Espuma (M88)

Open Now

Now Closed

這間店位於中環，法式餐廳的格調，同朋友一起飲酒，而且可以在高處從落地窗看外面繁華香港的夜景！龍蝦水煮蛋牛角包伴牛油果醬及巴馬臣芝士牛角包配一個水煮蛋和鮮嫩的蝦肉，一咬下去，滿口都是海洋的鮮美與蛋香的濃郁，伴以牛油果醬和巴馬臣芝士，口感豐富焗蜜糖䲠魚，魚肉鮮嫩多汁，蜜糖的甜味與魚肉的鹹味相互映襯，芝麻醬薯蓉充滿芝麻味，炒蔬菜絲鹹香味比較重！法式洋蔥湯，一條條洋蔥燉得好軟嫩，充滿濃郁的洋蔥甜味，湯上漂浮一塊芝士士多，浸在湯中底部慢慢變軟，上邊就好硬脆。鮮雜果吉士忌廉泡夫，好似一個靚花籃好得意的造型，泡夫外酥內軟，填滿順滑香甜的吉士忌廉和新鮮的草莓蜜桃藍莓奇異果！

中環逛街剛好見到M88廣告牌介紹Espuma，就好奇上去對著靚景餐廳，就入左去品嚐，整體感覺都唔錯。Dinner Set 每位$398*起，有齊前菜、湯品、主食、甜品，一共4道菜。前菜超級推薦 #燒香草鮮魷 配糖漬檸檬汁，秘製魷魚醬汁酸酸甜甜，非常開胃，再加上魷魚外皮燒得脆邊，但又唔影響肉質，保持滋潤感； #龍蝦水煮蛋牛角包伴牛油果醬及巴馬臣芝土 ，整體配搭都非常清新，尤其是輕輕幾溫泉蛋一切將蛋漿流出一瞬間放入口，完全多種層次口感。湯品品嚐法式洋蔥湯，非常多一絲絲洋蔥肉，然後又好重黑椒味，過份濃郁，然後麵包一早預設在湯上，品嚐下去就像在吃海綿感覺，非常特別。主菜方面推薦 #燒紐西蘭羊柳 配香草甘筍仔、甜甘筍蓉，羊柳7成熟都非常香身，帶出羊鬚味道，配合醬汁剛好中和，配菜合拼都非常飽肚；另外又品嚐過 #焗蜜糖鰆魚 配鮮芒芝麻醬薯蓉及炒蔬菜絲，大大件魚肉有方包般大，而且又特別厚，疊上芝麻醬薯蓉一同吃都很特別，2道菜式如果醬汁可以更多就更加惹味。最後甜品品嚐 #鮮雜果吉士忌廉泡芙 配士多啤梨汁，驚喜之處在於面上彎曲的Churro，香脆甜甜再配合鬆軟泡芙，為Dinner Set畫上完美的。

之前都食過Espuma 原來依家得番中環店咋因為好掛住佢個麻糬窩夫所以就去食啦我地揀左set dinner 價錢喺中環區都合理Seafood Platter另外order海鮮冷盤 最好味係鮑魚 柔軟有彈性龍蝦水煮蛋牛角包下層加左香滑嘅牛油果醬龍蝦肉份量都幾多 starter嚟講幾有誠意燒香草鮮魷香草味好香同魷魚幾夾 糖漬檸檬酸甜開胃法式洋蔥湯洋蔥湯味道好香濃 芝士脆多士令味道更昇華波士頓龍蝦配海鮮汁扁意粉龍蝦都幾大隻 鍾意個意粉煮得 al dente又掛汁燒美國牛柳揀左7成熟 煮得啱啱好 仲有淡淡粉紅色肉質幾嫩又有牛味 甜薯餅脆口唔油膩鮮雜果吉士忌廉泡夫上面仲配左西班牙churros 吉士醬唔太甜招牌鮮雜果麻糬窩夫同以前一樣咁好味 外層好薄好酥脆中間食到麻糬夾心 口感煙韌 不枉我特登嚟食佢

中環 M88 Espuma一邊食晚飯一邊睇中環夜景😍店內有大型落地玻璃非常，超有格調，推介情侶約會、朋友聚餐❤️
今次試左佢哋嘅dinner set $398/per person，非常滿足🫶🏻STARTER龍蝦水煮蛋牛角包伴牛油果醬及巴馬臣芝士&燒昋草鮮魷、糖漬檸檬前菜精緻出色！牛角包好酥脆～配埋牛油果醬、龍蝦肉超正，仲有好多芝士增加咸香🙆🏻‍♀️燒鮮魷真係must try！唔韌好爽彈👍🏻調味好味👍🏻SOUP龍蝦濃湯 +$20&法式洋蔥湯龍蝦湯入面仲有龍蝦肉🫶🏻洋蔥湯咸香得宜，配埋芝士多士超正😍MAINS波士頓龍蝦半隻配海鮮汁扁意粉 +$60&焗蜜糖鰆魚、鮮芒芝麻醬薯蓉、炒蔬菜絲海鮮汁扁意粉好好味！仲有半隻焗龍蝦🦞好正🙆🏻‍♀️ 鰆魚其實就是馬鮫魚，肉身肥美，口感豐富～DESSERT 鮮雜果吉士忌廉泡夫配士多啤梨汁最後甜品不過不失🙈

