享樂餐室

Open Now

Now Closed

太想食西多士，路過見到呢間茶記下午茶時間都差唔多滿座，都決定入去碰碰運氣。一坐低已經聽到廚房傳來陣陣嘅鑊鏟聲，睇嚟佢嘅炒嘢一定有啲料到。望住佢嘅餐單，平均一個下午茶4-50蚊已經有炒粉麵飯，難怪有咁多客人。生炸雞脾配沙律 $39 - 雞脾都好大隻，而且炸到個皮好脆，啖啖肉，朋友都話唔錯。乾炒豬扒公仔麵 $50 - 認真鑊氣十足一上枱就聞到好香，好怕平時出去食嘢會太咸，但呢到炒得好香之餘，味道亦都岩岩好，夠味而且唔會太咸，岩哂我口味，豬扒亦都唔會乾爭爭，讚！！經典西多士 $33 - 好怕啲餐廳會一早幫你落埋糖漿，呢到係成支比你可以自己倒，呢點好欣賞，西多士入面搽滿花生醬，可以食到少少花生粒，口感豐富左好多。

又到下午茶時間，今日點咗星洲炒米。呢份炒米嘅份量比午餐少咗啲，有啲驚訝，但裡面撒上芝麻，添咗啲香氣同口感。 不過，碗炒米有啲鹹，建議多啲蔬菜嚟平衡鹹味，同增添清新感。 幸好裡面配菜都幾多，整體味道唔錯。至於熱檸茶，味道正常，無乜特別驚喜，但都係一個合適選擇，可以解渴同清爽。 服務方面，侍應嘅招呼唔錯，態度親切，但冇特別亮點。總括嚟講，今次嘅星洲炒米有啲鹹，但配菜多樣同芝麻加分咗不少。如果改善咗鹹味，就更加完美啦！

第一次光顧有驚喜服務員好有禮貌，食物好好味，叫左炸魚柳炸得好有水準，芝士肉醬焗意粉非常高水平，未吃巳聞到好香芝士肉醬味，凍檸檬茶好好喝，比起其他連鎖餐廳好好多，一定會再去😋😋😋

這間在元朗開張不久的享樂茶餐廳，外面門面寬敞而且內裏裝修企理、地方整潔，卡座闊落坐得舒服，還設有圓枱、適合三五知己，或者假日一家大小來聚餐。餐廳店外設有雅座適合帶有寵物人士選擇。原條脆脆炸魚（配炒滑蛋、茄汁豆、花生醬厚多士），加$10還可以選配火腿通粉或者雪菜肉絲米粉。原條鯰魚柳炸至金黃色，雖然外面炸到鬆脆但內裡保持嫩滑，點些千島醬來吃。滑蛋加茄汁豆都是我最喜歡的。菜遠肉片炒河肉片出奇地炒到嫩滑入味不會過老，菜心爽甜，河粉炒到分明不會黏在一起，而且吃得出很夠鑊氣。茶餐廳必點西多士加紅豆冰西多士裡面塗上粗粒花生醬，炸出來金黃色、加上糖漿和牛油每一啖都很有咬口。

今日放假，決定前往元朗享受放鬆療程。療程順便在元朗食飯。時間逼近，只好找了位於附近的茶記。餐廳裝修比一般茶記光猛新淨，外面還有一些戶外位方便帶寵物或抽煙人士。餐牌同一般茶記差不多，主要分早餐，午餐，常餐及下午茶。但特別之處是他標榜炒粉麵是有鑊氣並且是即炒的。因此我叫了我最愛吃的乾炒牛河。顏色充滿光澤，面上煲碗芝麻增加香氣。牛肉份量十分豐富。牛肉的口感鮮嫩多汁，並沒有用太多梳打粉遮掩其原味。河粒每條都獨立分明，不會過於粉及黏作一團。亦合乎餐牌上的鑊氣。是一碟100分的乾炒牛河。朋友不太餓，只點了一份下午茶的經典小吃——西多士。這份西多士炸得金黃酥脆，外皮鬆脆，內裡鬆軟，吃起來一點也不油膩，加上小小糖漿，十分好吃。鹹檸七以罐裝方式呈現，提供了半粒檸檬，清爽解喝。小總結❤️❤️❤️❤️❤️📌乾炒牛河鑊氣十足📌環境乾淨坐位闊落

