鳳鳴居

Open Now

Now Closed

天氣開始轉冷，最啱就係搵啲暖胃嘅美食。旺角嘅鳳鳴居以醉雞麵聞名，交通方便，真係一個好選擇。專登試咗店內招牌嘅「醉香雞湯麵」，主食方面可以揀油麵、河粉、公仔麵等，我揀咗米線。米線口感彈牙，煮得啱啱好，完全唔會過腍。同時，湯底飄散著陣陣花雕酒香，濃郁卻唔會喧賓奪主，亦冇酒嘅苦澀味，仲滲透少少藥材嘅香氣，整體好暖胃，冬天食真係一流。雞件分量足夠，調味適中，唔會過鹹，保留咗雞肉嘅鮮味。店家仲貼心地附上一碟底豉油，想味道更濃郁嘅話，可以點少少嚟配，味道同樣出色。小食方面，試咗「辣豉油爽脆鵝腸」，雖然叫咗小辣，但對怕辣嘅人嚟講可能仍然偏辣。不過鵝腸嘅質感非常彈牙，唔會過韌，每一啖都充滿鵝腸嘅天然香氣。鍾意食鵝腸嘅朋友一定要試，絕對唔會失望。整體而言，鳳鳴居無論湯麵定小食都保持水準，特別適合冬天嚟一碗暖笠笠嘅醉雞湯麵，唔單止飽肚，仲令人身心都暖晒！

旺角人龍店？平日5點左右去到都有一定人氣，眼見枱枱都係叫呢個招牌，使用QR code 落單。$60 醉香雞湯麵 米線 少麵上枱真係大，碗架。聞到好微弱嘅酒香味，但食落就唔重，只係隱約食得出，湯頭甜甜地？唔係鹹，應該來自紅棗。雞件就唔少都有8至9件，肉質嫩但冇雞味呢部位平均，有脾位，可能用上黃油雞，偏肥，令到湯底都偏油。一度以為自己食梗雞米🙂‍↕️ 米線口感就正常，好彩叫左少麵，普通女仔呢個份量剛剛好。唔會再訪！

 話說早排想食呢間都係要拎飛等位. 最後等吾到食左第二間. 今次5點幾去到終於吾洗排隊啦😻**醉香雞麵** $60首先有d諗吾到麵類選擇竟然無上海麵? 🤐咁最後只能焗揀米線了🫨湯底出奇地甜, 吾知係咪因為落左紅棗關係, 麵上都有2粒紅棗點綴.🤗比起酒味, 甜味更突出, 只能說隻雞未醉晒🤡雞件嫩滑, 但精華都應該係晒個湯度. 說不出有雞味.米線偏淋身, 仲有隻空碟可以放骨, 尚算貼心👍🏻**蕃茄雞湯麵**  $58蕃茄湯稱不上濃郁, 雞件同醉香雞有點不同, 肉質較厚實.😗Encore 指數:⭐️⭐️

推介大家食醉雞湯米線，每次過嚟旺角都會去食，佢嘅醉雞湯底真係超好味，甜甜地有一陣藥膳味，飲落覺得好養生，會令人飲完一啖接一啖，雞嘅份量都好多，肉質就唔算好嫩滑，但都唔會話好老，仲有其他配料，男仔都會食得飽！！

今日路經旺角拎呀囝枝胎毛筆，終於有機會試吓呢間bookmark左好耐，由上水開出黎既醉雞米線！/滿懷期待嘅我覺得佢嘅湯底好有酒嘅香味，雖然知道佢嘅甜味來自於紅棗，不過對於我嚟講都係太甜喇，所以淨係試咗幾啖湯🫣米線爽滑吸湯👌🏻醉雞大大件，肉質充滿彈性，味道新鮮，啱晒補充蛋白質🙌🏻/整體來說中規中矩，經過諗唔到食咩可以一試😀