食過好幾次呢間西班牙餐廳，發現其他分店都沒有了只剩下中環這一間，剛好與同事中午聚餐揀咗呢間。環境：環境嚟講餐廳都好闊落，面向好靚嘅山景，咁啱當日藍天白雲景觀真係一絕，對住咁靚嘅景色午餐心情會特別好。食物味道：中午午餐其實偏向西式為主，有前菜或湯、主菜、甜品及餐飲一杯，食物味道方面都中規中矩，甜品芝麻蛋糕口味偏甜。服務：服務態度正常，只係餐廳可能人手不足出餐有點慢，如果中午對真係只有一個鐘頭食飯時間既上班族可能有點趕。

Espuma位於中環嘅M88，採取大型嘅落地玻璃，配上靚景色自然光，如果選取日落時分，隨着光線慢慢昏暗，更加有氣氛😳當日我哋每人叫咗一份晚餐，豐富又抵食😚首先前菜係芝士松露醬薄多士，芝士松露醬味道香濃，配上香脆嘅多士，味道非常夾😻巴馬風乾火腿季節沙律，巴馬火腿嘅鹹香味啱啱好，而且好大塊，好滿足，沙律菜及車厘茄新鮮，整體非常開胃🥰餐湯係南瓜湯，口感綿密，而且每啖都有南瓜嘅自然甜味香氣😋黑松露醬芝士薯條，薯條熱辣辣，仲有芝士粉喺表面，配黑松露醬，簡直一絕，食到停唔到😛焗比目魚伴炒迷你波椒配西柚檸檬牛油汁，比目魚外脆內嫩，肉質細緻，外皮烤焗得非常酥脆，加上西柚檸檬汁嘅香氣，更加增添到整體嘅層次口味😝香烤美國安格斯肉眼扒，叫咗五成熟，牛肉味道香濃，而且肉質軟腍，外層微微嘅炭燒味，仲有脂肪同肉汁嘅融合，令人回味無窮😳重口味朱古力窩夫，淨係見到個名都知一定係滿滿嘅朱古力😋甜而不膩，而且仲有好多曲奇，增添口感，作為甜品好滿足🥰

星期六有北京朋友黎左香港玩, 佢想搭下叮叮, 食下西餐, 感受下香港D一面既氣息,所以我就充當導遊, 帶佢去港島區玩下第一站首先我很喜歡的Espuma, 我好鐘意呢度既食物同環境, 有高級餐廳的感覺, 所以都好想介紹比朋友, LUNCH時間去到, 係有LUNCH SET的, 咁就可以試多少少野西班牙式脆皮豬腩卷配蘆筍-$308跟餐會有芝士松露醬薄多士, 巴馬火腿, 沙律菜同埋磨菇湯, D個組合做前菜已經好有誠意啦, 多士好香脆, 濃濃的松露醬香味, 芝士有2款, 輕輕一拉就有拉絲效果, 這個薄多士很出色! Parma Ham既咸香令人更開胃, 磨菇湯超級香濃, 絕對唔係罐頭湯可以媲美。而D個豬腩卷係人超有驚喜, 炸得好香口, 油而不膩, 肉汁豐盈鮮美, 如果沾上少許蜜糖芥末醬就加清新, 加上蘆筍的清甜鮮嫩,味道非常配襯,可以清新開胃。整體感覺高貴不貴, 簡直是食家的必嚐之選!香烤美國安格斯肉眼扒8oz-$398這份肉眼扒煮得恰到好處, 肉質鮮嫩多汁,咬下去肉汁馥郁四溢,充滿牛肉的美妙香氣, 表層烤得焦香可口,內裡卻維持著恰到好處的嫩度,肉質軟嫩滑順, 這等優質的安格斯牛肉,再配上精湛的

