富臨粵之味 (Closed)

朋友壽宴假座於旺角富臨, 眾人踴躍參與, 8大3小, 聚首一堂... 有6位用大閘蟹套餐, 不過侍應不斷命令我地食貴幾倍嘅12人餐, 邊食得晒呀... 之後又命令我地食盤菜, 同佢講咗幾十次唔食, 佢都當聽唔到, 不停REPEAT... 當然最後佢都唔會成功... 我地ORDER咗6位用大閘蟹套餐, 又驚佢D餐嘅餸好細碟, 又再加3個餸... 結果係勁大碟, 差D食唔晒... 薑汁酒芥蘭-- 芥蘭新鮮, 好有薑味, 不過份量太小...腊味炒菠菜-- 賣相有點不濟, 腊味完全冇味, 波菜正常...乳豬拼盤-- 乳豬皮脆, 都幾好味... 油雞脾肉嫩, 甜甜的頗好味... 叉燒半肥廋, 入口軟腍, 焦香甜美...蟹肉竹笙燴燕窩-- 完全冇味, 稀得緊要, 唔該拎走...清蒸大閘蟹-- SIZE唔算大, 但好多金黃的蟹膏, 甘香豐腴...碧綠翠蝦球-- 蝦球爽脆, 不太鮮味, 味道尚可... 大半碟都是西芹, 看來不太受歡迎, 味道是OK的西芹味, 但總有人受不了...清蒸海青斑-- 魚肉蒸過火了, 不太嫩滑, 蘸熟油豉油同吃味道OK...極品燒鵝皇-- 既唔香亦唔脆皮, 肉質偏硬, 味道太

同兩位老友宵夜, 呢度環境ok, 室內有冷氣, 價錢好經濟, 嚟過都有好幾次, 我哋order 咗三餸加18枝細blue girl!1. 燒脯仔~ 好鬆化, 香口, 唔太肥, 入口香嫩帶點煙燻肉香 2. 沙拉骨~ 好有色香味感覺, 沙律醬有心思以網紋配上菠蘿炒三炒骨上, haha咁就變成" 沙拉骨" . 火喉剛好, 肉質帶有點菠蘿味夠入味! 3. 蝦干煮勝瓜~ 清清地, 用上湯煮勝瓜, 夠勝瓜健康, 蝦干好香口好入味

今日一行八人一起去食, 之前都經常在這酒樓飲早茶的. 是日非常爆滿, 在外等的人極多. 因我們之前已有訂位, 一來便能入席.是日由我親自發牌, 叫了七款小菜一款燉湯. 不過真的不好意思, 忙著傾計都忘了影相, 去到尾影了數張, 只有一張能用. 下次再影多點吧.燉鱷魚湯味道普通, 清淡沒甚特別. 令我一飲便忘了味道~羊腩煲, 味道一般配料都算幾多, 炆得唔算入味.法式大蝦配意粉, 算係唔錯, 汁打得幾好. 蝦夠大隻, 但炸醬厚了點. 菠蘿生炒骨~一來我便快速地試了一口, 的確是炸得很好, 外面仍脆的, 汁的厚度亦算適中. 飯前一吃, 食慾大增.花膠炆豆腐, 花膠都算入得口, 味道不過不失古法蒸多寶魚~雖說古法, 但跟清蒸沒甚兩樣, 魚夠新鮮, 肉亦夠滑. 但沒特別之處吧了. 炸子雞 ~ 全晚最好食的就是這道菜啦, 雞雖然食得出是冰雞, 但滑得很, 皮亦很夠脆, 做到皮脆肉嫩啦. 算是這晚普通飯局中的亮點. 什錦拼盤(忘了確實名字) ~ 非常一般, 只是煙鴨胸, 炸春卷吧了, 因離我太遠我食了二件便算了, 差點忘了有叫這碟.食到差不多尾聲的時候, 才發覺一直忘了叫飯, 但餱菜都算夠食, 當

