euro go go

Open Now

Now Closed

芝士吞拿魚牛角包🥐 配熱咖啡☕️ $34牛角包烘到熱辣辣，很好吃。餡料份量適中。即磨咖啡幾香。忌廉蘋果脆脆🍎 $36 配忌廉朱古力🥤+$10很喜歡這個！上面是一大匙軟滑的忌廉，中間是焦糖餅乾碎，下面蓋住煮過的蘋果，三樣一起吃非常match，而且不會太甜膩。加$ 配忌廉朱古力🍫上面是擠了朱古力醬的忌廉，下面是沒有冰的凍朱古力，很喜歡沒有冰的凍飲，不會溝淡朱古力味。

前幾日嚟到呢度下午茶,買完之後坐低,有店員會送上食物買咗個蜜糖雞翼,超好味！雞翼的表皮充滿香噴噴的蜜糖,但又不太甜雞翼皮的表面仍是香脆的,我起來是好juicy令你吃到唔停口

之前成日幫襯euro gogo，油塘呢間就第一次黎，環境唔錯，服務態度都好好，本身想自己出去斟水，個員工都幫手攞埋位。意粉個d唔多講，呢個四式蒜蓉包都係第一次食，要成$68，貴過意粉🙈但少少失望，其實蒜蓉味好香好吸引，但除左雞肉、牛肉兩款比較好食，火腿太鹹，吞拿魚好難食，好唔夾，浪費左蒜蓉，如果$40都ok，但$68性價比太低，下次食返普通蒜蓉包算😂

用家個人分享，不是打手！8️⃣5️⃣位置，油塘地鐵A出口直行，易揾到。7️⃣5️⃣裝修正常，算乾淨，個人覺得坐位較迫。8️⃣0️⃣招呼，自己出counter落單，上菜都快及有禮貌。8️⃣5️⃣下午茶餐F，蜜糖雞翼餐$48，焦焦地好好味。9️⃣0️⃣跟餐另+$10，凍忌廉朱古力。6️⃣5️⃣下午茶餐L，農夫比得包，好乾好硬。8️⃣0️⃣跟餐送熱咖啡7️⃣5️⃣蘑菇肉醬意粉$52，好味，份量足。8️⃣0️⃣CP值，2個人埋單$150，免加一，下午茶時段16:00去，平均每人$75，偏貴唔飽，整體好味嘅，大有機會再去。

今日外賣自取Euro Go Go嘅午餐，我叫咗自己平時最鍾意食嘅黑松露麥型粉🤤，午餐套餐仲可以免費有蒜蓉包同一杯嘢飲。 忌廉醬同麥型粉呢個配搭真係襯到絕呀🥰而且黑松露嘅味道都幾濃，真係要讚一讚！不過有少少失望嘅就係個蒜蓉包淋咗..... 可能拎返屋企擺得耐咗嘅原因所以冇咁脆 整體來講呢個午餐套餐我個人係覺得抵食嘅🥰

我所認識的Euro gogo 是以前去深圳玩時曾經幫襯過，估唔到香港油塘站的大本型商場也進駐了。今日行經見到，順便食番個下午茶先。下午茶餐都有不少選擇，意粉類，小食類，甜品類，更有一款啱心意。香蕉船是兒時的至愛，始終覺得兒童時所食的造型吸引啲。伴碟的威化和朱古力紋條不太鬆化。雪糕應該不是名牌那種。整體普普通通。咖啡尚算滿意，味道苦澀兼有回韻。大大杯抵飲。

晚飯時段和家人一齊吃西餐，我點了芝士白汁海鮮焗飯，首先一個飯大概有二人份量，飯上面佈滿了鋪滿了滿滿的芝士，至於海鮮有魷魚、龍俐柳、帶子之類，份量很足，而且好吃，非常建議大家一試。

尋日去咗Euro go go食下午茶蜜糖雞翼加配凍朱古力係超邪惡嘅配搭😈雖然有蜜糖 但係雞翼依然皮脆肉嫩朱古力較為濃稠 Whipped Cream亦好稠身飲一半已經有啲膩🤣味道方面有香濃朱古力味 唔太甜👍🏻

