Express Bar by Lassana (友邦九龍大廈) (Closed)

今天在工聯會掛號完診後，午餐時間來到Landmark East AIA Tower。對上一次掛號完診後。在觀點中心的分店。在寧靜及很有氣息的工商貿區，Express Bar by Lassana的三文治非常棒。Chicken Karsar中的雞肉粒非常夠大粒。Flat White非常香滑。而且非常平均。女店員的服務態度很好，還提供托盤给我。很有禮貌問我需不需要轉為套餐。整體來説，小弟非常滿意Express Bar by Lassana。

是夜要跟友人到觀塘吃生日飯，由於時間很趕急，沒有特別預先準備到生日蛋糕，肯好公司附近有間coffee shop 有一款銷量很好的cheese cake，就是榴槤cheese cake。之前試過收工時間去買，但次次都已經售罄，所以今次我已預早在上班前預訂，好在訂了，真的好賣到不得了，放午飯行經已見到售罄了，我還再叮囑店員我訂了的要收工才來取。(不過要注要咯，coffee shop 收 6pm，很早喔~)榴槤cheese cake 細細個 $148 ，但勝在用上D24 榴槤製造，聞上去陣陣濃郁的榴槤香，再吃一口簡直齒頰留香。芝士蛋糕夠滑，蛋糕面有焦糖，底有餅乾，建議從雪糕拿出來放涼一會兒才吃，否則餅底會有點硬。今次各友人都很喜歡這榴槤cheese cake，更吃過翻尋味要再買呢。值得推介！

經過Express Bar by Lassana好多次，每次都被佢個榴槤芝士蛋糕吸引住，但屋企人唔食榴槤，所以我一直躊躇不定，冇買到。直到最近，加左人工，咁開心，我決定點都要獎勵下自己，終於買左我恨左好耐的榴槤芝士蛋糕啦🍰！$148，有攤開嘅手掌咁大，價錢合理。買左拎番屋企要盡快放入雪櫃，食之前要解凍。切開已經聞到淡淡榴槤香飄散，非常誘人！😍蛋糕質感堅挺，芝士味濃郁，榴槤味突出，絕對令一眾榴槤迷神魂顛倒！太美味了！表面仲有一層烤過的焦糖，又香又脆，回味無窮😋結果，我唔洗兩日就自己一個人ko左成個蛋糕🙈 真係好邪惡，但實在太好食了！下次再比藉口自己買多個先😆

我是鐵一般的榴槤控，幸好的有一班同我臭味相投既朋友同屋企人，不過美中不足就係衰佬係唔食榴槤既。不過我都幾變態吓，一日到黑強迫佢睇住我好開心咁食榴槤，呢個係我一個好另類既興趣，將我既快樂建築喺佢痛苦上。見到我朋友SHARE過呢個蛋糕喺FACEBOOK，OMG我呢個榴槤控點可以錯過呢。 榴槤芝士蛋糕 $148一打開個蓋就聞到好香既榴槤味，衰佬已經彈開自我隔離。蛋糕表面一層好脆焦糖，一切開嗰陣榴槤味真係誇張到好似有人喺屋企開緊榴槤。味道上，芝士同榴槤都好強烈，但係出奇哋夾得黎，再加上佢個餅底啱啱好。最好係佢唔會太甜，可以食到單純榴槤本身既甜味。榴槤控真係要試一試佢。

今日約左個朋友係觀塘食晚飯，因為我太早收工就諗住先去觀塘接佢放工，佢公司就係友邦呢樓大廈，就比我見到呢間COFFEE SHOP，佢都接近就黎打烊，但比我見到佢賣榴槤CHEESE CAKE，我真係未試過!!覺得好特別!!再望真啲，原來仲有CRÈME BRULEE係面!!決定要即刻買一個返屋企品嚐。榴槤芝士蛋糕 $148/1磅榴槤味比起真既榴槤當然差小小，唔會全廳都聞到，但係都好香，全家都手機食先，跟住切開佢既時候，上面層焦糖很脆，食既時候有濃濃既榴槤香味，芝士蛋糕雖然切落有小小硬，但食起上黎又唔會好硬身，榴槤味同芝士味各佔一半，唔會搶左大家風頭，再加上黎自焦糖既小小甜味，恰到好處。真係好中意呢個榴槤CAKE，下次再經過觀塘都要買!!

