euro go go

Open Now

Now Closed

星期日的早上因為趕時間，所以走到近地鐵站的Euro gogo 吃早餐。叫了兩份早餐，沒想到兩份早餐前後要等上三十分鐘才送上，實在不明白炒蛋香腸也要等上如此的時間 。餐飲加$8改為熱朱古力，賣相OK但只是得個「甜」字，沒有朱古力味，而熱奶茶完全是奶水般的淡。炒蛋牛仔腸及蕃茄通粉沒有驚喜，幸好，還有不敗的熱烘烘牛角包，讓你感到滿意，而芝士吞拿魚法包更是驚喜之作。因為坐位不多，加上店舖擠迫，吃到臨近尾聲被等位的人包圍著，我只好叫同伴九秒九喝下杯熱飲吧！

好多年之前因為蜜糖雞翼所以食過幾次euro go go,但當年除左雞翼之外就覺得其他食物都好一般，所以老公就好抗拒呢間餐廳，一別就10年……可能都唔止。今晚因為我自己唔舒服瞓到8點先爬起身搵食，又特別想食蜜糖雞翼，所以老公就願意再陪我唻試一次。到餐廳都已經8：30但都仲要等一張枱先有位，安頓好之後就出去買野食，排隊既地方冇註明指示，並唔知道應該向邊一個方向排隊，而我係第二個所以就選擇左唔會阻擋住牆壁上既餐牌既方向排隊，咁就出事啦，我前面既客人點左好耐，我大約已經等左5分鐘，我後面亦開始有人跟住我排隊，點知到我既時候，裡面既職員居然同我講要向另一個方向，某個男人後面排隊，我火都唻但又病緊冇氣拍枱，實在太過分啦，如果我真係排錯就唔該第一時間同我講，而唔係等我排左5分鐘先講，如果有意見書我一定投訴佢！講返食物，我地兩大一bb點左蜜糖雞翼（超級多蜜糖，好好味。），煙肉芝士焗蘑菇（唔入味，亦唔夠乾身。），半份超級pizza（好似比以前好食，同pizza hut唔同，似餅乾。）, 一碟香蒜蜆肉意粉（幾夠味，又唔油。），焦糖布甸（非常好，唔係太甜，焦糖又夠薄。）。份量剛剛好，味道都有80分。如果唔係

今日再次經常去的euro gogo晚餐，但令我有點失望。首先辣肉腸火腿煙肉意粉，味道很淡，而且類似白汁既醬汁好杰，但無乜味，淡到個地步我地唔肯定係唔係白汁可幸的是辣肉腸都係脆脆地。之後到芒果乳酪雞胸沙律。依個其實都不錯。不過情願不加乳酪，因為沙律用類似泰式生蝦汁的微辣醬汁撈，同小小微酸既既乳酪完全不夾。但雞胸就不錯，瘦得來不算很<鞋>，配上不太甜的芒果汁吃，感覺還好。減肥的朋友可以點這個喔！最後的香辣雞翼最好味！味道是水牛雞翼的辣，不算超級辣，比微辣多一點點。肉質亦算不錯。三碟共需$140，我和老公亦覺得飽飽，但下次就不會再叫這個意粉了。

是日係紅日假日，作為要輪班既我，無理由放工都唔去食好D！既然係一個人，就可以叫啲平時老公唔鍾意食嘅嘢偏愛酸味既我揀左鮮茄辣肉腸蘑菇意粉，酸酸甜甜嘅茄醬入面有炒香過嘅洋蔥同青椒，令到茄醬唔只得個酸字，非常嘢味！至於香腸就係一般嘅雞肉腸。整體來講＄52食個意粉雖然偏貴，但因為個醬汁令我幾滿意，所以今次唔係第一次點亦唔會係最後一次仲有杯凍忌廉朱古力，真係好好飲朱古力好順滑濃郁，雖然$28真係有d貴，但做野咁辛苦，久唔久豪下食下自己喜歡既食物都唔係好過份啫！

其實都光顧咗好多年，由塱豪坊食返到油塘，出品一路都維持係高水準，確實難得！👍🏻環境比茶餐廳舒適，價錢平均每人$100左右已經好豐富，又一個與朋友閒聊嘅好地方😬肉醬意粉-麵條軟硬適中，肉醬味道夠濃，仲帶點香草味卡邦尼意粉-夠creamy😋重要嘅係☝🏻食得出佢個汁有落蛋黃，所以特別香滑，無交行貨👍🏻焗田螺-感覺薯蓉太多，有啲滯招牌Pizza-批底又薄又脆口，餡料豐富咖啡-又苦又酸，較為遜色價錢實在！

