正呀！) 味噌湯 - 包括：豬肉、紅蘿蔔和白蘿蔔，令味噌味道反而不濃厚，口感一般。 日式炭燒咖啡 - 曾經在其他食店飲過炭燒咖啡，印象味道苦澀；

樂富呢間丼飯餐廳係吾駛排隊，如果您選擇去鑽石山食，咁就大獲,有排您等。今日我點左牛舌丼，刺身丼，仲有炸雞！牛舌味道ok,肉係薄切，刺身丼有蝦，吞拿魚，帶子，三文魚，都滿足倒，炸雞新鮮炸，整體滿意，價錢偏貴！