丼一日式燒肉丼 (荃灣千色匯II)

Open Now

Now Closed

今晚相約朋友一試，叫了主食和一些小食。當中吉列豬扒及芝士漢堡CP值極高，原來吉豬是即叫即炸，而漢堡扒內的流心芝士亦是一絕。而小食中的雞腎及雞皮亦非常美味，絕對可以再試。老闆亦非常友善。

今日叫外賣第一次試左呢間個飯名 幾吸引 日本巨鰻魚飯 嚟到係咁 又細又薄就唔好叫巨鰻魚啦仲細條過普通鰻魚飯仲要得小小汁 大部分食白飯😩價錢成$80 唔包飲品完全唔值呢個價錢可能去堂食會平d 但唔會再有下次 希望店舖留意下 或者減返個巨字 唔好再呃人

下午茶時段嚟叫咗個迷你祖燒牛肉飯及燒帆立貝，加一杯奶茶，承為37大元。此時段人流少，店內客人屈指可數，侍應服務態度良好。環境十分乾淨，坐得十分舒適，惟某些位置要坐木凳，坐得久可能會有些不適。迷你牛肉飯，菜不少，對比其他地方最多得幾條菜的牛肉飯，這方面對我這些需多吃菜的人很不錯。牛肉很香，不會煮過頭，又不會太軟，調味帶點甜味，香且好吃。惟牛肉量較少，可能是因為迷你餐關係。燒帆立貝也很不錯，推薦！奶茶則是快餐店水準，不過不失。會再來👍

晏晝去完銀行急急腳搵間餐廳食飯，見到呢間似係快手食到所以入去。坐低發現全場都係男士😆應該大碗兼一定飽 🙌🐾三色燒牛肉飯 $57睇相以為係薄肥牛，但原來有3大片有牛肉，都有2～3 mm厚度，三色有晒元祖、香辣同芝士3隻味，如果淨揀一隻味會平d。三塊都有用火槍燒過，幾香口。我最鍾意芝士味，半溶鹹香芝士同牛肉好夾。有少少un 要少少牙力咬，但可接受。香辣同原味都ok，但我再食應該會揀淨芝士～小店應該出餐冇想像中咁快，但上枱果陣牛肉係出煙熱辣辣，應該牛肉係即燒😋

🙃😣鯖魚太重口味，偏甜，唔推薦，但無骨👍🏻🤨芝士味重，遮曬牛肉味，蔥味出，好食❤️❤️👀菜重麻油同醋味，飯都好食，軟硬度剛好💘💘🧀蛋糕好食，芝士同綠茶味都夠👍🏻😌🧀梳打唔會過甜，ok👑美中不足1。樓面職員大媽唔 帶口罩全場走2。枱太 矮，要彎腰食3。枱好細，2人枱根本放唔哂所有野

呢間丼一燒肉丼飯Fact Check過前身係大丼家！老闆夥計係原班人馬！搬離咗荃灣之後，好少行過呢邊！咁啱今日要去千色店買嘢所以經過！行過見到佢哋有抗役二人套餐，今日又有揸車！所以叫咗一份支持下！等外賣期間睇吓OpenRice，見到幾多負評心感不妙！返到屋企打開，都係一貫大份夾抵食的份量！都係香噴噴！份量夠！味道依然好味！價錢非常抵食！真係啱晒我哋呢啲食肉獸無飯家庭！好掛住之前嗰杯荔枝特飲！不過揸車費事倒瀉叫咗可樂！下次過開去堂食先再叫！

叫咗咖哩吉列豬扒飯，炸粉厚過塊豬扒，同塊扒完全分離，一咬即散，仲有吉列豬扒「孩」口係死罪。。。簿得嚟仲要「孩」口，無得頂咖哩冇乜好講，正常日式咖哩味，但偏「杰」，喺呢塊豬扒襯托下，係成碟飯最擺得落口，可以愛嚟「送飯」。飯就普通茶餐廳用嘅米粒，一定唔係日本米。唔係和食專家，平時食嘅係吉豚屋，下午茶仲要平佢十幾蚊，好佢兩班嘅質素，豬排有厚度且嫩口，用日本米。連嘢飲起碼挨近$60，唔知間嘢咁做落去幾時執。。。

轉左名之後第一次食 以前食開燒牛肉飯咖哩吉列豬係第一次食咖哩汁係homemade味 比得唔多多 薯仔係淋同凍嘅 好明顯無人叫呢樣野 仲要係整定塊豬扒。。薄到只係一隻快子嘅厚度 個炸粉係佢兩倍厚永無下次另外侍應態度都唔好 比落單menu佢接得勁粗魯 好似搶咁 比個飯你果時係掉落黎 餐廳根本未坐滿

今次係第二次來，第一次食辣牛肉飯好好味。今次試芝士牛肉飯，一樣好味。牛肉好嫩，份量也好多。另外也叫了生薑燒豚肉飯畀媽咪食，佢幾鍾意。再加一啲小食：- 燒鯖魚好🉐️- 鹽燒雞皮有點過火，太乾了- 鹽燒八抓魚也是有點太乾，另外唔記得落鹽- 麻醬秋葵：我本身鍾意食，而且因為佢好健康，點麻醬食不錯整體上好鍾意佢地嘅牛肉飯。下次會叫三色牛肉飯加個燒鯖魚而家做特價兩個丼飯99元送湯/飲品，這家小店算是物超所值的了！

