Express Bar by Lassana (宏利金融中心) (Closed)

到了下午茶時間，同事們話要TEA一TEA，所以由我出動買外賣。行過見到 Express Bar by Lassana 門面幾靚，d包同蛋糕睇落唔錯，所以決定試一試。 買左 Tiramisu、檸檬忌廉蛋糕、栗之天堂同幾杯咖啡。我就試左檸檬忌廉蛋糕同Cafe Mocha；蛋糕的檸檬味重，酸酸甜甜好清新；Mocha的朱古力味濃，唔怕咖啡苦味；作為下午茶，令人提一提神，確實恰如其分。

今日心情大好，加上 happy friday，就去買d 咖啡同 slide cake 比慰勞下同事!express bar by lassana 呢間一年幾前買過蛋糕，感覺味道同口感都唔錯，所以今次再 encore!問左店員因為我地遲左，比其實客人買哂，所以選擇只有三款 (栗子，檸檬， tiramisu)買左四件加幾杯咖啡即上路返公司開餐小弟選左栗子，栗子味重而且細細舊又唔膩，配搭上 cappuccino 簡直係享受!!! 而且我既 coffee 係 double shot, 所以 coffee 味特別濃哦!!檸檬同 tiramisu 我都有偷食都好好食，佢地既 cake 都唔會太甜所以入口都唔會覺得over，不過真係要早少少去買 如果唔係冇哂選擇!

家人生日 , 當然要買個日蛋糕來慶祝 , 生日嘛就是要有個靚靚又好吃的蛋糕才像樣 .... 最重要是一家人都 Happy Happy ~Lemon Tree 檸檬忌廉蛋糕 $ 128/1 pound : 賣相精緻的蛋糕 , 奶黃色的檸檬忌廉 , 一啖入口味道是充滿了檸檬的清香 , 蛋糕濕潤軟綿 , 口感軟滑細緻 , 整體香甜輕盈不膩口 , 如初雪一樣 , 瞬間溶於口中 , 每一口都能感受到春天的浪漫和氣息 ~ 本篇完 ~

星仔喜歡食食食，所以生日沒有甚麼禮物，主要都是圍繞食，但生日蛋糕總不能少，之前吃過朋友買來的Lassana蛋糕味道不錯，款式勝在夠特別不像連鎖蛋糕店，知道會過開來觀塘，就預早預訂一個蛋糕。＊＊＊＊＊＊＊＊＊＊＊＊＊＊＊＊Lassana有多間分店，今次我去的是位於觀塘友邦大廈大堂的一間分店，店面不算大，主要提供飲料、沙律和包點，蛋糕則一定要三日前預訂先有。伯爵茶慕斯蛋糕($98)蛋糕款式不多，有伯爵茶或粟子，我們選的是前者。打開蛋糕盒，伯爵茶香味撲鼻，蛋糕直徑約四吋，高約三吋，呈淺啡色，上面有兩朵花作點綴。切開飛糕，見到慕絲和海綿蛋糕梅花間竹，入口甜度適中，也能吃到伯爵茶味，慕絲幼滑，蛋糕軟綿，二至四人享用剛剛好。朱古力鬆餅($14)朱古力鬆餅朱古力味香濃，口感鬆軟，味道也不錯。

同Team 同事銀姐11月10日生日，因在5月係Express Bar by Lassana 買過一個粉紅蛋糕比個女，覺得味道唔錯，細細地又夠精致。所以今次又去訂個蛋糕。今次出咗個栗子蛋糕，外型唔錯，就揀佢啦！訂咗今日11:30攞，點知去到未有，原本有少少失望。因為係偷走落去攞的但職員知道後立即打電話比司機確定位置。好彩只等咗唔洗10分鐘就攞到了。多謝這位女職員。因為她一接到司機電話即刻走到街上幫我攞. 所以非常感謝!知道銀姐鐘意飲咖啡，所以順道買杯Cappuccino比佢，佢收到話好感動呀先講蛋糕，外型好靚好吸引，蛋糕面有一粒原粒栗子加1粒半士多啤梨。外鋪栗子蓉。蛋糕軟綿綿，栗子蓉又唔會過甜。士多啤梨又甜又新鮮。Cappuccino 細杯，其實我拎上手都唔覺熱的。交到比銀姐飲時，真的不夠熱，但勝在夠香

