彼得意大利薄餅 (Closed)

和四歲小朋友一起來食，呢度得兩張枱，晚上8點到，兩張枱都有客，我們便先order,到有pizza時岩岩有枱客走，我們便坐下，點知店員話將收鋪不可堂食，我們有小朋友咁可以去邊度食？最後都比我們食埋但要快d。Pizza的芝士味好穌，一點都不好吃，no next time!!

-《𝗙𝗿𝗲𝘀𝗵 𝗕𝗮𝘀𝗶𝗹 𝗣𝗶𝘇𝘇𝗮》cheung chau去長洲唔一定要食海鮮既😉終於食到呢間平日營業時間唔長既pizza店🤎建議星期六-日黎食好d、開12-10🤝佢有提供戶外座位、客人可以選擇坐近海邊食😻佢係類似自助式經營、餐具/嘢飲/調味料全部自己拎🤓🍕 𝙎𝙬𝙖𝙣𝙠𝙮 𝙃𝙖𝙬𝙖𝙞𝙞𝙖𝙣 (s $80 L$150)pizza全部即叫即焗、size有得揀大同細、圖中係細批、有10多款批可以揀、我就揀左至潮夏威夷😋有火腿、煙肉、菠蘿、古岡素拉芝士、批底好脆！即場食唔使等外賣到係唔同d😭另外我見佢少有地有甜味pizza！下次要試埋至得😤題外話：如果唔堂食、佢可以打定電話過去落order、講定時間過去拎架😗#japjapjap長洲______________________________score:8.5/10地址：長洲大興堤路19號地下

Unwelcoming faces and voices by 2 female staff. And during these covid times, no hand washing nor gloves used after handing money and taking order, and directly dived into the already spread dough (i.e. not so freshly made). The male staff/boss has an even worse attitude, and very bad choice of words. Pizza was just so so, plus there wasn’t even a single “fresh basil” on the margarita. 😔

平時去長洲食晚飯，多數都會選擇食海鮮，因為總會覺得由於長洲係一個四面環海嘅島嶼，島上餐廳所提供海鮮會比較市區餐廳嘅新鮮便宜。不過，今次再嚟到長洲，就想試下海鮮以外嘅晚飯。由於長洲都住咗唔少外國人，所以就估長洲都應該有啲唔錯嘅西餐廳。喺 Open Rice 上做咗少少 Research，見到呢間位於海邊嘅 Pizza 店，評價都不錯，所以今晚就決定試一下。餐廳提供戶外座位，客人可以選擇坐喺比較近海邊進食。餐廳亦係以自助式經營，飲品餐具等等都要自己去拎。Pizza 就係即叫即焗，今晚見到有三個師傅一齊焗 Pizza，焗一個 Pizza 大約為 5-10 分鐘，有大細批之分。今晚叫咗兩個 Pizza，一大一細，細嗰個係 Four Cheese Pizza，芝士味非常濃厚，鍾意食芝士嘅朋友一定會鍾意。另外一個係 Peter's Lunch Pizza，蕃茄底醬鮮甜，上面嘅 Bacon 好夠味，餅底由於係即焗，所以好脆好味。總括嚟講，都係值得推介

依家手工Pizza想食好耐，但係成日都會食唔到。事關佢營業時間係五點至九點，所以成日都食唔到，不過今次生日之旅三日兩夜，點都要食一次因為即叫即整所以都要等，等候時間都尚算快，10至15分鐘左右就有，因為天氣太熱嘅關係，所以我哋決定外賣返去食，一返到渡假屋梗係即刻開嚟食啦，雖然距離只有3分鐘左右路程。傳統夏威夷薄餅。一打開就香到不得了，連相都唔記得咗影，食到一半先記得，因為真係好好食，首先係個批底，鬆軟得來又香脆，絕對唔係硬嗰種脆，配上唔會太濃，太搶味嘅蕃茄醬，然後嗰啲肉碎菠蘿火腿份量好好，唔會太少，真係可以啖啖肉，所有嘢加埋之後，成就左左呢個好好食既Pizza

It’s a relax place facing the sea view, sitting outdoors or indoor also good.Pizza with Beers are the perfect match and they have a lots of favour! Whatever the shop not too big, but the chef is nice to treat everyone, I think he is a local Cheung Chau guy but foreignerI like theses kind of free style restaurant, order what u like, no one care how long u stay hereHope to come and eat again

是日與局中兄弟續於長洲公幹，不經不覺已晚上八時半，眾人饑腸轆轆，有兄弟指出長洲有pizza食，本局長隨即致電此店，原以為要與彼得以英文交談，詎料電話另一端傳來一女子聲音。本局長立時柯打大夏威夷pizza，問曰：半個鐘可以嗎？誰知對方指十分鐘後已可取，快得本局長意想不到。常秘帶著本局長的一百三十多元前去取Pizza。Pizza份量十足，皮脆好吃，芝士份量適中，火腿好吃。總括而言，此店pizza好吃，出貨速度快，值得讚賞！

入長洲行吓又到晚飯時間，因為之前已經食過出邊嗰幾間海鮮大排檔，所以今次想搵間特別啲嘅餐廳試吓。經過見到呢間餐廳出邊擺咗幾張枱，坐左幾個鬼佬，個Pizza好似幾好食咁，就坐低試吓。叫咗一個Large meaty Pie Pizza，兩支可樂，同埋一份牙買加雞翼。個Pizza好正宗，好大個，個皮好薄又好脆，入邊啲料都好夠，兩個人食都食到好飽。另外果四隻雞翼一開始食落甜甜地，但係食到尾又有啲辣辣地，都幾野味。食完再坐喺度消化下，望住過海，吹下海風。個感覺真係好正，好似喺外國咁👍🏻

