FRITES Belgium on Tap (MONTEREY Place)

Open Now

Now Closed

八月嘅時候係社交平台見到TKO Frites做緊weekday買一送一promotion, 之前食過鰂魚涌分店牛扒質素高，即刻再去食!Lunch set包咗前菜/ 飲品+ 主菜+ 甜品，食完超飽~扺食! 前菜係豬頸肉沙律，正正常常，沙律balance到豬頸肉嘅油香。主菜就都係叫牛扒，煎得靚，medium rare肉質夠嫩，餐廳係半開放廚房，可以睇到廚師猛火煎牛扒xd 我略嫌牛扒咸同油咗啲，因為跟嘅side炸薯條都係落咗比較多鹽 (我平時食得清淡啲lol) 甜品係blueberry cheesecake, 口感紥實，因為blueberry酸度中和咗cheesecake甜膩，味道唔錯。環境方面就對住將軍澳單車徑，有上下兩層，望到海景，裝修有歐洲風情~ 餐廳食夠$200有得免費泊車, 食完仲可以係海邊行下先攞車! 

第一次去依間餐廳，好直接地俾佢個青口放題吸引左。餐廳環境好正，員工服務態度都好好。青口有好多味去選擇，當你差唔多食完既時候佢會主動問你下一碟想要咩味，上菜速度亦非常快，好適一大班朋友gathering既時候去。

今日我同朋友👫去咗將軍澳嘅FRITES Belgium on Tap食brunch！真係我最鍾意去Chill嘅一間餐廳！🍽️ 餐廳位於 MONTEREY Place，地址係 今次我哋等咗大約 ⏳ 15分鐘先有位，雖然人多，但等候都幾值得。入到去之後，我哋點咗 **Big breakfast**， $195，仲有 **Savoury soufflé pancake**，$125。呢個soufflé pancake真係每次都必食，Savoury soufflé pancake上面有炸雞🍗，配埋啲蜜糖🍯，味道真係超級夾，鹹鹹甜甜😊。每一口都係享受，啲炸雞外脆內嫩，搭配上鬆軟嘅pancake，真係完美組合。總括而言，FRITES真係一個好適合放鬆嘅地方，如果你想食一餐開心又美味嘅brunch，呢度絕對唔可以錯過！✨ 下次再嚟，我一定會再試多啲佢哋嘅菜式！

上環果間之前食過幾好，將軍澳哩間試過一次，老婆上次見青口好似幾好，今次星期日同屋企人三大一細食多次。環境ok，但座位一半無靠背坐得一般般。樓下坐近門口有點熱，睇唔到海境。講番嘢食，每樣份量都好大碟，味道中等偏上。最好食係青口，其次lobster risotto，西冷配黑松露牛油醬亦都ok，海鮮意粉無咩特別。四個人食到好full，可以叫少個。埋單$1400/4個人，唔算貴。整體就唔算好突出，將軍澳區算中等水平。

概要：除非你想體驗下超差嘅服務態度，如果唔係唔建議幫襯。未去過咁差服務態度的餐廳。首先一入到去完全冇人招呼，啲staff個個睇你唔到咁，咁唔緊要啦我哋自己揾位坐。我哋今次見到佢哋做緊會員午巿買一送一優惠，我哋提前已經做咗佢哋會員。叫咗個侍應落單，佢見到我哋個會員版面，一嚟已經質疑我哋係咪真係會員，問我哋嗰幅係咪cap圖嚟，我哋話唔係，佢仲問我哋係咪啱啱入嚟餐廳先申請會員，全程用一個好唔友善、質疑嘅態度，令人勁唔舒服。首先我唔知點解佢會先入為主覺得我哋係假會員？？？第二係，就算入咗餐廳先申請會員，我都唔知有咩問題，咁你個promotion就係會員就可以享用呀嘛。之後我哋根據佢社交媒體網站個宣傳post嚟落單，然後個侍應就好差態度咁話我哋冇呢啲嘢食，原來佢哋每月menu唔同，咁真係唔知呀嘛，點解唔可以好聲好氣講，真係唔知咩服務態度。總括，成個用餐體驗係好差，啲嘢食普普通通，最大問題係比啲咁差嘅服務態度影響晒心情。