為慶祝朋友由澳洲返香港，2011年9月30日(三)同朋友一行八人到旺角"富臨粵之味"食晚餐。第二次去食晚飯小菜 覺得間"富臨"氣氛幾好，好熱鬧，有人打邊爐，有人食小菜。我們是次叫了八道送菜，分別是:1. 芝士焗美國龍蝦E麵 $78一碟 (我們叫了兩碟)2. 脆皮童子雞 $583. 菠蘿生炒骨 $564. 魚香茄子煲 $625. 瑤柱上湯什菜煲 $606. 手拍青瓜海折 $287. 野菌炒駝鳥柳 $688. 京式賽螃蟹 $58食之餘仲叫左一揸西瓜汁，三碗白飯。食飽飯仲有水果盤，都係西瓜。芝士焗美國龍蝦E麵真係好好味，好夠汁，麵就少左D。脆皮童子雞好抵食，都幾大隻，落好多芝麻菠蘿生炒骨好正，因為我好鐘意係甜甜酸酸的，生炒骨又夠脆。魚香茄子煲依舊好夠味，撈飯最啱，咸味剛剛好。瑤柱上湯什菜煲就清左D，菜都唔係好多款。手拍青瓜海折比我想像中好味道，作為一道前菜真係好掂，有輕微既辣味，好爽口。野菌炒駝鳥柳...D肉好咸，唔係咁推介。京式賽螃蟹清得黎又幾好味，口感都好好。是次大約每人$100左右，其實係叫得多左D，食唔曬，上次食都飽飽都唔洗一百蚊架。同朋友去食晚飯真係幾好，絕對唔會趕你走，場地係嘈D

９月５日我地去左呢間富臨到食個＄１４８８既全包宴ｆｏｒ中秋由於只有９個人所以已經預左食唔曬野食有：勝瓜炒肉絲，燒味拼盤，炸海鮮卷，芝士焗龍蝦伊麵，蒸大海班，翅，炸子雞，菜肉包，生果［已按上菜次序今餐整體好好味芝士焗龍蝦伊麵：今餐既主角，多芝士，包到每一條伊麵，ｄ龍蝦好爽，有海水味炸子雞：皮脆肉滑由於去到最後勁飽, 只係食左兩舊菜肉包：雖然去到最後個個都好飽, 但個個都食左小小...炸海鮮卷：有兩種唔同既卷，一個包住隻大蝦同ｓａｌａｄ，仲有一隻係包住ｄ好似牛奶既物體今餐既感想：＄１４８８抵到爆吧！！

係網上面見到有$38龍蝦食咁岩係旺角搵野食既時候發現有間富臨整定呢隻龍蝦 難逃一劫六點幾上到去唔洗等位不過間野都幾細間....晚飯時間應該有排等叫左個$38芝士龍蝦伊麵 + 蒜蓉蒸元貝都幾快手就有得食個龍蝦伊麵收$38真係交足貨有突有十幾件龍蝦 好多芝士 伊麵都可以分到5~6碗到味道都唔錯 芝士味幾香蒜蓉蒸元貝 就淨d 普普通通 都算幾大隻不過好似麻麻地新鮮整體黎講幾抵食

補祝朋友爸爸生日.. 因為之前我有搭uncle 順風車..而朋友好客ge性格.. 我就搭檯食飯uncle 想打邊爐.. 朋友妹揀o左呢間食飯.. 因為九點後六折(湯底、刺身、牛肉、飲品除外)我地點o左兩個壽包..生日總要蛋糕/壽包的 =)亦都叫o左個椒鹽九肚魚.. 因為朋友說平時係屋企uncle 唔會煮..不得不讚是芝心蝦丸.好滑好好味..墨魚滑只見到好薄ge 一層鋪係碟面.. 咁就55蚊 (六折都要33.. 唔抵得囉...)炸腐竹ge 圖片俾o左個錯覺我地..以為係响鈴卷.... 點知上檯見到一卷卷發晒油光ge 腐竹..仲要係唔鬆軟.. 落o左水都唔腍唔散..魚生$38.. 得八小片... 醉雞湯底有蔘片有紅棗.. 但都略嫌少.. 因為個鍋都唔細首次通菜打邊爐..唔係應該有西洋菜嗎?皇帝菜點o左等好耐先話我地聽無貨..最重要係我地等極都無黎壽包..同其中一個侍應講過.. 都無聲氣..最後我起身走去同個西裝侍應講.. 佢問返我""你地嗌起未?我話我地講o左都無反應..之後先上檯一個壽包都有拳頭咁大ga.. 難怪要十蚊個啦..埋單又唔係真係好平好抵食..所以下次要打邊爐都唔會黎呢間.p

