天天鮮果汁

Open Now

Now Closed

今時今日要喺金鐘灣仔搵到果汁唔難，大把Gym、超級市場都有預製好嘅（冷壓）果汁。但係要搵鮮搾嘅就唔係咁易。由於海富2/F嘅鋪頭已經唔賣五青汁，所以今日特登過嚟幫襯天天。鮮搾嘅五青汁，味道清新得嚟草青味唔係好犀利，唔鍾意食青色嘢嘅人應該都可以飲得入口。鮮搾果汁店買少見少，除咗買咖啡／珍珠奶茶，有機會都不妨幫襯吓傳統果汁店~

呢排減肥，諗住午餐食輕盈少少，所以行咗過去灣仔呢間果汁店買個午餐。我揀咗個五餐肉煎蛋出前一丁同埋個蜜瓜汁，一共要三十五蚊。由於舖頭第一個職員，同埋見到有客人買三文治個店員都係新鮮製作，所以都等咗一陣先至買到嘢食。拎到返公司，就即刻試吓佢嘅出前一丁。佢個出前一丁送咗兩條菜，都算係有啲誠意。但係可能由於個碗太細，湯太少，調味料又落太多，成碗面變到好咸。食完面再試吓佢個蜜瓜汁。佢個蜜瓜汁都係新鮮整出嚟都幾好飲，唔錯。

So disappointed I ordered a carrot, orange, apple and ginger juice. Ended up with bites of grapefruit inside the worst part was it tasted like water there were no taste to it what so ever. The Juice was $35 I don't mind paying more for a juice but not water!

以前係金鍾尾間返工，附迎冇咩野食，一係就好貴有次同事帶我很遠少少，黎呢間鮮果汁店，原來呢到有粉面套餐！兩送公仔面或米粉，$28連埋野飲（仲可以簡果汁架），真係堅抵！平得黎仲要好食架之後轉左工,已經好少黎呢頭,有差唔多兩年了。咁岩今日lunch時間會黎一黎金鍾灣仔附近, 便想起要過黎食返個米粉先返公司附近好多食肆都結業了, 幸好呢間果汁店仲係到!而且多左張長檯仔比客人坐係到食, 感覺比之前用摺檯好好多。腸仔蛋米粉+西瓜汁(中杯) $28本身是煎蛋,可要求改炒蛋，然後有腸仔或火腿等簡一樣。如果不要腸仔蛋，還有魚蛋燒賣米粉餐。連一杯細飲品或新鮮果汁一共只係$26，中杯$28，大杯$31。如果唔要米粉，亦有出前一丁選擇。腸仔炒蛋：腸仔有煎過的,唔係就咁水煮。炒蛋炒得好香滑軟綿綿的~好似舊式茶記既炒蛋三文治文面舊又大又滑既炒咁! 小女每次食親都一定會轉炒蛋呀。米粉：唔會太硬同粗身，又唔會太過淋。小女本身對米粉麻麻地，但呢間既米粉就好喜歡吃，又加埋可能係同個湯底好夾啦！湯底：呢間既湯底真係同出面食到既好唔同。外面茶記或者小食店，多數都係雞粉湯底，白白淡淡的。而呢間一是味道濃濃的，感覺有點像豬骨湯底

不是雨天不出門，一步出門口，即落下滂沱大雨，認真攞景！這個時候，肚子特別鵝，最想吃些熱騰騰的東西。趕上車之前，先買個早餐。粉果$9兩顆，腸粉$11五條，拿回公司後仍是熱騰騰的。粉果大粒餡多，濕糯不糊口。腸粉亦滑，混醬中只吃到辣醬，甜醬可能被淹沒了，麻醬完全欠奉；本來不怎麼樣，但吃著吃著，問題來了……豉油全部沉在碗底，結果上層的腸粉只有辣味，下層的奇咸無比，吃不下去！😧幸好粉果放在頂部，不然又會變成豉油浸粉果了！

