大食代 (奧海城二期)

Open Now

Now Closed

餐牌有新鮮感得來又有啲難理解，都花左d時間研究。午餐有個set 有主食 + 小食 + 甜品仲有杯茶，都幾豐富，$79起。🤔黑糖檸檬醬豚肉蒸飯 （$83lunch set）有少少酸酸甜甜嘅味道，但唔算太突出，食唔到咩黑糖味。檸檬味都係非常輕微。主要係甜甜飯素嘅味道。至於豚肉就普普通通，冇咩特別。🤔溫泉蛋柚子肉味噌蒸飯 $89都唔算太柚子味，都係同上面的飯差唔多味，質素普通。👌🏼海鹽焦糖乳酪布甸❌雞個布甸同雞係冇關係嘅，我仲以為有啲咩嘢Chemistry夾埋一齊整。炸雞唔掂，唔需要叫。至於個焦糖海鹽布甸就幾軟滑，有牛奶味同海鹽味，味道唔錯。❌明太子雞都係普普通通，唔好叫炸雞。🥰沖繩海鹽焦糖冬甩雪糕Doughnut 應該係呢間嘢最好食最招牌嘅菜式，即叫即製，食落煙煙韌韌又彈牙，質感唔錯。撈埋啲焦糖汁食都幾好味。總結就係可以來食冬甩，但唔建議食炸雞。環境： ★☆☆☆☆ 食物： ★★★☆☆ 性價比： ★★★☆☆  推介度： ★★★☆☆

全港罕有兼備必比登推介和低卡餐單的美食廣場盈陸奧海城啦 🤩🥳 進駐咗13間環球美食餐廳🌍 每間餐廳均提供由營養師 計算的低卡餐單，仲有戶外用餐區添！可以望住維多利亞港海景🌊 Food Republic 融入環保理念♻️ 員工制服全部採用環保再造物料！用餐區域將全面使用環保蠔殼餐具，同時配合奧海城環保政策提供廚餘回收服務✅ 最鐘意裡面嘅 台蔡滷肉飯、八彩銅鍋米線、沖繩二段料理👋🏻 台蔡滷肉飯：🍗九層塔鹽酥雞台蔡招牌九層塔鹽酥雞，入口超級酥脆🤩 外脆內軟，加上裡面嘅九層塔香噴噴，好似去咗台灣夜市咁🤣🍖爆蔥滷肉飯超惹味嘅滷肉飯！豬肉軟腍，愈食愈想食！仲有流心溏心蛋一齊食好幸福呀！🍜藥膳排骨湯呢個湯入口舒適溫和，藥材味濃郁！用上十多種中藥材炮製，包括當歸、甘草、川芎、熟地、肉桂、杞子等，細火慢熬多個小時，飲一口都暖笠笠～ 八彩銅鍋米線：🍝雲南豆花米線撈 豆花撈米線，豆花滑溜感清新，而米線就彈牙兼惹味！ 原來呢個豆花撈米線喺雲南老昆明傳統滋味😳 沖繩二段料理；🥨沖繩海鹽焦糖雪糕冬甩即叫即炸嘅冬甩麻糬外脆內軟～加上自家製嘅醬汁留喺表面醬，一口咬下爆出濃厚的焦糖香氣～

奧海城2期1樓大食代今日開幕都有請嘉賓到場助慶😯、整間FoodCrout換然一新環境裝置同以往較為有特色🤔靚好多、分別都有室外地方寬敞空氣清新😚、同時一邊食嘢一邊可以望到維多利亞港的海景😍、室內係以柔和色調木系裝置、四處以特式羽毛、花草圍繞、坐著感覺舒適我覺得都唔錯！.都有13間不同國家環球美食選擇、都唔需要北上已經食到好嘢🤭、每一間都有不同嘅美食揀、同時每間餐廳由營養師計算低卡餐單適合各位顧客😯、而加又想出街食又怕肥膩唔健康、又可以Keep Fit大食代就可以做到、為融入環保概念全部員工制服採用環保物料、餐具用嘅全面都係用蠔殼餐具配合澳海城環保理念及廚餘回收！.泰雅海南雞飯呢一款採用二斤半海南雞而做外皮色澤金黃、食到入口油脂豐富肉質鮮味而腍嫩😋、店家係用咗高湯慢火煮後、之後再丟入冰水中冰鎮令到雞皮Q彈爽口、雞肉完全去埋骨食得方便、佢嘅雞油飯粒粒口感好香油味😚、配埋自家製泰沾醬令到味道獨特又美味好食！.泰式燒豬頸肉飯呢一款燒豬頸用賣相都幾好🤤、燒豬頸肉上面放咗金黃香粒、入口口感爽脆散發炭燒香味😚、再沾吓自家製酸辣醬汁更加惹味😋開胃！.串八重量級漢堡天津飯 整碗漢堡天津飯賣相都幾好🤔、