星期日去旺角富臨食晚飯, 換來gei竟然係"非常激氣"gei晚餐.....訂左6:30pm gei我地, 早左20mins去到, 去到之後, 位係訂左, 不過部長竟然同我地講冇大....佢地解釋gei原因令我好激氣, 部長話因為係我地到之前gei 5mins有一大隊到左食飯, 有3圍客人剛剛到左, 剛好3圍大, 所以就犧牲左一早訂左位gei我地...佢就建議幫我地加塊板上去, 變做大, 我地都ok, 我覺得你解決左問題都冇所謂.之後點菜, 由於見到BEA有優惠, 我地問下個阿姐個"燒鵝"優惠仲有冇, 佢話有, 我地就點左個"燒鵝"黎食,過左一陣就有野食, "琵琶豆腐"幾好食, 其他水準都ok~不過招牌菜"叉燒"就一般, 本來唸住試下唔同gei富臨gei水準, 但e間就唔太得, 叉燒水準比較遜色....唔計開頭果件事, 我都覺得e餐飯都中規中矩~但最精彩就係食完生果之後, 我地埋單, 一見到張單就知道出左錯, 因為用BEA信用卡食"燒鵝"有優惠gei, 應該$104, 但佢就計左$148, 我地問下個阿姐, 佢竟然同我講我地冇俾張卡佢睇......喂, 我叫野食果陣, 已經拎住個牌

在朗豪坊看 "讓子彈飛"，離開戲院已經 9:30，這間酒樓部份食材在 9:00 過後在6折，怪不得要排隊，好彩哥哥攞定枱叫定嘢食，一到埗便馬上有得食。天氣凍，看見熱騰騰的火鍋，食完第一輪先記得未影相。食材肯定較任點任食的好吃，數量不是很多，是否因六折而將價就貨便不得而知。原價48元的蔬菜籃食完濃味的火鍋，打算叫糖水。現在食材不斷漲價，很多酒樓都要自費食糖水，一早有心理準備要 "俾錢"，問服務員有無糖水紙？可能服務員聽錯問有無糖水送，答︰"賣晒"。見隔離枱有水果 (西瓜數片)，問︰咁有無水果？答︰派晒。然後再答︰特價時段無嘢送，未派晒都唔會俾你。哦！收到，原來食特價時段係唔受歡迎，即刻埋單去也。

每當同媽咪兩個人諗唔到食咩好，我地就會去飲茶算數~ 是日想搵間新酒樓去下，所以就黎左呢度，之前一直未試過呢~下午兩點幾黎到，竟然全場都滿哂，要等位等左大概十多分鐘先安排到兩個位置俾我地，實在太多客人所以係非常之嘈吵下的，不過咁樣都幾有飲茶既氣氛呀~~係點心紙見到酥皮蛋撻，即刻叫左碟... 要知道蛋撻呢個點心曾經係我的最愛，只不過已經食唔返我以前食過既水準lu....但每次見到依然會忍唔住叫~~~ 呢到既蛋撻都唔太差的，黎到非常熱辣辣，酥皮幾香同埋食到一層層的，又唔會太厚。不過蛋漿就少左d... 好慳料，不過食落蛋香幾重所以都ok啦~~~另外叫左芝麻流沙包，基本上見到流沙包呢個字唔知點解就覺得好難抗拒，反正芝麻我都好鍾意，就叫左黎試下。呢個做得好食喎，皮夠薄好軟熟又夠多餡，芝麻真係會流哂出黎，好香幾好味。叫左個綠茶千層糕，不過黎到其實少少綠茶味都食唔到，反而係勁重椰汁味，有D似泰式個D椰汁糕... 其實唔難吃的，但唔覺得佢應該叫綠茶千層糕，轉左個名會好D!最後叫左兩碗粉食，分別係燒鵝瀨同油雞瀨，不過燒鵝瀨好難食，因為一食就知唔係燒鵝係燒鴨.... 咁都算啦，仲要好鬼靱而且一D味都無，唔好

打完波又落雨, 揀咗就腳嘅呢間.素鵝 - 即炸, 唔太油, 不過餡少d, ok.上湯魚肚時蔬 - 魚肚唔腥, 唔差.蒸鮑魚 - 細隻, 不過都新鮮, 幾好.椒鹽瀨尿蝦 - 瀨尿蝦好新鮮,可惜瀨尿蝦混合唔到椒鹽嘅味道, 嘥咗.蝦籽遼蔘什菌煲 - 遼蔘比較少, 不過個什菌煲好味!多寶魚 - 新鮮好滑, 好味!