很多人都會去過 Express Bar by Lassana 學拉咖啡，也有很多人去過同集團的 Spade by Lassana 吃過甜品，最主要是其中一位老闆在Barista Champion 2009得獎，而另一位老闆則到過法國學甜品，所以無論是咖啡或是甜品一樣都有人慕名而來。這次看見Express Bar by Lassana的蛋糕味道都幾特別，基於生日又來臨，朋友便買了個蛋糕送給我作為生日禮物。賣相討好，蛋糕味道也出乎意外，在法國學甜品，相信對於甜品的要求也相對的高。 **********************Express Bar by Lassana位於觀塘宏利金融中心的商店之內，以開放式的門口，其實一點都不難找。不過要注意的是此店只開星期一至五的7:00-19:00，過了晚上7點或星期六和日是休息的。看見蛋糕賣相精緻吸引，蛋糕不算很大，4.5吋，剛好晚上和朋友一起吃晚飯，朋友便決定買下來當作我的生日禮物。 Carmel Mousse Cake HKD138， 蛋糕表很簡單用上朱古力裝飾，蛋糕底部還加入一粒粒朱古力作為裝飾，服務員臨走前說，因為蛋糕表面那一層很容易溶

早幾日幾個靚女同事去咗觀塘宏利中心食米線。今日好好彩一去到就有位。所以好快食完。未夠鐘返公司，就係商場行吓，發現有間Express Bar 。見到有2款細細個蛋糕，顏色好靚。紅色叫White Chocolae Mint Mousse Cake。啡色叫Carmamel Mousse Cake。適逢大公主係今日生日。見到個蛋糕咁靚，紅色襯晒大公主。而且價錢又唔算貴。$138一個，size 4.5"。唔會太大個。一家四口剛剛好。所以訂咗一個White Chocolae Mint Mousse Cake。今日去攞。蛋糕面有4朵小菊花。不過返到屋企才發現冇咗幾片新鮮土多啤梨。蛋糕面係脆皮朱古力，有薄荷味。第一次食到有薄荷味蛋糕。好特別呀！  切開蛋糕，有驚喜。有幾層唔同嘅顏色。第一層係mouse，第二層係草莓醬，第三層係脆脆餅底。由於有薄荷味道，再加上草莓醬少少酸味。所以令到蛋糕唔會過甜。味道好夾。下次要試埋啡色嘅Carmamel Mousse Cake。。

縱橫於觀塘的我，最近發現宏利裡頭開了間小型咖啡店。除了咖啡外，還有麵包、蛋糕等等cafe 必有食品售賣。夏日炎炎，得閒入來飲杯咖啡，歎下冷氣都幾爽。走近廚窗看，店員介紹最近剛推出了兩款蛋糕。分別是Mint white chocolate mousse cake 和Caramel mousee cake。兩款蛋糕外觀精緻，碰巧有同事生日，便買他最愛的camarel cake回去慶祝一下。咖啡店就在宏利一樓，喜x天入口旁，非常易找。蛋糕美輪美奐，像藝術品多於食物，不親口嘗過還以為是仿製品跟同事慶祝過後，便急不及待吃蛋糕。切開蛋糕，層次分明餅面充滿焦糖醬，甜而不膩。中間是燉蛋味mousee帶少許焦糖醬，mousee香軟滑溜。最底層是咖啡味蛋糕，咖啡與焦糖無論任何情況下也是prefect match，咖啡能夠中和焦糖的甜，為味蕾取得平衡。旁邊的朱古力榛子成為了蛋糕的點綴品，一口蛋糕，一口脆卜卜榛子，回味無窮吃完蛋糕，同事們又帶著滿足的心情回到工作崗位。謝謝express bar為我們帶來一個美滿的下午時光

行經觀塘海濱，諗住入宏利中心飲番杯咖啡，就發現左呢間coffee Shop。店內主售三文治、沙律同麵包，都幾吸引。見Menu有好多蛋糕可以選擇，價錢幾實惠，百多元就有一個，所以決定買個Carmel Mousse Cake返屋企氹媽咪開心。原來蛋糕要預早訂，剛巧今日來到有人取消訂單，所以即日就買到。Carmel Mousse Cake $138蛋糕有4.5吋，可供大概4-5人享用。成個呈金黃色，有啲似布甸，上面有朱古力片、朱古力條同埋朱古力果仁脆片，底部仲有朱古力脆粒。切開入面，原來層次分明，面層係薄薄嘅焦糖，底層仲有咖啡味軟蛋糕同咖啡味mousse，食落去有濃厚嘅拖肥味又帶淡淡的蛋香，仲有焦糖味，質感非常幼滑， 仲以為蛋糕會好甜，原來剛剛好。

