四季煲仔飯

Open Now

Now Closed

之前一直有朋友叫去試下，之前因為工作關係，好難同太太去食轉左做寫字樓之後，星期六，日都多左時間。5點9去到已經要排隊. 好多香港人加祖國人排隊見到好多人都叫蠔餅，點都要試下可以算過得去.然到主菜煲仔飯黎到之後，已經覺得中伏，點解聞唔到香味？？豉油自己落，唔敢落咁多！好淡，無飯味. 鳳爪排骨都無味豉油完全無味，到個所謂海鮮湯我自己都煲得好過佢地

吃過幾次。知道冬天煲仔飯實排長龍，也知道屋企老人家麻煩，所以才早早下午5點就去幫襯吃晚飯。當時是不用排隊，入面也是小貓三四隻。這裏座位不舒服，我知道在廟街吃飯就是這樣，但老人家不會理這些。我們唯有選了貼牆的座位，可惜也是貼著廁所廚房放垃圾的出入口。那裏環境當然差，所以老人家不滿意。當時貼牆的座位有10個位，是褶枱，可以移動。左邊尾段有兩個人坐了6個位，由一張4人枱和二人枱組成。而我們坐右邊尾由2張枱組成的四個位。後來知道他們原來只有兩人，於是我們便打算拿他們的2人枱和我們的2人枱拍在一起，等老人家移去中間的位。但店員竟然不允許我們這樣做，若我們不坐廁所垃圾位，就要我們三人和那兩個陌生人坐在一起。真是有夠氣。一開她已經知道我們不相識，不過我都再和她説一次我們不認識不想坐在一起，老人家不想坐垃圾位才想移一個位等等。而那兩個陌生人當然也不願意，説了句不好吧。成店都是吉位，為什麼一早就強迫人？要是7點幾人多了才這樣做也不遲。但店員死到不允許，態度又惡劣。我們三人氣不過，所以就說不吃離開了。當然她也不覺得怎樣，因為大把生意，所以還是一臉不客氣。所以我們就決定永遠不再去吃，拜拜！

上次外國朋友黎香港，本來想黎試下，點知排隊勁勁勁多人，旅遊時間珍貴，所以就轉左食其他，今次同朋友一放工就黎排，大約15分鐘就入到了入到去無人擺碗快，唯有自己去拎，不過後尾見到隔離枱, 原來員工會拎比佢哋，不過唔緊要，小事而已叫左膶腸雞飯，非常好，份量十足，膶腸唔算太多肥膏，好好味，雞件又多又滑白鱔飯，相對份量就小啲喇，不過質量唔錯，白饍爽口彈牙，而且最重要無咩骨。另外叫左蠔餅，都係大大件，蠔量十足，而且好鬆脆，唔算太多粉漿，點埋汁好好味冬天食呢啲熱辣辣既野食最好，朋友覺得差在無飯焦，不過本人就唔特別愛好飯焦，所以都覺得無咩所謂🙈🙈 而且入面無飲品提供，可以隨意自帶飲品，隔離枱連牛雜都拎得入去😱 真係好唔話得👏

又到煲仔飯既季節，每年都會黎食一食四季，七點鐘黎到大約排左40分鐘入得，8點幾食完條龍仲長左添！今次食覺得有d失望，無以前咁足料，叫白鱔滑雞，得3粒雞丁，白鱔又切薄左好多，記得之前厚好多！同埋兩個煲仔飯都無飯焦，聽朋友講要叫佢燶底先會有飯焦，我一直以為間間鋪頭都會自動燶底！

Was in the Temple street area for a visit with my wife, came dinner time and was recommended by someone we know. Line was about 75m long, waited approx. 45 mins. I was expecting greatness due to the wait but was quite disappointed. I ordered the duck leg rice, Chinese sausage and pork chop rice, and the oyster pancake. Pancake wasn’t pan fried, it was fried in like French fries. Flavor was good for the “pancake”, though. The claypot rice was disappointing because I used to have it with a bit of