今日放工行過巧明街，見到AIA 大廈入面有間cafe, 入去睇下就發現推廣緊榴槤芝士蛋糕，自己本身已經好鍾意食芝士蛋糕，另外榴槤又係我至愛之一，估唔到兩者可以結合成一個蛋糕，同埋屋企人一樣喜歡榴槤，所以一於買個返去同屋企人分享。榴槤芝士蛋糕 $148打開個盒就已經聞到榴槤香味，然後見到蛋糕表面有一層焦糖，切落去焦糖面好脆，食落去cheesecake相當creamy，由於不停會散發住榴槤味，所以食每一啖都好似食緊榴槤，味道好夾，家人個個都好鍾意，好快就消滅左個蛋榚🙈

今日喺官塘行到攰攰地想揾地方坐下飲杯咖啡，見AIA大廈入面呢間舖環境唔錯，坐落好舒服，決定喺度飲返杯咖啡。叫左杯Mocha($34)，見到舖面張宣傳介紹呢度100% Homemade Creme Burlee Durian Cheesecake ($148) 好吸引，上Openrice見到好多人讚好食，決定叫返個嚟試下。打開盒蓋已經聞到好香嘅焦糖味，表面嘅焦糖脆卜卜，切開個蛋糕即係刻有一陣好香嘅榴蓮味撲埋嚟，正！第一啖食落已經食到榴蓮味、芝士味、焦糖味同餅底的餅香味，每種味道都好清晰又非常夾。正！焦糖香脆，蛋糕creamy，非常好食，一啖美味Mocha、一啖美味蛋糕，最後我忍唔住口自己將成個蛋糕食晒……

同事知我係芝士同榴蓮控，推介我去食呢間舖頭喺公司附近AIA大廈入面嘅榴蓮芝士蛋糕($148)。去到見到個蛋糕賣相好吸引就決定外賣返屋企同老婆分甘同味。一打開包裝嘅圓形軟木盒蓋就即刻聞到好香嘅焦糖味用刀切落去時首先感受到表面嘅焦糖非常薄同脆，跟住會聞到好香嘅榴蓮味，望住表面的焦糖開始慢慢流落蛋糕度就已經好享受。味道方面除左咸咸地嘅芝士味、香甜榴蓮味、焦糖味仲可以食到餅底的餅香；口感焦糖香脆，薄薄一層甜而不膩，蛋糕身好creamy, 餅底鬆化，間中仲會食到有絲絲嘅榴蓮肉。小小一個蛋糕，色、香、味俱全，味道、口感層次豐富，真係食得出做餅師傅的誠意同心機!

榴槤控新寵！榴槤cheesecake❤早排去咗泰國，返到香港超掛住榴槤，不過又未到榴槤季節，有日經過返工附近呢間餐廳買咖啡，竟然畀我聞到榴槤嘅香味！腦細話係新出嘅榴槤cheesecake... 梗係要買嚟試試要等嗰 cheesecake 解凍，2個鐘得先食得。（嗰包裝好靚）終於可以食，外表有焦糖。食落發現原來榴槤芝士蛋糕係可以咁好食！既可以食到榴槤香又唔會cover咗啲芝士味，無違和感，真係好match！不過略嚴餅底太厚身、唔夠脆，可能我太心急未解晒凍，真係食得好開心！即使唔鍾意食榴槤嘅朋友仔都肯試一啖，完全唔抗拒。老闆仲話遲啲會有earl gray或者其他新味，超期待🤤！

