多寶雞蛋仔

Open Now

Now Closed

服務好差 之前幾次買串魚蛋燒買睇下門面啲文宣比個女人店員黑口黑面 我唔係見你黃店支持一下你 你都唔洗黑口黑面啤著啲顧客既 感覺十分不滿 黃店不一定態度好 不吐不快 野食都覺得只係麻麻

幾年前住元朗區，多寶仲係隔離街既細鋪，當時隨意買左串牛丸食，食完就上左癮，牛丸頗大粒，雖然唔算係話好重牛味，但味道同口感已叫非常不錯，自製既咖哩汁亦好有特色，味道不重亦不會太辣，汁料偏薄身亦不選好掛汁，但配合起上嚟又剛剛好唔會好似一般既小食店只係靠食好濃既醬汁咁，淡薄低調既醬汁反而更突出到牛丸既味道到多年後佢地已搬大一點既鋪我亦已搬返去屯門，但經過開元朗都會特登走去幫襯多寶，當試過佢地既燒賣後更驚為天人，我夠膽講佢地既燒賣係我食過最好食既，燒賣本身既味道已勝過我印像中所有食過既燒賣，而且豉油調得恰到好處非常美味。燒賣同牛丸相信佢地都只係攞貨唔係自製，但可以做到特別好食相信就係細節處理得好，煮/蒸幾耐，保持既温度，配搭既醬汁豉油調味等等，依d大同小異既大路小食如果無心同熱誠既話係好難做到令人留下深刻印像的招牌雞蛋仔係大路既味道，只要夠熱保持到外脆內軟就一定好食，而且佢地比一般坊間既感覺厚身飽滿一點，內裡軟糯，食完飽肚感頗高。佢地既菊花茶可選擇有糖或無糖版本都好飲，有糖既都係偏少甜口味，就算無糖都好易人入口亦更健康，個人推介先試有糖版本，之前星期五同星期六日更會有羅漢果版本菊花茶，唔知依家

試過就番唔到轉頭嘅一間小食店。由細鋪食到大鋪，佢地依然係咁熱情同有禮貌！會間唔中問下暖，充滿人情味❤️ 小食價錢夠晒平民又好食！💛雞蛋仔 ($15)熱辣辣嘅雞蛋仔食落外脆內軟！每粒都係半空心狀態，充滿蛋味。呢個價錢黎講真係冇野挑剔🤩💛燒賣 ($9)一串有五粒，燒賣熱辣辣之餘仲煙煙韌韌。唔會齋得厚厚麵團，係有啲魚味。豉油同辣油更加係個精粹，加埋一齊令到燒賣味道昇華唔少😋———————————————————————🌼評分：5個🌕為滿分🫧味道：🌕🌕🌕🌕🫧環境：🌕🌕🌕🫧性價：🌕🌕🌕🌖🫧回頭：🌕🌕🌕🌕

今天入開嚟食C3嘅底食意粉.順便喺元朗區再搜尋覓食.去到元朗西巴士總站附近.喺元朗廣場條巷仔到有一間雞蛋仔及燒賣小食（多寶雞蛋仔）佢哋賣嘅小食款式非常之多.但係佢哋最出名嘅一定係雞蛋仔.雞蛋仔好多地方都有得賣.今次我哋實行試吓佢哋嘅燒賣.燒賣都係周圍都有得賣.但係要食到好好食嘅就難啲！我哋點選如下：燒賣 / 炸腸仔 / 格仔夾餅 燒賣熱辣辣.彈牙.食得出有魚肉鮮味.不是用麵粉打出嚟嗰啲.就算凍左都唔會變硬.配埋醬油即時食.好食.心食之推介！👍😋😋😋炸香腸.剛剛炸好.新鮮滾熱辣.再係腸仔面頭落啲七味粉.好食過炸魚蛋.腸仔本身都有啲鹹.七味粉不要落得太多！👍😋😋😋格仔夾餅.花生醬及煉奶剛好.唔會漏到周邊都係.餅皮香脆.內裏軟滑.相信係同埋雞蛋仔啲蛋漿.👍😋😋😋📌多寶雞蛋仔 (元朗)元朗擊壤路9號金寶大廈地下11號舖