真係人多排隊未必正，今晚約埋两條飯友去試食四季煲仔飯，因為見佢成日排長龍，D人個個排成粒鐘，對上一次又係太多人所以去左興記食，今次又排四十五分鐘点都要試吓，膶腸臘腸排骨飯都叫在成十五分鐘先上枱，食落麻麻，難得連豉汁都冇味，汔水都要去側面士多自己買

朋友們都準備開始完sem可以約食飯啦😆但冬天而且budget又有限 所以我就提議食煲仔飯啦hahaha 其實係我想食😂😂😂當日平日7點幾左右係門口等左15分鐘左右 不過一邊傾計一邊等 而且店員都有比餐牌我地諗定食咩本身想試下黃饍飯不過有朋友唔食 唯有食啲大路既野啦蠔餅＄20（2件）食落都幾香口 而且唔多炸粉 點埋個醬就更好味！臘腸滑雞飯雞食落都幾滑 但煲仔飯既豉油好似唔太夠味 朋友同我食野唔算重口味都覺得不太夠味牛肉飯大家係咪覺得奇怪點解我地冇落蛋呢XD 因為我地係門口睇MENU唔見有 就黎食晒先睇到舖頭有痴住話雞蛋加$3 大家下次唔好好似我地咁傻仔啦

剛去完廟街四季食煲仔飯，都食左超過十年，叫了一個排骨、一個白鱔。水準一次比一次低已經預左，但今次其差，一點味道也沒有，餸又系飯又系，三個人每煲各吃一半也頂不下去。唉又少一個地方吃飯。

呢幾日天氣突然轉涼 氣溫急降 係呢個18度嘅晚上 男朋友話要帶我去食煲仔飯暖下胃八點左右就見到長長嘅人龍 我哋前面大約有50個人左右等候既期間又係落定單既時間 排咗大概九個字終於入到去入面既座位好窄 前後左右都係人 環境好逼夾又嘈吵 地下又濕漉漉 好有壓迫感 不過 鴨蛋蠔餅(小) $40 好快就到左炸得好香脆可口 蠔仔都幾肥美 點埋個醬就啱啱好 男朋友食到停唔到口 仲食埋我嗰份添啊 可樂就係喺隔離鋪頭買既 ($9)臘腸排骨飯 ($56) 臘腸唔夠香但係入口都OK 排骨未煲"冧" 比較難拆骨 但係一碗有好多件排骨 性價比算高白鱔滑雞飯($74)鱔肉爽口鮮甜 滑雞夠嫩滑 都算唔錯但係總括而然都係冇乜飯焦食食下我地想加碟通菜 但係阿哥仔話如果要加單就要重新排隊 所以都係算啦

四季煲仔飯（2）一到冬天，六點後，日日都有人排隊，特別是星期五及六晚，條龍超長，想食此煲仔飯要早到或者平日來食。煲仔飯質素，以前會好啲，而家帶咸冇咁好味，份量其實少咗，價錢貴咗。不過，四季依舊用碳爐煮熟，火力均勻，有飯焦而啲飯焦能夠成塊起曬來食，其他煲仔飯店未必能做到。鴨蛋蠔餅，本人覺得呢個超好食，全個蠔餅都是脆的，而啲蠔仲有水份，唔乾身，真是做到剛剛好。我估係用料，火喉同次序問題，炸呢個蠔餅只是一位普通呀姐，技巧不多的。但是全港的舖頭，冇人能做到此效果。生滾湯，一種好舊式的煮法，其實只是放好湯料，然後生水煮成熟水，加小小師父，就飲得。味道一般，香港人食起來有小時候大排檔的味道，其他地方的人可以一試，或者不試。

四季煲仔飯（1）呢間飯店超出名，我細細過已經食。好耐好耐以前，四季只係賣煲仔飯同生滾湯，係絶對冇煎蠔餅的。以前舖頭係邊？其實就係現鋪的對面，即是現時興記鋪頭，佢賣煲仔飯賣到出曬鋪頭，啲枱枱櫈櫈放曬出去坐，好熱好多人，但係氣氛濃厚，好有香港特色。點解以前四季唔賣煎蠔餅？因為有一檔好出名嘅煎蠔餅係條街中間，超多人買又係超多人排隊，我估四季想各有各做，所以冇賣蠔餅，但係四季准許客人買入去食。淨係准蠔餅同汽水可以，其他一律不淮的。可惜，某年某月某日，政府要維持秩序，小販管理處，唔批准再擺佔街道，因此各人都搬入舖頭了。四季入舖後，就開始了賣鴨蛋蠔餅，沒有用雞蛋了。