昨天是朋友的生日，所以要準備蛋糕和她慶祝。往年都是在一般連鎖的餅店購買，今次就想特別點，來到這間坐於觀塘的express bar by lassana。因為看這蛋糕價錢不貴而且評價不錯。這次我選的是caramel mousses cake。 一看樣子就很美，很高級。蛋糕外層有點像啫喱布甸的感覺，而內層有咖啡的mousse和底層的咖啡海綿蛋糕。外層的caramel布甸很重焦糖味，所以對我而言有點太甜。但當咖啡mousse,海綿蛋糕的caramel部分合在一起就不會過得太甜，十分剛好。而且不算是味道還是口感都很配合。上面的朱古力是高級的朱古力，因為別家餅店的蛋糕上的朱古力，只有甜味，根本放不下口。這就完全沒有這問題，可以用料方面很不錯。旁邊還有些咖啡豆碎作配搭呢。以這價錢，有這水準很值得啊。因為店鋪離地鐵站有點遠，而且我又不太懂得認路的關係。下班來拿蛋糕的時候，店鋪己有close的牌子，幸好還有店員，令我拿得切。店員也很好，沒有很趕的感覺，還叫我慢慢，但我也不好意思阻他們下型，所以也匆匆的拿了候走。

明天兩連休,今晚又無約,收工就喺Express Bar by Lassana,買個Caramel  Mousse Cake,做今晚嘅飯後甜品 同屋企人一齊分享開動 切開蛋糕,望落好有層次感。食落,原來除焦糖味外,還帶有咖啡味。再細味品嘗,第一層係薄薄而且係較甜嘅焦糖Mousse,第二層係燉蛋mousse帶微微焦糖味,第三層係咖啡Mousse,底層係咖啡蛋糕,雖然係焦糖,但整體又不會太甜,焦糖同咖啡本身就係好朋友,味道非常配合,再加上燉蛋味,整個蛋糕味道變得非常特別,而且蛋糕主要成份係mousse,整個質感creamy且滑,食完令人有幸運嘅感覺 其實蛋糕唔一定生日先可食,做飯後甜品,或下午茶,都係一個好好享受 佢個Creme Brulee Cheesecake都好吸引,下次要買做下午茶 tea一tea

有日爸爸無啦啦買咗個蛋糕返嚟，話係近排幾紅㗎喎，其實我對焦糖就冇乜興趣嘅，不過今晚晚飯又比較少餸，唔係好飽，就即刻切嚟食啦！Caramel mousse cake ($138)4.5吋唔係太大，做一家人嘅飯後甜品啱啱好。表面係一層薄薄嘅焦糖鏡面，再加啲朱古力果仁脆片、朱古力片做裝飾，底部仲有啲朱古力脆粒，百幾蚊一個嘅蛋糕又做得幾精緻喎；果仁脆片薄而香脆；好多時切蛋糕都會切到爛晒，不過呢個蛋糕好挺身，切完之後都仲好層次分明；切開蛋糕後，焦糖慕絲相當幼滑，中間夾住半圓形嘅軟焦糖啫喱，令成個蛋糕都充滿焦糖嘅香甜，另外仲有一層微苦嘅咖啡啫喱，而且入面嘅咖啡啫喱亦都可以中和返焦糖嘅甜度喇，如果一次過食晒所有材料，層次就會豐富好多，仍徘徊在似苦又甜之間啦；最底係一層脆身嘅朱古力餅底，但如果再大少少會更加好，而家比較細，唔夠喉！因為我唔係一個超級焦糖粉絲，所以食完唔會有特別幸福嘅感覺，不過食完又真係幾開心嘅！但係我肯定，鍾意焦糖嘅朋友試過之後應該會有初戀嘅感覺啊！

母親節當日,一早知道媽媽鍾意食蛋糕,所以訂左個蛋糕比佢佢超鍾意食草莓,又鍾意食慕絲蛋糕,所以依個草莓靴絲蛋糕岩曬佢細滑既朱古力慕絲甜度岩岩好.再配上草莓新鮮鮮甜咪同薄荷葉,口感味道都非常複雜但真係超級好食再加上白脆曲奇底,口感好正而且份量都幾大下,2個人食岩岩好媽咪收到果陣都好感動呀

屋企有喜事, 家人係Express Bar by Lassana買左個蛋糕返黎慶祝一下, 佢地買左Caramel Mousse Cake.表面插左焦糖及朱古力片, 蛋糕表面係焦糖醬, 內裡係焦糖Mousse及咖啡蛋糕.焦糖Mousse唔係太甜, Mousse入口都幾滑, 中間夾了軟身的咖啡蛋糕已經有雙重口感食到蛋糕邊仲有一粒粒的朱古力脆粒, 仲更加得意.整體唔會過甜, 做飯後甜品都唔會好溜!

Kwun Tong has traditionally been a very difficult place to find quality French pastries but Express Bar by Lassana managed to change that recently. Billed primarily as a coffee shop, Express Bar now also doubles as a cake shop offering us some heartwarming choices of French style cakes including this 4 1/2-inch cake.This mousse cake ($138) comes in two flavors, white chocolate mint (in a bright red color) and caramel (see below). Since I am a caramel freak, this is really a no-brainer for me. Th