Video
5-min walk from Exit A, Causeway Bay MTR Station
continue reading
Introduction
In Italian, E Molto Buon means "very good." This restaurant lives up to its name and serves a variety of French and Italian dishes. Apart from its food, E Molto Buon also has a quiet and relaxing atmosphere.
continue reading
Opening Hours
Mon - Sun
19:00 - 22:00
Public Holiday
19:00 - 22:00
Public Holiday Eve
19:00 - 22:00
Above information is for reference only. Please check details with the restaurant.
有一個鍾意食嘢嘅朋友真係好幸福，因為佢會成日帶我去唔同嘅餐廳，今次呢間餐廳，雖然喺銅鑼灣，不過近橋底附近嘅樓上餐廳，本身對佢冇乜期望，點知原來貌似舊樓，但一打開電梯已經閃閃發光，再入到餐廳，不論環境服務同食物都令我好有驚喜。晚餐每個人價錢九百幾蚊，頭盤我哋每人嗌咗一款，有吞拿魚刺身Tata醬，同埋燒鵪鶉，一上枱見到賣相非常精緻，吞拿魚配上海膽醬，放喺精緻嘅木盒上邊，除咗味道好好，放上網打卡一流。再來一碗蘑菇湯，極度香濃，每一啖都食到蘑菇粹，好香滑，超級好喝。另外燒長腳蟹上面有鹹蛋黃一齊燒，有2個層次味道，好好味！朋友叫嘅鵝肝，雖然我唔食，不過見到賣相好靚，而且煎得好香。然後主菜，我自己點左澳洲和牛面頰，入口即溶嘅感覺真係好正，最鍾意佢配上大量嘅蔬菜，令到就算食完成個主菜，都唔會有好溜嘅感覺。朋友叫咗m9和牛肉眼扒，朋友高度讚賞，佢話如果呢塊扒喺酒店度食，淨係呢塊扒都差唔多一千蚊，所以大家都覺得真係性價比高。最後甜品我點左粟子蓉甜品，唔會太甜，但食到好香嘅栗子味，連粒榛子朱古力都係脆卜卜，超級好味，真係多謝朋友介紹又食到一餐好好味嘅晚餐。
continue reading
家姐生日諗咗好多地方同佢去邊度食飯慶祝，無意中比我喺網上發現到呢間餐廳，可以食fine dining，但價錢唔算非常貴，慢慢坐足全晚，埋單$2000有找，作為慶祝生日，我覺得可以推介俾大家。餐廳好隱蔽，但裝修好舒服，待應服務態度更加要大讚，dinner set比較其他fine dining餐廳，真係勁多嘢食，前菜除咗有面包，前菜仲有燒鵪鶉，同刺身海膽杯，餐湯有龍蝦湯同磨菇湯，都非常濃厚，好creamy真心好味。主菜上之前都仲有一道菜，長腳蟹同鵝肝都係我最愛，太開心啦。鵝肝好香，蟹腳啖啖肉，每啖都食得出幸福呢🥰 之後用檸檬雪芭清清口腔，終於來到主菜啦。主菜rib eye ，份量好大塊，我叫五成熟，真係剛剛好，好有肉味。和牛面額炆得好淋，味道好濃郁，超級好味。最後來個甜品，餐廳真係非常細心，知道家姐生日特登寫左個happy birthday 字，仲幫我地影即影即有，最後再飲埋杯花茶，真係非常滿足，飽到上心口，最緊要家姐都好滿意，生日快樂呀。
continue reading
今日去咗一間fine dining 餐廳，試咗佢哋嘅Deluxe Tasting Menu $928。餐單入面嘅菜式精緻有心思。首先，日本鰤魚他他配上海膽布丁同青瓜脆片。鰤魚新鮮嫩滑，配上海膽布丁嘅濃郁口感，再加上脆脆嘅青瓜片，味道鮮美又豐富。之後嘅法式龍蝦湯，湯底濃郁而且滑口有龍蝦鮮味。接著係香煎鵝肝配紅酒燴紅蔥頭。鵝肝煎得恰到好處，外脆內軟，搭配紅酒燴紅蔥頭，帶出鵝肝嘅豐富風味，味道醇厚。中間有果味雪葩，真係適合用嚟清爽口腔。果味清甜，口感冰涼，令人感到舒爽。然後，嚐到澳洲M9和牛肉眼扒，充滿牛香。甜品之前就有玫瑰花茶，喝落香氣濃郁，清香怡人。最後，Petit Four令我印象深刻。佢哋有馬卡龍、朱古力和蝴蝶酥，每一款都精緻可口，完美嘅結尾。另外，甜品方面有朱古力慕斯，濃郁嘅朱古力味道令人回味無窮。