今次嚟到同朋友食下午茶元朗食呢間朋友推介嘅茶餐廳，都見到有好多經典嘅茶餐廳菜式可以試吓 滑蛋叉燒飯滑蛋嫩滑香濃，配搭微微焦香嘅叉燒，而且肥瘦適中加埋滑蛋汁非常送飯 吉列魚柳配薯條魚柳外層炸金黃酥脆而且炸皮唔會太厚，內裡魚肉鮮嫩唔會好乾，非常邪惡。而且薯條炸得啱啱好唔會太乾加上少少椒鹽嘅味道非常香口經典西多士厚厚的多士經過煎炸，外層金黃酥脆，內裡鬆軟濕潤，淋上豐富蜂蜜，甜而不膩每一啖都係香脆鬆軟嘅麵包同香甜嘅蜂蜜中間仲有一層火腿食落去非常香口。

個日去開元朗嘉城整甲，整完一啲肚餓就揀咗呢間好近嘅茶記，價錢嚟講真係好抵，食物分量都好多！乾炒牛河: 先讚下的料頭，爆得好香，洋蔥都炒得好腍。河粉滑而不黏，每條都均勻包裹住豐富嘅豉油醬汁，鹹味恰到好處，夠油香但唔會油淋淋。牛肉切片厚度適中，煎得外焦內嫩，同河粉嘅口感完美結合，每啖都充滿了肉香和煙燻味。生炸雞髀配薯條: 雞髀外皮炸得金黃酥脆，啖啖肉保持嫩滑多汁，搭配上手切薯條嘅鹹香，食落口感豐富，食落去好滿足，雞肉調味啱啱好，唔會太鹹或者油膩。搭埋旁邊嘅薯條，外面酥酥哋，入口即溶，兩樣嘢一齊食真係太正、太邪惡。呢個組合食落去真係開心！

路過見下午茶時段坐滿9成人，應該唔差吧，一於入去試下呢間先😏 一坐底就聽到廚房傳嚟逢逢聲係好大火氣嘅聲音，二不話說即叫碟干炒牛肉河試一試佢😏干炒牛河 ＋熱奶茶 $50 一上枱已經好香聞到勁有鑊氣，下午茶份量都唔細碟，條條河粉炒得分明唔太油膩，有埋韭黃芽菜蔥段面撒上芝麻夠香口😋生炸雞脾配薯條 ＋ 涷檸茶$39＋$3雞脾唔似某d 鋪sell 勁大隻個d，係正常size 夠食的，最重要係炸得個皮好脆好薄咬落有卜卜聲，內裡肉嫩，一切開好多肉汁流出嚟🤩 雞脾薯條都係即叫即炸，上枱熱辣辣👍用木托盤上菜，好特別啱打咭😝檸茶茶底夠香濃紅茶味，仲要唔孤寒有四片新鮮檸檬咁多😍 令整杯檸茶好好飲👍