食生日飯，以Pizza代蛋糕，揮霍寶貴嘅熱氣quota首先首先，店主係外籍人士唔代表Pizza正宗叫左兩個Pizza，一個Classic Margherita但完全唔classic，一拎上手係硬餅底就知係美國Pizza，食落都普普通通，不太講究，完全無發揮出芝士大戰蕃茄，焦脆餅邊割據一方，三家分立的經典味道。美國Pizza都係跟番愈多材料愈好食既簡單Logic所以，另一個Volcano Pizza就唔同，經典美國Pizza，乜都有，菠蘿辣肉腸火腿，超級熱氣但同時極滿足，開心總之，食之前應該查一查，店主唔係意大利人就唔好叫Margherita，用番美國Pizza既標準就好抵好味講多次，美國Pizza，好抵好味

自從發現左長洲有呢間隱世 Pizza 店之後, 每次入親黎我都必定會去食番件 Pizza 先搭船走人  餐廳有室內同室外座位, 天氣咁熱, 我當然唔會揀坐室外啦｡ 客人要先到 Bar 前 Order 食品, 之後去 Bar 枱上拎所需嘅餐具, 跟住就可以番埋位等食｡Meaty Pie 肉食主義 (大 Pizza) 佢嘅 Pizza 係即叫即整, 客人可以喺座位睇到整個 Pizza 製作過程｡ 今次 Order 嘅 Pizza 真係冇改錯名, 材料有意大利香腸、火腿、煙肉 & 洋蔥｡ 由於係即叫即整嘅關係, 個 Pizza 黎到嘅時候係超級熱辣辣, 好難直接用手拎住黎食｡ Pizza 底 & 邊烤得非常香脆, 而且用料十足, Pizza 醬汁同芝士溶為一體, 味道真係冇得輸, 兩個人輕易 K.O. 左個大 Pizza 

The old white lady that works here as a horrible attitude. When I asked her about changing the toppings, she rolled her eyes and glared at me. Any question I asked was met with a terse, unprofessional reply. The pizza, on the other hand, is not bad. They’re generous with the toppings and cheese, though the sauce is lacking and the dough is a bit too flimsy to hold all the ingredients.

清明節入長洲，真係超級多人，阿sir話要入去散下心同掃下街，咁搭船最佳節目就係上openrice搵料，起碼大半年無入去，最鍾意嘅炸雲吞鋪頭已關門大吉，大街小巷都注入好多新面孔，而今次我哋放棄海鮮，繼而試試手工Pizza...Peter's Lunch $75選擇困難症又發作，所以我都費事諗咁多，一於試下個招牌Pizza，西蘭花係出面唔會有嘅材料，食落感覺好清新，而每啖仲食到唔油膩嘅煙肉同香濃芝士，最重點係香脆厚薄適中嘅手工Pizza，真係越食越好味🤤🤤🤤，一般Pizza鋪當然食唔到同無得比啦 ，仲要$75一個9吋Pizza係超抵牙買加雞翼 $30/4pcs雞翼係細細隻嘅，但味道幾特別，我覺得似檸薑味，好入味好正，不過呢個價錢我認為偏高兩人共消費：$105

吃過晚餐後，仍有股意猶未盡的感覺，在街上遊蕩想找些小食解解饞。忽然醒起海旁的彼得pizza，立馬與胖伴加快腳步，慶幸將近九點餐廳仍未關門。店外設有多張桌椅，時間不趕的話，坐在海邊，邊吹著海風邊品嚐薄餅真的很不錯。店內裝潢簡潔，昏黃的燈光營造出慵懶的感覺，坐在店內看著海旁的夜景，仿如假日置身外地享受著悠閒時光。餐牌清晰易明，每款薄餅除有獨特的名字外，也列明包含的材料，比起一些只有薄餅名字，選菜猶如賭博的餐廳來得要好。餐廳採用開放式廚房，揀選了款式後，店員製作的過程一目了然。是次選擇了火山，在辣肉腸、火腿、青椒及菠蘿上灑有印第安香料，有淡淡的辣味及香味，惹味非常。新鮮出爐的薄餅屬薄pizza，批邊及批底香脆乾身，中間部分則因醬料及餡料的關係，質地較濕軟，每一口薄餅口感都很豐富。

試左這裡的香辣韓國海鮮風簿餅，材料有香辣韓國燒烤醬汁、蟹柳、蝦肉、青椒同洋蔥。皮造得夠薄夠脆，餡料又夠多！坐在露天位一邊看海一邊吃！別有一番風味！味道不錯！值得再試！

去長洲閒遊，全個旅程最驚喜莫過於此 Pizza 店。店鋪少少，坐位少少，員工少少，食物選擇少少 (印象中只賣 Pizza)，但誠意滿滿。Pizza 餡料份量剛剛好 (雖然餡料配搭並不是甚麼新構思)，餅底茄醬香濃。重點係非常非常香脆。我唔識分何謂正宗。但於我自己而言，呢個係我食過最好食、最值得食既 Pizza