Video
Opening Hours
Mon - Sun
11:00 - 22:00
Above information is for reference only. Please check details with the restaurant.
前日經過白加士街，見好耐冇食呢間店，就心思思諗住叫個紅燒肉面外賣返屋企慢慢歎，因為以前幫襯過都覺得ok,可能依家咩都貴，打開外賣盒後發現份量比以前少都算啦，點都估唔到D紅燒肉有八成都係肥豬膏，用筷子一夾就淋到分開，呢D所謂紅燒肉唔似五花腩，D豬油滲到成碗面油晒，食落口好油好滯，而且D面質感同以前唔一樣，口感差，後來我唔想浪費食物，唯有用滾水洗下D面，D豬肥膏挑出黎，成個面又冇咩調味，後來自己返屋企調味，真係好離譜！成餐飯貼錢買難受！
continue reading
環境乾淨舒適服務人員態度親切套餐只係78就有齊10隻餃子一款小食，同一款飲品餃子皮厚度適中啲肉汁幾好大大仔小食 花雕雞翼都有3隻正常發揮小店黎講，性價比高快食黎講ok !值得多啲街坊試下
continue reading
今天係佐敦好想食餃子，透過地圖搜尋搵嚟咗呢間。✨餃子套餐（$78）✨淨餃10隻（肉三鮮）餡裏面有韭菜、豬肉、蝦仁，蝦仁大大隻夠曬滿足！餃子皮薄餡多，旁邊放有粗、豉油比你自由配搭。✨小食（口水雞翼）口水雞翼都幾大隻，不算很辣，味道還可以。✨飲品（支裝豆漿）習慣吃餃子配豆漿，他們使用的是壹品豆漿。
continue reading
唔多既餐廳有羊肉餃，所以就襯天氣凍返少少試一試呢間店既羊肉餃呢度淨餃（烚熟）既10隻係$59，煎餃就$69，以價錢來睇就其實偏貴，一隻要成$7。味道方面，餃子肉汁很多，煎得夠香脆，皮薄，比起八方雲集既質素好，惟美中不足既係肉既份量偏少，相信就算女士食完都只係剛好夠飽或者會覺得未夠飽。另外，朋友點了牛犇麵（$60），職員話係近牛肋條既部分，呢個不錯，牛整得十分稔及入味，食落似崩沙腩既感覺湯底有少許藥材味，唔會好鹹同口渴。跟餐叫飲品可以半價，我地點左豆漿，豆漿味道ok，唔會太甜，但就無寫住係非基因改造大豆，如果介意既朋友仔就值得留意啦環境方面，店舖空間不大，枱既較細，較適宜一兩人去食，四人枱既坐得較逼夾。結論係試過一次就夠未必會再encore
continue reading
首先下午茶落錯單，明明叫酸辣湯底，變咗擔擔麵湯底，既然都整左就算，擔擔麵湯底嘅肉碎都ok，類似五香肉丁嘅味道，似係自家制，感覺唔錯，水餃就得兩粒，有啲少囉，仲要整唔熟啲餃，雖然老闆都有換比我，但印象已經有啲唔好，仲要份量有點少….評分湯底OK餃一般份量偏少（下午茶)
continue reading