蛋哥 (Closed)

💛地理位置上唔顯眼，比起市中心佢地就真係遠dd，但網上面見到有人大推沙嗲牛，所以都黎左一試！無得堂食所以嗌左外賣沙嗲牛麵，有一杯熱飲，蛋同埋多士，價錢其實都唔算貴😎首先要讚就係佢地好有心思，外賣無將個麵煮得太耐，唔係間間識！其次就係可以揀既蛋，炒蛋夠厚夠香！最重點既沙嗲牛真係絕對完勝好多地方！雖然佢唔係小時候既味道，但佢地真係有心思去整，花生粒同沙嗲味都夠濃，另上既湯就相對地清淡，一定要試！！疫情下更加要撐住好多香港有風味既小店💛

溫泉蛋好食；整體味道恰到好處，唔會過鹹；魚柳表面唔係好脆嗰隻，但唔會厚粉，感覺冇咁熱氣，而且上菜時熱辣辣，都幾好食；有唔辣嘅醃青瓜，係小驚喜；另外擺盤都唔錯，係另一驚喜。 就係唔明點解個飯有好多黑椒粒，原粒再切開一半嗰隻，因為個人冇特別鍾意呢種味道同口感，好想問點解，但師傅走嚟問嘢食o唔ok時唔記得問😂。

⋆⁺₊⋆.蛋哥..芫荽皮蛋仿鮑公仔麵/ $38 / 🥨🥨🥨 / 性價比幾高嘅早餐～整體唔差！碗麵芫荽皮蛋味都好出～個炒蛋嘅顏色睇得出應該係用靚蛋（？）之後有機會要試下個蛋包飯~o(〃'▽'〃)o. ..［滿分5個🥨］...⌫ 蛋哥 (觀塘)觀塘觀塘道464-466號觀塘工業中心2期地下E2號舖.#觀塘咔嚓#早餐咔嚓

近近地，走左攞蛋哥度食個lunch ~ 叫返個邪惡三眼仔黎食先~~等左大概7-8分鐘左右啦，好食，好滿足~ 推薦中意食蛋之人黎食Great Start to the Week~~~ 

米樂之前見到有個Foodie 介紹呢間以雞蛋為主題既餐廳個餐廳名同Logo仲好霸氣 咁啱又係公司附近 所以專程去食個lunch 傳聞每個餐都會加至少半隻蛋🍳中午時間1pm左右 食客不多 座位闊落 環境唔錯米樂揀左招牌no. 1 椒鹽豬扒飯，雜菌忌廉魚柳飯 同 流心蛋飯飯椒鹽豬扒飯 $58賣相唔錯 但肉質有啲柴😣配左個又鹹又辣既醬 味道一般流心蛋包飯 $68賣相ok 似係豉油加啲野菜絲炒飯 上面放一塊炒蛋 流心蛋包飯完全冇流心效果 蛋太熟🙈食完仲有啲口渴 🥵雜菌忌廉魚柳飯 $68魚柳炸得比較乾 加上冇咩汁同味🙈半隻溏心蛋算正常 總結性價比低 失望而回 不太推介😥評份 : 總平均分 ：4 / 10環境 6 / 10食物 2 / 10蛋哥 Egg for All觀塘觀塘道464-466號觀塘工業中心2期地下E2號舖

今日喺觀塘，行過呢一間餐廳叫蛋哥。見到佢個名，就覺得呢間餐廳應該會整出好多好食嘅蛋，一心諗住去試。後來見到佢嘅餐牌，發現原來只係一間普通嘅茶餐廳…. 甚至有唔係用雞蛋做嘅餸菜。我同我朋友每人叫咗一份特餐同常餐食。🥚香菇雞肉湯飯配糖心蛋$55呢個湯飯非常普通，湯水淡淡的。但不得不説係一個健康嘅選擇(有白蘿蔔、蘑菇、紅蘿蔔、蝦) ，另外隻糖心蛋有浸醋味，我個人唔太喜歡。整體來講覺得唔值呢個價錢。🥚沙嗲牛肉麵配煎雙蛋，奶油豬$41好可惜佢嘅店舖冇晒牛肉，只好轉為雞肉。幸好上嘅沙嗲都幾好食，而且奶油豬仲熱辣辣同脆嘅。呢個常餐都抵食嘅。