突然好懷念細個食大排檔"蓬蓬聲"💨💨💨嘅感覺，聽親戚講元朗有間好有鑊氣💨💨💨嘅小炒餐廳，廚師即叫即炒，甘一於去懷緬一番。餐廳有室內同室外嘅位置，一入到餐廳不斷傳來"蓬蓬聲"💨💨💨，估唔到連晏晝都會聽到，所以一於就叫個炒河同炒麵泥試一試下先。📌羅漢齋麵對於羅漢齋炒麵係有一個情意結，一見到menu有就一定叫。一上枱已經好香，份量亦都好大份，炒麵脆卜卜連埋黑木耳、炸枝竹、菇等餸菜，炒得好有鑊氣，每一條炒麵都掛上醬汁，不吃不可😍😍😍📌菜遠班腩炒河炒河係最後一碟，手快有手慢冇，上到枱都香噴噴，每一條炒河都炒得好香，條條分明，煙煙靭靭，仲有好多舊嘅班腩，每一嚿魚嘅魚質都好實淨，唔似平時溝粉嗰啲甘，真材實料，炒野果然名不虛傳，好好食，有傳統大排檔風味♥️♥️♥️📌生炸雞髀配薯條超大量嘅薯條，仲要係粗嘅，點上茄汁都仲好有薯仔味。生炸雞髀炸得皮脆肉嫩，每一間都好juicy。用上呢個木托盤即刻high class曬，啱曬打卡🤳🏻📌經典西多士金黃嘅西多士炸到四邊脆卜卜，一切開，就見到鋪滿厚厚嘅花生醬，果然係細個食開嘅味道，係香港童年必有嘅回憶🤖📌凍有檸🍋檸茶 & 熱有檸🍋檸茶茶味濃嘅紅茶配上而家好少見嘅新鮮檸檬，

平時好小入元朗🫢今日一早做完野🥵見到間環境企理又感覺舒適嘅餐廳就入去試下😛本身就好鍾意食薑湯豬膶通粉所以一坐低見餐牌有就即刻二話不說叫左黎食🥰食得出豬潤新鮮👍🏻又大又夠厚👏🏻又唔會硬仲超級嫩滑爽口😋勁易入口🤩相信好多人都會驚豬潤有陣腥味但呢間絕對冇🤤之後再似埋啲湯薑味極重因為面頭有薑蓉但唔算好辣啱啱好👍🏻 薑湯配豬潤簡直絕配因為可以霹走啲腥味👏🏻套餐仲配埋火腿午餐肉炒滑蛋🍳蛋味好重好香🤤火腿午餐肉好足料唔會薄👍🏻蛋都唔會煎得好老仲好滑😋套餐仲有牛油多士烘得啱啱好🤤 再配埋最愛熱朱古力奶甜度啱啱好超香濃😬

作為香港人，港式茶餐廳絕對係我哋嘅comfort food。港式茶餐廳除咗講求快、份量足、抵食之外，更唔少得港式獨有嘅：鑊氣。作為港式主打，位於元朗嘅享樂餐室，就絕對符合以上要求。今日就讓鑊氣蕩氣迴腸啦！乾炒牛肉河茶餐廳杯除咗杯奶茶重要，乾炒牛河亦能體驗茶餐廳嘅功架！享樂餐室嘅乾炒牛肉河相當有鑊氣，端上檯嘅一刻已經香味撲鼻。牛肉肉質嫩滑，河粉條條分明，重點係唔會太油，加上銀芽同韭黃，色香味俱全。椒鹽豬扒飯茶餐廳嘅椒鹽豬扒飯，絕對係另一人氣選擇。醃過嘅豬扒再用大火煎炸，令豬扒保持肉汁，香口得嚟又唔會太dry。加上椒鹽調味嘅豬扒，非常香口，肉汁豐富，而且份量同鑊氣十足，送飯真係一流。