叫左肉骨茶餐同埋咖哩牛腩肉骨茶淡左D，個紅米飯仲要係凍嘅🙄咖哩牛腩落錯單俾左咖哩雞都算啦仲要係唔熱唧，個白飯有1/3係生米，奶茶好淡😑除咗咖哩汁比較ok其他真心差。

呢間food court非常之多選擇覺得點解睇極都仲有好多唔同菜式睇完決定食呢間就係被雲南豆花米線撈吸引咗本身唔係好肚餓又好喜歡吃豆腐二話不說就食依間見到已經覺得好好味 同埋走咗紅辣油本身佢啲醬都有少少辣 所以已經啱啱好好開胃 撈勻晒 醬料啱啱好 食得多米線嗰陣有啲鹹有啲辣的時候再食一啖豆腐解漏 好清新可以在加$12配一支冷泡茶依支係桂花烏龍 食到有少少覺得辣飲一啖剛剛好價錢都合理 所以都幾值得食如果再去呢個food court我都會再食多一次

奧海城 大食代 三餸飯今日路經奧海城，去咗佢哋嘅food court醫肚，個場雖然唔係好大，但都有好多不同選擇，見到佢哋有三餸飯，以前未試過，今次就試吓好唔好食。叫咗個肉餅同咕嚕肉，仲有炒青菜送例湯及白飯，盛惠53個大洋。肉餅味道OK，雖然有少少乾，但係都夠彈牙，好有屋企阿媽煮嘅風味，而咕嚕肉就好Standard，其他地方都食得到呢種水準，唔會太過甜或酸，但係肉嘅size就比較細，如果大嚿啲就仲更加好，細細嚿當係攝牙罅。而嗰碟炒菜都可以，唔會煮到過腍或過熟，有啲水準。至於例湯就好勉強喇！紅蘿蔔粟米湯，好有味之素嘅風格。再講多啲個場嘅環境，整個food court 清潔乾淨，地下唔會污糟邋遢油淋淋，雖然地方狹窄，但係夠光猛兼無油煙味，空氣清新食嘢都開心。見到啲清潔美女好勤力工作，凳嘅擺放好整齊，食客一走，佢哋就立即行動，抵讚！

極黑・黯然銷魂飯😍香港人最鐘意嘅食我身之一銷魂飯！佢哋仲要用上自家製精選西班牙杜洛克豬腩黑叉燒 配 日本國產煎雙蛋 製作呢個銷魂飯！黑叉燒 肥瘦均衡，而且很一啖都滿滿肉香味！配埋日本🇯🇵蛋嘅濃厚蛋香味！送飯一流😋另外佢哋嘅炸粽同西關瀨粉出面好少有，大家都要試試.夏天☀️食完飯點少得來個榴槤 甜品？！用馬來西亞🇲🇾D24 榴槤肉製成嘅 榴到爆炸 特飲 每一啖都喺榴槤肉！身為榴槤粉絲嘅屋企人極速飲完🤣 再追加埋芒果榴槤刨冰！！！刨冰除左滿滿馬來西亞🇲🇾D24 榴槤肉仲有超級甜嘅芒果🥭肉！甜品迷不要錯過！🍽️大食代 (奧海城2期)📍地址: 大角咀海庭道18號奧海城2期1樓103舖

大家都知道奧海城 Food Republic 翻身後之後，引入咗1️⃣3️⃣間環球美食餐廳，今日又去幫襯咗其中2️⃣間。🌟老祖食堂 by 西關老祖極黑•黯然銷魂飯 $68以為又係普通嘅黯然銷魂飯😅 ？！咁你就錯哂啦😂！呢度自家製嘅黑叉燒係用咗精選西班牙🇪🇸杜洛克豬腩🐖，杜洛克豬油脂分布均勻，吃起來滑澀，口感細嫩好吃，配埋日本煎雙蛋，真心勁好食😋。黑叉燒配香煎雞扒飯 $66雞扒🐓煎得金黄，外皮香脆入面juicy🥰，已切件非常方便食用🥰，配上同樣用咗杜洛克豬腩制作嘅黑叉燒，食完勁滿足😍。酥炸•杜洛克豬肉米粽 6件 $68賣相非常吸引，米粽炸至金黄色🟡，望落去有啲似薯餅，中間都係用咗杜洛克豬腩🐖，但係整體就一啲都唔油膩，難怪2023-24年，連續兩年獲<米芝蓮>必比登推介😍。🌟Sweetscoop食完咁滿足嘅一餐之後，真係即刻想食返個甜品😋。大家放心，老祖食堂隔離就係甜品店Sweetscoop，如果你鍾意食榴槤就更加啱啦，呢個夏天☀️，大食代選用來自馬來西亞D24榴槤蓉呈獻出多款榴槤產品。我就試咗其中3️⃣款👇3Q 榴槤芒芒冰 $463Q 榴槤椰椰冰 $463Q 榴槤芒果冰 $56

