台灣ET鹽水雞

Open Now

Now Closed

嗌B餐（半隻雞+3款配菜）2-3人餐玩嘢啊？邊到有半隻雞？定你隻雞係小雞嚟？隔離鋪買一份手撕雞仲多過你呢個半隻雞。高麗菜碎到以為杯麵啲配菜料，甜不辣唔知有冇食到五舊。呃錢呃到咁，a餐份量同b餐一樣撈又無撈好，蒜又唔夠蒜，得個鹹字，係到扮台灣鹽水雞。食完都唔知食咩，不過可能係因為我個份量少到真係唔知食咗啲咩，少到攝牙罅😌不過我會推介俾我啲台灣朋友嚟食，俾佢見識吓香港嘅台灣鹽水雞，到時再嚟叫佢哋寫吓食評睇吓究竟好唔好食！

台灣夜市小食吃得多第一次在香港試試台灣ET鹽水雞被門外的餐牌吸引聲稱來自逢甲夜市必吃美食主菜主要選擇雞脾/雞胸/三隻雞翼然後選擇三款配菜亦可選擇辣度和加配飲品返回座位等取餐選了雞腿肉加三款小食百葉豆腐、馬鈴薯和皮蛋bb辣適合怕辣但小小刺激剛剛好最驚喜是百葉豆腐完全滲入滷汁雞肉也非常軟滑入味但薯仔可以不叫改試試其他加$4紙包綠茶室內座位不多但乾淨企理食完需要自行清理擺放好托盤整體算不錯但價錢一點也不便宜約$50

揀咗一個二人套餐半隻鹽水雞+3份配菜，白飯同埋朋友揀咗泠面 ，套餐仲包埋飲品揀咗可樂同埋芬達提子呢個套餐都只需要$100性價比都好高，因為佢味道都好好食好有台灣夜市嘅感覺，我哋嘅配菜揀咗甜不辣，黑米糕，貢丸，揀咗BB辣好鍾意呢種辣味好夾，鹽水雞份量都好多，如果5分係滿分嘅話我會比4.5分環境都好舒服，大圍的店舖有一個好大的落地玻璃令到間舖都好光猛餐枱樓面都好乾淨寬躺真係一間坐得舒服食得好味的平民台式店👍🏻👍🏻👍🏻

印象中鹽水雞都係一大隻一齊食嗰種，估唔到呢度提供多款選擇，想一個人/同朋友/一家人當小食/正餐/加餸都ok！另外可以自選調味濃淡同埋辣度，而且有唔少配菜選擇(refer to最後嗰張相)🐔A餐(1人)：雞胸/雞腿/3隻雞翅 + 3款配菜 💰50 因為今日淨係想食少少嘢，所以就冇揀到配飯/冷麵嘅套餐，而係多一款配菜；今次揀咗雞胸，配西蘭花、魔芋絲同埋芭樂～西蘭花同埋魔芋絲都幾好掛汁，雞胸唔會好鞋、份量幾多，西蘭花硬度適中😋芭樂其實係台灣人「番石榴」嘅叫法，低卡之餘可以幫助減重&皮膚變好，同鹽水雞都好夾✨扣咗一分係因為同上次比較，佢細份咗 (配料少咗啲例如魔芋絲) 又貴咗少少😿不過相比之下都抵食!(*今次揀咗走蒜走蔥、BB辣)

咁岩去開呢頭做嘢，不嬲都鍾意食佢啲雞，好爽皮，同埋最緊要有得食甜不辣，今日茹素，就叫一個全素嘅版本試一試。百葉豆腐，蜂巢豆腐，甜不辣，青瓜，中辣同平時有肉嘅版本未到一樣咁豐富，香，麻，辣。兩款豆腐都好食，但係我食完已經唔記得邊隻打邊隻，所以下次都係要叫晒兩隻😂