常常路過轉角位的「天天鮮果汁」，但卻沒有停下腳步去試，因為急急腳趕回公司。出奇地是日比平時早出門，自然要試一試吧！套餐有點心、三文治、粉麵選擇配是日果汁或奶茶咖啡！不想食得太飽所以叫了一客三文治套餐～店員在落單時問我加不加蔥？加蔥不用加錢，我不抗拒食蔥，所以沒有所謂～咸牛肉蛋三文治 - 蛋炒得滑而香，咸牛肉份量頗多，味道還可口，食完不會顯得太滯～是日果汁有四款選擇，我選了香蕉～新鮮即搾，味道適中不會太甜。

早餐有一份熱騰騰的三文治，係一整日動力的來源佢的三文治，唔只係平時的款式，我最鍾意的一款特別的是可以加蔥，冇聽錯係加蔥，小妹我多數會叫蛋牛加蔥，再加上一杯中杯的每天推介鮮個汁，都係21元在灣仔地區已經係唔貴了仲有佢的三文治由於加了蔥，食落去有種家的感覺，而且蛋，牛肉同蔥都恰到好處，就算有兩種料啲蛋都好軟熟，唔會過硬，而牛肉有牛肉味，但係就唔會有好大舊牛肉在內！而果汁，每日都好新鮮，最重要係唔會好似其他咁多糖，就像完全冇糖一樣，唔會擔心超糖！

最近新搬到灣仔工作, 人生路不熟, 好在有個好朋友係公司做, 可以問下佢地附近有咩好食. 前幾日同朋友講開邊度有好野食, 佢就同我介紹左呢間果汁店, 於是fu就2個人一起去啦. 一去到見到間鋪都唔算大, 但起碼睇落去幾乾淨,而且有得坐係到食. 於是fu就叫左個三文治餐試下. 個套餐包一杯野飲同一個三文治. 我叫既係餐旦治同熱奶茶. 個三文治係岩岩做好, 仲好熱, 食落去味道比一般茶餐廳好食. 之後試下杯熱奶茶, 真係Wa一聲. 勁好飲! 唔似好多地方啲奶茶, 淨係得奶味. 呢度杯奶杯好有茶味, 而且D奶同茶既比例好好. 飲完之後其實好有衝動買多杯, 但無奈實在太飽. 我朋友就叫左燒賣同精選果汁, 價錢唔貴, 燒賣正常, 果汁above average, 唔係超好飲個隻, 但明顯有果汁味, 唔似其他果汁店咁淡. overall, 呢間店比我預期中好好多, 而且好抵食. recommand!!!

二月上旬‧忽然轉涼趕完一輪，做好了一堆工作，在找間有wi-fi的咖啡室工作前，可以休息一下，來這裡吃碟腸粉。腸粉不太熱，在這裡當然是別處交來的，醬油不夠，麻醬杰杰的，吃起來不太好吃，只收6元，算是一個便宜的下午小吃。見是日的火龍果汁特價，只5元，又來一杯，還好，有一點點的火龍果味道。

是日, 又早了一個站下車, 原因是為了去銀行辨點事, 順便去試下呢間小食店, 買個breakfast. 雖然是一間小小果汁店, 但做生意, 又點可以只賣果汁咁簡單, 而且附近上班一族又不少. 三文治, 燒賣腸粉, 同奶茶咖啡, 是招攬早上打工仔生意的重要食品.在counter拿了一份咸牛蛋治, 再加一杯熱茶. 三文治雖然是prepack, 但摸落去仍然是熱的, 而且只是$14, 非常之抵. 回到公司, 先忙一忙自己既野, 再打開來食. 味道, 幸好還是可以, 因為蛋牛治, 蛋好似比牛肉多, 我食得出有牛肉, 但唔覺有咸牛肉的味道. 好彩個三文治係熬既, 點扣分都有限既. 不過, 如果佢地可以即叫即做, 反正都是熱既, 即叫即做, 有何不難.奶茶, 一般的濃, 不過都幾有奶味.