觀塘打工仔食晏鑊氣之選🤘🏻有冇鍾意食炸嘢或者香口嘢嘅朋友😆呢間觀塘小店就啱你地🙌🏻喺觀塘返工或者生活嘅朋友仔就知道觀塘係任何時候都咁迫人🥲返工想出街食個晏晝都可能等位等成半個鐘😵今日介紹大家嘅呢間蛋哥可能位置算係隱蔽少少🤏🏻所以通常都唔使等太耐👏🏻1️⃣椒鹽豬扒飯(包前菜及飲品)💰$58睇佢哋舖頭名就知道呢度好多菜式都加入蛋呢個元素🙌🏻依個椒鹽豬扒飯配上舖頭特調嘅豉油醬汁👍🏻香香辣辣夠晒過癮😽而且豬扒炸得脆口又夠穫氣亦都唔會乾身✌🏻呢個價錢來講都算係不錯👍🏻而且仲會配有食少量前菜👀今次就係涼拌菠菜👅雖然得幾條🤣但係成個餐都算完整🙌🏻抵食：🟡🟡🟡🟡⚫️味道：🟡🟡🟡🟡⚫️環境：🟡🟡🟡⚫️⚫️服務：🟡🟡🟡⚫️⚫️地址：蛋哥 (觀塘)觀塘觀塘道464-466號觀塘工業中心2期地下E2號舖

觀塘越來越多唔同種類嘅餐廳、工廈小店，喺openrice搵食嘅時候見到蛋哥，相信以雞蛋做主題，鍾意食蛋嘅我一於試吓。餐廳裝修簡約，牆上有蛋嘅卡通裝飾，有種家庭料理嘅感覺。Lunch menu有飯類、意粉、常餐，品種同一般茶餐廳差唔多。==============================🔸椒鹽豬扒飯 $58豬扒即叫即做，上菜時熱辣辣，肉質唔柴，不過味道普通，鋪喺面頭嘅椒鹽蒜茸鹹香幾啱送飯。煎蛋半熟流心，賣相幾好，不過蛋有啲腥，相信唔係日本蛋🙊 呢度嘅lunch set價錢唔平，CP值略為偏低。==============================蛋哥📍觀塘觀塘道464-466號觀塘工業中心2期地下E2號舖

觀塘有間雞蛋專門店名叫【蛋哥】，在香港以雞蛋為店舖主題的餐廳唔知是否唯一一家。雞蛋是每個家庭必備食材，廉美又有營養而且可當菜式的主角，又可當配角，款式多變。 雖然店內裝潢極簡陋，但【蛋哥】配合雞蛋主題，店內的牆壁都畫上不少有關蛋的卡通，十分可愛生息不少。原本以為【蛋哥】只有蛋蛋蛋，但12款午餐中只有5款雞蛋菜式，有些失望。午餐以外仲有特餐，但竟然零雞蛋！！只有炒蛋、太陽蛋 ⋯⋯ 跟茶餐廳有何分別？ 【蝦仁滑蛋飯$46】滑蛋鮮黃，炒到了半生熟流心效果，賣相不錯。蝦仁大隻但淡而無味，堆牆敗筆如山丘。幸好白飯有香甜的醬汁，不至最差。原本以為有千變萬化、有驚喜的雞蛋菜式，實物跟幻想是有落差，真係希望越大失望越大。又或者根本不是蛋專門店，只是我想多了……

對於一個蛋控來講，見到呢間鋪個鋪名好自然會入咗去。間鋪有一半係地牢入邊，沒有窗，裝修主題都係圍繞着蛋，可惜有啲侷。不過疫情期間通常都唔會堂食，所以冇所謂。今次用OpenRice 平台預先order，15分鐘行到去已經有得拎，非常方便。佢餐牌上每一樣野都有蛋。由全熟嘅炒蛋到半生熟嘅流心蛋，照顧到每一個蛋控需要。今次試咗佢嘅香茅豬扒太陽蛋飯。賣相非常吸引，特別嗰隻太陽蛋，又大又流心。望到都流晒鼻血。香茅豬扒味道普通，做作為配菜不過不失（因為隻太陽蛋先係主角）。隻蛋加上醬汁撈飯係幾唔錯。不過我覺得煎太陽蛋其實冇乜技巧，但係價錢就唔算平。CP值略為有點低。

去蛋哥幫襯嗰日，本來最期望食嘅係蛋，點知印象最深刻嘅，反而係沙嗲牛麵。叫咗個常餐，有特濃沙爹牛肉公仔麵（我加咗錢轉出前一丁），嫩滑炒蛋同埋奶油豬（呢個都係加咗錢，本來係牛油多士）。叫得特濃，個沙嗲醬果然好高質，香濃惹味，微甜微辣唔太鹹，完全係我最鍾意嘅味道😍，由於個醬係另外淋上去，所以店員會提醒撈勻先好食，不過因為我轉咗出前一丁，本身個麵已經好夠味，所以食嘅時候，將每塊牛肉沾滿大大 pat 沙嗲醬然後啪入口，感覺超正🤤。至於點題食物炒蛋其實都唔錯，嫩滑之餘，有蛋汁亦有蛋香，放上奶油豬一齊食，好滿足😌。呢個常餐係茶餐廳嘅價錢，但係小店環境同衛生都比茶記好好多，應該會再嚟幫襯。