將軍澳海旁常去的一家比利時餐廳吹吹海風，小酌一杯，太chill了🧇比利時窩夫頭一回吃這麼華麗麗的窩夫🤩熱乎乎蓋上香草巧克力冰淇淋再裹滿奶油，火炙後端上來，奶油duangduang的，比我手掌還高！冰火兩重天的口感，太驚喜❤️🧈招牌忌廉青口青口又奶又香太愛了！！！超濃郁忌廉汁，青口肉質豐滿個頭超大相當清甜，一吃就知道有多新鮮。配酸麵包蘸滿忌廉汁吃，全港能排進top3的青口一定要去試試啊‼️重點是逢週一晚6點後青口任吃😍每人$255就可以可任吃6款口味：有招牌忌廉、HOEGAARDEN、番茄、白酒、喇沙和地中海口味🍖醬燒豬肋骨每次來必點，愛酸甜口味的絕對不能錯過！配的是紅薯條啊紅薯😋蘸上特製酸甜醬，這一道不僅看著誘人豬肉入口即化的口感太絕了！🇺🇸安格斯牛扒🇦🇹奧地利咸豬手配焦糖燒雜菜量大到驚人！！！逛街聚會超近，相當適合聚餐，閉眼點就沒有踩過雷，7分熟安格斯牛肉很juicy配薯條和沙拉，咸豬手的豬皮太特別了，脆脆又有嚼勁的口感，豬肉咸香十足很開胃！🍺比利時啤酒比利時特產的啤酒當然不能錯過啦，連我這種從不喝啤酒的人都愛上fruity的口感，毫不苦澀很好入口😌

第一次寫食評請大家多多指教。🙇🏻‍♀️發現好東西係需要同人分享嘅😆所以決定試下寫食評，當係對店家嘅小小支持和肯定。😊💪🏻💪🏻.呢間餐廳係將軍澳入面我最喜歡嘅餐廳😆餐廳以英語點餐，其中有位外籍姨姨卻會講廣東話哄小朋友，態度好親切😊👍🏻最喜歡餐廳嘅食物，帶唔同朋友黎食過幾次都依然保持倒水準。每一次大人小朋友都係好滿足咁離開😆不過食物價錢都唔平🙈但份量亦有保證，係值得嘅！😍🥰.每次來吃都必點嘅美食有兩款：招牌忌廉青口(Frites House Mussels) $265/0.5kg, $425/kg呢個招牌青口真係好好味！🤩🤩兩個人食0.5kg都夠曬，人多可以叫1kg，次次都一定清曬🤣因為個汁真係好好味，冇得輸！個汁係由蕃茄、白酒、蒜蓉、洋蔥、小蔥及忌廉調製而成，非常美味！🤤我地仲會用酸麵包點呢個汁食😆好友話喜歡酸麵包chewy嘅質感。伴碟嘅薯條香脆可口，不過掛住食青口，完全唔記得食薯條。🦞龍蝦意大利飯(Whole Lobster Risotto) $295龍蝦飯個賣相真係令人食指大動🤤原隻龍蝦切開兩邊加兩隻龍蝦鉗鋪曬係面😍龍蝦肉爽口彈牙，個飯汁更加係濃郁美味🤩又係好快被清曬嘅一道菜🥹。.呢兩

同朋友嚟將軍澳踩單車，望到呢一間坐得咁舒服嘅餐廳，我哋喺度坐咗飲咗兩杯嘢，其實價錢都平，喺將軍澳南海濱嚟講算平，都唔使$100一杯紅酒，而且個位都坐得好舒服對正條橋，推介推介

炸魚薯條非常好，晏晝去其實冇乜人，雖然已經book咗枱，座位可以任揀，但係冷氣就其實冇乜，今日同埋天氣比較潮濕，嘢食都係正常，我自己就嗌咗個炸魚薯條炸魚真係冇得頂，薯條亦都唔錯

焦糖燉蛋食落好滿足！呢日老細請食飯，點咗兩款飯後甜品，幾唔錯！🍴焦糖燉蛋 👅表面薄薄一層脆卜卜嘅焦糖，配上有淡淡奶蛋香嘅內餡，食落一啲都唔heavy😝，為食妹一試上癮🤤🍴黑森林心太軟👅濃郁嘅朱古力餅底，爆漿朱古力流心🖤，配上甜忌廉，甜度恰到好處🤩，惟表層嘅雜啤梨醬🍒雖然提升層次感，但味道偏酸，整體正常發揮😌

透過openrice訂2人位，講明是慶祝生日。去到安排4人枱，而枱一邊是有椅背的長條椅，另一邊是無椅背的。2人座在有椅背一邊，被二次要求要打對面坐，原因是要預備客人多時要跟人share table。如果這餐廳好似普通茶餐廳的規定一定要預備給人搭枱，應該在app訂枱就講明，我就唔會訂位同丈夫來慶祝生日。簡直掃興。

同屋企人慶祝生日， book咗將軍澳南嘅一間比利時餐廳叫Frites，依間餐廳要一早book，如果唔係Walk in嘅話都未必有位，餐廳好有情調，仲要有上下兩層，上2樓坐嘅話可以望到將軍澳南嘅海景，依家夜晚仲會有埋跨海大橋嘅燈，環境優美，餐廳食物好有質素，上菜嘅時候望到啲食物都已經垂涎三尺，服務員態度殷勤，佢哋留意到我哋有屋企人生日，於是佢哋喺上菜嘅時候播生日歌，令到個場好有氣氛好難忘，屋企人仲話下次要再嚟食過。龍蝦意大利飯 - 賣相一流，味道未至於話特別好味原味青口 - 做法係將忌廉加白酒配青口，味道濃郁，會令到你食不停口，仲要個汁係非常好味，完全係勁想加一啲面落去撈嚟食豬仔骨配番薯條 - 豬仔骨好Juice，配甜甜嘅番薯條真係好夾比利時窩夫 - 軟糖雙蛋白加自家製窩夫再配埋朱古力醬，食落口又唔會特別甜味道啱啱好