早2日去奧海城睇戲🎬睇戲之後梗係要醫肚👦🏻👧🏻响同層 大食代Food Republic見到出咗一系列嘅榴槤特飲同刨冰身為 #榴槤控 嘅👦🏻👧🏻👩🏻二話不說即刻搵位先 今次我哋order咗🍴 極黑•黯然銷魂飯非一般嘅叉燒飯特別用咗 #西班牙杜洛克豬腩店家自家製成黑叉燒肥瘦均勻 😋 肉味濃郁再配上 #日本國產 香煎燶邊雙蛋、甜味豉油 👦🏻自己可以食哂一碗飯😆🍴黑叉燒配香煎雞扒飯唔好以為杜洛克豬腩好油膩反而食落係肉香味好重仲有煎到皮脆肉嫩嘅雞扒👧🏻話啖啖肉好滿足😌🍴酥炸•杜洛克豬肉粽選用西班牙入口杜洛克豬腩肉100% 香港製造最正肉粽炸到脆脆地 但裡面糯米就煙煙韌韌五花腩軟綿得來有咬口再沾上細砂糖口感頗特別🤗榴槤甜品係用馬來西亞嘅D24榴槤蓉款款都有足料榴槤肉每一啖都充斥滿滿榴槤香味3Q榴槤芒芒冰🥤濃郁榴槤配上香甜芒果 味蕾上很有衝擊3Q榴槤椰椰冰🥤榴槤同椰子味道係絕配榴槤蓉加入香濃椰奶製成冰沙口感非常濃郁3Q榴槤芒果冰🥄非常澎湃 😆榴槤雪冰、芒果啫喱、芒果肉、QQ多到滿瀉榴槤雪冰口感細滑綿綿😍入口即溶加添芒果汁令芒果味更香濃最重要都係中間一大球嘅D24榴槤肉口感軟粘細膩😋濃郁味甜@food

@八彩銅鍋米線👌🏼酸菜魚片小窩米線 $68魚片彈牙，嫩滑又唔鬆散，整得唔錯。湯底唔會太辣，恰到好處。亦都唔會太酸。雖然唔係話好精彩好多層次嘅味道，但係呢個價錢嚟講，符合預期。☹️酥炸雲南包漿豆腐跟餐嘅小食。唔脆，炸完之後凍咗一排收咗水嘅外型同口感。普通。🥰 雲南豆花米線撈 $55本來好猶豫，因為冇辦法幻想個味道，又驚中伏。但本着好好奇係咩味道嘅情況下點嚟試吓。佢有唔同嘅材料撈埋，蔥，花生碎、欖菜等等。撈埋之後又幾惹味，主要就係豆瓣醬撈埋欖菜嘅味道，加少少辣，仲有少少花生碎嘅口感。味道幾濃郁。豆花就係凍嘅，味道同口感都有啲似食豆腐花，軟腍腍，都有豆味。整體嚟講，味道有新意得來亦唔錯。仲要係素食，健康又低卡。👌🏼金湯酸菜魚 $79食落個味道同酸菜魚分別唔大。不過個湯底就呈現金黃色，賣相靚啲。湯底都係酸酸地，有輕微嘅辣味同花椒味。對比起酸菜魚，可能個味道會醇一點。環境：★☆☆☆☆ 食物： ★★★★☆ 推介度： ★★★★☆

見food court重新開張，本着一試無妨嘅心態，諗住楊枝甘露這類大路甜品，差極應該有一定水平。吧。點會想像得到， $36 (外賣另計$2) 的一碗楊枝甘露，水汪汪仲好似成碗奶之餘，全碗只得一粒芒果碎屑 (如圖)，仲用咗成分鐘先搵到。 🤡其實職員將甜品倒入外賣碗時，因為全程見唔到佢有加入芒果嘅動作，為免唔好冤枉店家，我再三追問店員，店員堅持內裏是有加芒果的。只可以話，店員係冇講大話嘅，係有一粒碎屑囉！其實如果唔夠材料，店家係可以選擇唔賣的，但為咗$36而欺騙顧客就唔好啦。

