富都茶餐廳 (Moved) New Location

前日(7-9-2014 Sun)朝早同男友起身後又落荃灣食o野,我o地o黎到呢o度,男友要$32.00o既歐陸式早餐,男友要煎薄牛扒+火腿煎蛋,有蒜茸多士伴茄汁豆.我要$26.00o既$26.00o既特色早餐,要特色豬扒飽,兩個都加$2.00要凍奶茶.幾分鐘後, 凍奶茶到o黎,飲啖先,幾滑同,茶同奶味都算平均.過o左幾分鐘,男友o既早餐到o黎,今次同上次http://www.openrice.com/restaurant/commentdetail.htm?commentid=2376937&tc=sr2&con=rvw比,煎蛋靚啲.然後我o既特色豬扒飽到o黎,睇睇,冇乜千島醬,生菜又少,唔通咁就係特色?食落,炸豬扒係脆脆地,但冇乜味,因為我食唔到千島醬,但個飽就有烘過,暖暖地同脆口.當開始食到千島醬時,男友食o左半份半份早餐就同我交換食.佢o個份o既o野味道全部正常,今次蒜茸多士夠味但唔過鹹,唔錯.味道: 3.7分, 環境: 3.5分, 抵食: 2.5分服務:落單時,亞姐問男友o個個早餐揀咩o野?我o地愕然,佢話火腿煎蛋定腿絲炒蛋?啊,男友答火腿煎蛋.我o地疑惑佢o既menu,咁樣寫

今天下午，老友突然到來荃灣找我吹吹水，於是我便和他到富都茶餐廳，一邊吃，一邊傾下計。下午茶餐，我點了雞翼薯條，薯條是我最喜愛的曲曲薯條， 薯條本新夠粗壯，加埋勁多茄汁，勁好味。。。可惜雞翼炸的時間比較長，肉質比較乾，不夠 juicy， 雖然雞翼有三隻，但雞翼的size亦不夠大， 感覺上肉比較少。。。連凍飲好像差不多三十元，下午茶餐計，尚可接受。。。

今日(13-7-2014 Sun)男友仍要特別開工,我就幫佢去攞o野,橫豎都因家務起o左身,唔爭在同佢一齊食早餐啦.落到荃灣,隨意入o黎呢間食,我o地都揀o左$32.00o既歐陸式早餐,男友要煎薄牛扒+火腿煎蛋,我要蒜香雞扒+腿絲炒蛋,兩個都有蒜茸多士伴茄汁豆,又一齊加$2.00要凍檸水.落完單,最快到o黎o既係兩杯飲品,但點解一杯係茶一杯係水?我即刻話要凍檸水喎.亞姐即問落錯單?我答冇,落o岩,但俾錯.男友話OK,茶都得.亞姐話如果唔o岩飲可以換返.男友話得,冇問題,咁OK啦.然後我o地o既餐都一齊到,試少少男友o既煎薄牛扒先,其實都唔係煎,又係炸,幸好都唔o鞋同韌;而我o既蒜香雞扒呢,口感都係正常啦,而味道,冇咩蒜香; 腿絲炒蛋,炒蛋全熟冇蛋汁,而男友o既都係煎到全熟,而由於個蛋黃俾o左我食,我就食到濃濃o既蛋黃香味.而蒜茸多士就好夠味,夠到鹹,口感都脆.但睇睇件番茄同茄汁豆,新鮮 番茄薄切到呈半透明, 茄汁豆明顯比舊年少.(舊年食評: http://www.openrice.com/restaurant/commentdetail.htm?commentid=2328448&tc

平時上班的日子裡面，要出去吃午餐，或多或少有點趕時間，因此不得不去茶餐廳吃午餐。正如今天要在荃灣辦事後要趕回公司，亦只有選擇在茶記開餐。富都茶餐廳已經不是第一次去，而且第一時間已經想到這間茶記，以免浪費時間去尋找餐廳。其實茶餐廳都是午餐快餐常餐，如果不選擇的，還有碟頭飯可選擇的。有時候時間許可的，可選碟頭飯，否則就是乜餐物餐了。羅宋湯是在下於茶記常點的餐湯，不單單是因為紅湯有酸微微的味道，最重要的是湯裡有不同的蔬菜。除了肉類，這湯也可以提供了不少蔬菜嘛。焗香芋椰汁雞球飯。哈，在夏天都可以吃到芋頭，實在有點匪夷所思，但不管怎樣，芋頭始終都是在下喜愛的。芋頭實在弄得夠香和夠腍，雞肉也有咬口的，唯獨椰汁不夠香濃，也沒有足夠的椰香，真是敗筆，加上整個焗飯有點過鹹，令在下要喝水解鹹呢！凍奶茶味道足夠，茶味充足和順滑，但似乎茶香稍欠一點。午餐時間正在打雷，不知道會否下雨，還是快快走人，趕回公司好了。