天氣轉涼，又係食煲仔飯季節。由於好多餐廳都唔用炭爐的關係，宜家要搵間好食嘅煲仔飯好難。今日就試吓呢間超級up dup專食煲仔飯的餐廳。這間餐廳清一色都係啲木口木面、講多2句都嫌你煩嘅阿姐，所以係完全無服務可言。咁黎得呢度食都預咗，但求阿姐唔好小我地。煲仔飯都係大路的配搭，價錢由$50起，視乎要幾多個餸啦。我要咗梅菜滑雞，老公要咗潤腸排骨。等咗唔駛10分鐘個飯就黎啦。唔知係咪好多人食霸王餐，好搞笑地係個飯一上枱就收錢。一開蓋係好陣焦香的，我唔鍾意咁多飯焦所以只焗咗一陣。梅菜滑雞只得很少梅菜，雞反而較足料。好明顯個飯唔係由生米煲成的，而係蒸好後再落煲仔煲。飯明顯唔夠乾身，飯焦唔脆，雞略咸。可取的係唔貴，雞滑。幾十蚊都不能期望太高，沒期望就無失望。但就應該無下次。

本身間鋪得菜 煲仔飯 同蠔餅賣⋯食物得3類冇其他選擇，連飲品都冇得賣。我叫左個一個煲仔飯，上到台，個煲仔飯係暖既 冇煙唔熱，暖到我都拎得起咪叫佢再煲熱，呀姐重賴番我話係我撈完個飯緊係凍晒啦，嬲到我開蓋比佢睇証明我咩都冇搞過，佢先幫我拎去再煲熱，重要即刻黑面！個肥佬老細重望實我地，明明係佢地d飯唔係即時整擺到凍晒，再煲番利個飯熱喇，另一問題⋯個飯冇飯蕉。連煲仔飯應有特式都冇埋。。。一定唔會再利食，冇下次！唔會再幫襯。

以前去油麻地都有去四季食煲仔飯同蠔餅，果陣時都覺得唔錯。早排應承左女友帶佢去食煲仔飯，咁就一齊去左四季煲仔飯。我地大約18:45左右去度，唔洗等位直接入得。今次既煲仔飯真係大失所望😞😞😞😞😞。1. 冬菇滑雞煲仔飯滑雞真係幾滑，幾嫰口，冬菇都幾淋。咁煲仔飯就真係唔掂，好大陣燶味，d飯焦黑哂😔😔😔。2. 牛肉排骨煲仔飯牛肉同排骨都中規中矩。而煲仔飯就完全食唔到煲仔飯既味道，e個飯係無飯焦😞。3. 蠔餅👍蠔餅幫四季拉番唔少分，個蠔餅依然炸得好香口，蠔都好鮮味，真係唔錯。👍👍整體而言，今次去食煲仔飯令我地大失所望，希望可以去番以前既水準。目前只有蠔餅值得推介😞😫

去電影中心看電影，很多時都會想吃廟街的煲仔飯，以前每次經過四季都大排長龍，所以都是選擇興記，但那凋零的配料，每每吃完都只能帶著失落感離開。今年也是看完獨立電影，特意走過走去想初嚐四季。可能比較晚了，大概十點半，客人八成滿，不用排隊。本來想點臘味飯，但姐姐話臘肉賣哂，只剩雙腸。於是改點鳳瓜排骨飯。賣相比興記好，份量也較大。即叫即做即畀錢。煲仔飯精髓豉油只有色而完全無味，飯偏濕，近乎完全零飯焦，有那一點點飯焦也只是完全唔脆無帶燶味。與利苑和大埔陳漢記的煲仔飯相比，這基本稱不上是一個煲仔飯。開始明白為何有些外國朋友香港冇嘢好食......唉