大皇餐室

Open Now

Now Closed

之前買開嘅一間超抵茶餐廳雙拼三文治烘底早餐 ，以為自從佢裝修完之後從此絕跡，搵到另一間都要成$31， 點知又突然間有個同事介紹我去另一間茶餐廳，終於俾我搵到間代替品。雙拼三文治烘底加杯嘢飲 外賣自取$25有找。我諗真係平絕觀塘區。點解要自取？因為我唔想等佢送黎野飲又凍晒，嘢食又凍晒。平時喺屋企樓下買都要$35 同樣係蛋牛治烘底+熱奶茶。仲要佢係我喜愛嘅用紙袋包裝，咁都加咗分啦。性價比高雖然而家公司津貼啫 少數怕長計丫嘛。

我原找另一家餐廳但那間店已倒閉了，因時間有限所以隨便入了一間人多的餐廳，沒錯，我是連名字也不知道的情況下入了這家餐廳，我隨便點了一個厚切焗豬扒飯，跟餐配了熱柚子蜜：飲品先到，食物製作需時：柚子蜜沒有什麼特別，無太大感想，skip~然後在飲了半杯柚子蜜時，飯到了，其實很香黑椒味：豬扒雖厚切但沒有老火，火侯剛剛好👍份量很多，夠男人食。最後才知原來有個湯免費的，但我不清楚是店員忘了給還是不開口問就會沒有，我最後開口要求才品嘗到這個湯，有料的：我對這家店印象一般，但因厚切焗豬扒飯出奇地不錯，我有推薦推薦附近上班的人來吃

外賣自取，大蝦卡邦尼意粉。味道是正常ok, 但成兜野，只有蝦2隻，50幾蚊只食意粉。即時ws同餐廳反映，無反應，失望。平時有幫襯焗飯，味道ok好味，今次感覺超差，唔掂。

lunch唔係幾想食飯，想食下常餐，就上openrice睇下附近有咩茶記，咁啱見到依間大皇餐室，㩒入去見到啲價錢都相當貼地！常餐仲有得揀蕃茄湯👍🏻 本身見到$45有碗湯麵、奄列、奶油豬，再有杯野飲，都有啲擔心唔好食😵‍💫 不過見咁平，就是旦啦🤣 點知！個蕃茄湯唔會好稀，好夠味👍🏻 同埋有得揀螺絲粉、扁意粉依啲比較少係茶餐廳會有啲粉麵，唔會食嚟食去都係公仔麵果啲～至於個火腿奄列，好足料，略嫌多左少少油。。。奶油豬好多煉奶好正！唔中意食奶油豬，都可以揀多士或者牛角包～可以再去食👍🏻

現代咖啡廳的裝修及食具，傳統的茶餐廳口味和服務。豉油王龍鬚炒麵，本來係我的非佛。但點解炒完啲魷魚絲，都係黐埋一束 😵‍💫食材質素一般，枱面三樣食品都偏鹹⋯ 口味呢啲嘢，好個人嘅，佢有佢嘅粉絲～

九龍灣工業區啲餐廳有點神秘，門口冇名午餐算多選擇，今日試佢嘅咖喱免費送嘅例水。。。碗咖喱汁分量都唔少，都幾香但稍稍偏甜，有三舊我至愛～薯仔豬扒算厚，炸得外皮夠脆，中間頗入味又唔會好鹹，合格的奶茶一般貨色，中規中矩邊啲好食，邊啲入唔到口，睇下啲碗碟啦！＃行到邊食到邊＃經常獨食但又肥嘅阿伯

又到下午茶！商場內的餐廳，五、六十蚊的下午茶餐都是預料之內。放棄商場餐廳，改為工廠大厦內的小餐廳。筆者以為下午茶餐都只不過三、四十蚊，原來工廠大厦地舖的餐廳只要門面好少少，下午茶餐都直迫商場餐廳價錢。行下行下，終於揾到間沒有招牌的【大皇餐室】。門口這個$26 雞牌餐吸引，難得見到這麼價廉物美的食品，而且沒有時間規限。甫入終於見到食店名字……【大皇餐室】沒有光亮門面，室內也沒有吸引的裝潢設計，因此價格比較平易易近人。揾下$26 的即炸雞腿餐……揾唔到！唯有叫個下午茶【脆皮雞脾配沙律/薯條 $38】。雞脾即叫即炸，等左十幾分鐘終於呈上。表面金黃，賣相對辨。咬下去卜卜脆，正！雞脾多汁嫩滑，調味剛好。大人細路都鍾意食的下午茶！沙律菜翠綠新鮮、薯條好脆……只是份量對筆者來說有點多。另外有隻蚊蚑不停在食物飛來飛去……食到一半才發現特價雞脾餐的紙貼在牆上……眼大睇過龍。下次再次下！

今日去開九龍灣做嘢，當然要食個靚早餐先返工！今日叫咗個經典早餐 — 沙嗲牛肉米粉 配 煎蛋紅腸牛角酥（$34），終於都食到我想食嘅幼米粉，真係唔係間間茶餐廳都搵到㗎，呢度唔會煮到太淋，有口感得黎又可以掛湯，但沙嗲牛肉既肉質偏淋，無咩味道。除左常見既通粉、公仔麵，如果唔鍾意食米粉仲可以揀意大利粉同螺絲粉。配菜方面係7選2，今次叫左既煎紅腸有成五塊，烤牛角酥超酥脆。另外，個人強烈推薦奶油豬，烘得又熱又脆，牛油同煉奶一啲都唔吝嗇！

最好食咖哩係🔱港式茶餐廳咖喱🍛🔱 ❣️㊙️冇多餘洋蔥、紅蘿蔔、西蘭花，簡簡單單就係Hong Kong Style. 配埋杯凍檸檬茶解辣，爽爆。💯❤️❣️牛腩軟腍得黎入味、咖哩汁稠稠地、椰槳味香濃，唔會太辣要飲水，但又有食咖哩嘅香辣味，用黎撈飯或意粉都無得頂💢相比連鎖快餐店嗰個咖喱牛腩飯，呢度啲牛腩同薯仔炆得夠淋，更加好味❤️雖然餐廳轉左手，但咖喱牛腩味道依然一樣😋，小店經營，外賣自取仲有9折，抵食👍Lunch time ~Hong Kong Style Curry Brisket with Pasta❤️😋🍛🍝