友口馥 (Closed)

這間小店由佢準備開張時，一直心思思相試他們掛著古法石磨腸粉。第一次去因為未開業未準備好，未有機會試，第二次人地準備收工又未有機會試，到今日終於有機會了，做一隻早起的烏兒。(其實唔多唔少因為有傳媒報道過，怕第時要等好耐位，又怕佢加價)我點了個义燒拼牛肉腸$25， 再加上枱枱都有點粥，我決定加一碗大菜干豬骨粥$15。※菜干豬骨粥，很快就上枱，菜干足料，粥底棉棉，重食到有少少果皮香，食得出用了心機去煲正丫※义燒拼牛肉腸，所有腸粉是即叫即做，需要等下，我見到佢地洗完的碟會放入個蒸籠到蒸一蒸，消毒一下，感覺都很衛生。等左一陣我的腸粉上枱熱辣辣，食第一口woo腸粉好滑，腸粉皮唔會薄切切，食落口有米的味道，同平時食的腸粉好大分別。起初我以為雙拼是义燒還义燒腸，牛肉還牛肉腸，原來是义燒牛肉撈埋一齊蒸，因為义燒甜甜的，蓋了牛肉味，總知叫單點如果下次經過又唔多人，又唔加價，我一定會再來食題外話老闆娘十分有笑容有禮，就算對住好熱的蒸籠，都面不改容，仍然帶著笑容。