這間富臨裝修過了,反而變得有點逼下午茶時段,又是一至五,所以頗抵食是次叫了:南瓜西米露第一樣上的,即叫即畢這裡的南瓜露不過甜,而且有陣焦糖味(不是焦味)幾特別煎釀茄子很受歡迎的菜式,新鮮炸起又不太油,不過個人認為沒有驚喜蝦餃小小的卻也很足餡,有兩顆還用了翠玉瓜墊底?芝麻煎堆仔最出乎意料的一道!!可能是我本身嗜甜的關係本來以為自己叫的是橙紅色,大大個的煎堆(因為其他枱多數點這個)上菜時還有點失望誰知也很好吃呢外脆內軟,皮薄餡靚應該叫炸湯圓而不是煎堆另外清潔：女廁地面好濕服務方面,樓面的人都很親切除了有位阿叔收碟時,倒瀉豉油落碗甜品!!.........隻碟到- -'''好彩無溝碗「豉油南瓜露」出嚟啫

無人會估到咁遲先春茗，不過算啦。有得食就食啦，唔係唔知幾時先有得食。呢晚都幾多人，好不熱鬧。芝士大蝦伊麵好重芝士味，而且大蝦真係大蝦好大隻。而伊麵又幾好食，唔錯。燒味拼盤無乜特別，都係樣樣有咁啦。不過個鴨胸就唔太好食，其他不提也罷。芝士炸蝦球又係幾好食既，炸得好脆。同真係又芝士流出黎既。瑤柱炒飯好有穫氣，炒飯炒得好煙韌，好正。其實仲有好多野食，不過無影相。唔記得太多，但呢餐都算唔錯既。

我諗都有大半年未去過呢度食野有次想去,又撞正呢間鋪頭裝修裝修左,感覺地方大左仲整左數張卡位,又光猛左.火鍋配料選擇都多左9:30後入座,仲有六折優惠添!!和牛優惠價$10碟但我唔識欣賞,覺得同普通肥牛都好似差唔多,我都唔知有乜分別.珊瑚蚌:覺得唔太新鮮.牛柳粒:覺得好似切頭剩尾做出來完全都唔係一粒粒,肥肉又過多.其他配料普普通通.叫左一碟刺身拼盆:味道都唔差,而且都幾新鮮有甜蝦,三文魚.....都幾抵食.叫左2隻大閘蟹:size唔算大,價錢都唔貴,可以接受.但略嫌唔夠多膏.

hapi friday lunch 加上剛剛發薪水不久~ 今天就想找個坐得舒服點的地方吃頓好的~ 雖然人數只有5人, 還是選了飲茶~ 差不多12:40才來到, 通常lunch time都不用等位, 侍者更給我們1張8人檯。要了香片茶和滾水各1壺, 香片沖得濃濃的, 而滾水都帶點淡淡茶色…茶壺都沒洗乾淨, 就連壺的外邊都是1點1片的茶漬 =^= ‘’’ 快快的剔點心吧~~~ 才5個女生卻點了10個點心 @^@ 還加個燒鵝瀨粉!! 煎點先來~ 煎蘿蔔糕, Elaine的最愛, 所以是每次飲茶必定出現的item XD 但這兒的煎蘿蔔糕做得不好,,, 材料只有蘿蔔沒其他配料, 蘿蔔份量很多又大粒, 蘿蔔多粉少這本來是好的, 但粉少得無法穩固好1件蘿蔔糕! 簡單來說就是1夾就散! 味道都只是1般, 就像是在吃蘿蔔吧。 煎蓮藕餅, 原來是薄薄1大片, 鯪魚肉餅, 夾著小粒小粒的蓮藕, 以薄片形式魚肉和蓮藕的比例配得很好, 始終”蓮藕餅”就是蓮藕為主角, 不會被魚肉喧賓奪主~ 1碟有3大片呢~~ 煎釀茄子, 即等同平時見到的煎釀3寶那種, 妹妹沒嚐哇, 只底部的茄子是厚切的, 都有2/3隻手