四季煲仔飯

Open Now

Now Closed

今日同朋友無啦啦即興由尖沙咀行到黎油麻地食煲仔飯😂😂原來我同佢對上一次食四季都仲係食緊四十幾蚊，幾年內加價加左好多！！！不過，都唔會因為咁唔食既，因為呢間煲仔飯真係好食！今次我地食，我地都覺得無以前咁好食了，但呢間都係香港既特食餐廳，所以有外國朋友黎香港，我都會介紹四季比佢地食！

今日經過油麻地 諗起 好耐冇食煲仔飯同煎蠔餅 趁時間尚早(大約六點半) 就去到四季唔使 排隊 即入座 即order落order 後10分鐘到鹹蛋蠔餅就上枱雖然好油好鹹 但係確實非常好味 唔洗2分鐘就KO左然後係腐乳生菜 估唔到 呢個生菜可以油到反曬光不過 既然 鹹蛋蠔餅都夠膽食 再油膩嘅 都照豁出去 食左先講最後 主菜煲仔飯 終於上枱熱辣辣 開個蓋 落啲豉油 再焗多十分鐘 先至慢慢食成日覺得個飯咁多但只係得幾片牛肉 或者排骨 餸嘅比例實在唔係好夠另外 煲底 嘅飯焦都係 較少 如果多少少餸 再多啲飯焦 就更好記得去隔離士多買返支汽水 又或者 嗌多個湯 因為啲餸太鹹太油 好需要飲嘢

I arrived at the restaurant at 6:30 pm on a Friday night and queued up for 45 minutes. I chose the claypot rice with chicken and chinese sausage. I was disappointed, as the essence of claypot was missing - they don’t have a good soy sauce and the pot rice has a light flavour. Luckily, they still have the roasted crispy rice at the bottom of the claypot! Although the rice is disappointing, their deep fried oyster cake (large - HKD$92) was great! I do recommend everyone to try this!

天氣開始熱，要把握食煲仔飯既心情！去左呢間油麻地既四季煲仔飯。飯焦係多到你唔會唔夠😂而且今次仲試左佢既蠔餅，我就麻麻地，覺得佢炸得有d燶🥺同埋佢好似太多炸粉😭

堅道成日咁多人排隊，所以有次同朋友一齊試煲仔飯。個煲仔飯睇落去好大，但係啲餸好少，有沒有太多飯焦，是一個不太合格的煲仔飯。大蠔餅大大個，不過不失。但如果主菜的煲仔飯都不夠吸引，就算蠔餅好吃都不會回來。

其實食之前見到最近好多負評所以揀左另一間 但有一個朋友之前食過覺得好食所以我就冇反對 冇期望底下竟然有驚喜去到見到好長條隊 但郁得好快 原來佢地係你排隊嘅時候落單 咁你一坐低過一陣就會有嘢食 因為我朋友遲到而佢又未揀好 啲侍應係咁催我地幫朋友叫埋 不過我哋冇理到佢 佢又冇煩住哂嘢食到咗就即刻俾錢 好有效率豉油係可以自己鍾意落幾多就落幾多 焗一陣就可以食得 凍凍地嘅天氣食啲啲真係好好食 啲飯啱啱好又唔會太窿 但又有少少飯焦 比我想像中真係幾好食 蠔餅呢個整法都好特別 又真係幾香口同埋好多蠔仔 唔怪得咁多腐皮但係都有咁多人排隊 凍凍地嘅天氣真係值得一試