👧🏻Wodafoodie in Tai Kok Tsui奧海城Food Republic 全新開張，引入左13間環球美食餐廳，有中、日、韓、西、泰、台、港式等美食，最特別既係呢個係有米芝蓮必比登推介同營養師計算低卡餐單既美食廣場😍關注健康既你點可以錯過呢！🤩🤩Food court 環境闊落，坐得舒適，仲有户外用餐區有太陽傘同藤椅，打卡一流😉仲睇到維港景色👍🏻 今次好榮幸受邀出席佢地既開幕禮☺️試左好多唔同美食！最想推介以下三間：✨【八彩銅鍋米線】🍜雲南豆花米線撈🌿598kcal將豆花撈入米線一齊，對昆明人黎講，係雲南老昆明傳統滋味，是土生土長的昆明味道。豆花米線中既鮮嫩豆花，配上有韌勁既米線，撈上濃郁既醬料，滑口軟糯，口感豐富有層次😋呢個仲係營養師計算過既既低卡餐單，食得輕盈零負擔😙✨【台蔡滷肉飯】 🥘藥膳排骨湯 🌿540 Kcal台灣菜都有低卡既選擇～呢個藥膳排骨湯採用十幾種中藥材炮製，包括當歸、甘草、川芎、熟地、肉桂、杞子等，細火慢熬幾個鐘，飲完好滋補既感覺☺️入面仲有啖啖肉既一字骨，可以點自家製腐乳醬，味蕾大滿足😋✨【圓 ̇鐵板燒 Yen Teppanyaki】 🥩美國牛肩扒配蒜角黑椒

泰式雞扒飯晚餐 性價比低 收銀員的反應似是機械人般 →飯偏硬；不熱的→椰子雞湯 沒有椰子味 又沒有雞味 係味精湯加椰子→雞扒味道是唯一ok的食物→椰汁冰 ok foodcourt 環境ok 光線舒適唯有下次揀其他餐廳

💟 台菜滷肉飯呢間主要食台灣菜 有滷肉飯| 鹽酥雞|排骨湯等著名台灣夜市小食😋 味道很正宗 不用去到台灣都可以食到美食啦😍 九層塔鹽酥雞炸得香口 還有爆蒽滷肉飯🍚 餐廳堅持使用台灣直送的醬油和配料🧂將滷肉燜得很入味 每一啖都係幸福嘅滋味🫦💟 八彩小窩米線必吃雲南豆花米線撈 米線中加入鮮嫩豆花🫗 配上濃郁醬料撈埋一齊 口感滑溜溜😛 很特別❣️ 還有酸菜魚米線 充滿了酸•辣•鮮•香🌶️ 魚肉鮮美 是正宗重慶味道🥰💟 沖繩二段料理不得不吃他們的沖繩海鹽焦糖雪糕冬甩🍩 即叫即炸的招牌冬甩麻糬很精緻😬 外脆內軟 散發出濃濃的焦糖香氣🧈💟 圓˙鐵板燒 鐵板燒美國牛肩好高質素🥩 可以在鐵板面前望住師傅的精湛廚藝🙂‍↔️ 牛肉結實細嫩 牛味濃郁🤭 旁邊有鹽,黑椒和蒜頭🧄 味道剛好ෆ⸒⸒

經過幾個月的裝修後奧海城二期Food Republic 終於踏進新面貌@!進入大堂時的確讓人看到眼前一亮，簇新的裝修，暖黃色光線，加上不同椅子餐桌組合，還有室外180度開揚維港海景 ，美美又很寫意! 不過最重要是餐廳選擇也多了！13間餐廳環球美食，唔洗北上越洋，即時就享受到多元美食體驗 而且仲係全港罕有兼備必比登推介同低卡餐單的美食廣場  由 港式車仔麵 永年士多到港式兩餸飯香江小廚再到雲南米線八彩銅鍋米線及泰式海南雞泰雅 ，也有 在荃灣大排長龍的米芝蓮台蔡滷肉飯 以及由日本沖繩老闆主理的 沖繩二段料理及 韓國老闆主理的Chicken Chiko現在的菜色選擇比以前更多元化！-沖繩二段料理的蒸飯尤其出色,溫泉蛋柚子肉味噌蒸飯，溫泉蛋半熟黏稠的口感與愛媛縣日本產清新柚子，能平衡濃郁鹹香的味噌豬肉碎，整道菜清新且豐富。'Chicken Chiko的辣炒豬肉飯-五色清新可口的蔬菜配搭惹味的辣炒豬肉，實在很適合我的口味。當然還有其他出色的餐廳，-台蔡爆蔥滷肉飯堅持用台灣運來的醬油、米酒調味，3分肥7分瘦的滷肉，燜煮數小時，配搭滿滿青蔥提升味蕾質感，-還有一貫出色的Pepper Lunch,加上