屋企人提議去 Euro go go 食西餐， 點知換來係一肚氣。食物係冇 Euro 味道，完全係港式味道，可能只比茶記稍好。芝士吞拿魚意粉套餐，套餐包括餐飲、沙律、意粉; 檸檬茶嘅茶底唔係好夠味，檸檬都唔係好夠味; 沙律係用油醋醬，蔬菜品質唔太靚，味道普普通通。吞拿魚芝士意粉，好細碟，分分鐘一般國中妹都唔一定夠飽，意粉未瀝乾水就撈汁上碟，意粉嘅質感又好淋bebe， 芝士白汁sauce嘅質地有啲水汪汪，味道都好一般，整體感覺同味道都好頹。

基本上，油塘都算係飲食荒漠，想食下西餐無咩邊間選擇。今次就簡左Euro Go Go喇😚半份千島海鮮pizza（$5x)另外叫左卡邦尼意粉（$60）另加一杯凍mocha！甘就食左$14x了！不過意粉份量幾大，卡邦尼好creamy都幾飽❤️但要留意佢係用好似午餐肉既火腿肉做配料架，個人認為始終煙肉係最Match 卡邦尼汁架🤫另外pizza唔算厚底，邊邊係焗得幾脆既，菠蘿啊蝦啊千島醬都足料！可以一試的喔！

在油塘返工已經大半年，都係第一次去euro gogo食lunch~~餐廳是半自助型式，要自己買左野食就可以坐埋位等食！因為之後會由侍應送上餐具同埋食物～～朋友介紹一定要食蜜糖雞翼呀~ 一食發現勁好食!!勁好味, 勁香甜味!! 但一來到時係勁熱, 所以要等一陣先食得.. 但食完真係會想再食!!另外仲叫左蒜蓉蜆肉意粉，雖然有d乾，但味道算係唔錯。最後仲叫左芒果班戟同埋桃班戟! 正~~價錢唔算貴，所以可以繼續食lunch~~

呢一間餐廳非常之多選擇所以我同同事間唔中都會食咁我就最想就係叫呢個菠菜魚柳闊條麵我覺得佢嘅芝士令到成個面非常之香闊條麵亦都煮得非常之適中唔會太林 又唔會太硬 非常之好

悠閒的星期六，輕輕鬆鬆來個下午茶，最愛這間分店坐得舒服，玻璃窗望著外面街景，吃著這餐點下的香辣雞翼和凍檸茶，夏日hea住透心涼之選。焗盤內的五隻熱辣辣雞翼，好滋味，不算太辣亦很野味～加上最愛的凍檸茶，值得是大滿足

每次去到油塘，如果我fd無意見既話，我都會揀去euro gogo 到食。一定要試下個蜜糖雞翼呀！！極好味😋上檯果陣仲好熱，要好小心。食幾多隻都得呀我！今次試埋茄汁海鮮闊麵同芝士焗青口，個麵不過不失，個青口真係好失望。又細粒，又無咩芝士味，好普通既焗青口。無芝士味真係好離譜😖價錢方面，其實一啲都唔平，所以最抵食都係個雞翼。同埋如果有套餐就好了，因為現時所以野都只可以單點，咁樣我好多時寧願唔叫飲品，只問要杯水就算。

個菠菜闊條麵好味，有芝士味，口感好軟，唔會太硬。另外個蘋果布甸好好味，雖然有d甜，但同個忌廉好夾，而且好重蘋果香味。個千島pizza d料好足好多，而且海鮮好新鮮，好好沖味。送埋個超fresh既桃茶簡直係一流！佢除左有桃汁之外，仲有桃肉，超級岩夏日炎炎夏季的時候飲！仲有一杯特飲要介紹既係忌廉朱古力！係必飲！！！佢個朱古力味超濃，而且加埋忌廉，個口感超澀，好似食緊朱古力蛋糕咁，不過自己飲一杯可能有小小濟！