為咗帶內地台灣朋友體驗港式味道🇭🇰帶佢地去咗油麻地食煲仔飯排咗十五分鐘左右就有得坐啦😎三個女仔兩個男仔怕食唔晒好浪費😂就叫咗三個飯加一個大蠔餅想講有少少失望🗿真心啲餸又少飯又冇飯焦又唔係平🗿🗿🗿有北菇蒸雞飯冬菇幾大塊算唔錯但係啲雞好淡味又多骨🗿啲飯好濕又冇飯焦有四粒白鱔😀五個人分要搾汁要分得勻🗿排骨又係好多骨又冇肉飯都係好濕冇飯焦臘腸滑雞嚟講🙂滑雞算好食但係都淡味臘腸正正常常飯都仲係！好濕！冇飯焦！天哪，煲仔飯最重要係咩啊係個煲啊燒出嚟要有飯焦架🗿雖然台灣朋友話台灣人唔食飯焦但係香港煲仔飯就係要食呢樣🔥冇得傾🔥🔥成晚望住佢地好可憐咁淨食白飯😹又係好失禮唯有蠔餅叫好少少都算有蠔🙈🙈🙈算係攞返個尾彩小結：唔係帶外國朋友嚟嘅話都唔係會再嚟啦🐷

每逢秋冬都好想食返煲熱辣辣嘅煲仔飯，經過廟街，見到老牌煲仔飯檔無咩人排隊，口痕痕入去整番兜煲仔飯先由於煲仔飯要等番幾個字先有得食，前菜就嗌左個細鴨蛋蠔餅過下口癮先~~個蠔餅炸得熱辣辣脆卜卜  ，一睇個賣樣就心心眼左 好重鴨蛋香，蠔仔都幾觧幾大粒，唯獨是系個炸粉有D厚同比較多油，呢兩個位有D失色<細鴨蛋蠔餅 $46> (評分:3.5/5)就黎食完蠔餅，兩個煲仔飯就上左喇!! 上菜速度都幾快(小妹試過有次系某有名煲仔飯鋪頭等足一個鍾先煲到兜飯出黎，火都黎埋)，十零分鐘上到煲仔飯呢點幾抵讚!!臘腸滑雞煲仔飯-加蛋 --- waiter上完個飯會叫你焗番幾分鐘先開黎食，等左幾分鐘，一開蓋梗系即刻淋豉油上飯再撈埋D蛋汁一齊食喇 (advise各位朋友仔記得加幾蚊雞加番隻蛋) !!!!!味道唔錯但個飯偏濕同埋冇咩飯焦。飯焦應該系煲仔飯的靈魂，無左飯焦的煲仔飯就系要扣分呢 同埋，份量真系偏細，小妹本身唔算好大食，食完個飯都系覺得岩岩好 大食D GE朋友可能要嗌多幾個送SHARE先夠食。<臘腸滑雞煲仔飯-加蛋 $67> (評分:3.5/5)梅菜肉片煲仔飯 --- 情況同

放工突然好想食煲仔飯，就去咗廟街既四季，一如概往排晒長龍，排咗半個鐘終於入到去，煲仔飯亦隨之而上，但一打開個煲蓋就令人失望萬分😖，叫咗個滑雞牛肉煲，🐔雞得四小塊🐮牛肉有三片，隔離位叫咗一樣，但啲雞就多到遮住個飯，問上菜姐姐👩🏻‍🦰點解咁大差別，佢話師傅👨🏻‍🍳跟足規矩四塊雞加三片牛，所以冇問題喔🈴，而雞同肉係隨機分，佢都控制唔到幫唔到手🤷🏻‍♀️，我前後搵咗三個員工問，大家都覺得冇問題，我錢已經畀咗，最終亦食咗，但相信係最後一次幫襯喇👋🏻

同朋友夜媽媽10點鐘係佐敦搵野食，行行下見到廟街醒起煲仔飯出名，本身諗住帶朋友食興記，但一入就係四季就決定試下。叫左2個煲仔飯，一個北菇滑雞，另一個排骨滑雞，再加左個蠔餅。蠔餅黎得算快，炸過既蠔餅幾香口，蠔既分量都算多，但就比較多油，有d位食到係多油，不過好好食。10分鐘後就到煲仔飯黎，由於我太肚餓既關係，我冇聽佢講要等2分鐘就開左黎食，唔知係我焗得唔夠耐定本身就燒得唔好，個煲仔飯比較濕同埋冇乜飯焦。要知道飯焦係煲仔飯既靈魂，但佢冇真係有啲失望。同埋d排骨比較多碎骨頭，分量都較少。 食到最後得番d飯。 唔知係我錯覺定乜野，覺得冇網上面啲人講到咁好食，只係一般正常水平。