在附近剪完髮，下午茶時間，想吃點輕食，在google map搜尋「雞蛋仔」，找到這間評價不錯的多寶雞蛋仔，就去試試。買的時候新鮮做好熱辣辣的；軟熟，涼了都不會變好硬；裏面是偏向實心，粉偏多，吃完會飽的；沒有眼前一亮的外脆內軟（每個人喜歡的都不一樣，或者有人會喜歡）甜度方面有少許甜；有蛋香

之前放工想食嘢都會同同事嚟買小食今次就同左男朋友嚟食雞蛋仔下雞蛋仔嘅質素都係一樣啦熱辣辣煙銀嘅內餡 入邊個餡唔會空撩撩 係實淨嘅我哋排隊嘅時候 喺度傾緊一陣去買咩食好似老闆娘聽到我哋喺度討論 就提我哋 間舖頭係邊度 同我哋講點行好似傾閒計咁 好有愛🥰

睇社交平台d人個個都讚多寶嘅燒賣好好味今日去買左個撈麵 餸要左 燒賣 魚旦 魚皮餃一份炸薯寶 再加一枝菊zero(無糖菊花茶）普通菊花茶撈面 之前好怕食撈麵 好多地方都整到好咸 食完超口渴不過多寶嘅撈麵都唔算好重味精魚旦 好彈牙 應該係陳皮魚旦黎嘅燒賣 雖然係普通嘅魚肉燒賣不過唔係蒸到淋晒嗰隻係有咬口嘅但又唔會好粉團嗰隻真係唔錯至於薯粉 炸到好脆雖然拎到返屋企都凍晒不過仲係好脆菊zero 真係完全冇糖嘅不過個人都係喜歡有返少少甜味反而鍾意普通菊花茶 其實唔太甜 算係少甜 唔錯

一日一黃店-元朗良心人情味小食店 呢間係元朗應該都幾出名 見到佢同好多街坊都好熟 會傾計 店面有小小文宣 路過試左底雞蛋仔 簡單記錄下.⭐️雞蛋仔 $14佢地落蛋漿算多 所以每粒入面都好飽滿😋好似食緊小蛋糕咁 幾軟熟🤔因為多蛋漿 外層就做唔到爆脆🤔但又唔會因為咁扣分 睇個人喜好啦如果鐘意飽滿軟熟 呢間會唔錯如果鐘意空心脆底 就唔建議啦整體中水平 ok啦..#多寶雞蛋仔 (元朗)地址：元朗擊壤路9號金寶大廈地下11號舖.⭐️評分：味道：3/5環境：-/5服務：-/5抵食：3/5

多寶係我既愛店. 已經幫襯左10年有多每次想掃街. 我一定會黎到多寶社會運動時好慶幸佢係黃店. 如果唔係我一定心痛死🥲店面擺放左Yell card機同好多文宣💛🍡~燒賣~太肚餓掛住食無影到相🤣雖然知佢地係用金龍燒賣. 但呢10幾年都係覺得佢地蒸得最好食唔會蒸到一pat 野咁但又唔會乾秘製鼓油既咸度又岩岩好. 同燒賣好夾🌝我每次一定叫多鼓油🥔~脆薯寶~呢款小食係上年年尾先出對於我呢個薯控簡直係恩賜❤️薯寶好少鋪頭有得食. 整得好既更難大部分有賣既小食店都炸到好硬好乾. 會好易整損個口多寶既脆薯寶真係炸得好好💓外脆內軟識食既記得配雞醬. 唔好好似我咁唔記得同老闆娘講要轉醬🤦🏼‍♀️多寶重有好多款小食都好好味. 例如： 碗仔翅、粉果、雞蛋仔、炸饅頭、麥樂雞😋