鹹檸七喜：鹹檸七喜是一種具有獨特風味的汽水飲料。它結合了鹹檸檬和傳統的檸檬汽水口味，帶來了一種清新又微妙的口感。鹹檸七喜的氣泡細膩，帶有柔和的檸檬酸味，並帶有微妙的鹹味，這使得它與其他汽水有所不同。這種飲料常常成為夏季解渴的好選擇，它的口感獨特，絕對值得一試。經典西多士：經典西多士是一道受歡迎的早餐或下午茶選擇。它由麵包片沾上蛋液後煎烤而成，通常會配上奶油或楓糖漿。經典西多士的外層酥脆，內部柔軟，帶有淡淡的蛋香和烤麵包的香味。它可以單獨食用，也可以搭配水果、鮪魚或培根等食材增加口感層次。經典西多士是一種經典而美味的小吃，適合任何時間享用。菠蘿油：菠蘿油是香港特色的一道早餐食物。它由切片的麵包上塗抹厚厚一層鹹牛油，再放上烤過的菠蘿片組成。菠蘿油的口感結合了麵包的鬆軟和菠蘿的多汁，加上鹹甜的牛油味道，形成一種獨特的風味。菠蘿油通常作為早餐食用，配合一杯奶茶，是很多香港人喜愛的搭配。它的味道豐富而滿足，絕對值得一試。乾炒豬扒公仔麵：乾炒豬扒公仔麵是一道具有濃厚港式風味的經典麵食。它由炒過的豬肉扒、蔬菜和彈牙的麵條組成，通常會在麵上撒上一些蔥花和稍微調味的醬汁。乾炒豬扒公仔麵的豬肉扒經過炒煮，

其實元朗圖書館都幾好坐㗎，有時同阿女坐足一日，坐到肚餓就會喺附近搵嘢食，今次我哋搵到一間新開嘅茶餐廳，睇落好似平平無奇，但原來內有乾坤。享樂餐室 (元朗) 📍地址：元朗金輝徑2號金安閣地下A-B號舖🍝 乾炒叉燒意粉 $63豐富的叉燒肉片，意粉都幾彈，重點食落唔油膩。價格合理，份量也很足夠，自己炒又真係好難炒到咁有鑊氣。🥪 常餐包一個麵和多士煎蛋 $47一份常餐，裡面包含了一碗麵和多士煎蛋。這個懷舊薑汁鮮豬潤麵真係特別，豬膶很爽口，濃郁的薑汁成個面甜甜地，常餐又點少得多士同煎蛋呢，成個餐好飽啊。隔咗兩日，我哋又嚟到呢度食下午茶，，今次又有新驚喜。🍗 生炸雞髀配薯條 $39雞肉外皮酥脆，內裡嫩滑多汁，搭配著香脆的薯條，雖然好邪惡，但係好好食喎。無論咩年紀都鍾意食炸雞髀❤️🥪 公司三文治 $40這個三文治裡面夾滿了各種新鮮的食材，炒蛋好厚身，成個三文治都好厚身。而且價格也非常合理，食完真係會飽肚，而且營養又豐富。#享樂餐室 #美食之旅 #元朗 #食評 #意粉 #叉燒 #麵食 #雞肉 #三文治 #舒適溫馨 #物超所值 #回味無窮 #美味享受 #香脆薯條 #營養豐富

><好耐冇食公司三文治等到下午茶時間先食飯 公司三文治(40)一層夾咗芝士火腿蕃茄另一層係生菜厚蛋午餐肉砌得工整唔鬆散 每啖都好滿足特餐(50)香煎豬扒配煎蛋火腿+ 花生醬厚多士估唔到係荷包蛋 拮穿之後蛋黃緩緩流出跟餐碗米線都幾大碗干炒牛河炒得乾身 河粉唔太油膩配料芝麻洋蔥韮黃芽菜有齊晒 夠香口紅豆冰/鹹檸七 跟餐特飲(+9)><><><><><><><><><><><><享樂餐室元朗金輝徑2號金安閣地下A-B號舖

假日多數都係去下茶餐廳簡簡單單食下嘢。呢間餐廳午市套餐選擇都幾多，揀咗薯仔炆排骨飯。排骨炆得好入味，肉質結實多汁，搭配薯仔，薯仔外皮少少煎香，加上有草菇，醬汁夠香濃，撈飯一流！薑汁牛肉米粉，牛肉份量充足，煮至剛熟，牛肉肉質都好嫩滑。有清新薑汁味。配上炒滑蛋和午餐肉，滑蛋炒得剛好。加埋份奶醬多，多士香脆，好味😋茶餐廳必食菠蘿油，外皮酥脆，內裡鬆軟，牛油剛好融化其中，唔錯呀餐飲點咗奶茶，都夠香，凍利賓納都唔錯