焱丸水產 (Closed)

都有一段時間冇去到日本，我同男朋友都好掛住日本嘅水產餐廳，俾我哋發現咗喺銅鑼灣都開咗一間相類似嘅鋪頭，所以就諗住去試吓去到發現其實價錢都冇想像中咁貴，反而食物嘅質素亦都己有驚喜，除咗西餐之外仲有好多日本料理，甚至我覺得比日本某水產餐廳嘅刺身更加好食海鮮方面我哋主要叫甲羅燒，職員仲會幫我地燒埋同埋交埋我哋點樣食，味道非常之新鮮蟹膏非常之香濃勁正然後我哋就叫咗和風刺身沙律，沙律嘅份量亦都係勁多刺身亦都唔係普通質素每一款嘅刺身亦都係非常新鮮配埋日式嘅醬汁食落去非常開胃除咗沙律之外我哋仲叫咗刺身盛合分別有海膽、三文魚、油金魚、帶子同埋吞拿魚，每一款嘅刺身都非常新鮮並唔係普通貨色，食落去鮮甜仲好香食完刺身梗係少不了壽司，我哋就叫咗三文魚黑松露卷，份量亦都幾多食完都覺得有啲飽飽地另外仲加咗天婦羅做小食，炸蝦做得好趣，最後就叫咗一個炒雜菜做結尾嘢飲方面就叫咗一杯peach soda，食海鮮當然要配返一杯冰凍飲品，正呀

第一次在香港吃這類海鮮燒烤餐廳，進店第一個感覺不錯，可能因為社會運動持續，星期六晚上七時半也不滿坐，大約入座一半左右！正題，食海鮮，最緊要食物新鮮，試了刺身先，不錯，逐點其他海鮮燒烤，也很新鮮，重點係有人在你面前焼，在日本則要自己動手！本人對此很滿意唯一有少少不滿意的是鮑魚太熟太燶，有點浪費食材！

今晚同一班朋友出黎食飯，一部份人建議食日本菜，最近成日聽到呢間好多人捧場，我地都黎試下！餐廳甚有日本風格，感覺好似去左居酒屋咁！黎到當然燒下海鮮，呢到有專人幫客人燒，所以唔港擔心驚燒唔熟或者熟過龍！味噌燒帶子，大大粒，軟嫩口感，啖啖肉！大蜆，比平日食嘅大隻，鮮味滿分！我地仲叫左兩個丼飯開心share食，香蔥金槍魚蓉丼，勁多嘅金槍魚蓉，加左香蔥、芝麻鋪面，同丼飯一齊食，更加美味，旁邊配左幾塊吞拿魚！北海海鮮丼，當中有好多刺身，拖羅、魷魚、帆立貝、海膽、油甘魚、灸燒左口魚邊、吞拿魚、甜蝦等等...每款有兩塊，相當豐富！

成日過黎銅鑼灣食一蘭，都俾隔離呢間居酒屋嘅外貌吸引，今次特登過嚟食呢一間，入到去入面嘅裝修真係好似去咗日本居酒屋嘅感覺！去到梗係飲返杯梅乾high ball先有感覺~先食個刺身七盛，每樣都好新鮮，最鐘意係入口即溶嘅大拖羅！！三文魚中卷，有咬口，配埋牛油果一齊食個口感幾特別！跟住黎既係野菜天婦羅，入面有菇、秋葵啊，仲有番薯，炸粉厚度啱啱好 ~~蟹味增甲羅燒即場喺你面前燒出黎，熱辣辣！配埋個北海道海鮮炒飯一齊食，味道啱啱好磯燒帶子汁燒食落味道鮮甜，仲有一齊燒埋既芝士魚蛋、柳葉魚，原來柳葉魚可以就咁一條食，好似無骨咁！ 總括而言，成餐飯嘅感覺就好似真係置身係日本一樣，無論環境、裝修定係食物都係一流！