餐廳叫做蛋哥，見到個名咁有趣就想試吓，見到個菜單掙扎咗好耐，揀唔到，職員就推介肉碎煎蛋飯，佢話多人食喎，見佢咁誠意推介就嗌左肉碎煎蛋飯。碟飯一上枱第一個反應，就係同實物圖撐咁遠嘅？！明明餐牌上面影到d肉碎好有鑊氣，一上枱啲肉碎又淺色又濕潤，絕對唔係預期之中既乾身同埋有鑊氣，雖然隻蛋嘅顏色非常之靚但係識落其實都冇乜特別，就唔係好值$58一個飯囉。大家要試都好，都唔好肉碎煎蛋飯！

蛋哥店面的裝潢是以純白色牆壁為底，繪有餐廳標誌，簡單清爽。餐牌上的選擇不多也不少，很快便選到我想吃的。就是 照燒雞扒沙律包。蛋哥用的是比較大根的法國麵包，以往對於法國麵包的印象，就是在麵包店賣的一支長長硬硬的麵包，沒想到可以做成熱狗包的樣子，橫切之後，上面鋪滿餡料，外皮處理的酥脆，口感更多層次。咬下去長法包帶點小麥的微甜，外皮沾上沙律汁後會稍微變得柔軟卻富咬口的口感，而麵包的孔洞更會吸沙律汁，口感綿密充滿蛋奶的香氣。餡料以簡單的蔬菜沙拉做配菜，清爽的生菜處於法包中間夾著，沙律拌上嫩嫩的雞蛋，看起來非常可口。最後夾上一大片頗有厚度的照燒雞扒，照燒雞扒的味道很不錯，燒汁很香，味道調得恰到好處，雞排軟嫰而不會太油膩。法包和餡料兩種軟硬不同的口感，在嘴裡有特別的衝擊。張大口咬下，爆多的配菜跟醬汁在口中爆開，既滿足也飽足。再加上熱檸茶有很清新的檸檬香，實在是很悠閒的早餐，有足夠的熱量與營養，非常健康！

想食好耐嘅一間觀塘小店，今日要去附近物流拎嘢順路過嚟試下。啱啱瞓醒無耐，未有胃口食我最想試嘅鰻魚流心蛋包飯，於是叫咗至愛嘅常餐沙嗲牛肉麵+炒蛋+牛油多士($38)，見到個炒蛋仲流緊好吸引，即刻食左先，蛋味香濃，唔會過份調味，果然稱得上為蛋哥食完個蛋有啲驚塊多士淋左，估佢唔到竟然仲脆卜卜沙嗲牛肉麵後到，送餐比我嘅應該係老闆，好細心咁提醒我要攪勻個醬。麵嘅軟硬度適中，沙爹醬帶微微嘅香辣，平時啲牛肉都係少食，閒談之間問到原來係分開煮，比唔食肉嘅客人都可以試到美味沙爹醬。比錢個陣老闆仲有問我意見，我如實請完話想夜晚都食到流心蛋包飯，不過見到疫市生意真係難做，暫時都唔會做晚市。總結：落車行過去幾分鐘就到，比想像中近；裝修同碗碟都有誠意；蛋真係特別出色；環境簡潔舒適；老闆員工有禮貌願意接受意見；一定會再嚟！

呢間鋪頭其實唔算難搵係一間裝修簡單 但幾有特色嘅小店外面見到 你會以為佢係一間食日本野嘅店其實佢係一間類似茶餐廳嘅小店Lunch時間黎到 入面唔算多人 唔洗等位坐位間隔幾好 空間感睇落好大同朋友叫左兩個飯一個係煎蛋豬排飯 另一個係蛋包飯朋友果個煎蛋豬排好出色煎蛋岩岩好脆邊 而且個蛋黃好靚豬排都好夠味我食蛋包飯果陣拎左小小豉油唔係因為唔夠味 係我慣左食蛋會加小小豉油有個侍應哥哥見到 行埋黎問我係唔係唔夠味因為佢話佢地個飯係落左鰻魚汁炒而且加咗肉粒洋蔥等 係好夠味跟住佢亦有去唔同嘅枱同客人交流下呢點係幾驚喜 感覺係幾有人情味最後離開果陣因為突然落雨岩岩果位哥哥亦有主動問需唔需要借傘推薦呢間幾有人情味嘅小店比大家