易牙台式料理

Open Now

Now Closed

7月一日 在銅鑼灣吃飽才有動力，於是我同一個朋友隨便選一間吃個午餐，但吃完就好失望。先講個老肉飯好似醬甘，沒有一粒粒的感覺，一個味咸。個醉雞味道叫正常,  不過幾十蚊得幾塊野，覺得有點貴。呢個店是樓上店，個環境直情茶記。個鹽穌雞，沒有辣味粉提供，只有椒鹽，完全唔夠味。個朋友叫左杯珍珠奶茶，沒有茶味，珠，林pat pat....總之去街上買飲，嬲嬲豬。本人同個朋友大約吃左半小時多一陣，差不多吃完，就執野叫我地埋單。。。。嘩嘩要做多輪生意唔洗甘！！！！水都無杯，重要加一。總之執吃翠X,重平飽，唔洗一趕住趕住。

涼拌小食拼盤 $128小食拼盤有醉雞卷、牛𦟌、涼拌青瓜條、麻辣豬耳同木魚肉鬆皮蛋凍豆腐。🤤 醉雞卷一般，無乜酒香；🤔牛𦟌厚切有咬口😚👍🏻；涼拌青瓜同麻辣豬耳普通，唔係幾夠凍😬；皮蛋甘香好食，豆腐夠凍，配肉鬆木魚好惹味😋！-麻辣牛𦟌寬粉🌶🌶🌶 $60一見到個湯底紅成咁，就心知不妙😵好辣呀！🔥 加上寬粉吸哂湯底，辣到講唔到野🙊😂 難怪隔離枱既大隻佬都要叫小辣！但好有麻香😼，忍唔住係咁食，牛𦟌無小食拼盤個啲咁厚切，但好多，都有成七、八塊🤤😋 埋單個陣店員見我個嘴紅哂🌶，就話其實可以比碗清湯我😂😚-紅燒牛肉麵 $60雖然賣相麻麻，但呢個真心極推薦！湯頭藥膳味出，但唔會過濃，反而係好甘甜，係蔬菜、紅蘿蔔既甜😻💕。白蘿蔔入哂味，牛肉燉到軟軟淋淋，但牛味仲係到！麵條紮實唔會過淋，成碗麵配埋熱辣辣既湯頭食，好好食😋😋😋😋！牛肉足料，呢個價錢抵食過其他出名鋪頭多好，強烈推介👍🏻

今日放晏就已經係下午茶時間，同事帶我去食呢間台灣野，下午茶時間唔多人，一入去即刻有位坐【炸雞扒飯】炸雞扒飯，$60連野飲！有得揀飲柚子蜜椰果，雖然飲落有少少甜，但係比較少見嘅飲品選擇！雞扒炸得非常香脆，好吸引！入面嘅雞肉唔會太乾！ 值得一讚！可惜呢個餐實在太唔健康😂得一塊蕃茄，冇菜食🙈

我記得細個同屋企人行完街，都會帶我去食台式牛肉麵，留係我記憶中係 老闆娘嘅親切同埋食物嘅滋味。經過多年後，終於比我遇返呢間台灣餐廳！一入去就有人帶位，我要求坐到我最愛嘅窗邊位😆因為望遠d食野都開心d舒暢d（有無人會咁覺得😅）睇一睇餐牌，竟然！竟然真係仲有牛肉麵！不過咁多年，師傅應該都換左，都唔會太大期望，反正都肚餓，一試無妨。等了又等，熱辣辣牛肉麵終於嚟到我面前♨️（由於太肚餓，亦無打算打食評，所以就無影到相）但係我想講，我竟然食返十幾年前嘅味道，係真係無點變嘅味道，係一碗一食落口就有回憶嘅牛肉麵。食飽後帶著滿足準備離開，聽到老闆娘與員工對話，最後都忍唔住待老闆娘空閒後同佢講返呢件咁奇妙嘅事☺️老闆娘雖然唔記得我（其實我都唔肯定係唔係佢😂，但係老闆娘話做足23都係佢)但我肯定嘅係佢待人依然親切♥️一餐誤打誤撞嘅午餐，令人心滿意足得覺得神奇，所以懶打食評嘅我都要好好推廣下呢間咁好嘅餐廳！我決定下次帶埋屋企人再來😘！！