呢間餐廳係朋友帶我嚟試，食到捧住個肚走，好滿足。漁師 刺身盛合 $480 唔想煩嘅話，揀呢個盛合就有當日漁師揀嘅新鮮刺身食，不過如果上菜時可以介紹吓係咩刺身就好了，各種刺身一望都知好新鮮肥美，其中大拖羅同三文魚肥美得嚟不失魚香，抵讚。三文魚中卷 $88 類似係加州卷上鋪上三文魚，味道清新，但感覺上有少少overpriced。野菜天婦羅 $70 有洋蔥、菇、南瓜、蕃薯、秋葵，最鍾意洋蔥天婦羅，炸完內裡仍然超juicy。海鮮炒飯 $78 都幾足料，每啖飯都真係食到鮮味。焱丸蟹噌甲羅燒 $68 一路睇住店員幫手燒已經流哂口水，混和哂後啖啖都有濃味蟹膏，好creamy。帆立殼燒 $68 燒完後澆上海鮮汁，整體出嚟超鮮甜，個汁真係神carry。柳葉魚 (5本) $45 第一次食柳葉魚，如果鍾意食魚卵的話真係唔好錯過，因為一咬落魚身到就爆春，而且燒完出嚟有焦香味，落少少檸檬汁更正。芝士魚旦 $35 其中我幾鍾意嘅一款，燒到熬辣辣之後，一咬開，中間夾心嘅芝士就流出嚟，芝味濃郁。梅乾High Ball $58 食磯燒一定係飲酒，呢款酸酸哋解膩一流。蘋果燒酌 $58 蘋果味清甜易入口，好啱女仔飲。需加一

之前同朋友去大阪旅行食過磯燒海鮮，香港都有就試下，睇下係咪一樣咁好食。店佈置成日本風，好似去左日本咁。食食下無啦啦熄左燈，原來係有其他客人生日，播住生日歌，氣氛好好，係呢到慶祝生日都係一個唔錯既選擇。蟹子蟹肉薯仔沙律，沙律份量好多，好夠凍，有好多沙律醬同蟹子係面，薯仔係底層。蟹肉玉子光燒，蛋味唔算太香，口感軟滑唔會煮得好實。貝殻燒，由生煮到熟，會吱d酒同水等佢維持濕度燒熟材料，好喜歡吃磯燒，除了吃美味的食物，還有視覺享受。松葉蟹膏帆立殻燒，唔單止有帆立貝，仲有菇、椒，同牛油一齊煮，一點也不普通。而三文魚籽帆立殻燒也有金菇，三文魚籽煮熟不是脆卜卜口感，變成白色實實的。日式甜醬牛肉鍋，有粉絲、豆腐、菜同埋牛肉，個汁甜甜的，豆腐好滑，食完飽飽好滿足。柚子啤酒，係加上柚子蜜係啤酒裡面，都幾好味幾夾。另外白桃梳打都好解渴，唔會好藥水，係果汁味道。

今日去左銅鑼灣焱丸水產，呢到除左有磯燒，仲有刺身同熟食，選擇多，應有盡有。刺身3盛 $160，有三文魚、油甘魚、干貝，甜蝦刺身$68，值得一提三文魚雖然唔係魚腩位，但厚肉魚油香味好重，而赤貝$68，爽口鮮甜好好食。三文魚富士山$78，賣相不俗，可以呃like。磯燒類選松葉蟹膏帆立殻燒同三文魚籽帆立殻燒，各$80，比較中意食松葉蟹膏味，味道較濃，相反另一款，燒熟左既三文魚子口感有Ｄ奇怪。白蛤磯燒$45，加左燒酒燒，鮮甜味出晒黎，燒完後唔會好乾。磯燒全部都由店員幫手燒，燒得岩岩好又唔會太熟，服務幾好。熟食方面，轟炸雞$58，係即炸，香脆肉滑多肉汁又juicy。

位於謝斐道較靜的位置，走進店舖卻充滿著日本和風， 還有幾張榻榻米。焱丸海鮮沙律一般的雜錦刺身沙律， 用上新鮮三文魚，蝦，吞拿魚切成， 刺身粒配上柚子汁，非常之開胃。刺身五盛刺身粒都那麼出色，刺身盛當然更出眾，特別是海膽 ,味道甘甜， 沒有腥味 ,質感細緻，入口即溶。蠔鍋飯 吃過兩個冷盤後，朋友一定要有飯落肚，所以我點了一個蠔鍋飯給他 ,蠔不算太大隻，但肉質肥美，配上烤過的日本米飯，點上海鮮醬油，加上洋蔥，青椒的伴襯，超級美味。這飯的容量也適合二至三人享用的 烏賊磯燒丸水產最特別之處是有人幫你燒， 這樣不但不會浪費了食材， 更重要是和朋友聊聊天後便可以吃了。未燒的烏賊色澤亮麗，愈燒愈細，愈燒愈脹卜卜， 再給我們剪細，外層脆脆，軟，硬適中，是吃過最好味的燒烏賊柳葉魚有點像多春魚，正確名是長體油胡瓜魚，來自日本北海道的 . 真要配服店員的技術，磯燒後的柳葉魚，一口咬下，搭配紮實的魚卵，多重口感超好吃

