丼丼屋 (Closed)

上次光顧吃燒牛肉定食後，說過下次要試試炸物，所以今天點的是咖喱吉列豬扒定食。嘩，咸到哩.........，個炸皮真係好咸，好似有層鹽喺度咁，個皮係好香脆，豬扒都厚身鬆軟，但係真係好咸；個咖喱比我食開嘅日本咖喱偏辣，結果係又咸又辣........咖喱吉列豬扒飯定食$73，要加一，上次跟餐沙律落左WASABI，吃不下去，這次改了柚子醋，但價錢和食物質素如此，我想沒有下次了。(這裡奪去了我第一個「喊」，恭喜恭喜)

去年3月11日, 日本發生大地震, 今年今日, 為了紀念此日, 丼丼屋是日所售的丼丼定食, 不扣除成本, 全數捐出, 我同好友約定今天前來午餐以示嚮應, 時間大約3:00, 用餐的人不多, 看過餐牌, 除了丼丼定食外, 另要了一份滑蛋雞肉丼先來滑蛋雞肉丼, 賣相精美, 飯面上不但滿佈滑蛋和雞肉, 另有甜美的洋蔥, 入口惹味, 搯一匙飯, 蛋槳除除滲入飯中, 飯更覺濕潤, 至於雞肉, 配合豐富的蛋槳一同吃, 雖則更加嫩滑美味, 可惜致飯身偏軟, 咬口不足, 欠了日本米應有的一點煙韌和黏稠接著而來的丼丼定食是由一小份量的烏東加一小份量的牛肉飯組成, 套餐跟有蘿蔔漬物, 沙律, 牛蒡絲小食和麵豉湯 黃色的蘿蔔漬物, 薄薄一片, 入口爽甜, 牛蒡絲也同樣爽口, 還有沙律, 材料有車厘茄, 生菜, 粟米, 混入沙侓醋, 口感偏咸, 個人喜歡芝麻醬較多, 最後的麵豉湯, 幸好入口不太咸扁身的稻庭烏冬, 入口薄而煙韌, 滑溜彈牙, 再吃牛肉飯丼丼, 配以幾片的薄燒牛肉, 微燋, 生熟程度煎得剛好, 很有嚼勁, 而且, 此牛肉飯入口比吃滑蛋雞肉丼的飯來得煙韌及帶點黏性, 個人喜歡此口感多些

晚上約九時，人不算多。因此在這間新開的日或食店用膳 ：p點了兩種食品。1， 滑蛋雞（$48）： 等待5~7分鐘上檯。半熟的蛋﹐拼上了入味的雞，吃起來有滑、暖以及雞肉的口感。還有日本米再上洋蔥，比想象中大碗呢。2，鹽燒雞（$30多）：比較遲上檯，可能近晚上九時吧。雞件像雞球。吃下去很脆，而且慢慢細吃下很爽。等久了也很值得。

今日約了大班朋友下午去樂富探新生 BB, 探訪前先解決午餐問題,老婆話想試試丼丼屋, 好吧, 即管一試.12:45 去到門口, 已經有一班人等位中, 大約 30 分鐘後有位.老婆要了滑蛋雞肉丼, 我就叫咗滑蛋豬扒丼另外加多個小食芝士薯餅, 再加多杯雪糕宇治抺茶雪糕新地落單後大約 15 分鐘, 先上滑蛋雞肉丼, 5 分鐘, 再上滑蛋豬扒丼.兩個丼啲滑蛋真的不錯, 蛋香而且真係幾滑, 加上甜甜的洋蔥, 配飯一流.可惜雞肉很"鞋", not good, 豬扒十分普通, just OK.兩個飯食哂啦, 但個芝士薯餅仲未嚟, 等了又等的情況下, 由落單計起超過 30 分鐘先有得食.好在, 呢個芝士薯餅整得唔錯, 芝士味雖然不太濃, 但炸得外脆內軟, 香脆可口小食食完, 可以上埋個宇治抺茶雪糕新地啦, 雪糕香滑加上綠茶紅豆, 不錯, 但可惜細杯咗啲.埋單連加一 $185.9

在公司附近新開張的丼丼屋食堂，同事們都踴躍試食，第一批同事的意見是--好貴，今天到我親身嘗試。燒牛肉丼定食：睇MENU的燒牛肉好吸引，成日食吉野家牛肉飯，今次點個貴啲嘅燒牛肉，先食沙律，有陣刺鼻嘅味，好熟識........後尾知啦，中招！WASABI.............點解沙律要放WASABI嘅本來個沙律材料好新鮮，我嘗試食多一兩啖，但真係頂唔順，放棄左。再食燒牛肉飯，碗入裡嘅食物係個碗嘅一半，牛肉份量算多，少少韌有肉汁，燒烤味，食左幾舊開始有啲辣，應該係七味粉，珍珠米好食，汁就多左啲，因為汁係甜，無多啲飯送食落會有啲漏，碗飯女士食都會差啲，男士根本就唔夠飽。燒牛肉丼定食$73，飯加麵豉湯加沙律加蘿蔔乾，加一，跟餐加$10有咖啡或北海道牛乳雪糕。午市套餐最平的是牛肉丼定食，都要$50一個午餐要$80，太貴了，味道不至於非食不可，再到訪的話，會試試炸豬扒/炸類，看看還有沒有滄海遺「豬」。

可能因個人偏好紫色。。。 在樂富區上班的我每天都看著這廣告牌等待它開業。今天，終於都等到 丼丼屋 正式開業了！ 中午就馬上來試試喔 兩點來到要等位呢~ 看來新開將吸引:不少人來試。等了大概五分鐘，可以進去了。侍應都很有禮貌，雖然有些90後新手不大上手，但看得出也是勤力的 我挺喜歡這裏的環境 （可能因為它的紫色 xDDD) 旁邊用了落地玻璃，白天時當然光猛，還有開揚，舒適的感覺。點菜：之前試過了鑽石山分店的牛烏冬和芝士薯餅，好味的　^^ 。。。今次試別的*點了： 蔥燒豚肉丼~~ 燒玉子ummm... 上菜方面比較慢～先上了燒玉子，　我覺得略為乾了一點，有點老...如果玉子juicy d 會比較好呢~~而蔥燒豚肉丼～　（包括沙律．麵豉湯）沙律菜生鮮爽脆．醋汁配合。蔥燒豚肉飯的份量略偏小了一點．　洋蔥，豚肉之比例洋蔥偏多．豚肉如果多一點肉汗會好味一點啊～　比較欣賞米飯的口感．用上珍珠米，加上碗底有肉汁．份外美味　價錢方面，　在樂富廣場來說是偏貴了．　　可能人們寧願選擇去別家的日式餐廳　=]

個人不喜歡這裏的三文魚刺身，烏冬的湯底還不錯，壽司的飯如果軟一點就好了，我最愛咖喱，夠味道。空間夠大，不會覺得擠迫。總體來說，這間店子環境和食物也不壞，可以嘗試。當時只是匆忙地淺嘗，希望有人能完善。