每次去到金百利都唔知食乜好唔係因為無野好食而係太多選擇!今日lunch去左五樓呢間台灣野Lunch 有set，飯/麵加杯台式飲品只係六十蚊，好抵食!我叫左個台式炸雞扒飯，飯既份量就好足夠，不過雞扒略嫌有少少薄同唔夠炸粉。但係杯珍珠奶茶好香滑，值回票價。

屋企人好鍾意食台灣嘢，仲記得細細個同屋企人成日都嚟呢一間餐廳食飯 但大個咗之後就好少嚟食啦，今日係銅鑼灣行街突然好想食台灣嘢，揾下揾下就嚟返一間由細食開嘅鋪頭， 我本人就好鍾意食茄子嘅，所以就叫左滷肉茄子set, 而朋友就叫咗鐵板牛肉set， 呢個套餐包前菜，一碗飯，一碟菜同飲品， 想食滷肉飯嘅仲可以加十蚊轉滷肉飯。我叫咗杯洛神花茶，洛神花茶酸酸地咁幾開胃前菜係凍豆腐，幾香黃豆味。茄子同滷肉嘅味道幾夾用來送飯真係最好不過，我話咁快就清晒成碟嘢啦 鐵板牛肉同番茄放埋一齊落塊鐵板煎香都算好食 但要留意佢凍得比較快而且一凍左就會唔好食而菜我地叫左通菜嚟食，清清地一般。另外要提嘅係店員態度有d差，叫佢加茶個樣好似得罪佢全家咁

服務阿姐態度勁差，落單問多兩句就唔高興，其他阿姐仲一起幫拖，話咩「客人唔係大曬，打份工遮，態度差有乜咁出奇，我又唔係老細」。第一次見咁囂張....真係佛都有火！

Boxing Day! 行完街隨意找到這間台灣食店，上到去先發現今次是第二次去，六點幾入到去，冇人，之前慢慢多人，坐得舒服，野食同價錢都ok！今次叫左個紅燒排骨面，加$30變套餐，有個茶加飲品。

晚上與朋友去了銅鑼灣逛街，所以晚餐也選擇到銅鑼灣的商場吃了。餐廳位於銅鑼灣金百利商場，故位置十分便利。而餐廳環境整潔，裝潢也算合格。餐廳裡，人不是太多，故我們很快便安排入座及奉上熱茶。我們選了一會兒便找員工幫忙下單，可惜的是，該位員工忘記入單，故我們等了約半小時仍未有食物，而比我們還遲來餐廳的人已在品嚐他們的食物，故服務被扣了一點分。但我們要求員工再三為我們添茶也沒有怨言，及十分有禮，故服務有4分。我們點了一個牛肉湯粉及海鮮湯粉，而食物質素與價錢成正比。牛肉湯粉的湯底較淡，像沒有下鹽，朋友說味道一般。而海鮮湯粉的湯底有微辣，味道比牛肉湯粉好。最後的是鹽酥雞，是整餐最好吃的，因上桌是熱騰騰的，故入口脆脆的。

OpenRice account 開左咁耐，第一次覺得難食到要寫食評！我地兩個人食，叫左滷肉飯，豬手飯，鴨舌同牛肉麵，跟餐送桂圓紅棗茶。雖然滷肉飯好細碗，只係三秒已經食完，但係佢味道最正常既。之後既豬手飯開始黎料，豬手係爽既，完全唔入味，汁亦都係得少少，完全唔夠撈飯。鴨舌聲稱係麻辣味，但係出到黎係得花椒味，麻同辣呢？？味道超怪！最後係以為自己叫錯羅宋湯既牛肉麵，湯料有番茄，紅蘿蔔，白蘿蔔，好多洋蔥，極度唔啦更🤷🏻‍♀️冇牛肉味，又食到成口油！最緊要係本身麵身都好淋好黏，口感奇怪。最後最後...連開出黎既桂圓紅棗茶都係怪味，無桂圓無紅棗，味道似利是糖溶左係水。

