端記茶樓

Open Now

Now Closed

都好耐冇嚟，應該有幾年，連邊條斜路落去都唔係好記得。因為都知道佢話閂兩點，因此大概接近一點到去到，快啲攞咗啲好似唔會再出嘅點心，例如炸雲吞或是啫喱仔。炸雲吞都算是外皮香脆，因為放進個櫃裏面烘着，都夠熱；啫喱仔好似真係最後一杯，味道帶點甜，綠色的啫喱，嬰兒都吃得相當可口，可能因為搭完小巴落車熱熱地，又有把小雨傘在上面裝飾，因此吃得大快朵頤。其後，更加在超級市場見到，要媽媽買啫喱粉自己整啫喱。其他以為最後一碟的腸粉，原來不是這一疊，放得比較耐，因此質地比較鞋身，味道不算特別好。佢嘅蒸大腸，夠大件，夠厚身，即使切開一半，亦都厚實，夠晒咬口，但又唔算係咬唔開的那種，有脂肪得來唔係好肥膩。燒賣看起上嚟賣相都相當好，太大粒，移至好像一個大快朵頤；但我更加喜愛山竹牛肉，一籠兩大件，飽滿，加少少醋，味道相當討好。棉花雞就係最後先至新鮮出爐，因此溫度夠熱，雞夠嫩口，其他配料都夠熱。總括嚟講因為佢好多嘢都即叫即整，啲點心熱到傻，全部都出晒煙，大人都覺得熱，細路仔好難出爐就即刻食，因此大部份點心夠熱，當然好吃😋

星期六同老公特登黎荃灣端記茶樓飲茶，飲完去行山。茶揀左香片，要自己去拎茶葉同沖泡，連餐具都係自己去拎。同埋要自己搵位，見有吉就自己坐落去，有兩層，座位唔算多，要預衛生情況麻麻地。因為坐上層既關係，睇唔到有咩野食新鮮出爐，要成日走落去睇，通常都無乜好野剩。等極都食唔到燒賣、蝦餃、叉燒包。最後食左: 雞球大包、馬拉糕、鳳爪、排骨、叉燒腸粉、花生包、腐竹卷、炸蝦雲吞、牛柏葉、山水豆腐花。只能夠講呢到食傳統風味，味道好普通，無邊樣好食，埋單兩個人都要$208。

好朋友相約一起去荃灣大帽山的川龍村端記茶樓飲早茶。這家茶樓以其獨特的自助服務形式而聞名，客人可以自行搵位、取點心、拿碗筷，並自由選擇茶葉和沖泡。茶樓內，當有新鮮點心出爐時，會有廣播提醒客人。在食物方面，叉燒包的包皮稍微有點硬，而懷舊茶粿則香糯煙韌，內餡是蘿蔔絲。這種茶粿在其他茶樓中不常見。至於其他點心，都相當美味。茶樓還保留了許多懷舊的點心，比如雞球大包和童年回憶中的懷舊啫喱，讓人倍感親切。

喺大帽山行完山， 梗係要去呢間咁有懷舊感覺嘅酒樓！ 入到去充滿住回憶， 同朋友吹下水，飲個茶，嘆個包， 真係好寫意！ 我哋而家行五人， 入到去懷舊氣氛好濃烈， 好似去咗 70年代咁， 場內都冇乜裝修， 地下嘅磚好特別， 聽到服務員嘅叫賣，有什麼點心新鮮出爐。酒樓叫茶點嘅方式唔似其他， 需要喺取餐處攞你鍾意嘅食物， 取餐處有好多特色嘅茶點， 琳瑯滿目。另外水吧有好多唔同嘅茶葉， 都係要自己沖茶的， 可以混合自己鍾意嘅茶葉。坐落去環境很舒服， 如果好天的話可以坐喺室外， 更有風味！