話說我上個月去食碟香草杏仁意粉，5點落單5.30問waiter ,佢話制作中，等下，我再等到5.45 己经沉吾住氣問佢成粒鐘dinner 都煮熟啦，佢再去check 先發現原來未整，我再等到6.00先有碟下午茶，其他人己经食緊晚餐了，佢地既效率真糸慢過隻龜，都系個向，食一次就永遠sayonara 了。

今日離開九龍西，去到油塘的大本型商場食好野。目標:平靚正Euro gogo 要俾個👍佢。平民價格食到好野😳驚喜之作:有堅蜜桃的凍蜜桃茶！有成五六片蜜桃👍夏威夷薄餅:有得選半份or 全份。為點多啲野食，叫左半份。如果火腿由粒粒改做一片片會更好。超甜蜜汁雞翼。係油左少少，味道都ok，夠哂甜😊蜆意粉。無偷工減料，意粉少少辣。

油塘雖然開了很多店，但是總覺得沒有一間特別好吃，這一間算是不錯，又不會太貴，我們5人叫了5樣食品，已經吃得非常飽了。首先來的是菠菜魚柳意粉$58，焗得非常香，賣相很吸引，魚很滑，加上菠菜汁，很配合。然後上來的是藍芝士夌形意粉，沒想到會是飯的外相，意粉的味道，很特別，藍芝士味不太重，像是山羊芝士的味道店很出名的蜜糖雞翼，味道不錯，不過沒有想像中的美味，因為沒有燒烤那種香味，但甜度是適中的千島海鮮pizza，吃到這個已經覺得有點飽，沒有什麼特別，千島醬不太明顯，餅皮也不算太香口，但這個價錢也是可以接受的最後是茄汁蝦意粉，沒有什麼特別，但吃得出是用新鮮蕃茄做的，酸酸的不錯

晚飯時間去咗油塘大本營間 euro gogo 食嘢，對上一次食喺荃灣，印象幾好。我哋6個人，4大2小，仲有一個baby，等咗10分8分鐘就有位。叫咗4個意粉/麵。1個pizza，1個甜品，1個小食。卡邦尼意粉幾好，不過味道稍濃。菠菜汁龍脷柳闊條麵呢個都唔錯。朋友叫果兩個冇影到相，但我試咗其中一個叫香草意粉嘅，唔錯呀！有啲人話冇乜味？我唔覺喎！幾好味丫！蜜糖雞翼唔想俾阿仔食太多雞翼，mm....怕有激素，所以今次都冇俾佢食。煙肉磨菇Pizza塊餅唔厚又唔會薄到脆卜卜，我覺得咁樣反而最好味！雖然都鍾情於 pizza hut 嘅芝心批，但佢其餘嘅餅底都只屬一般，唔太啱我。法式麵包布甸呢個最遲先嚟，個個都飽哂咁滯，當然包括我。但一試就覺得好正呀！唔太甜，幾乎係我一個人食哂！想小朋友有啲菜落肚，所以放棄咗本來想叫嘅粟米著蓉（其實呢個都係想俾小朋友食）。芝士比較稀，西蘭花夠林。最後呢杯叫彩虹梳打，係推廣之一：廚師推介（官網寫嘅）。係一杯汽水入面有好多粒大大粒嘅啫喱，小朋友勁鍾意食，但真係好大粒吓，冇返咁大個口嘅都要切細啲俾小朋友食！ 我仔竟然粒粒都成舊食…吹脹！至於個汽水就緊係我飲哂啦！細路仔唔飲

相約朋友來到油塘大本型覓食，選了價錢中等的euro go go，晚餐時段坐滿客人，等了一會便有位。餐廳主要有意粉、薄餅、小食、飲品，飯則欠奉。在付款處下單及付款，取回一個號碼牌回座位等候，侍應之後就直接送上枱。等候上菜需要少少時間，可以接受。 芝士蕃茄海鮮辣意粉 $50意粉內的海鮮都足夠，有魚、蝦、魷魚、蜆肉等。味道剛好，不會太淡或過濃，而意粉亦如名稱上寫的有點辣。整體來說沒有特別。藍芝士麥形意粉 $40看到圖片覺得很像飯，但名稱卻寫著意粉。吃下來的口感是很像飯，但又有意粉味，口感新奇有趣！如果不混合面頭的藍芝士，淨吃麥形意粉，會吃到黑胡椒的香味，混合上藍芝士後，有點像意大利飯的濕潤口感，而且芝士味香濃，建議吃前要先混合好。味道有驚喜！卡邦尼意粉 $50相對前兩個意粉，這個意粉相對較淡，表面有火腰粒和煙肉碎，意粉汁的芝士味不算濃，相對較稀。蜜糖雞翼 5隻小吃點了蜜糖雞翼，一上台非常香，肉質烤得很嫩滑，底下還有些少蜜糖汁，很好味。