#魯肉飯 + #台式大腸麵線 $55見係一個套餐 仲以為會細細碗點知份量都唔少🤣魯肉飯係一個大碗 份量有碗半左右味道都幾好 d肉又唔會話太肥而麵線就好有台灣嘅味道🤤不過麵線同大腸份量就少咗d可能d份量去曬魯肉飯到啦😂評分:7/10

食親呢間我地都會討論間舖嘅名😂但係又唔敢問店員🙈🙈餐牌大致上同兩年前一樣，多咗啲麻辣菜式(係，數數手指，原來起碼年幾兩年無幫襯過。可能新餐廳越開越多，未排到返轉頭食易牙😛)**下次一定要試麻辣💪💪原來我又食牛肉麵😬唔寫食評都唔記得上次都係牛肉淋湯好味原來我地不約而同點咗紅燒項目侍應姐姐係咪看穿唔食辣嘅人點咗辣嘅餸佢好溫馨提示話：辣架下，不過好少好少架咋油麥菜叫A菜我係呢到學仲認真到menu都寫“A菜”都唔記得探討下出面係咪都咁叫係…今次竟然無帶飲管，希望唔會害到海龜或其他😩本來飯前想打卡試下食，點知太飽大家都食剩幾舊肉，所以都係唔好再食芝士喇！！(張8折卡好有歷史架😓唔知而家仲有無嘅呢)甜品係第二個胃同有芋圓喎，唔係唔食呀？？！問過侍應姐姐話有芋圓先點(因為相有芋圓但details無寫，反而個名話嘅芋頭就唔覺，唔知係咪煮溶咗)但係好好味！芋圓、黃蕃薯圓、紫蕃薯圓都好原味，唔係得個樣得隻色！仙草原舊架，同隻碗仔一樣size，唔係“碎濕濕”

其實真係好少過海,好彩今次黎到銅鑼灣唔係得自己一個食lunch,如果唔係又食food court or mcdon搞掂自己,朋友介紹去金百利食野,佢叫我點指冰冰指一層,咁岩就指中5樓😆食台灣野都好呀,好耐無食,上到去已經下午茶,叫就叫左個台式麵線配魯肉飯,其實係2樣都想食唔知食邊樣,就咁岩有呢個配搭🙈黎到既份量比我想像中多,估唔到下午茶都幾大份,不過魯肉飯既魯肉偏少,唔夠撈飯食,去到最尾好似淨係食白飯咁,麵線口感唔錯,但味道一般,係銅鑼灣黎講,呢個價錢食番呢個水準,算係咁啦😊

今次嚟到銅鑼灣呢到食台灣嘢😝#紅燒牛肉麵 ($55)😋好味指數：(7/10)牛肉份量都幾多，雖然大大舊，不過就好淋😳湯底甜甜哋，有啲蘿蔔同白蘿蔔喺度，台灣嘅牛肉麵不嬲都粗粗地，所以食落去都幾飽肚😝#烤牛肉飯配和風汁 ($60)😋好味指數：(6/10)飯嘅份量幾多，撈埋和風汁一齊食味道不錯😚牛肉烤得幾香，可惜有啲韌😩#鹽酥雞扒 ($55)😋好味指數：(7.5/10)鹽酥雞扒嘅外皮炸得幾脆，味道夠香😚肉質尚算不錯，唔可以話嫩滑，不過都唔會乾🧐#木糠芝士粒 ($30)😋好味指數：(7/10)芝士粒食落去似平時自己整嘅芝士乳酪蛋糕嘅味道😳凍冰冰加埋木糠正😙

尋日下午茶去左銅鑼灣，同朋友食下午茶，去左金百利呢間台式料理叫易牙~見面門已經有好多食物既選擇，入去環境都好安靜~ 唔會太迫~ 去既時候人唔係好多，靜靜地有啲似cafe~ 下午茶既選擇唔多，有埋午餐食就好啲!!我叫咗午餐，紅燒豆腐麵(唔記得全名)，叫左珍珠奶茶~試下都好！等咗大概10分鐘，就有得食！麵量唔太多，不過牛肉幾好食，一咬就咬開，唔會好硬同咬唔開，不過麵就一般，冇想像中咁好食，落咗辣油會滋味啲！🤣