Video
Telephone
55796267
Opening Hours
Today
11:00 - 21:30
Mon - Sun
11:00 - 21:30
Above information is for reference only. Please check details with the restaurant.
今日又做孤獨的美食家，中午放飯1個人行元朗搵食，行左陣係教育路附近見到覓食家，呢間分店都開左一段時間，都聽聞過佢地既炸雞肶好出色，反正唔知食乜就試試啦。小店店面好細，得6張2人枱，人多時先拼埋一齊，有人行過時可能會有dd碰撞，要留意下，坐底睇下餐牌，款式黎講唔太多主要都係果幾款，可選飯，意粉，麵或沙律。至識食雞髀煎蛋飯第一次黎食當然要試下招牌菜炸雞髀啦，就要左個雞髀煎蛋飯配黑椒汁，落單後5分鐘左右就到了，雞髀果然超大隻，好厚肉，新鮮炸起熱辣辣，雞皮超香脆好似薯片咁，肉質又嫩滑唔會炸得好乾，而且仲有調味唔洗單靠d汁，非一段茶餐廳可比既炸雞髀，煎蛋係脆邊太陽蛋，蛋黃唔會過生但都仲流到蛋汁，撈飯一流，飯量睇落唔算多，但講真食完隻雞髀我都差d食唔晒d飯，建議細食d既朋友考慮下轉沙律薯餅，另外黑椒汁都做得好好。凍檸茶凍飲加3蚊，叫左少甜，的確係少甜，不過可能少甜關係溝淡左d茶味，但勝在夠大杯。總結黎講呢個餐食得好滿足，呢隻炸雞髀係近年來食過最好既一隻，睇得出店家都好比心機做好食物，要讚，價錢黎講同一般茶餐廳差不多，但食物質素高變相更抵食。
continue reading
小弟就叫食晚市坐底叫左個B 餐， 叫汁另上，野飲走甜、個粉髮女侍應黑哂面拎張單入廚房，咁都算啦， 食完收走啲野就比我見到佢係度同廚房啲人講我乜乜又乜乜， 仲要咁抵死比我見到，佢入面個女廚師望下個飯後就望住我望入去， 心諗食個飯我點食關你L事咩， 全程黑面，唔知以為得罪佢全家添啊，食完快快走人，野食好食既，雞扒幾大又嫩，份量都幾足好食！ 但呢個唯一女侍應好倒米囉， 大家自己衡量去唔去呢間，我就冇下次。大家叫野食千祈唔好有要求啊
continue reading
雞排同雞肶都好大隻 同出面其他餐廳比 起碼大人哋兩 三倍 食落去味道都好好食 似啱啱炸出嚟 熱辣辣 脆扑扑 好能好食 份量好大 女仔應該就食唔曬 但對於胃口大嘅男仔嚟講 呢到真係好好 因為佢仲有得添飯 佢雞排太大 一碗飯就一定唔夠嚟餸飯 我叫咗添飯先夠 個蒜蓉汁普通 但雞肶唔使點汁都夠味 所以唔太影響 仲有佢哋計杯凍檸茶都大杯過人 呢間野完全係好食大份嘅小店代表 正因為咁 佢舖面其實得5 6張枱 所以容納唔到好多人 但坐都坐得舒服 唔會話太迫 總括而言就大力推薦 支持小店🙌🏿
continue reading