四季煲仔飯

Open Now

Now Closed

出到黎油麻地一諗食咩好就少不了煲仔飯最近秋風起都開始涼涼地朋友就提議去煲仔飯今次呢間係朋友介紹佢話都好耐下架喇所以都有啲期待因為我細個既時候都好鐘意係酒樓點煲仔飯食好吧去到門口已經好重做遊客生意既感覺煲仔飯都係呢啲咁上下啦都好大路鳳爪排骨飯加啲豉油先！排骨都多肉唔錯滑雞飯又真係幾滑雞既不過食落完全食唔到煲仔飯既味道同普通飯無咩大分別而且六十幾蚊一個煲仔飯都有啲啲貴 唔好抱住係去食煲仔飯既心態應該會好一點提外話 呢到係飯到就先比錢

冬天經常都大排長龍,每次見咁多人排隊,最後都喺無試,今日同朋友去油麻地買野,見到四季煲仔飯唔使排隊就去試下啦.呢度嘅環境好有街方feel.叫左個排骨煲仔飯, 排骨梅菜煲仔飯&一碟腐乳通菜.排骨煲仔飯一上檯熱辣辣,香噴噴.加埋鼓油落去再焗一陣,煲仔飯更香.飯和排骨都好足料, 排骨幾滑,又唔怕太肥,可惜沒有煲仔飯嘅焦香味..排骨梅菜煲仔飯, 梅菜甜甜的.好好味,好送得飯.腐乳通菜,份量好多, 通菜幾嫩,不過腐乳就稀左啲.

同阿媽按摩完就揾食，佢突然話想食煲仔飯，一 search見到呢間好多 like，馬上去潮聖，餐廳喺彌敦道入一條街，都揾左一陣。環境香港地道 feel，我同阿媽各自嗌左一個梅菜排骨同北菇滑雞飯，加多份細鴨蛋蠔餅。蠔餅好快上菜，熱辣辣好足料，伙計指要點酸甜醬食，之後煲仔飯登場，上完菜仲立刻收錢（唔通有人走過數？）煲仔飯精華當然係飯焦！雖然唔太健康但我都會淺嘗，呢間飯焦刮得甩又唔太燶，唔錯；但d餸就一般，冇咩特別煲仔飯份量好多，我一個女格硬食都食唔完，隔離檯四個人先叫兩個飯，此刻先發覺中伏😂😂整體而言都 ok，適合大食朋友

朋友見過油麻地有間煲仔飯店經常排長龍，叫我一齊去試試，其實呢間食店我以前幫襯咗好幾次。記得第一次食係20蚊一煲煲仔飯，飯香，料足，好味，對上一次食好似1-2年前，40幾蚊一煲飯。價錢一路一路貴，加上近廟街，自由行，其他旅客，而家嘅煲仔飯已經又貴過上次食啦，大約60蚊一煲，其實價錢貴唔係重點，食材同味道至係重要囉。基本上朋友同我再幫襯嘅機會係……。$44- 呢處煎蠔餅唔係潮州式嘅煎蠔餅，似家庭式嘅蠔仔煎蛋，似荷包蛋加咗啲餡料炸出咁，蠔仔量同味道都入係一般，脆口，枱面已經擺咗樽魚露汁係度，試過點，但係太鹹。煲仔飯係要焗佢一陣至有飯焦，今餐焗到少少咋，同有d d 苦味。$60- 臘腸排骨飯嘅臘腸，唔覺得好食，排骨諗住都會保持水準，點知，食落唔知乜味道，雖然排骨細細嚿，易入口同份量足，總之呢隻豬肉，唔好食。 $60- 滑雞牛肉飯，雞夠腍滑，值得提嘅佢幫啲雞掹晒啲皮，唔肥膩，不過牛肉啲騷味好重，唔係太喜歡。$20-  腐乳通菜正常。

加價加咁鬼多以前已經唔係特別好食而家簡直係超級難食未食過啲煲仔飯啲飯仲濕過平時啲白飯啲飯焦濕到林㗎全部都燶晒啲肉又喊到死完全冇誠意咁難食嘅煲仔飯都整得出真係請都唔會再食

食臘味煲仔飯，係我細細個既回憶。依家每次黎都要排隊，生意每日都咁好。好彩排隊唔洗等好耐。又叫個臘味煲仔飯。吸引之處：1. 豉油濃，放多啲豉油焗一焗個飯。一打開飯蓋，豉油香味爆曬出黎。2. 豉油濃但唔太鹹，撈埋個飯就perfect。3. 側邊好多飯焦。飯焦脆脆地，啡色啱啱好。爽口又好香，完全無苦味。4. 臘味係煲仔飯精髓。臘腸口感爽，味道濃。食極都會厭。環境雖然麻麻，但係油麻地食煲仔飯。要咁既環境先夠local。先有舊香港既味道。

由入去嘅一刻啲阿姐已經西口西面，已經唔係多客，個冷氣位勁想坐埋啲由係度阿芝阿左，落單三分鐘講晒無話耍佢，講野啲語氣好似欠佢錢咁，嬲到見佢入咗機就十走！見到啲阿姐啲表情、動作、語氣，發誓全世界無飯都唔會再幫襯

天氣未算好熱時超快去食煲仔飯，去到廟街見到四季唔多人就入左去，揀左白鱔同埋北菇雞加田雞兩款煲仔飯，再加兩份蠔仔餅，要即刻比錢的，再去隔離水吧買野飲。蠔餅好快黎左，好脆都幾多蠔下，20分鐘左右煲仔飯都黎埋，熱辣辣，鼓油一倒落去超香，味道岩岩好，撈飯超正

