Video
3-min walk from Exit F, Austin MTR Station
continue reading
Payment Methods
Above information is for reference only. Please check details with the restaurant.
預早三天通知老細，食好D，由老闆親自向魚檔訂海鮮，結果有海西星班(清蒸)，大隻濑尿虾(椒鹽)，紅花蟹(薑葱炒)還有頭盤三文魚刺身加椒鹽頭腩，仲有蛇羹，鹿尾巴湯，加雙菇蚊鹿筋(今次蚊得唔夠身)，招牌炸子雞，魚湯雜菜，干燒伊面二十二人用餐飽
continue reading
新鮮羊肉羊腩煲，店主每幾日就原隻黑草羊入貨，調味清新突顯羊肉鮮味，味道一食就明白其他冰鮮羊肉無得比，大煲足夠四個大男人食都只係$488，對比九龍區其他食店三百幾蚊得十舊八舊肉絕對超值。秋冬時節三五知己圍埋吹水啤酒羊腩煲，又係男人另一浪漫不過由於每次入貨量不多，所以有心食羊腩煲就要電話預訂以免白行。
continue reading
這間龍園小廚位於佐敦上海街，晚上八時多，條街沒有太多行人，見到這間吃中式小炒的餐廳，便去試試。我們二人叫了兩個小菜及一個湯，份量很足，吃得飽飽。招牌奇味雞煲（$138/半隻）有上大量配料，如乾葱、蒜頭、莞茜、蔥加上秘製醬汁爆炒雞至八成熟，再放在客人枱煑至全熟，店員打開煲蓋，己聞到濃濃的香氣，如果想吃火鍋，更可另點配料。蜜汁蟮球（$98）蟮球外脆內軟，蜜汁令蟮球帶出焦糖味，就連洋葱絲也很爽脆鮮甜。豆腐魚頭湯（$68/半個）魚雲湯很足料又新鮮，奶白的魚湯底配合豆腐和小白菜，清淡一點但又不失鮮味。
continue reading
今年和老表一家一起攪團年飯，最頭痛就係㨂地方，我大佬話這間小廚有閣樓，可以開兩檯，自成一閣，當然是最好。我們點了：虫草花螺頭汤－其實用了雞＋蟲草花＋螺頭，所以湯好甜，可以飲得出係燉出來的，我連湯渣都吃埋😋蘇炸蚧柑－蝦膠不算彈牙，而蟹肉算多，最好味係酸甜汁，如果將蟹蚶放落酸甜汁，大大提升了味道。西兰花炒花枝贵花蚌－花枝是魷魚片，味道都算新鮮，貴花蚌好脆同爽口。上汤大虾伊面－蝦好爽口，伊麵吸收了蝦和上湯味是最好味的。👍清正海班－蒸得啱啱好，冇黐骨，有濃濃的魚味。當红炸子雞－皮炸得好脆，雞唔係新鮮的，所以雞味一般。羌冲炒肉蚧－味道炒得好香，可惜肉蟹太瘦同唔夠大，唉！有點失望😅油盐水大花甲－油鹽水味道0k，又係可惜花甲太細，冇乜肉食😱鱼汤支竹什菜－魚湯好好味👍支竹＋什菜都係新鮮。海鲜炒飯－飯炒得干身，蝦＋魷魚都好新鮮。估唔到它的辣椒油都好辣同好香。唯一缺點，上菜次序離晒，上完蝦伊麵就上湯，第三道菜係魚😅整體味道都算滿意，只是花甲、蟹比較細，每人消費$300。
continue reading
公司長輩退休，只訂一圍菜死黨幾晒出來，地點幾隔涉，去到係小廚一間，店家一樓仲有個廳房，可以放兩圍，上到廳幾骨子，一面牆放晒酒瓶，好靚仔，廳尾仲有小廚房，廁所一格好乾淨！好方便！而今晚只有我哋一枱，可以獨霸間房，正！人齊就上菜！龍園菜單：蒜蓉粉絲蒸元貝王：帶子肉鮮厚肉，好多粉絲蒜茸！簡單好味！豉椒炒蟶子（一人一隻）醬汁好杰，蟶子爽口彈牙，豉椒味濃！好香口！芝士龍蝦伊面：芝士醬好杰，雖然滑芝士味唔濃！伊麵比較淋，易斷！龍蝦唔算肥美，肉唔算多！清蒸海魚：魚大條，我食背，味鮮嫩滑！好味足料燉湯：原隻雞燉湯，足料清澈好味！當紅炸子雞：炸得靚，外脆肉嫩，我食胸都嫩！蜜汁薯角牛柳粒：蜜汁好杰身，包裹晒啲肉粒同薯仔粒，薯仔淋身，外面炸過脆口，肉粒就食唔到肉味，因為已比蜜汁蓋住！整體好味清炒菜心苗西蘭花：熱辣辣，菜心同西蘭花爽口鮮嫩！清爽好味！椒鹽鮑魚仔：賣相好靚，炸漿薄脆，鮑魚切件，肉質彈牙，避風塘式蒜香好味！比清蒸更合我口味辣酒煮花螺：好大一窩，比埋竹籤挑出來，其實只有微辣，螺肉彈牙！炆得入味！潮州蠔仔粥：因為其他餸仲食緊，個粥變了湯飯，味道唔會味精，湯底清甜，好足料，蠔仔唔大隻，不過有啲仲有蠔殻，飯粒開花！香口好味！食物好味，地方又舒服，不過店員間溝通比較混亂，同事訂時有清炒菜心，但遲遲未見，問店員回應話查過無，最後老板睇返whatapps話照炒比我哋，仲加啲西蘭花，除呢樣外，服務幾好！我哋自攜嘅酒水都比冰塊冰桶！好適合大伙人聚餐
continue reading