兩點幾去到附近揾野食。行下又望下餐牌咁樣。望到呢間話午餐做緊推廣有買一送一咁樣，而且野又啱食。所以就入去試下。平時見佢晚市都有其他優惠既。但無諗過有買一送一。於是入去叫兩個餐！啤酒都仲Happy Hour 添！種類幾多既。而且大約$50 一杯！餐廳都冷清既，可能過左午餐時間啦！話晒都14:30 喇！得我地同另一枱！個餐有三個course. 先黎頭盤，可以㨂湯既！不過都係想要呢個凍肉多d. 然後就係主菜，我㨂左青口，佢煮得好滑，呢間餐廳都主打青口既。睇主餐牌會見到佢有成五隻唔同味既方法煮青口。呢個午市就係女house cooking style. 主要食到忌廉味，可能我鍾意蒜味，所以覺得佢加返小小蒜味會好好多。而且呢隻青口係中間有一小束毛果隻，所以都要花時間除毛。配上薯條都比唔上塊酸菌包。堅好味！呢個時候就覺得個汁唔夠濃喇。另一個主菜就係火雞，應返佢既聖誕主題！而且顏色豐富。配上紫薯小甜，唔會搶走左多肉汁既火雞，廚師真係煮得好好火喉。甜品就有呢個！唔太甜而且好多果仁。或者你可以㨂咖啡。但原來佢本身既咖啡只係俾糖，如果想要奶就要問佢拎喇。清潔度就真係唔知喇！叫啤酒既時候，侍應好好咁幫你倒，

因為媽咪生日，所以揀咗嚟澳南食晚餐慶祝生日，平日都好鍾意這間餐廳食晚飯，主要係佢個食物質素一路都keep到水準，同埋好鍾意食他的青口，所以今次都揀返嚟這裏吃晚飯。Lobster risotto- $355用來拍照好靚，因為用龍蝦伴碟但係味道比較普通。Classic steak -$335因為有大有細，所以牛扒今次八成熟，唔會太乾身正，配上粗身的薯條Baby back rib - $ 285/half雖然叫左半份但份量好多，豬都仔骨配的是蕃薯條十分香甜，至喜愛佢配的椰菜沙律，味道清新Lamb cutlets - $365有4件羊架，都係叫8成熟小朋友都食到，肉嫩多汁House Mussels -$425/1kg這道菜差不多枱枱都會點，今次食返最簡單的原味，濃濃的忌廉加上白酒，食完簡直想打包佢d汁返屋企煮意粉Pizza margherita - $145Pizza 焗到好香口好脆，小朋友好喜歡Bolognese (kids menu)蕃茄味濃，好怕出面食意粉發得過軟或過硬，這裹的意粉發得岩岩好，份量一d都唔細Waffle Bomb Alaska -$155因為冇買蛋糕，所以叫個甜品食，係O

今晚同朋友去左將軍澳南食飯，附近環境都幾chill，有少少似去左赤柱嘅感覺。 將軍澳地鐵站A出口一出沿唐俊街一直行，行10分鐘左右就到今日晚飯嘅餐廳 FRITES Belgium on Tap。餐廳有兩層，我地被安排坐上層。 坐低之後，二話不說就叫左幾樣野食。 傳統凱撒沙律 ($110) 沙律菜好新鮮，上面同時鋪滿左芝士粉，為普普通通嘅凱撒沙律添加左一份層次。 法蘭德斯燉牛仔骨 ($385) 餐牌寫牛仔骨，但黎到嘅時候全部都係牛腩位置，食落啖啖肉。牛肉燉到好淋，有入口即溶嘅感覺。另外佢都配上兩片麵包同一盤薯蓉，麵包好鬆軟，薯蓉都整得好creamy。呢道菜好好味。 經典牛扒薯條 ($355) 牛扒我地order左medium，食落牛肉好嫩，又唔怕有血水。薯條份量超多，值得一讚。 醬燒豬肋骨配薯條 ($285) (星期四優惠) 撞正今日係星期四，點可以唔叫佢逢星期四特價嘅豬肋骨。豬肋骨一上檯，我地都俾佢個份量嚇親，成塊豬肋骨至少有10條骨。豬肋骨燒得岩岩好，配上餐廳自家制甜酸醬，食落完全無油膩感。而豬肋骨下面都同樣鋪左好多薯條係底！ 成餐晚餐都唔錯，份量都好大碟，值得再去。再加上餐廳逢星期