一間餐廳無論有幾好食，但只要服務、態度有問題，就點都唔會再有第二次.......夜晚附近放工，一心諗住去試呢間 "好食" 既米線店，當時門口唔太多人等位，行入舖頭，先要經過一條小斜路。店員o係斜路既盡頭大駕你光臨，問完我幾多位，就叫我出去攞飛，要等等。我出返去門口，撳左飛就o係門口既右邊等，面向馬路。起初都企o係撳飛部機附近，但隨住越黎越多人攞飛，我就行開左去另一邊等，驚阻到人，但都係舖頭門口。等左大約10分鐘，見到有D比我遲黎既人竟然入左去，我就覺得奇怪，行去部機睇，原來已經過左3個號碼。我入去同職員講，我話完全聽唔到有叫號碼，店員第一句就話: 你唔應該行開, 要企o係門口等，下一張補返俾你。我由頭到尾都冇離開過舖頭門口，只係太多人攞飛，我先企埋一邊等。我出返去門口望實部機，發現部機係唔會讀出張飛號碼，只有一聲 "叮"就完。舖頭對住彌敦道，人聲、車聲，其實大家都知有幾嘈。加上，店員由頭到尾都冇出過門口叫號碼，單靠一下 "叮" ，真係會聽到? 仲要怪我行開左，所以miss左..........我叫左碗醉雞米線，加一客醉雞腎。米線同食評所講一樣，個湯好味，雞既部位都會有雞肶位，唔會全部都

🍜喇沙雞湯麵 $58大多數都會有雞髀位，食落啖啖肉之餘仲好滑～佢地嘅米線好彈，韌度啱啱好喇沙湯底辣辣地之餘仲帶有椰奶嘅淡淡香甜湯頭夠濃稠，米線勁掛湯🍜麻辣醉香雞米線 $70醉香雞湯底勁清甜，仲可以飲到有陣陣酒香，仲會愈食愈熱湯底仲見到有紅棗，女仔食夠哂補😋真係可以食米線飲埋湯都得！同埋佢地嘅店員都好nice🥰私心推薦比所有鍾意食米線嘅朋友試下❣️

旺角區我最愛的醉香雞湯麵湯底熬製得十分香濃，湯色金黃透亮，喝上一口，鮮美的雞汁和香料的味道交融，回味無窮。米線與湯底的搭配恰到好處，吸附了湯汁的精華，每一口都充滿滿足感。餐廳的環境舒適，氛圍輕鬆，侍應的態度友善，總的來說，醉香雞湯麵令人回味無窮不可錯過！

「鳳凰」：神鳥。《說文解字．鳥部》：「鳳，神傳說中百鳥之王，雄為「鳳」。 此店以鳳為名，必然係對自家之雞麵飯料理充滿自信。由疫情開始黎呢度食，已經食過好多次，今次終於啲起心肝寫食評。今次叫左醉香雞湯麵，跟餐加凍熱飲品$8。一上枱，花雕酒既陣陣香味撲鼻而來。雞湯配上米粉，簡單而美味既組合。數一數，有六件雞，雲耳，紅棗。佢個菜牌講明，湯麵唔可以揀雞既部件。不過，佢最均真既係，六件雞入面，佢次次都有兩件係屬於最滑既雞脾部位。以雞既嫩滑程度同埋鮮味，完全食得出佢採用了新鮮雞。我最鍾意先飲啖充滿酒味既湯，食件雞脾，再食米粉。食到咁上下，先至將肉身較粗既其他部份，點一點辣椒鼓油一齊吃。最高享受呀！

每次出黎旺角都總係要食呢一間，佢嘅湯底款式多而且質素高😍加上佢嘅小食都相當吸引，係旺角一直人氣高企，門外長期多人排隊！相信去開旺角嘅人都一定唔會陌生😍⭐️醉香雞湯米配牛柏葉醉雞湯味道香濃甘甜，酒味足！雞件火候控制得非常好，嫩滑有雞味！個人私心配埋牛柏葉，質地爽口而且份量足，索埋湯食一流！⭐️蟲草花雞湯米線蟲草花湯飲落清甜而且有濃濃嘅雞湯味，雞件就同樣肉質嫩滑！而呢到嘅雞件部位都係隨機，朋友好好彩有雞髀食！⭐️蜂巢春卷每次都一定會叫嘅小食，一共有6條，而且外皮炸得好鬆脆，配合埋入面既芋茸餡，真係會食唔停😋