揸車去大帽山行山諗起以前有同朋友嚟過呢度附近有一間如果搭車嚟唔係好方便嘅茶樓好似叫川龍Google一打就出咗呢間端記茶樓我諗係同一間，但係改咗名？好有風味嘅一間酒樓，但係如果夏天嚟而室內位坐滿咗嘅話應該都幾辛苦今次就係，戶外位真係幾熱一路食一路流汗，但係就Pet friendly!食物質素普通，真係食個風味！嘢食係自助拎既茶碗碟都係自助！如果鍾意service嘅呢一間可能唔係好啱你黎😂印象中最深刻係碟恰西洋菜🥬🥗配埋個腐乳醬真係冇得輸但係原來呢一碟菜要成$50 值唔值得就見仁見智

今日行完山，梗係去茶樓飲茶休息吓啦！依間茶樓非常出名，唔少人都會專程去飲茶！嗰度非常之特別，係要自己沖茶嘅，自己想落幾多茶葉都得！山水豆腐花咁出名一定要試吓，但係食落有啲失望！豆腐花唔太滑，食落比較粗嚡。豆味都唔算太香濃。咖喱魷魚幾好食亦都唔太辣，魷魚好入味！燒賣好大粒幾好食。腐乳通菜都好好食，大大碟！金錢肚都好好食，亦都非常入味。蝦餃味道就普普通通，同平時食嘅冇乜分別。腸粉都係一般般，唔算太滑。

荃灣附近大帽山山腰仲有一間傳統茶樓叫「川龍茶樓」可以體驗下傳統飲茶嘅感覺。飲完茶還可以到大帽山走一圈。 呢間茶樓有香片、普洱、鐵觀音等等唔同嘅茶葉，可以自助混合組成自己喜愛嘅茶配。我叫佢做cocktail 茶 🤭😂 渣車人士可以將架車泊係茶樓再行入啲嘅嗰個停車場，泊車$50（無限泊幾多個鐘），佢會比一張$50飛仔你，呢張飛仔可以去茶樓扣返數（當$50現金券咁樣用）！ 記住keep好佢，咁變相泊車唔使錢 👍🏻👏🏼🙌🏻 有室外空間可以選擇，帶寵物嚟嘅人士，可坐室外地方。如遇落雨天嘅話，就唔建議去川龍飲茶，室內係一個有蓋鐵皮環境，有機會撇雨淋濕。

全自助點心酒樓，點心自己攞，茶自己沖，座位自己搵，超懷舊，有特色。當日係平日，早上10點半到，人唔算多，唔知時間唔啱定咩原因，點心選擇唔多。除點心外，仲有盅飯，茶果同豆腐花，但冇好馳名嘅本哋西洋菜，好失望☹️點心超級超級一般，雖然價錢唔貴，但係只屬情懷茶樓😅

果日食左下面甘多野. 西洋菜$50: 超大碟. 油比較多. 但西洋菜不太老, 西洋菜來講算比較軟.春卷: 芋頭涵料, 春卷皮一段不太脆. 但有新鮮會有提示.干蒸燒賣(中點): 燒賣味道比較普通, 有蝦,沒肥豬肉 大包(小點): 小點來講非常飽.肉涵鮮竹卷(小點):  鮮竹卷正常, 不太咸. 水晶蝦餃(大點): 無乜油, 但夠清. 蝦也足料.皮比較薄, 剛剛蒸出來很正. 蝦腸(大點): 正正常常.腸粉皮是偏厚. 蝦也算新鮮.  雞屎藤 (無涵)(小點):雞屎藤 無涵也有甜味.雞屎藤 (有涵)(小點):雞屎藤 有花生芝麻涵, 更惹味.山水豆腐花: 清清地, 有豆味.