一直想試台灣ET鹽水雞，果日係大圍竟然比我見到，咁梗係要食啦😂哩間鹽水雞可以堂食，雖然未算寬闊但有一塊落地大玻璃👍🏻自然光透入嚟幾舒服😌我同男朋友兩個人叫咗個二人餐，有鹽水雞半隻，可以揀三款餸，再配台式冷麵或者白飯💕而且個餐仲包嘢飲，非常抵食💕鹽水雞份量十足，帶點麻辣味，非常開胃惹味💕台式冷麵非常彈牙而且好掛汁👍🏻撈埋鹽水雞一齊食真係好食到停唔到口🥰加埋啲配餸，兩個人都食到好飽啊🥰

還以為這間台式ET鹽水雞是不是撤出了大圍，如果在沙田是不是要去廣源邨才買得到？🤔原來，原來的位置就變了間無辣不歡，這間ET鹽水雞更加增設了堂食位置，在遠離地鐵站後少少的地方。我同樣買了半隻鹽水雞，不知落單圈錯，定還是店員看錯，豆干變了豆卜，不緊要，因為原來豆卜吸了鹽水雞的汁醬，更為香濃，比起平日吃湯的豆卜，味道更香，而且爽脆，吸汁，非常好吃。雞翼雞背雞胸都有，雞肉不會顯得太鞋太鞋，雞皮亦嫩滑甜不辣同樣是平日最喜愛的配料之一，彈牙，一啲不會顯得鞋口，非常煙韌的質地，味道相當好。小黃瓜份量就顯得比較少，不過都算爽脆清新。這間鹽水雞擴張了之後，增設了20-30個堂座，雖然未必會來堂食，不過味道都比起以前好像更進，沒有退步。

😆嘟嘟妹最中意食鹽水雞～​可能係因為又麻又辣🌶同埋有洋蔥水勁香​呢間有得坐又有得望住好似台灣景色嘅ET鹽水雞真係大大推薦比大家😆💕​比🐷🐷們可以係無得去台灣嘅情況下～​享受下暫時嘅快樂😍😍​​***​✨推薦食品：$5x一人套餐🐷‼️​👉🏻推薦指數：🌟🌟🌟🌟🌟🌟​👉🏻食評：呢個套餐係包三個餸同埋一堆冷面😂嘟嘟妹最推薦係勁爽脆蓮藕同埋吸哂辣汁嘅蜂巢豆腐😆因為呢間係重味少少😍所以個味真係好岩平時中意食重口味版嘅鹽水雞嘅🐷🐷們✨​​👉🏻每個套餐都包一罐飲品或者一杯豆漿～～如果你係食完去踩單車🚴🏻‍♀️可以拎支支裝水😆​​👉🏻呢個份量真係係大男人都會食得飽～因為真係又多又抵食😍​​👉🏻想體驗下短暫台灣旅行feel嘅🐷🐷們可以黎試下🧳​​🌟🌟：記得食飽飽要自己拎個盤去正確位置👍🏻​​***​🎏店鋪：ET鹽水雞​🏚地址：大圍積信街​

今日買左個A餐，$48，揀左雞胸，黑木耳，高湯洋蔥同埋西蘭花。但係返到屋企之後發現係無左份高湯洋蔥嘅☹️☹️於是我想打電話俾店家同佢哋講，但係無論係OpenRice定係IG都搵唔到大圍分店嘅聯絡電話☹️然後我就打埋去ET鹽水雞嘅其他分店去問佢哋有冇大圍店嘅聯絡方法，結果佢哋全部都話冇☹️ 其實ET鹽水雞嘅食物質素係正常，我都幫襯過好多次。有時買外賣，舖頭比少咗/比錯左食物，呢啲情況都會發生，之後可以打返去餐廳講返就ok，有d舖頭甚至都好好話會下次補返。不過今次連我連打電話比舖頭反映嘅機會都無，真係☹️☹️ 希望舖頭可以盡快補番個聯絡電話，咁樣同時可以方便顧客打電話落單買外賣。