Video
6-min walk from Exit A2, Tseung Kwan O MTR Station; 至善街公眾停車場旁邊
continue reading
Telephone
21171884
Introduction
The hot pot shop in Tseung Kwan O offers hot pot topics. Seven kinds of hot pot soup bases can be chosen. Among them, a Cordyceps flower pumpkin pot is recommended. Diners can order sashimi, universal seafood boat, and premium beef. Soft drinks and Buckwheat tea can be unlimited flown. Also, desserts are provided.
continue reading
Opening Hours
Today
07:30 - 15:30
17:00 - 23:00
Mon - Sun
07:30 - 15:30
17:00 - 23:00
*Last Order: 22:30
Above information is for reference only. Please check details with the restaurant.
About Reward Scheme
Offers
原來將軍澳有間超抵食雞煲火鍋放題，一個價錢包左宮廷小食，刺身，雞煲，火鍋，海鮮拼盤，嘉士伯啤酒都係任飲，仲有好多款非酒精飲品選擇！最平係星期一至四，成人$298 一位，食足150分鐘！😍餐廳有個L型魚缸，好多生猛海鮮。宮廷小食(每天5款，可追加)1松露蝦多士2涼拌雲耳3麻辣鴨血4椒鹽三文魚頭腩5黃金雞翼🐟三文魚刺身雖然不可追加，但有6大片，新鮮肥美，都好夠喉😆🐥招牌雞煲(可追加)先食雞煲，揀左小辣，有大量紫洋蔥，炸腐竹，辣椒，豬皮，醬汁調教得超級惹味！主角雞件好嫩滑，入晒味，份量都幾多，食晒一煲好滿足😋🍲食完雞煲就揀個湯底開始打邊爐拉😆湯底都有成十款選擇，揀左蕃茄美人鍋，好清甜，有大量蕃茄，玉米，紅棗，好滋陰🤤🐟海鮮拚盤(每天6款，非任食)1海蝦2廣島生蠔3龍躉件4海蜆5日本元貝6翡翠螺🌟樣樣海鮮真係好新鮮，最愛龍躉件,厚切鮮味彈牙！👍🏻火鍋配料試左好幾款:1極上肥牛2黑豚肉3手打牛丸4水餃王5午餐肉6年糕福袋7日本蟹柳8蔬菜拚盤9響鈴🌟肥牛同黑豚肉質好軟腍，肉味濃，encore左幾次🤤手打牛丸好juicy 彈牙👍🏻水餃王大大隻，皮薄餡靚。🌟餐廳食物選擇太多，其實每樣食物都試一次，都已經輕鬆回本。由頭食至落尾，150分鐘食得好輕鬆😎
continue reading
位於將軍澳唐俊街嘅❣︎初心❣︎雞煲火鍋任食放題，平日星期一至四只需$298咋，仲要任飲醇滑嘉仕伯啤酒😍，冇酒精飲品都係任飲架，性價比真係好高👍🏻呢到環境舒服，座位寬敞，地方又乾淨，超推薦呀🩷❣︎頭盤會有5款小食❣︎(可追加）啲小食好高質，絕對冇hea你，麻辣鴨血麻辣味濃郁，鴨血口感扎實👍🏻椒鹽三文魚頭腩，入口仲暖架😋炸得好香口惹味。❣︎三文魚刺身❣︎(一客)一大盤冰底上，有埋插花裝飾，夠晒誠意😍❣︎招牌雞煲❣︎(可追加）可以揀辣道，啲雞整得好嫩滑😋，仲有豬皮同支竹做配料👍🏻索晒啲醬汁，非常惹味，超正👍🏻❣︎火鍋湯底❣︎有成十款選擇，我地揀左澳門豬骨鍋，用一個宮廷設計嘅鍋上😍霸氣十足，入面有兩大舊豬骨，粟米同胡椒，底湯超足料，用佢來打邊爐已經好夠味，唔需要沾醬料都得。❣︎環球海鮮拼盤❣︎內有海蝦，大鮑魚，廣島生蠔，龍躉件，翡翠螺，海蜆，全部都好新鮮😋食到呢到已經覺得超值回票價。❣︎火鍋配料❣︎佢會比一堆火鍋配料你先，安格斯牛小排同黑豚肉都唔錯，入口軟嫩有肉香，有成五十幾款火鍋配料比你無限追加😋👍🏻啲配料都好有水準架，仲有我至愛嘅雞子添👍🏻食飽之後每人仲會有糯米糍甜品享用。
