科記咖啡餐室

Open Now

Now Closed

科記的位置頗爲刁鑽，沿着大街走，過了長生店，要屈入去小巷才見到，餐廳正門對正濟公百姓廟，那裏應該是太平山街。金牌豬扒四個大字，鋪内鋪外隨處可見，例如33元的豬扒飯餐，有金牌豬扒飯和餐飲，轉例湯加5元；又好似寫明午市有限供應的豬扒包等等。餐廳亦寫明食品製作需時，請顧客不要催促。可幸今天時間尚早，客人不多，所點的凍檸茶和豬扒包很快就到。豬扒確實做得好味，吃不到化學痕跡，肉質卻是鬆軟入味，煎得又香，配上番茄，少許沙律醬和烘熱過的漢堡包，這17文錢，抵俾！至於那杯凍檸茶，茶香，檸檬香，加上不太多的糖漿，也是出乎意料的好飲！科記亦有賣其他碟頭飯麵，一般都是二三十元，但其鹹魚雞粒炒飯、事頭婆炒飯和事頭公炒飯竟然是55元一碟！很好奇，價位突然飆升，到底會是怎麽一回事？！

The pork chop lives up to the reputation. It is good, but not great. The pork chop in Wanchai Chun Yuen Street is better, but of course, more pricey.The sauce is MSG enhanced. Works well with the rice and pork.The set lunch is now $33. $35 with cold drink. The price is ok, considering you are guaranteed on the quality of the pork chop.I saw the next table having pork chop rice with vegetables, and asked if I can have vegetables too. The waiter said not possible! It would be no drinks then.So I h

呢度D豬扒真係冇得頂,甘香鬆化，加埋豉油汁ＹＵＭ！ＹＵＭ！ＹＵＭ！金牌豬扒飯餐$31連茶都唔算好貴，但係轉湯就加五蚊，$36貴唔貴就見仁見智啦！其實想試馳名豬扒又要做慳哥都唔係冇計，淨豬扒好似＄１０－＄１２，豬扒包又係十零蚊！呢度晏晝真係好生意到暈，有個阿伯專責收錢（老太爺？），件背心個袋漲卜卜全部都係銀紙，恨死隔離哩！

上星期六吃過科記咖啡室的豬扒後, 覺得很失望, 所以走到蘭芳園吃豬扒包下午茶餐\,作為味覺上的彌補.雖然要排長龍,但非常值得---豬扒很有彈性, 肉汁豐富而非常香脆, 奶茶香濃, 實在是最佳的配搭, 一定會再來.

睇完其他介紹, 諗住試下豬扒包, 有一次Sat 3:50 來到, 樓面一位男子話賣晒, 叫我下次早D.上星期六我們又專程2:30 到, 諗住外賣豬扒包, 怎料那一位男子大大聲話"唔做豬扒包啦,依家做午餐忙到無人手炸豬扒,唔賣啦,唔賣啦....."我被他的服務態度赫呆了, 幸好廚房內的一位太太立即大聲話有得賣, 問我可否等15分鐘, 一場來到, 我們當然等. 吃過後,我們都覺得麻麻, 豬扒本身欠缺彈性, 肉質較tough, 蘭芳園好過佢好多!

科記店舖雖小,但食物水準確為美味! 這是一家老舊小店, 充滿70年代的懷舊味道, 它沒有現代食店的時尚裝修, 但每次到來, 總有點回味小時候爸爸帶我到茶餐廳時的感覺。我尤其愛店內一排窗,冬天吹著自然風,很舒服! 我最愛吃這裡的豬扒, 百吃不厭! 不會太乾太硬, 沒有用肉鬆粉醃肉的味道, 口感鬆軟,肉汁豐富,送白飯加豉油,美味可口! 金牌豬扒飯餐大大碟, $31蚊抵食! (提提大家: 如果想吃可口的豬扒, 請不要在星期一至五中午時段幫襯,因為店內人山人海,外賣Order又多,上飯時間一定會慢及品質下降!其實這店老闆及伙計都很好人,其他時候到來,老闆娘還會跟食客閒聊, 但係到午市時候老闆火氣會上升呢! 很嚇人>_<! )值得推薦, 每日的老火湯, 不含味精, 很有”媽媽煲”的感覺, 很好味! 我獨自住在外, 很少回家飲湯, 平時其他茶餐廳多數為味精湯, 我不會喝, 寧願選擇凍飲, 但這處的老火湯值得大家一試! 可惜有時太好賣了, 中午兩點前已經賣完。另外推介, 鮮牛旦冶+洋蔥, 牛肉鮮嫩, 當然價錢亦會比其他店的貴, 但我覺得係值得, 因為好好好好味! 另外, 午餐間中會

間嘢都幾難搵! 大家要比d耐性搵下.7:15去到佢arm arm開工, 都有豬扒麵食, 不過要等耐d, 無所謂啦! 熱奶茶麻麻地, 無咩味! 真的! 是咩味都無! 豬扒都幾好食, 不過同蘇記就差太遠啦! 如果唔想過海, 呢到都可以接受.我地個早餐幾錢我就唔記得, 但係好記得佢地個餐牌寫鹹魚雞粒炒飯$50 還有其他的飯麵都係差唔多價錢. 吓! 你地既地點、裝修…. 唔係IFC 喎! 會唔會太過份啊?!沒有下次了! 還有很多選擇

科記真的是上環老店了，沒察覺原來在街外也略有名氣。金牌豬扒飯真係惹味，但又唔算得上絕佳，最大問題係價錢都幾貴，廿六蚊呀。老火湯多料不欺場，但問題又係，幾貴。叫個灼菜又係十幾蚊，唉。其實真係幾鐘意科記，咁多年，環境又好靜好舒服(當然午飯繁忙時間除外)，但可唔可以平d 呀...