巧遇在中環上班的老朋友，即興一起晚飯，聚舊一番。多年前曾一起在中環的Espuma晚餐，印象良好，順道連同美食一同回顧！環境依舊，沒過住的喧鬧，反而可靜靜的好好閑話家常！小食點了酥炸大蝦多士配日式芥辣蛋黃醬 $99，多士炸得透徹，完全鬆化如脆片！芥辣醬吊出蝦鮮香，口感味道都甚為理想！主食則揀了西班牙橡果黑毛豬柳西京汁珍珠麵 ＄159珍珠麵是粒狀的意大利粉，還是首次在香港遇上，有新鮮感！黑毛豬柳煎香鬆軟有肉汁，無豬羶味，味道上佳！另一份肉類，點了較輕盈的爐燒原條龍脷魚配香草檸檬青檸橄欖油汁 ＄219龍脷魚肉嫩滑，多肉少骨，配香草檸檬青檸橄欖油汁，味道合襯。招牌鮮雜果麻糬高夫配雪糕 $139，選了呍呢嗱及楓糖合桃雪糕🍦😍😍。賣相靚靚的，窩夫雪糕水果都是大愛，甜品真的令人開心滿足！抹茶鮮奶 $42，茶味香，有拉花，甜度偏淡，重口味的話，要另加糖漿 😂😂招牌雜果冰沙 $58，果汁味道濃郁，沒有因冰沙溶掉變淡，果肉多，份量夠，好味抵飲！很喜歡這裏的特式甜品，不用餐後要換場吃甜品 👍👍

今日嚟到中環呢間西班牙餐廳真係好受歡迎❤️見到一排座位對住落地玻璃由黃昏開始🌙慢慢望住中環嘅夜景真係好有居高臨下嘅感覺☺️菜式方面用料都不錯🥰特別係甜品都好有造型打卡感📷嚟到約會係個好選擇值得一試🎉⭐️ Slow Cooked Galician Octopus Wasabi Mashed Potato Poprika 🐙八爪魚都係好地道嘅西班牙菜色🌊肉質軟嫩又鮮甜🇪🇸 薯蓉加上Wasabi🥔有刺激感有種Fusion的感覺🌶️⭐️ Spaghetti con Fois Gras Y Creme Truffle 🍝意粉配上松露醬汁香濃而且夠曬Creamy🍄特別一讚鵝肝入口即溶充滿油香好高質🪿⭐️ Spain Calderon Iberico Pork Rice Pot in Lobster Broth 🥘砂鍋飯充滿龍蝦汁嘅鮮味🦞充滿海洋的感覺💙配上黑毛豬柳肉汁特別Juicy🥓整體感覺好豐富⭐️ I Che Tropical Bonbon 🧇窩夫嘅口感鬆軟又帶上麻糬嘅煙韌🍡用上心形既造型特別帶點浪漫💓 加上唔同既鮮果同雪糕甜度岩岩好🍓

假日打算到中環四處逛逛，先在附近食個午餐才出發找到這間餐廳，入到去相當舒服，落地大玻璃，採光度十足，窗外景色盡收眼簾。而餐廳的牆身塗上黃色，掛上抽象派畫，整體感覺相當放鬆先叫了個黑毛豬火腿茄子卷配辣紅椒汁 $89薄薄的茄子捲着三色椒，面頭還有黑毛豬火腿，很清新，用mojo picon醬作配撘，少少辣很惹味黑松露野菌芝士薄餅 $139很喜歡這薄餅做得非常之薄身香脆，可口美味。 加上黑松露野菌，陣陣香氣撲鼻至尊西班牙海鮮飯 $399色彩奪目，西班牙飯上面鋪滿不同食材，有虎蝦，青口，帶子，扇貝，魷魚，伊比利亞橡果香腸，好多都係珍寶size，非常誘人。海鮮夠鮮，而米飯就吸滿海鮮的湯汁，味道豐富凍焦糖咖啡 $40香醇之餘帶點少少甜招牌水果茶 $48多種水果切成小粒，好清新解渴在這裏欣賞著美景，休閒地吃了個午餐，充滿力量出外逛逛

👧🏻😋👅🍽✨靚景西班牙菜 必食churros☺️-🇪🇸 樓上餐廳有大大塊落地玻璃望無敵山樓景, 除左set lunch亦有好多元化a la carte menu, 尤其tapas選擇好多, 餐牌中英圖文並戌好易睇🇪🇸 落單後店員都會細心溫馨提示製作需時既item, 例如西班牙飯同甜品厚鬆餅, 會同客人溝通有關上菜安排 -🐙 Tapas 🧆💯烤八爪魚配薯仔肉 荷蘭汁及辣椒粉 $139 八爪魚肉質軟嫩又唔會太腍, 薯仔肉爽口, 荷蘭汁好香牛油味好creamy, 係成個tapas靈魂所在💯手打和牛肉丸伴果仁甜椒蕃茄醬 $99 和牛肉丸油香好重, 個蕃茄醬果仁味重甜甜地唔會太濃味但好鮮好香, 每咬一啖肉丸都點一點個醬可至最佳味道-🥘 Main 🐖 ✨西班牙橡果黑毛豬柳龍蝦汁砂鍋飯 $269 成鍋飯份量好多, 中環地段呢個價好良心.. 黑毛豬柳肥肥地好嫩滑; 飯底有蟹肉, 海鮮粒, 櫻花蝦, 辣肉腸等等, 同龍蝦汁完全契合! 用砂鍋上, 𢳂左幾碗食到最尾都仲好熱!-🥞 Dessert 🥨💯西班牙炸油條 $79 質地挺身而酥脆, 蛋香味好好好重, 朱古力醬又好濃厚, 100分最佳churros💯流心

