Video
2-min walk from Exit A2, Yau Ma Tei MTR Station
continue reading
Introduction
Explore Kitchen is a western restaurant offering a variety of high quality cuisines, desserts and special drinks. They provide dishes like is Sirloin Steak, USAD Double Beef and Cheddar Cheese Burger, honeydew melon smoothie, Churros and Gelato and various homemade mocktails.
continue reading
Additional Information
惠顧滿$500元以上，歡迎使用信用卡
Opening Hours
Mon - Thu
11:30 - 22:30
Fri - Sat
11:30 - 23:00
Sun
11:30 - 22:30
Above information is for reference only. Please check details with the restaurant.
朋友介紹來呢度食，看到食評有點担心。抱住試吓的心態，親身體驗係咪咁差先。不論男、女的淺啡色衫年輕一些的侍應、態度都非常好，好樂意幫忙。我原本坐的位置剛巧有一大班人一齊，比較嘈吵，同個男仔講，他立即幫我轉位。點餐時，大致都ok , 只是覺得綠色衫的侍應有點不耐煩，朋友問多句，都有點唔想答你咁，耐性有待改善。但後來埋單傾計，態度多ok 喎。午餐前菜：餐包餐湯或沙律主菜：點左兩個餐-左個牛扒和盲鰽魚，魚好好食，3 件，好精緻。煎香塊皮，d 肉好鮮嫩。d 配菜好豐富：有南瓜、車厘茄、薯仔、菜（有少少醋調味）
continue reading
星期日黎食 lunch, 點知食野變受氣。個阿姐黑口黑面態度十分惡劣，講野大聲過大排檔，員工之間傾計竟然夾雜粗口。明明大把吉位，係要安排坐死位，同佢講話想坐出d, 態度超差大話話［好呀］，之後掉餐牌落枱。食野一直無人收碟，張枱無位擺，送餐見到都堅持唔收碟，叫又無人應，唯有將碟叠起，之後粗聲粗氣男人竟然話做乜叠起d碟，佢好難攞喎。兩大兩細叫咗4個餐，加埋錢叫曬飲品，小朋友攞支水出黎飲，竟然即刻叫收埋，如果唔係要收錢。收碟又唔見佢咁快。我唔會再黎亦唔建議，如果呢兩個人唔係老闆，係打工既，老闆真係慘。
continue reading
餐廳入面好啱打卡📸️第一次去食👍味道幾好 湯都正 連埋野飲同湯樓上鋪Cafe價錢中等既西餐廳！玻璃屋設計裝修近彌敦道大街和地鐵站，位置方便，環境裝修，好好一班朋友聚會，😍😆早去食午餐時間不太多人☺️無論兩、三個人或多人去坐都好🫶推薦😆📌三文魚黑松露蛋炒飯📌香煎紐西蘭西冷牛扒配黑椒汁
continue reading
公眾假期同朋友冇咩Planning，又冇Book餐廳，喺彌敦道搵餐廳嘅時候，咁啱上咗一間隱世西餐廳食晚飯。是日餐湯係椰菜花湯，加$48可以轉海鮮龍蝦湯，所以我地一次過試曬兩種湯。龍蝦湯鮮味好濃，材料幾有誠意，有青口又有鮮蝦。除咗湯之外，每人都可以從六款頭盤沙律甜品揀一款。我地揀咗黃金薄脆海鮮酥同煙三文魚凱撒沙律。海鮮酥上嘅沙律醬非常開胃，魚子醬帶出蝦嘅鮮甜味。煙三文魚凱撒沙律冇咩特別，煙三文魚大份啲會食得更滿足。上主菜之前，我地點咗一份芝士焗西蘭花。上碟時仲係熱辣辣，菜式用上兩款芝士，拉絲非常好食，西蘭花新鮮、焗得唔太老。主菜之一嘅意大利飯嘅配料簡單，帶子調味適宜，肉汁保留咗喺裏面；龍蝦汁就係頭先龍蝦餐湯溝淡咗嘅版本。另外一款主菜就係燒牛肋排，燒得好淋，唔駛用刀都食到肉，調味非常出色。甜品需要另外加錢追加，絕對冇令人失望。日式蘋果芝士餅非常好食同Creamy；水蜜桃雪葩用雪凍咗嘅水蜜桃裝起，雪葩水蜜桃味好強。餐廳會定期更新Menu，有興趣嘅朋友就快啲去試下啦。黃金薄脆海鮮酥煙三文魚凱撒沙律 $68香煎北海道帶子配龍蝦汁意大利飯 $208自家醬燒美國牛肋排 $218日式蘋果芝士餅 $38
continue reading
聖誕同另一半喺油麻地行到攰又夠鐘食Dinner，於是近近地又去返呢間餐廳。唔講咁多廢話，羅勒蕃茄濃湯同法式海鮮龍蝦湯一如保持水準，main就叫咗炭燒西班牙粟飼配黑醋蘋果蓉帶骨豬，燒到外脆內軟，冇得輸，而烤美國野雞配法式金菌牛油汁雞肉好軟滑，好好味👍🏼另外再嗌嘅黃金薄脆海鮮酥就真係麻麻，凍咗同失水準，蜜糖雞翼唔錯不過不失啦。跟餐甜品雖係自家製，但唔太好引起我興趣，所以散嗌兩個雪芭，菠蘿雪芭同朱古力雪芭，反而有驚喜，兩個甜度都恰到好處。下次經過會再幫襯。
continue reading