吃了這麼多年，以前來這裡，多為吃那塊用心醃的豬排。不知是否飲食雜誌的過份催谷，豬排的水準，已不及那碗老火湯為好。現在我來，不為其他，只為喝一口老火靚湯。不知何解，忽然很想喝口湯，就一個人來這裡。除了湯，還要了碟豬扒飯，還罕有的要了「加底」，阿姐問用不用「加面」，不用了，我想吃多點米飯及湯水而已。是日的老火例湯是粉葛粟米赤小豆煲豬骨，還聽見阿姐叫「剩二！」，嗜湯的我，又怎會錯過？因為人多，湯了來很久，飯也未到。湯煲得很「老火」，有不少粟米在內，加上陳皮的味道，相當之滋潤清甜，對於夜訓、火燥又有時飲酒的我，絕對適合，值得推介。豬扒飯相當之簡單，兩件煎豬扒斬件加汁，再加一大埋飯，就是這裡簡單。豬扒是雪藏的，吃落有點實，可幸也是枚頭位，醃得味道也好，不過吃了這麼多年，也可以說一句，已不復當年勇。飯本已不少，「加底」後就更多，飯身帶硬，合個人口味，很飽足。41蚊，以茶餐廳計當然不便宜，但還是吃得滿意的。

每次路過也無緣,今次終於坐正.晨早前來,問定老細有豬扒未?)(有!)即坐下,否則即走.自傲為金牌豬扒,煎後斬件上,外層煎得香口.肉質真的鬆化,並不是乾如柴皮,肉汁豐滿.麵底非丁麵底,已不須深究,這個早上的主角,是豬扒,沒有其他.有人話此點難找,其實在荷里活道入面,太平山道同磅巷交界.蓋括一點,其實就在水坑口.這個一百六十多年前,日不落帝國首先進佔本埠插旗的地方....百多年後今日,安然無恙坐在此地吃豬扒.

老實講，你話佢o的o野勁好食又唔係，特別係o的米粉碎到用筷子完全食唔到...之但係，伙記的態度實在極度惡劣，超無禮貌，我以後都唔會再幫襯呀！！！

科記豬扒飯出名是絕對有原因的。那豬扒的火候控制得剛剛好，而且切得厚薄適中，所以不會有焦或者太稔的情況出現，至少我吃過幾次它都沒有令我失望個汁好味的地方在於它有住家的感覺，豉油和糖的配搭是不會錯的，但當中還有什麼秘密就不得而知喇飯和豬扒的份量都很夠，而且豬扒碎上令食客食得更方便再加上一杯香濃幼滑的茶走，真是一個很好的午餐配搭餐廳的環境很有七、八十年代的老香港feel牆上貼上的電話號碼是七位電話號碼，夠令老一輩的人懷念吧再加上店內的都是上了年紀的叔叔嬸嬸，再加上親切的招待，就好像在時光隧道中找到了一個過去的落腳點，尋回那時候香港的味道難怪即使地點偏僻仍不乏捧場客呢

今日午飯吃豬扒煎蛋飯$23今日1:25坐低, 叫了個飯, 等到1:50才上到飯.鄰座客人比我遲來, 叫生菜豬扒飯, 比我的還快到, 人家吃到一半我個飯才到. 但睇在樓面侍應阿姐阿叔和廚房的都是約五十歲的中年, 我也就算是敬老不投訴, 但也有客人等得不耐煩開口催促. 如果趕時間真的不要在peak hour來.下午要上堂, 唯有在10分鐘內解決碟飯. 煎豬扒算可口軟身不韌, 只是煎不是炸, 但略為油膩, 而且比想像中薄身, 煎蛋普通. 總括, 普通貨色, 比街外其他好少少.服務除了慢, 其實都唔錯. 鄰座客人點了奶醬厚多士, 來了後客人扭計話太少醬, 阿姐都肯收回去加醬, 算係咁.店鋪細, 環境幾逼, 坐到背貼背, 阿姐上菜都走唔過條通道, 要客人自己走過來接手如果想食炸豬扒, 建議西環莉苑鍋貼大王, 又平又即叫即炸.

從Kenny口中聽過o黎間蛇竇聽講豬扒好好味今日終於有機會試吓叫o左個豬扒蛋米同熱鴛鴦豬扒好腍,好入味. 應該係炸o左再浸響汁入面熱鴛鴦咖啡味唔會太強好食過蘭芳園. 正!

如果蘭芳園豬扒包係「特點」，科記豬扒包應該係「頂點」。科記豬扒包既夾料、製作，基本上同一般茶記無分別，但全部用心製作，所以也需用心等待。豬扒包用的是枚頭肉，入味，煎得香，不過火位；有睇頭，也有o趙頭。麵包是舊色麵包舖來貨，再用夾爐烘...上檯時脆又香。跟豬扒包上的熱奶茶如非叫走甜，一律送上即沖茶走。由於唔係午市時間，所以戶外位收起哂。坐門口位，同唔少經過「搭陣檯涼陣冷氣」的公公婆婆「搭訕」；少車的街角、坐在街口、廟前乘涼的老街坊...一切一切，彷彿令我回到四五十年代的老香港。更希望的，是有四五十年代年青人的食量- 那我可以次次清那份量十足的金牌豬扒飯，而不只是一個每日限量出產既豬扒包。