我不是榴槤控，家人卻非常喜歡 上星期發現Express Bar by Lassana的新品 榴槤焦糖芝士蛋糕，孝順女出動嚕 簡約的木盒包裝，Size跟一般芝士蛋糕差不多 榴槤焦糖芝士蛋糕最好是當天食 因為是第2天才拿到跟家人分享，焦糖已經不脆了 只能怪自己吧～（（哭。。。）） 但一打開已經聞到超香的榴槤味 閉上眼會以為有人在吃榴槤，整間屋都充斥榴槤味( ̀⌄ ́) 細心的用紙包住，吃的時候直接整個取出～超方便 用小刀切開，已經feel 到非常creamy 榴槤跟cheese 的味道完美融合 想不到它們這樣合拍 家人表示是在吃榴槤的感覺，超棒，好滿足 榴槤控必試～～

認識我的朋友也知道我愛食甜品, 也是一個榴槤迷, 喜歡試各式各樣以榴槤為主的甜品, 今次我就試了Express Bar By Lassana最新推出的榴槤焦糖芝士蛋糕. 一見到個名,就知道是榴槤混入焦糖芝士蛋糕當中. 蛋糕包裝精美, 用上一個木盒承載着. 一打開個盒, 榴槤味一湧而出. 第一時間切出來試下. 榴槤味道夠香濃, 口感幾幼滑. 而且帶有淡淡的芝士味道, 兩者好夾, 雙重口感. 最重要甜度適中, 不會有太膩的感覺. 食完一件, 令人好想食多一件. 愛食榴槤的朋友唔好錯過, 一定要試下.

🙆‍♀️ 焦糖榴槤芝士蛋糕 $148 買即燒既焦糖夠香脆，店員話要即日食，隔日先食焦糖會唔脆。拎到返屋企，放入雪櫃幾個鐘後先食，焦糖都仲夠脆👍一拎出黎，已經散發濃濃既榴槤味，聞到已經開心。芝士蛋糕既濃郁又香滑，屬於偏硬身果種，榴槤味亦突出，唔係加左香精既味，係非常天然既榴槤香，入面仲有一絲絲榴槤肉，令整體口感更豐富呢。而且榴槤無被芝士搶風頭。第一次食榴槤芝士蛋糕，估唔到味道咁夾。餅底夠實身，有牛油香

本身得個朱古力muffin. 店員話仲有藍梅 就係入面包咗個比我 返到公司一睇 又濕又淋 都吾知食吾食好 食了兩啖 已經好嘔心 點解可以咁差 之前食過該公司的食物都不錯的 今次真係很失望

每一次我和家姐都會四處找好吃的栗子蛋糕來為媽媽慶祝生日，這次因為時間的關係，工作的繁忙，所以沒有太多時間到處去找，直接收工在公司樓下的咖啡店買了一個栗子蛋糕其實之前還沒有吃過這裏的蛋糕，也不知道好不好吃，看見他的賣相不錯，於是試一下因為我們吃完飯才吃，所以買了一磅四個人分享蛋糕上面鋪滿栗子蓉，是我和媽媽都很喜愛的而且最頂有原粒栗子切開之後入面蛋糕忌廉一層一層隔住而最底部是慕絲蛋糕，所以整體吃落都不覺膩栗子蓉也不算太甜，所以吃多了也不怕胖😂

為慶賀同事生日，冰從觀塘友邦九龍大廈的>>>Express Bar by Lassana<<<帶來一個精美蛋糕。 這是伯爵茶蛋糕，上面配以兩朵小花，附以朱古力裝飾，感覺更為高雅。花朵以薄威化製造，也可食用，不需扔走喲。 蛋糕茶味不是硬硬的人工味道，而是絲絲滲出清香，回甘很強。內裡也不是單調的一層伯爵茶味，精彩層次不只於味道，亦用質感呈現，蛋糕、忌廉和果凍裝飾互相輝映，口感十分豐富。整體甜度不太高，人大了就是不喜歡過甜食品喲，而這個蛋糕的甜味就很合冰和一眾同事口味。 (切得很不漂亮，請諒)  這個蛋糕售HKD98，價格合理，味道獨特，畢竟坊間不易找到伯爵茶蛋糕，實在值得一試。