如果去過元朗總站搭過車嘅人應該都會嚟過呢間舖頭止肚餓，鋪面好大，分咗咋乜佢同埋蒸野區，$10 $8可以止到你一時嘅肚餓😂先講佢鋪面，已經設立左一個位係擺放義賣文宣物件同埋夠薑Yes卡機，已經黃到出哂面。💛💛🍡燒賣-Hkd8，5粒由於我對燒賣情有獨鍾想去邊度都會食燒賣，佢個燒賣應該係金龍燒賣魚肉味比較香而且唔會太多粉，依個價錢食到咁魚肉既魚肉燒賣算係唔話得。老細仲會每個客問需唔需要辣油豉油幫你落埋。🐔鹽酥雞-Hkd16🐟炸燒賣-Hkd16佢嘅雜物因為職責所以都要等耐少少，大概10分鐘左右熱辣辣送上你雙手🤲🏼先講鹽酥雞，我覺得佢個味道好似炸嘅麥樂雞幾搞笑但又幾好食。炸燒賣都係金龍燒賣炸到脆卜卜完全冇得輸。另外想講吓老細佢哋應該係一家人營運呢間舖頭，每次有小朋友嚟買嘢食佢哋都會送粒糖比小朋友。而且去咁多次都見到佢哋keep住對客人態度好好又會好細心，依樣嘢我係從來未見過一間小店可以維持咁耐禮貌，又有良心又有禮貌值得respect👍🏾👍🏾👍🏾👍🏾👍🏾💛💛💛💛

支持黃店💪禮拜五中午去到，間鋪就係輕鐵站/巴士站附近，元朗廣場隔離，位置方便容易搵-叫完即整，等咗差唔多10分鐘左右服務態度非常好-收錢嘅時候有特等戴返個收錢用嘅手套,有衛生意識-嗌咗鹽酥雞、薯條同雞蛋仔👇薯條($15)不過不失，茄汁分開裝，份量合理雞蛋仔($13)都ok，不過外層唔夠脆鹽酥雞($15)好食😋如果可以再多d調味會更好,份量覺得可以多返少少-餐牌👇-整體黎講性價比高，比起隔離幾間價錢平d，當然份量也會唔同

夾餅醬料完全沒有擋隔，任由食客與自己超近距離邊食邊狂噴口水十數分鐘，即使等了很久也無奈退單，但店員完全沒有歉意，對退單要求也晦氣回應，感覺十分不滿。與此店顏色完全無關。

疫情期間，六點鐘病毒請開眼，只可以買外賣返屋企食，而肚餓時間都要買啲小食醫肚，咁唯有買小食食，但係都要快快食完。.炸燒賣價錢：$15炸燒賣除咗嘉寶有得食之外，多寶就更加好食，因為佢哋炸到燒賣脆卜卜又冇油益味，代表啲咩？咪即係新鮮油炸，而唔係用萬年油，出到嚟嘅燒賣金黃色，而唔係黑黑沉沉。.炸墨魚丸價錢：$15炸墨魚丸同燒賣一樣金黃脆卜卜，香口美味，再睇得出墨丸嘅外皮唔係翻炸嘅厚厚嘅，就知值回票價，最最最惹味就係配有泰式辣醬，炸物一絕配搭。

係fb見到班谷友個個都推介多寶麥樂雞忍唔住收工就即刻走去幫襯🤤🤤🤤收錢個姨姨超好人 見我拎住好多野 再要攞銀包 揦手唔成勢咁 即刻係個櫃面移開啲野 叫我放低啲野先 再叫我小心啲 唔洗急 慢慢攞好窩心🥰🥰🥰再講返主角 麥樂雞 $15有成7舊咁多淨係講價錢都抵到爛喇！味道方面更加無得輸！即叫即炸 熱辣辣 外脆內軟 一啖咬落去 清脆一個字講哂： Yummy！🤩🤩🤩雞醬係另外分開一個兜仔放唔洗怕浸淋哂啲麥樂雞😋😋😋

🔎多寶雞蛋仔 (元朗) 💛 #黃店系列📍元朗擊壤路9號金寶大廈地下11號舖-💛由6月起至醫護罷工都有參與罷市、仲有派水派燒賣比手足🔹炸饅頭 $15/5件即叫即炸 配埋煉奶 就咁食一份都好飽 多寶雞蛋仔自從搬左大鋪之後 除左之前一路都出名嘅雞蛋仔格仔餅燒賣之外 仲多左炸物區 價錢亦唔貴 口痕想食下小食記得支持返