continue reading
這間隱世樓上法國菜餐廳，主打高質fine dining，選用新鮮高質食材。餐廳環境舒適，充滿浪漫氣氛，好適合慶祝、情侶拍拖、朋友談心等👍🏻 點餐後，店員便奉上暖暖的🍞自家麵包，分別有香草麵包、酸種麵包、芝士脆脆，三款都好好味，還配有店家自家醬更添美味。最近餐廳還有折扣優惠，以現金結帳可享85 折，信用卡可享9折。.🍽️Deluxe Tasting Menu $928.🔸STARTERS▪️日本鰤魚他他，海膽布丁配青瓜脆片賣相精美，日本鰤魚他他🐟肉質結實，味道鮮美，配上海膽布丁鮮味十足，還有青瓜脆片，口感富層次。.🔸SOUP▪️香濃雜菌忌廉湯口感creamy，而且味道濃郁，用料十足，飲到粒粒🍄雜菌蓉。.🔸ENTREE▪️香煎鵝肝配紅酒燴紅蔥頭鵝肝厚切，口感細膩，富濃厚油香，配上紅酒燴紅蔥頭，和香脆多士，剛好中和了油膩感。.🔸Sorbet▪️荔枝雪葩餐點貼心準備了🍦雪葩，可以中和一下口腔，來品嚐下一道美食。.🔸MAINS▪️澳州M9和牛肉眼扒肉眼扒🥩份量十足，用上澳州M9和牛，肉質嫩滑富肉汁，而且牛味香濃。伴碟還有新鮮蔬菜，十分健康。.🔸DESSERT▪️Dessert of the day▪️Petit Four栗子慕絲奶凍🍮口感細滑，栗子味濃郁，伴碟還有新鮮生果。還有四小件甜點和暖暖的🫖玫瑰茉莉花茶，為完美一餐作結。.🔸DRINK▪️Alan Milliat Fruit Juice $78餐廳有多款酒類飲品提供，我就唔飲酒，所以點了這款果汁🍇Sauvignon White grapes，葡萄味特別香濃，其酸度、甜度完美平衡。
continue reading
前日同朋友去咗銅鑼灣食 E Molto Buono，餐廳環境優雅，食物都一流，而且非常近地鐵站。餐廳提供$928的set，總共有五道courses。首先，餐廳會送上一個麵包小藍子，裏面分別有香草麵包和芝士片，兩款保溫得非常好，再再配上自家製的辣肉腸南瓜醬或香草茄子醬，味道更加昇華。STARTER日本鰤魚他他，海膽布丁配青瓜脆片鰤魚味道鮮甜，配上底下濃郁嘅海膽布丁及表面上的魚子，味道上十分豐富。青瓜脆片十分爽口，令口感更加豐富。SOUP香濃雜菌忌廉湯忌廉味很濃郁，而且散發菇的香氣，每一啖都係充滿蘑菇，好足料。ENTREE香煎鵝肝配紅酒燴紅蔥頭鵝肝表面煎得很香脆，而且非常肥美，充滿油香，入口即化。配上脆脆的多士，再加上甜甜的紅酒汁解掉鵝肝油膩感，味道配搭一流。紅蔥頭吸收了紅酒汁的味道，酸酸甜甜很解膩。果味雪葩餐廳在MAIN前提供雪葩，讓客人清新一下口腔的味道。荔枝味雪葩味道好清新，又做到令口腔清新的感覺。MAIN澳洲M9和牛肉眼扒肉眼扒我哋揀咗三成熟，切開後顏色很粉嫩，熟度剛剛好。肉眼扒牛味濃郁，有淡淡的香味，而且充滿肉汁，非常Juicy，亦可以沾上旁邊的玫瑰鹽，令到味道更加昇華。旁邊亦有些配菜，味道很不錯。DESSERT 甜品每日都唔同，我哋嗰日兩款，分別係栗子並肩同埋朱古力mouse。栗子並肩有好多栗子粒，而且cream嘅栗子味非常濃郁，配上底下嘅淡淡的牛奶布甸，味道很平衡，非常好。除此之外，還有榛子朱古力，熱情果朱古力及伯爵茶馬卡龍。店員亦提供茉莉花茶，花茶香氣十足，有解膩的作用。Signature CocktailApple Martini $98味道上不會太甜，有少少檸檬汁嘅酸味，酒味比較重，味道很清新。
continue reading