每次路過都超多人排隊的一間店，今天和老婆去排，2人才叫到30號但我們拿到69號，本來想說換一家，老婆二話不說拿了兩張單人號，然後排了不到兩分鐘我倆就進店了，不過要分開坐。點的醉香雞湯面，我想它的湯底應該是很大比例的黃酒，經長時間煮沸，去掉了酒精，保留了黃酒的酒氣和甜，再加上某程度上平日煲湯會有的鹹味。說是雞湯但沒有雞味，酒氣和甜度稍超出我可以接受的範圍。不合比例的調味，造就了味蕾上的先聲奪人，和幾口以後的過猶不及。另外湯底太搶，令我再吃面吃雞件都嚐不出其他的味道。如果你不介意排很長的隊，吃很網紅的味道，鳳鳴居還是不錯的，以上。

星期二晚6:00入座 好難得唔洗等位😆 店員好快就安排咗單人桌比我入座後店員比咗個QR code我用手機落單☺️今次叫咗麻辣醉香雞湯飯（$70）Tick咗正常辣度🤓秘製湯底唔算好麻、好辣食落覺得用咗好多糖去調配湯底加入酒吊味 效果又唔錯哦～雞件口感好彈牙滑溜 而且好入味一份大約有5-6塊雞件如果份量多啲就好了😭😭雲耳作為配菜吸咗湯後都好惹味一試難忘🤓蔥花份量適中另外亦隨餐附上有辣椒甜豉油點左豉油味覺層次更豐富

喺旺角想食醉雞米線就揀去食鳳鳴地點近旺角地鐵站，非常易搵2點鐘鋪頭都非常旺場如果同3-4個朋友去食就要早啲排隊醉香雞湯麵 — $60用code落單非常方便麵有唔同選擇，食量少嘅可以小麵見到可以加餸，順手加咗小雲吞小雲吞肉饀皮簿湯頭非常香甜 每一塊雲耳都吸收精華，非常入味同爽口每件雞煮得剛好有皮嘅雞肉嫩口雞胸有咬口 不會過柴米線個人認為煮得較硬身個人認為小貼心地方醉香雞湯底可選擇 少酒/ 無酒要唔要蔥就返客人嘅味道

旺角行完街想坐下，想食d雞湯粉麵。上網search呢間餐廳原來都幾出名。用餐時間70分鐘。叫左個醉香雞湯米$60，可以揀小酒😙碗野黎到已經香噴噴，有少少酒香味，由於我揀咗小酒，所以食落冇乜酒味。湯底有中藥嘅味道、食得出佢應該落咗好多紅棗or蜜棗，因為碗嘢都幾甜。不過我就唔係咁鐘意呢個太甜既湯底，下次都係試下第二個口味🤣🤣碗嘢都幾多木耳👍👍雞件都滑（不過都有一兩舊雞係有少少嚡），職員好細心會我比一個碟放雞骨😀服務態度都幾好！整體嚟講都不錯、會再嚟食😄😄

旺角人氣排隊名店：鳳鳴居！成日搭巴士經過都見到排哂隊，咁啱出旺角做完facial ，下午茶時間未食lunch，想食飽少少，見到舖頭唔係好多人，就決定試試佢。餐廳座位都幾闊落，見到有唔少單人座位，如果繁忙時間一個人嚟食都唔使同人搭枱。坐底之後店員就比左個QR code 落單，野食上枱既時間都好快。第一次食，穩陣d ，揀左classic 醉香雞湯米線。本身對d 小食都有興趣，但得一個人食唔到咁多><湯底帶有酒香，唔會太濃，雞湯有少少油，但唔會膩。米線保持到彈牙，我個人幾鍾意食。配料見到有紅棗、雲耳同雞件。雞件份量多，肉質嫩滑，唔會過熟。跟左一碟醬油，應該係點雞肉食既，不過個人覺得唔點醬都夠味。另外店家好細心，附上小碟去放雞骨，唔會食到污糟晒。總括而言，十分推薦👍🏻 飲晒成碗湯都冇問題😆