已忘了對上一次光顧euro go go是何年何月，印象中是四至五年前吧。因為印象一般，這間開在家附近的也就一次也沒有踏足過。難得友人推介來這裡下午茶，說是價廉物美，就即管看看有什麼驚喜吧。凍朱古力： (5/5)友人推介，果然很不錯，香滑的朱古力加上鮮忌廉和朱古力漿，甜甜的又透心涼，管他多少卡路里呢！友人則點了荔枝蜜桃茶，說是也不錯喝。蜜糖雞翼和夏威夷pizza： (4/5)夠熱辣辣，火喉剛好。如pizza的菠蘿份量再多一點會更好。整體不俗，值得為凍朱古力再來！

今日上司請食飯，去左euro gogo食，叫左兩個pizza，一個飯一個意粉同幾個小食。我覺得呢度既沙律唔錯，嗰汁有啲醋，撈埋一齊食唔錯。pizza既芝士就唔係好夠，食落覺得有啲乾。菠菜汁龍脷柳意粉都唔錯，塊龍脷柳好大塊，啲汁都夠，食哂成個都唔會覺得好heavy。

Euro go go在我的記憶中是昂坪360吃過很好吃的快餐，可惜現在已經結業了，現是分店開設在九龍及新界，為何不開在香港島呢?很期待香港島的分店! Euro go go 的形式類似Delifrance，客人首先自己在收銀處點餐，拿著數字牌回到桌子，侍應會稍後把食物送上。 朋友說不曾吃過Euro go go，我馬上說一起去吃啊!百寶Pizza ($40半份)一共三塊，有青椒、辣肉腸、菠蘿等，配合入口即溶的柔情芝士，令人一吃傾心!不可不提是Pizza熱度十足，連碟子不相伯仲，都是有熱力的!好好吃的薄批，香脆! 香蒜蜆肉意粉($54) 含少許辣味，蜆肉沒有沙粒，令人吃得放心又稱心! 意粉做到Al Dente，大力推介! 這款粟米野菌鮮茄汁意粉($38)是朋友選的素食之選!照顧到素食者的需要，是文明之舉!鮮茄汁很甜，吃下去令人感到膩，酸一些反而更吸引!粟米野菌不是新鮮，是使用罐頭的。 夏日檸檬特飲($20)，味道不太清新，有一股人工合成，猶如清潔劑的味道。最後沒有完成一杯，很浪費，只怪味道略遜一籌。如果改成梳打水加上新鮮檸檬，反而更美味!

一個好懶洋洋既星期日，肥柑子同柑太去左euro gogo嘆午餐呢度間euro gogo係大本型或者油塘區黎講，質素同價錢已經係合比例，至少每人60蚊既價錢食到番同樣質素既野。叫左野食大約等左十分鐘就有，唔係煮定,而係即叫即煮，幾好，起碼唔會係隔夜野食。呢個house coffee沖得幾好飲，唔燶，有咖啡味，加少少奶同糖已經非常香濃，配塊餅仔就係一個好好既飲品。柑太叫左菠菜汁龍利意，我叫芝士吞拿魚意，前者雪藏魚肉無乜味，不過個菠菜汁整得幾好，個意粉好熱，頂頂層皮少少燶食落幾香口。我個芝士吞拿魚就比較濃味，個芝士味就反而無乜，分量好足，而係睇到兩個意粉都好多汁，食落唔會乾身，食晒既話會有幾充足既飽肚感覺。兩意一飲品合除番每位60，係呢個區比較貴，但質素合理，而且坐落環境舒服，有落地大玻璃睇下出面既街景，如果係大本型行完又想搵野食，又想有個舒適既地方坐下，呢度絕對係一個選擇

好耐無食, 今次的質素差了很多. 全店樓面和賣票收錢櫃位, 只有兩位員工, 一位員工間中還要入廚房幫手.咖啡, 是最好的了, 與麥當當的差不多.炒蛋+火腿+牛角包+咖啡, 收$36. 唯一比大家樂多了一件果醬, 大家樂都有牛油另給的. 炒蛋, 望落幾好, 但入口和麥當當的差不多, 太乾了, 火腿一些部位有些淤色, 是與空氣接觸太長時間之故. 牛角包幾好, 還有微微的暖, 入口軟熟.人家”大家樂”, 火腿換了雞扒或豬扒, 都只是收$26, EURO GO GO現收$36, 還要如此這般質素, 無言….