〈焱丸水產〉一直都係〈本兔〉首屈一指，最愛嘅開飯熱選之一原因好簡單，除咗食物質素夠高，夠新鮮之餘，價錢又夠抵當然佢哋嘅設計咁富日式風格都係本兔咁喜愛依間餐廳既其中一個原因。〈焱丸海鮮沙律〉夏日炎炎，先來個清爽嘅沙律唞一唞暑新鮮非常嘅沙律菜清新又爽脆，加上多款新鮮嘅刺身例如三文魚，吞拿魚，油甘魚等等我最愛嘅刺身粒粒，配埋酸酸地嘅清新醬汁一齊食，為今晚嘅美食展開序幕。〈原條池魚刺身〉所謂不時不吃，嚟到主打活水產嘅〈焱丸〉當然要睇下當日有乜新鮮推介之選！！原條新鮮池魚成條上都只係$188，仲可以兩食，真係超抵。特厚切嘅池魚油脂非常厚，入口質感爽脆，透着淡淡的鮮甜，再配以特製的姜蔥醬油，鮮味更見突出。〈焱丸號壽司〉餡料滿到絕對要用〈澎湃〉來形容的壽司鮮甜甘味嘅海膽一直系本兔嘅最愛，再加埋魚味濃郁嘅吞拿魚和伴有沙律醬嘅鮮帶子和蟹柳條滿滿的舖在壽司上，好豪華喔〈蟹味噌甲羅燒〉來到〈焱丸〉，必定必定必定要點〈蟹味噌甲羅燒〉！！因為真係實在太好食，每次食完都回味無窮，成日都心思思想返來食。〈甲羅燒〉的做法非常簡單，就是專人會在你面前把盛有滿滿蟹膏，蟹籽和鵪鶉蛋等材料的蟹蓋放在爐上磯燒。不消一刻就熱辣

今日同收工約咗閨蜜唔知食乜好… 突然諗起有同事提過銅鑼灣呢度嘅燒海鮮好正, 所以就走過嚟試下 我哋七點鐘嚟到, 侍應問我哋有冇book枱, 我哋話冇😱不過佢話好彩仲有一張枱可以畀我哋💕餐牌真係花多眼亂有好多唔同嘅刺身燒海鮮同埋炸物… 樣樣都想食確實唔理得咁多喇😂 梅酒煮海老, 刺身三盛同海螺刺身, 帶子磯燒, 半條花魚, 柳葉魚同個名好特別嘅轟炸雞。頭盤上咗梅酒煮海路甜甜酸酸蝦肉好新鮮添~ 刺身三盛都好新鮮又唔腥, 加埋鮮海螺刺身確係冇得頂, 新鮮又甜美, 原隻帶子磯燒大大隻。值得一讚嘅係柳葉魚, 今次係第一次食肉質好結實, 燒完之後, 可以連骨食, 有份甘香嘅感覺 花魚燒得啱啱好又香又好味, 轟炸雞脆漿卜卜脆雞夠滑, 呢餐實在大滿足👍👍👍

特別日子梗係要食好東西, 想起上次朋友生日喺"焱丸水產"尖沙咀店食生日飯念念不忘, 今次同朋友仔就去銅鑼灣分店慶祝一下特別日子。餐廳一入門口就會置身喺日本居酒屋既感覺, 就好似飛咗去日本咁, 每張枱已經放了一個小火爐, 我仲留意收銀位有得租借充電寶幾好。 晚飯過程當中, 巧遇有其他客人生日, 餐廳會調較燈光, 播住強勁生日歌, 捧住生日蛋糕俾主角, 想慶祝生日朋友可以考慮考慮👍🔸梅酒煮海老🔸好開胃既一道菜, 蝦肉夠新鮮彈牙, 梅酒不算重酒味, 酸甜汁更開胃, 送酒一流。🔸刺身三盛+活海螺刺身🔸夠哂新鮮厚身唔腥, 活海螺勁好味, 好鍾意口感Q彈夾雜海水既鮮甜味。🔸磯燒帶子🔸店員細心即時為我地燒, 簡單既調味已經好好味, 最重要係材料新鮮。🔸轟炸雞🔸炸得外脆內嫩, 本身雞肉同脆漿都已調味過, 亦唔會太厚脆漿剛好, 有別一般炸雞👍🔸花魚半條🔸好大既一條花魚, 魚油好香, 好味。🔸焱丸號壽司🔸超級豐富既壽司, 睇落係六款唔同既口味, 配以三件軍艦壽司, 可以每款軍艦兩個口味, 材料新鮮, 好滿足。🔸芝士魚蛋🔸燒得流心芝士好正, 啱哂我呢個芝士控。🔸白桃梳打🔸唔飲酒既我叫咗杯有汽飲品都一樣咁正。