一直鍾情中環區周末的氣氛，找到一家西班牙餐廳來個早午餐黃配啡的裝修，還有掛畫做裝飾，環境開揚舒適窗邊位置採光度非常充足，更可欣賞半山區的風景主打融會亞洲和新派西班牙及歐洲料理，性價比高西班牙前菜慢煮加利西亞風味八爪魚伴芥末薯蓉爽彈綿密，雙重口感蒜片炒虎蝦伴辣味香草充滿蝦膏，微辣夠惹味意粉巴馬風乾火腿伏特加蕃茄珍珠麵鹹香份量足主菜炭燒加拿大天然豬鞍鮮嫩多汁，近骨處肉味更濃融合六十年頂尖烘焙工藝的西班牙手搖咖啡空氣感十足

芝士松露醬薄多士絕對係人氣頭盤之選。濃郁香濃嘅松露芝士醬配合酥脆多士,簡直係一絕!一啖落肚,芝士香氣撲鼻,口感豐富。巴馬風乾火腿季節沙律就好新鮮爽口,火腿嘅鹹香味點綴出來,加埋新鮮蔬菜,清新又滋味。好適合夏日享用。非洲雞配炸薯條,就係相當傳統但永不過時嘅經典。雞肉嫩滑多汁,炸得黃金酥脆,加上薯條,簡直係最對胃口唔過。焗比目魚伴炒迷你波椒配西有柚檸檬牛油汁超級吸引。魚肉細膩鮮美,配合清新酸甜嘅牛油汁,簡直係絕配。蒜片炒虎蝦配辣味香草同樣叫人垂涎欲滴。虎蝦肉質鮮甜,配搭香濃辣味,實在無法抗拒。最後,仲有咖啡同茶款可供享用,真係貼心無比。

星期六晚上的中環，撞正下雨天，街上人也不多，何況是餐廳。Espuma 和距離港鐵站不遠，所以下雨也沒有影響到我們的約會。這裡環境十分寬敞，店員安排我們坐窗邊，可以靜靜欣賞窗外的美景。如果說這間是西班牙餐廳，我返覺得他是fusion菜。今晚我哋就決定自製海鮮餐頭盤香芒牛油果蝦沙律 $139估唔到份量挺大、蝦仁爽脆，香芒和牛油果夠熟又甜又滑，沙律菜配橄欖油，超健康。辣味蟹肉撻$89細細個蟹肉撻拎上手是暖的，完整一個送入口，蟹肉混合沙律醬，味道夠鮮；撻底是我喜歡的牛油皮，好味。我超想encore !忌廉汁白酒忌廉汁青口 $199大廚用心砌得好工整，青口浸在白酒忌廉汁上，青口不算大隻，冇腥味，青口和白洒忌廉汁味道超夾；更配上焗得相當香脆的蒜蓉包，絕配。爐燒原條龍脷魚配香草檸檬、青檸橄欖油汁$219見到原條龍脷魚我有點感動，真係好少在西餐廳吃到原條魚，香草檸檬和青檸切片放在魚上，兩者酸度不同，令味道更有層次，龍脷魚肉又嫰又滑，最重要系唔需要吐骨，食得好開心。腰果意式奶凍$69擺盤上花的心思超越我所預期，色彩上配搭完勝，未食已經加分。腰果奶凍雖然未如預期中濃郁，但仍富果仁香氣，口感軟滑，甜度偏低，

這間位於中環的【Espuma】，主打西班牙菜及甜品，有多款的特色Tapas及精緻甜品供應，絕對是打卡必去的餐廳。馬介休炸薯波薯波炸至金黃香脆，旁邊還有些沙律菜伴碟，薯波中間有少許的馬介休，十分惹味。焦糖牛油雞翼雞翼炸至香脆，表面有淡淡焦糖香味，但不會過甜。至尊西班牙海鮮飯海鮮飯足二人分享，表面舖滿了海鮮，包括大蜆、帶子、海蝦及貴妃蚌，貝殼類新鮮，完全無沙，海鮮飯吸收了海鮮湯汁，入口軟糯。黑松露野菌薄餅薄餅是薄脆餅底，表面舖滿了芝士及雜菌，芝士拉絲，而且有黑松露的香味，簡單又好味。