知道夜晚會好多人排隊，所以六點幾就已經去排隊，試吓食呢間煲仔飯呢段時間黎食都唔算係太多人～入到去坐低落完單之後大約15分鐘已經有得食，個鼓油落極都唔夠味，同埋唔係好香叫左4個煲仔飯～1個蠔餅～個飯唔算細煲🍚，畢竟個飯都要$59一個...🧐但就好少餸，好多飯好多飯好多飯😂😂😂多到啲餸要慳住食呀陰公😂你食哂啲餸呀？🤔鼓油no飯啦你！😜不過個蠔餅是ok的～炸到好鬆脆～好香～呢個可以試下～🤗

次次經過四季都見到好多人排隊好受歡迎，仲見到好多旅客拎住本旅遊書黎排隊。本身我都好鍾意食煲仔飯，所以決定黎試下。黎到叫左2個煲仔飯，同一碟蠔餅，原本打算叫汽水，點知原來係無得賣，不過好彩隔離士多有。蠔餅都多蠔既，正常水平，但可惜應該唔係即整，係唔熱既。  北菇雞煲仔飯 - 舊雞本身好滑，而且吸收晒d菇味。再食舊菇，竟然舊雞既菇味仲重過舊菇本身，但都係好食既。所以舊雞真係好正！！！可惜...個煲仔飯係無飯焦的T^T鳳爪排骨煲仔飯 - 烹調時間處理得好好，所以排骨都滑同腍，鳳爪好大隻，同埋都腍既。而呢個飯亦都係無飯焦T^T 總括而言，d野係好食既，而且份量都幾大，有無飯焦都係睇彩數，因爲見到隔離枱個煲仔飯有滿滿既飯焦。

今日專登帶朋友到四季食煲仔飯，體驗下港式煲仔飯風味！知道四季次次都大排長龍，大約5:50到四季，仲剩番兩三枱，好好彩唔駛等位！因爲未係超多人，服務都正正常常！點知食完成餐飯，覺得中左伏，真係名過其實，食物價錢可接受，但真係唔值得呢個價錢！炸蠔餅（細）炸粉較多  好多油 蠔餅咬落脆脆的 口感不錯北菇滑雞煲仔飯、滑雞牛肉煲仔飯北菇、滑雞、牛肉味道正正常常北菇、滑雞、牛肉份量十分少食完少少餸後，開始醬油拌白飯、飯無飯焦、無煲仔飯既風味

It was around 9pm on a Tuesday night so there was no queue. Ordering was easy enough as there was an English menu. All rice dishes are served and cooked in a claypot. We ordered 2 claypots and 2 pieces of the oyster pancake. I recommend you order the oyster pancakes, its worth trying cos it's different from Taiwanese style ones and also cos the claypots will take about 15-20mins, the pancakes come out fast.The rice in the claypot did not have the crunch layer at the bottom like I was hoping for.

名過其實既煲仔飯前排天氣凍想食煲仔飯，向來都知油麻地廟街多煲仔飯食，所以就上網揾下有咩好推介。見到啲人講四季都唔錯，見近近地地鐵站就去一試啦，不過有少少失望。去到六點已經要排隊，排左約30分鐘先入得啦。未入去已經可以叫定啦，就知係食個快飯！入到去冇耐就有野食啦，叫左最太路既臘腸飯同北菇滑雞飯。滑雞係幾滑既，不過臘腸飯菜都冇條真係有啲dry囉！總括而言，其實都唔差既。不過吹捧到咁、排咁耐同咁既價錢就有啲卻步再食啦！ps可以買隔離士多汽水入去飲既！

平時帶住bb實在無辦法黎到食煲仔飯，今晚同老公放工後專登由旺角行過黎廟街呢邊食！天氣已經暖返好多，但店內食客仍然好多，難得搵到兩個位坐低。食食下先發覺唔記得影相😅叫左個細蠔餅，新鮮炸起梗係好食啦！風味嘅野，識貨之人先會識🤣排骨煲仔飯同埋牛肉滑雞煲仔飯，排骨同滑雞都好滑，好好食呀！不過煲仔飯無飯焦就有少少失望啦！呢到無飲品賣架，要去隔離買。同埋食物黎齊會先收錢，之後先慢慢食！我已經太耐無黎唔記得晒d規則喇😅😅😅埋單總共$178，抵！

趕係冬天嘅尾巴食下煲仔飯。廟街煲仔飯一直都好出名，但去到發現其實都有幾多間，懷住呢個人流永遠都唔呃人既心，好果斷咁去排最長果條龍，就係四季煲仔飯喇。不過好快就後悔，因為我排左我足足成個幾鐘。.排左咁耐，或多或少都會有期望，雖然冇話好難食，但好明顯唔值得咁長既人龍，有少少吹棒得太極嘅感覺。.撇開冗長嘅排隊時間，野食都還可以。煲仔飯唔可以即到即食，要得5分鐘左右，得到有飯焦先食到精粹。自己嗌左既膶腸滑雞飯，雞肉滑嫩，膶腸重味，飯粒粒分明，唔會太淋一舊舊。但佢地嘅醬油真係好淡味，落幾多都好似冇乜味咁。.另外嗌左個蠔餅，蠔仔份量大方，可以啖啖都有蠔仔，另外炸粉唔多，都又唔會散開曬，係正既！美中不足就係有少貴，兩舊手掌大嘅蠔餅已經要$40 .總括黎講，如果冇乜人排隊，都可以食下。不過如果咁多人排，加埋時間成本，就有啲唔值喇