作為一個土生土長的香港人還是第一次去最傳統的自助港式茶樓—端記茶樓位於大帽山山腳下川龍村最特別的是半自助式基本上拿碗筷、洗茶壺、泡茶、點心全是自己來的可以自己選擇茶葉的濃度聽說他們的水都是用山泉水喔我就是要這種最傳統最原始的感覺在食物方面是很新鮮的點心都是限量供應的 每天都不一樣如果有新的點心出爐 會開啓廣播聽到喜歡的點心大家都要搶 最推薦的是當季的西洋菜 是很嫩很甜 手工鮮包鮮蒸雞屎藤茶果 聽說可以祛濕去毒離開的時候還可以到附近的彩田逛一下會看到姐姐在菜田採最新鮮的菜回去還會聽到他們唱山歌哦📍 端記茶樓 (荃灣)荃灣荃錦公路川龍村57-58號地鋪星期一到日 （豆腐花星期六日才有）

📍#荃灣 #端記茶樓#羊羊在荃灣#羊羊在新界之前去大帽山露營，起身就剛好下山吃點心😋在川龍非常有名的茶樓，很多人都特意駕車上山吃，所以基本上車位要搶，還是乘巴士好🚌茶樓特別之處在於用附近山水煮食、全手工製點心，還要自助式，想吃什麼就要到樓下搶😁對，是搶🤣餐廳點評：點心限量供應，要吃就早點去😉味道跟機製完全不同，也可能跟環境有關😙✨麻蓉包其實不肯定是什麼包，但超級棒🤩包了海量花生醬，還有帶顆粒感🥜🐮山竹牛肉球比平時的小顆，不過有更明顯的牛肉和果皮味，也更彈牙😜✨馬拉糕鬆鬆軟軟，彈牙不沾牙，帶點黃糖香😚✨銀針粉少見的點心之選，偏油膩，味道不錯👌🏻✨雞扎料足又入味，裡面加了金華火腿和雞汁，豬皮都吸收了精華😎✨咖喱魷魚/牛肚偏甜港式咖哩，魷魚同牛肚都吸滿咖哩味😍✨腸粉預先製作放在爐中保溫🔥厚薄適中，外皮不算彈牙、易斷，餡料足🤓✨雞球大包工序繁複都少見，十分豐富的餡料，有大量豬肉、金華火腿、臘腸、雞蛋🥚好像包點的外皮都一樣，都是甜甜的🍭🌟🥬煮西洋菜這裡的菜都在茶樓旁種的，非常新鮮🌱吃下去沒有西洋菜的獨有味道和澀味，可能是因為是用山水煮的關係👍🏻回家煮不出同樣味道(試了，還按店員方法煮🥺✨蝦餃不太

今日一早7點11度C,老婆話要去端記，咪坐小巴去，首先去之前都知道不要對食物有任何期待。7點半左右去到，都已經有幾檯客人食緊，到8點半已經8,9成，系咁位置平日都有咁生意，好多市區餐廳都無咁好。環境就系傳統郊外茶樓，但都算乾淨。服務一定無投訴，因為除左埋單，其他都系自助，哈哈。另外，要搵多間都吾容易，所以比高小小分啦食物味道比較淡，連齋腸個醬都吾同平時食咁重味。食物質數就—吾可以同市區酒樓比較，因為來哩度都系食鄉村味，要比較只有同旁邊的彩龍比較。— 所有腸粉粉類都系好似吾熟咁，好 ”sher”同黐口，— 牛肉d腐竹好乾好硬。— 所有細蒸籠都系吾熱，如果想食熱辣辣的點心，自己就要留意幾時系廚房有野出。最後埋單睇到有張有客人話過期的餐牌，哈哈，果然夠懷舊。