她, 最近工作不順心, 希望轉換環境, 苦榮肯定全力支持. 陪她去荃灣見工後, 有一小時空檔, 苦榮便找地方醫肚. 心情比她更緊張的苦榮, 沒考慮吃什麼好西, 求其入0左間日式餐廳, 隨便嗌碗丼飯. 元祖燒牛肉飯份量大, 牛肉嫩, 醬汁開胃, 幾十蚊收費, 對得住價錢. 期間收到她電話, 說過左人事部個關, 要等見大老細, 成功機會好大. 苦榮好像放下心頭大石, 立即叫一件芝士蛋糕預慶, 即使只是現成貨, 心情不同, 好像特別好味. 

今日喺荃灣到處搵嘢食~見到呢間未試過，就入去試下😍見佢價錢唔算太貴，一般都係幾十蚊一份👍🏼每隻燒牛肉嘅口味都想試下， 所以就要咗個三色燒牛肉的丼飯~簡單嚟講就係肥牛鋪喺面， 然後就分別放芝士、辣椒粉、同埋酸酸地味道嘅汁...做成三種唔同嘅牛肉味道🤔味道不過不失， 你話好好味又唔係， 不過佢又唔算難食， 牛肉的分量比較少，只係啱啱好夠飽！不過都可以再嚟試下嘅， 因為其實都唔算太差， 建議店家真係增加牛肉嘅份量， 最好飯量都增加少少

呢個價錢 大大碗 都幾抵食燒牛肉烏冬🐮溏心蛋夠流心 烏冬夠彈牙 略嫌燒牛肉咬落比較乾身日式餃子🥟拉麵拉麵比較淋身 不過對小朋友嚟講佢哋唔駛點咬 所以覺得好好食😅豬軟骨烏冬🐽豬軟骨夠入味 湯底唔會太咸啱晒小朋友食炸鏝頭 細細粒 炸得啱啱好😋

15-11-2021 (Mon)放工後剪髮,剪完同老公食個晚飯,唔知去邊間好,記得我重未食過呢間,於是行嚟食,喺問口睇吓,啲嘢都啱食嘅,就決定食啦.我哋要咗:4. $13.00 燒雞皮串呢個一客2串,好快上枱,佢唔係好鹹,係脆嘅,但好膻,雞油嘅膻味幾難頂.老公就覺得好油.味道:1分1. $58.00嘅番茄芝士海鮮湯飯老公飲啖湯話好淡,冇厘味道,但海鮮都幾好.我就完成冇食過.味道:1.8分2. $60.00嘅豬軟骨拉面兩舊豬軟骨算大舊,好腍好入味,溏心蛋靚,味道濃,拉麵正常冇問題.啖湯唔油膩,但一般.味道:3分3. $14.00嘅一口泡芙食完上面嘅嘢就叫上呢樣,一客3件,睇到估計佢唔脆,一食,果然係完全唔脆,內裡唔多嘅忌廉微微嘅香甜,唔錯嘅.味道:1.5分總結:覺得好港式,要努力改善.抵食係2.8分

俾近期Lamma事件戚起左個燒肉癮，R唔到半價和牛唯有食啲經濟實惠嘅烤肉丼，之前荃灣係千色有間烤肉丼小店，可惜已經結業，呢幾日經過竟然見到佢翻生！原來有人接左手，仲要都係同路人！菜單同店內格局同舊時相差無幾，味道又有無差到呢🤔？-🌗元袓燒牛肉飯 $50 🌗香辣燒牛肉飯 $54牛肉偏薄，屬平價肥牛嘅質素，好彩調味拎返少少分：元祖燒牛肉甜甜地，唔會太鹹；香辣牛肉嘅辣味比較mild，唔會辛辣，唔會食到出曬汗或者要灌水，唔太食得辣嘅朋友都可以嘗試。牛肉以外仲有大量椰菜，食多啲菜食少啲肉係健康啲～～不過略嫌少少油；另有少量蛋絲同大蔥作點綴。抗疫2️⃣人餐（只限外賣自取）好似好抵，有立食有湯又有飲品。比我揀想好味🤤嘅就會揀返牛角次男坊，想抵食就非抗疫二人餐莫屬啦～～

📍荃灣眾安街68號荃灣千色匯II期地下G1-2號舖本來滿心期待可以食日式咖喱飯舒緩下心情，因為日式咖喱飯係唔會唔好食嘅，點知去咗一間唔想做嘅餐廳，係…真心失望啲嘢食冇靈魂🤷🏻‍♂️🤷🏻‍♂️🤷🏻‍♂️講真大家樂好食過佢一百倍。1)日式炸蝦咖喱飯，賣相唔得，咖喱汁係無聊㗎🤷🏻‍♂️🤷🏻‍♂️🤷🏻‍♂️只有凍嘅薯仔，裏面係凍嘅，個咖喱汁係加熱開水做出嚟。不是自家製，冇錯最好食係得個飯。完環境舒適唔嘈因為冇人，食物好失望😅😅真心請都唔會去食第二次，浪費quota again，價錢貴。