見到附近都有幾間煲仔飯鋪但呢間咁多人排又咁出名就一於試下點知個飯仲濕過平時食蒸飯 無飯焦可言餸就得幾舊肉仔咁如果係快餐店普通菜館都可能無咁失望可惜呢間係淨做煲仔飯都咁既質素就太失望

近日天氣凍冰冰，晚餐好想食熱騰騰既煲仔飯，我們便去了廟街入面既四季煲仔飯。到店時已排了長龍，排了差不多半小時方可內進。在排隊期間侍應會俾餐牌你問你食乜，寫好了單，一入座便會幫你下單。我們點了鴨蛋蠔餅（細）臘腸排骨飯及膶腸排骨飯，等了10分鐘熱騰騰的煲仔飯呈上，一上煲仔飯，老闆會過來收錢，之後慢慢享用。臘腸排骨煲仔飯：臘腸比較咸，米飯🍚很好吃鴨蛋蠔餅：香脆

四季煲仔飯，我細細個就聽過依個名。數數手指，對上一次尼依度食都成八年前🙊 當時對食仲未有咩要求，淨係記得好多人排隊，同埋個鴨蛋蠔餅好香口好足料～八年後嘅今日，六點半尼到，有四、五張檯等緊。排隊嘅同時可以睇定餐牌同點定菜，所以一入座野食好快就到。排左大約十分鐘已經可以入座。兩個人嗌左一個白鱔滑雞飯($77)、一份腐乳通菜($20)，同一份細蠔餅($44)，回味下兒時嘅感覺～首先上檯嘅係細蠔餅，香口依然，蠔仔飽滿，不過印象中好似八年前再多蠔啲（？）但都有可能係我記錯嘅🙊 無點魚露，就咁食都覺得好好味😍然後講下主角白鱔滑雞飯，白鱔同滑雞都好嫩滑、鮮味，同埋成功焗到飯焦，開心🥳 白鱔上面有豆瓣醬，撈埋令個飯有少少酸😅 份量尼講，一人一煲應該岩岩好，所以兩個人食其實唔係好夠，但依個唔係店家問題，哈哈😀 不過77蚊一個飯，好似都係偏貴。至於腐乳通菜，腐乳醬都落得幾多幾重手，我自己口味偏淡，覺得點少少已經好鹹，要拿拿林飲返啖水😂整體尼講，個人覺得蠔餅好食，其餘水準中規中矩。環境唔算太好坐⋯⋯點都好，七點三食完行到出去，仍然有長長的人龍～所以想食都係要早少少到呢～

四季煲仔飯廟街煲仔飯最出名一定係呢間 無論夏天定冬天都會long Q 等左大約半個鐘就有位 排緊隊期間 啲姐姐會同你落定單準備個飯先 到坐低大約等多10分鐘到就有得食 所以同朋友一齊等時間都過得好快我同朋友分別嗌左膶腸排骨煲仔飯$65同梅菜北菇滑雞煲仔飯$66 淋埋鼓油撈一撈就食得 不過今次食有d燒焦味 啲飯焦都焦哂 無甘好食 份量都正常環境黎講一定係夠哂地道 唔會甘乾淨 如果有朋友黎香港都不失為一個好地方地感受下香港地道風味

天氣凍既時候第一時間諗起煲仔飯😋喺廟街係咁多間煲仔飯店之中，最鐘意就係四季每次黎食都係有好多人排隊，排到咁上下佢地會比個Menu你睇。我叫左臘腸排骨煲仔飯👍🏻再淋上豉油 食完即刻暖笠笠