今日中午路過呢間焱丸水產，見到門口色彩繽紛，貼滿了食物相同餐牌，望落去價錢唔貴，所以就入去幫襯。餐廳好有日本居酒屋風格，周圍既佈置都係日本風，仲有塌塌米嘅卡位餐廳有好多野食可以揀，刺身，壽司，爐端燒，一品鍋，講得出既都有得食。叫左份燒大蝦，燒多春魚，牛肉喜壽鍋，同埋好有特色嘅梅子乾whisky。燒大蝦同多春魚都係即場在枱上燒。整個過程由侍應負責，見佢地好耐心咁慢慢去控制住火候，尤其係燒多春魚，要好技巧先唔會整爛條魚牛肉壽喜燒嘅牛肉好靚，唔係一般餐廳俾肥牛，咬落去好冧，好有牛味。湯底好甜，配料好足，蔬菜好新鮮，好甜。

今日經過銅鑼灣伊利沙伯大廈後街，突然聞到陣陣嘅燒海鮮味道，原來呢道開咗間日式磯燒餐廳。又差唔多食飯嘅時間，所以就入去試吓。麻醬沙律豆腐沙律，新鮮嘅野菜加小蕃茄，加埋中間仲配埋栗米片，令到口感有多一層次。配上帶酸嘅麻醬，都幾開胃。大蝦磯燒-大虎蝦非常大隻，長度比我隻手掌仲要長，燒嘅時候加少少醬油，令味道更鮮味。露荀煙肉牛油燒-呢道菜主要係用焗嘅方式，所以露荀嘅清甜味一啲都冇走失，加上煙肉嘅燻香味同埋牛油味，呢個配搭我個人覺得都唔錯，如果份量大啲就更好。白桃梳打-食磯燒就緊係要配特飲，白桃味香不過又唔會太甜，係夏天消暑嘅恩物。蠔鍋飯-材料有三色椒加上洋蔥，加上大大隻嘅蠔配上味道帶甜的蠔汁，呢個飯真係蠔味十足，份量都有兩碗飯咁多，所以記得留肚食。

同朋友來焱丸水產慶祝生日，這里的氣氛真是很不錯，音響效果下整間鋪頭都很歡樂，裝飾很有日本特色，仲有包廂他他米的設計，一級棒！來到居酒屋點可以唔飲野，系咯，呢度大部分野飲都有酒精成分，如果唔想飲酒精類可以揀soft drink 🍹 系列。刺身，海鮮，燒物...都系佢地的主打菜式。水產嘛，當然要試下刺身海鮮啦。點左杯梅乾酒，含有少量酒精，飲落唔覺酒味，但梅乾味濃厚，幾爽口。和風豆腐沙律，麻醬畫龍點睛咁扮演著重要的角色，豆腐嫩滑，口感不錯。三文魚牛油果蟹籽卷，三文魚新鮮，配上牛油果，感覺很綿密細緻，口感清新。很欣賞厚切三文魚腩，肉質juice 新鮮。

呢排返工真係好攰好沉重，想出去食返啲好嘢，首選緊係食日本嘢，今日去咗一間叫焱丸水產嘅餐廳，質素都唔錯。期間限定優惠，大家可以留意吓~都有好多海鮮食呢排啲天氣真係好鬼熱，飲返杯冰凍嘅蘋果梳打，是正常的，我最欣賞係蘋果梳打真係有蘋果，青蘋果片雪到變冰，一食落口，即刻可以降溫。熱辣辣食刺身就最啱，呢個甜蝦x鯛魚x柳葉魚刺身薄切嘅鯛魚，廚師真係好刀功，每一塊都切到可以透光。肥嘟嘟新鮮大甜蝦，味道好鮮甜，新鮮度非常高。香蔥白蓉吞拿魚手卷，美味嘅吞拿魚蓉食落完全冇根，帶吞拿魚嘅油香加埋蔥變得更加有層次。吉烈魷魚圈，新鮮厚肉嘅魷魚外層包住，脆到爆嘅麵包糠，食落非常鬆脆。最後就係，我最愛嘅浜燒多春魚，眼睛透明度好高 即係都好新鮮，燒到又香口，啲魚子又咬落卜卜聲