段純貞牛肉麵 (THE SOUTHSIDE)

Open Now

Now Closed

段純貞喺南區新商場THE SOUTHSIDE有新分店，嚟到當然叫咗好多台灣嘅經典美食！滷水拼盤有牛肚、牛𦟌、滷蛋、豆乾、鮮菌，用上慢火滷煮，款款都好入味。紅油抄手醬汁帶麻香，餡肉有豬肉同蝦仁紮實多汁。因為個人太鍾意食牛肉麵，所以主食都叫咗兩碗麵嚟食：犇牛四寶麵招牌有牛腱、牛筋、牛肚、嫩五花，配上手工麵，口感煙韌有質感；而濃湯燉雞麵嘅湯頭帶清香雞味，雞肉嫩滑，配幼麵更易掛湯汁。甜品就食咗黑白豆花同柚子柑桔豆花，豆花香濃嫩滑，前者加上芋圓，口感Q彈；後都配以柚子柑桔，味道酸甜好refreshing。餐廳亦有日岀茶太，揀台式飲品唔少得日出奶綠加珍珠，帶茶香，珍珠煙韌；而水蜜桃綠茶加上蘆薈，味道香甜又清爽。

新商場開幕，周圍都排晒隊，為咗下午時段快食，揀咗呢一間來自台灣嘅牛肉麵，個名係段純真貞牛肉麵。之前有去過灣仔同Moko嗰兩間，感覺唔到錯，所以見到美食沙漠WCH 開咗，都心郁郁想食下！雖然我唔食牛肉，但係我揀咗其他嘢食，估唔到都非常OK，再加埋個甜品，真係唔錯喎！台式🐷滷肉飯 + 煎蝦🦐餅 +芋圓甜品！仲有 chatime🧋🧋🧋聽啲朋友講嗰個蔥油餅好食，仲有餃子，嫩雞幼麵都好。唔食牛都有咁多嘢揀，非常開心！

 帶媽咪去新商場食好西😋 去完台灣就心心念念想食牛肉麵同鹽酥雞，見到段純貞即刻果斷地揀咗佢！因為之前已經bookmark過呢間台灣過江龍牛肉麵，終於有機會試！等咗大概15分鐘便安排入座，都算好快！身為I人既我最鍾意用QR Code落單，可以慢慢揀唔駛擔心要店員等我呢個有選擇困難症既人🤣🐮【三寶麵】$94呢個麵真係一次過滿足晒三個願望，有齊三個部位，分別係腱心，牛肚，牛筋。全部都好入味，湯底微辣得嚟又好香濃，手工麵彈牙又掛汁。🦐【蝦仁菜脯炒飯】$88石鍋上既炒飯好夠熱，仲帶有微微既飯焦！蝦仁彈牙再加上菜脯蛋，充滿古祖味，係除左滷肉飯之外既米飯選擇！聽店員講炒飯系列係THE SOUTHSIDE店限定。🐔【鹽酥雞】$48完全係台灣夜市嘅味道！香口得嚟又保持入面肉質嫩滑，連媽媽唔鍾意食熱氣野都忍唔到食咗2件。🦐【蔥肉蝦餅】$48呢個蝦餅真係值得一讚！熱辣辣食落去非常脆口，蝦餅又好彈牙好好味，不過真係要趁熱食！食左咁多濃味香口野仲可以嗌杯Chatime既【百香果紅茶】，非常滿足！

黃竹坑個商場開咗,特登去襯下熱鬧,睇下個商場咩樣。因為爸爸和媽媽喜歡吃中餐,所以就揀咗呢一間——「段純貞」。入到去先知原來呢間係食台灣嘢,主打食牛肉麵。講到啲湯,佢話係煮咗好多個鐘。1. 清燉牛肉麵(細麵) $82.0既然佢係主打牛肉麵,所以都係嗌咗呢一個。個湯都幾清甜,麵算係軟滑彈牙,牛肉都算大塊啦。2. 酥炸排骨麵 $78.0 手工麵酥炸排骨都算多,手工麵原來即係指刀削面嗰種樣,佢條麵係成寸咁粗,食落去都幾有口感。3. 兒童餐 $88.0佢個樣都幾得意,係恐龍嘅杯仔,恐龍嘅碟裝住,包括有:芝士蛋手抓卷餅(好多芝士喺裏面)、小滷肉飯(正常滷肉飯味)、雞肉薯條(即係炸雞肉條,但個樣好似薯條),同埋橙汁。

段純貞最出名是牛肉麵🌟我今次都係慕名而來。繼續係黃竹坑新Mall食，今次我好叻叻，避開Lunch時段過去，唔洗排，即入！😝呢到用QR code 下單，少左同店員互動，亦唔會有人行黎介紹食物，可能D員工好新，我嘗試問下各款牛肉麵之間有咩分店，可以話係無人答到我。🥹🥹🥹唔緊要，隨心點。我叫左一個經典牛肉麵，少少辣。有得簡普通台灣麵同手工麵，我就簡手工麵。🫢飲品種類都好多，成本好似珍珠奶茶店一樣，千簡萬簡要左杯烤茶Latte。上菜時個店員第一次係比錯食物我，上左個麻辣麵，之後至比返經典牛肉麵我，之後上飲品又係咩都無講就放低了...轉身即走，可以話係0 service，同埋水都無杯，勁！講返個經典牛肉麵，個牛是OK的，但個麵真係一言難盡，我平時勁愛粗身麵，上海年糕都係我杯茶，點知呢個搞唔掂，一餅一餅，好似食麵粉同香口膠😰。有幾條仲要痴實晒，口感好似未整熟一樣🥵，唉，😣😣😣個湯就得個咸字，杯奶茶反而還好。食完埋單，外面排晒隊，呢個食物質數真係對得住條人龍????本餐美味指數：🌟🌟🌟/10

今日閒來無事到香港仔黃竹坑段純貞試新嘢，點了清燉牛肉麵及純貞芋圓3號，個牛肉麵湯底唔錯味道適中，牛肉煮得幾淋，唯獨麵略為煮得過耐沒有彈牙感，甜品不太甜幾好，餐廳服務唔錯。

台灣牛肉名店虚有其名，昨日下午專程到新店，此排隊店舖假日超多人，入座後點咗牛肉三寶寬麵及葱油撈幼麵，麵食超咸，令人失望，而且價錢非便宜，食品質素，物非所值，顧客難再回頭光顧。

My family had a meal at the restaurant on 30/6, we were seated around 11:24 AM. Due to the restaurant's operating hours, orders could not be placed before 11:30 AM. Because the kitchen needed to handle a large volume of orders at the same time, the fried rice I ordered was served around 12:00 PM. However, the restaurant staff asked us to leave at 12:24 PM, citing that we had already been dining for 1 hour. Issue 1: The actual dining time was less than 1 hour.Issue 2: We were asked to leave while

Went to this place when it was just opened. While we all understood that logistically flaws can happen, and those are acceptable to me as well before things get completely smooth.However what I couldn’t accept was the attitude of how the staff handled issue and they were trying to find excuses instead of resolving problem. I had been to a few other restaurants (all newly opened) in the mall but so far this was the worst experience. The Southside shopping mall distributed a brochure with a promot