continue reading
睇食評見到係將軍澳區最高分嘅邊爐，就信咗去食。叫咗雞煲+打邊爐，雞煲唔入味，有種雞還雞，醬還醬嘅感覺。去到邊爐，事前會上一堆6個小食，呢個就睇人，因為堆跟餐小食真係唔好食，我寧願有得揀唔要，最後食得幾啖就冇食過，有啲浪費食物又「質」飽咗個胃。重頭戲就係個邊爐，有6款海鮮冇得添嘅（正常啦，街坊餐廳水平）牛肉得一款肥牛，其他配料都係嗰啲嘅啦，可以揀嘅配料一定唔算多，但夠食嘅。咁質素就一定唔高，都係嗰句：街坊邊爐水平。然後賣單兩個人就700蚊。呢個價錢，可以有更好嘅選擇。如果為雞煲同邊爐面去嘅話，係絕對絕對唔建議嘅，因為都真係麻麻，但平時想樓下打個邊爐，唔想去太遠地方，都係一個就腳嘅選擇。值得讚嘅地方：侍應、伙記全部都好nice！服務好好！
continue reading
今天，兒子和他的朋友參加活動，我們兩位媽媽決定在將軍澳站附近找個地方享用晚餐。聞風而來，我們來到了「超抵好味雞煲」，這裡以食材新鮮、超值的靚湯底火鍋而聞名。一走進餐廳，就有一位非常有禮貌的服務員向我們詳盡解釋點菜的方法。首先，我們品嚐了一些宮廷小食，包括涼拌雲耳、麻辣鴨血、椒鹽三文魚頭腩、松露蝦多士和日本紫薯。每一道小食都精緻可口，特別是雞煲的BB辣，香濃的雞味令我們陶醉，這是我喜歡的本城煮雞的方法：肉質滑嫩且鮮甜，超乎我們的期待。接著，火鍋也端上來了，我們選擇了養生蓮花鍋。這是我第一次在火鍋中見到一朵新鮮的蓮花，讓整鍋火鍋散發出清新的香氣。火鍋的配料非常豐富，一道環球海鮮拼盤，包括龍躉肉、廣島生蠔、翡翠螺、生猛海蝦、大鮑魚、海蜆，另外手打牛丸、水餃王、魚皮餃、牛柏葉、日本蟹柳、年糕福袋、芝士腸，還有各式新鮮蔬菜，甚至還有稻庭烏冬、靚肥牛和黑豚肉，每道菜新鮮上乘，不計成本，海蝦的腳還在動呢。精選食材，每一口都令人滿足。餐廳的飲品選擇也相當豐富，除了啤酒任飲，還有多款汽水以及無氣的果汁，熱茶也隨選隨飲。我最喜歡的山楂汁和蘆薈汁，為整餐增添了清新感。最後，我們以一份杞子桂花糕和雪米糍作為甜品，完美結束了這頓美味的晚餐，隨後我們就去接孩子們。整體來說，這次的用餐體驗令我們十分滿意，期待下次再來！
continue reading
入秋啦🍂又係時候打邊爐。之前經過都有留意到呢一間舖, 原來佢哋除咗做點心小菜，仲有個超抵食嘅雞煲火鍋放題。平日星期一至四只須$298 /位，價錢包左宮廷小食，三文魚刺身，雞煲，海鮮拼盤，火鍋，多款飲品種類任飲，加士伯醇滑啤酒都係任飲傢。仲要食足150分鐘。入到嚟第一嘅感覺係每位店員都好客之道，好熱心詳盡講解店舖有啲乜嘢食，每款項目包啲咩，難得一見。(1)宮廷小食 （可追加）松露蝦多士麻辣鴨血涼拌雲耳椒鹽三文魚頭腩鹽香炸雞翼(2)三文魚刺身雖然唔可以追加，但每一塊都是厚切肥美。(3)雞煲 （可追加）雞件滑溜，比出邊雞煲不會太死咸濃味(4)火鍋湯底都有10款選擇，酸菜魚或椰子文昌雞鍋需要額外加錢，最後我哋就揀咗個養生蓮花鍋，貪佢清清地咁先食得出配料嘅新鮮。另外就係要睇住嗰朵蓮花放落去嘅儀式感🤭(5)環球海鮮拼盤每天會有六款（非追加）當日拼盤有海蝦，廣島蠔，翡翠螺，龍躉件，蟶子皇，花甲。 全部都好新鮮鮮甜。好比一些大集團。配料我會推介以下幾款👍👍手打牛丸：彈牙重牛味極上肥牛：看起來很瘦，但一點都唔嚡口，重牛香味。鮮鵝腸： 一上菜就見到肥膏滿滿非常新鮮，絕不是雪藏品質。鮮雞子：粉紅嫩滑。日本蟹柳：超大條，口感滿滿。水餃：大大粒，滿滿的餡料。飽滿的一餐，店員再送上兩粒雪糕糯米糍，作為完美的句號😍
continue reading