去川龍飲茶🍵，係一個寧靜鄉村中的點心體驗🥟。_端記茶樓位於大帽山山腳下嘅川龍村🏔️，開業50幾年，分兩層，據說樓上用嘅係大帽山嘅山泉水🏞️_放假比較多人，一定要都搭枱。特別嘅係，依度所有工序包括拎碗筷🥣🥢、茶壺🫖、茶葉🌱、點心、甚至沖茶都要自己處理，茶嘅濃度可以自己調配，鐘意飲濃茶嘅人就啱曬。埋單就好似壽司郎咁數碟仔🍽️，所以我埋單之前都唔知幾多錢💰_至於點心🥟方面就要睇大家飲茶既時間⏰，出爐既時間好不定時，好多時要排住隊拎，例如茶裸就足足排左20分鐘🫠。我11點半去到，蝦餃燒賣個啲都冇曬。但正值新年時段，廚房會有賀年菜式包括髮菜豬手，寓意橫財就手🤑_點心味道唔係好精緻，食得出都幾新鮮，係手作。有幸見到阿姐係度包茶粿。我覺得最值得食就係端記最出名而又最簡單、自然的菜式 -鮮灼西洋菜🌿，就咁煮加啲豉油已經好甜，而且好嫩同冇渣。而糯米雞🐔都唔錯，入面有蝦米，不過餡係雞翼，老人家要小心有骨👀。其實糯米雞唔應該有骨，會破壞口感。_最後埋單兩個人三百蚊💰雖然係豪食，價錢都偏貴。_端記更多係一種係山上飲茶的風味🫖，飲完茶上大帽山行麥理浩徑🏕️，係香港甚至係全球都只係川龍獨有🇭🇰_係幽靜嘅山腰上飲一餐茶，食

同朋友經常到大帽山遊車河 但好少早起飲早茶今次睇完日出🌅終於有機會一早到川龍村體驗同行朋友之前試過幾次 今次佢帶我見識見識👍🏼一到埗單行車路路口已經十分擠擁 一方面有車想出 另一面又有車龍想擁入去 未入門口已要不斷在斜路倒車讓路🏎️🏎️入到村分兩路 可選擇直入茶樓側邊空地（離開時只能倒車出大路） 或較遠的空地 空地亦是擠滿大大小小的車輛‼️⚠️注意：繁忙時段十分考驗泊車技術⚠️😂泊好車終於入到茶樓 人頭湧湧自己搵位 地下有間房係好多伯伯同雀籠 另外的房間已坐滿行樓梯走上天台露天位置及有蓋位置亦不乏等位茶客 通常都要同其他人搭枱太陽猛烈時🌞記住要太陽眼鏡🕶️等遮陽物品😂另要小心有麻雀便便😂😂多年特色係自助拎茶壺加茶葉、沖茶、拎點心樓梯十分窄而且地面濕滑 只夠一人通過 捧住托盤及點心上落時務必小心‼️至於食到咩點心視乎緣份😂😂老闆有時會開咪廣播有啲咩款式可供選擇 喺樓下點心區見到有咩食就自己拎 仲有樽裝維他奶等飲品埋單要叫姐姐過嚟數碟計錢 我地最後都唔知每個籠、每隻小碟、茶位係幾多錢😂😂價錢是個迷😂😂合理公道就算了🫡以上點心盛惠$160/2人▪️馬拉糕 比較好的點心之一 大件又高身 口感鬆軟帶少許蛋香味

介紹緊嘅唔係咩high飛潮流餐廳，而係端記茶樓，一間有點歷史感覺嘅飲茶地方。拎起隻熱氣騰騰嘅叉燒包，一咬落去，鬆軟嘅面皮配埋嗰帶甜帶鹹嘅叉燒餡，簡直就係人間美味🍽️。點心款款都係熱辣辣，手工感滿分呀！話說，呢度嘅蒸鮮蝦餃嗰彈牙嘅蝦仁，真係鮮味十足，啖啖蝦肉，啱晒愛新鮮嘅你。喂，千其唔好錯過佢哋嘅糯米雞，咬落去甜在心頭，糯米飯軟綿綿，飽納得好實在🥢。實不相瞞，我最留意嘅其實係嗰碟煎堆仔，外皮金黃酥脆，裡面香甜軟糯，食落真係話唔出嚟嘅滿足😋。最後，餐會以一碗甘香嘅綠豆沙作結，咁滑嘅口感，那一剎間，我只覺得自己像個大滿足嘅貓咪。整體黎講，端記茶樓給我最純正嘅港式午後時光。大自然之下，一邊食，一邊望嗰陣陣風景，真係樂而忘返！🌳🌤️