晚上接媽媽放工後，陪伴她吃晚飯。因為太夜荃灣很多食肆也關門了，最後來了富都茶餐廳。我們每人選了一個小菜，各付上一個餐湯，一杯飲品和一個白飯，兩個小菜送一個油菜。海鮮雜菜粉絲煲原本對茶餐廳的質素也沒什麼期望，但那個湯底的海鮮味濃，雜菜和粉絲也吸了湯底的海鮮味，不錯。青瓜炒蝦仁茨汁做得不錯，可惜蝦仁很少，只有三、四隻，送飯挺開胃。在宵夜時段，這也算是一個不錯的選擇。

前日(27-10-2013 Sun)朝早同男友起身後食早餐,行到o黎呢條街睇食邊間,我唔想食翠華,見到重有間富都o係o度,就決定呢間.我o地o黎到時都好full,我o地被安排坐二人卡位,男友要$ 32.00o既歐陸式早餐,要吉列魚柳炒滑蛋配茄汁豆蒜蓉多士,飲熱奶茶.亞姐同我男友講,呢o度o既炒蛋只係炒蛋,唔會滑o既. 佢咁老實o既?咁男友就改要煎雙太陽蛋.我要$26.00o既德國脆腸,豬柳漢堡湯意,加$2.00要凍奶茶.冇耐,兩杯o野飲到o黎,我杯凍奶茶OK冇問題.之後我o既早餐都到o黎,豬柳漢堡唔厚,而且顏色淡淡地,冇咁惹味;德國脆腸就有三件,呢個正常冇問題.而意粉都一樣普普通通咁啦然後男友o既早餐到o黎,呢o度俾千島醬,而炸魚柳大大件,食落冇乜鯹味.o係o度睇返紀錄,原來上次o黎已經係3年前o既事,唔怪得已經唔記得有呢間,重以為呢o度已經被翠華吞沒晒添啦.(上次食評: http://www.openrice.com/restaurant/commentdetail.htm?commentid=2133110&tc=sr2rvw&con=rvw)

繼上次喺富都食左個超級難食蒸肉餅后,今晚比個最后機會佢.....豆腐火腩煲....賣相ok,味道正常,肉和豆腐比例適中,整體感覺良好....雖然吾係話好出色,但起馬吾會好似上次咁難食先!!!!!!!

今日決定做個食家先，因為去荃湾富都食左個頂佢吾順嘅鱿魚蒸肉餅，首先，賣相是ok嘅，雖然鱿魚還魷魚，肉餅還肉餅！而味道係一個完全冇味嘅豬肉！D肉質係梅梅爛爛,好明顯係蒸過龍，我真係未食過一個咁難食嘅肉餠lor....D湯好鬼油呀。。。。anyway 個凍檸茶少甜真係少甜！！！！！！！

接完主公收工又要出發去搵食,由於對荃灣人生路不熟,行了一段時間仍未找到心目中的餐廳,係又餓又攰既情況下,最後求其係附近搵間食算,結果就黎到富都。一入門口九點左右仍有數張枱吉位,無需等位,選了四人卡位諗住坐得舒舒服服又有電視睇,點知坐左一陣就發現泠氣機滴水,被迫要轉去二人卡位。坐底諗食乜,睇完個menu都係二人小菜套餐最fit我地,於是乎就點左椒鹽豬扒同蜆蚧牛肉煲。落完order之後唔駛5mins就上晒所有野,仲要全部都熱辣辣,咁有效率都係第一次見。快還快,味道又如何呢?基本上兩個字可以總結晒-好咸蜆蚧牛肉煲:葱同姜已經佔左一半,成煲野都咸到不得了,用黎送飯都嫌咸,更加唔好講就咁食。椒鹽豬扒:雖然無蜆蚧牛肉煲咁咸,不過仍然偏咸,口感都有少少韌,食兩塊已經唔想食。平時食飯都會堅持食晒避免浪費食物,不過今次真係要放棄,自問自己已經算食得咸,但都接受唔到。呢間野價錢唔算貴,服務都還可以,不過食物真係完全唔惦,絕對never again。

老實講, 開正係翠x隔離, 要同佢地直接競爭真係一d都唔容易富都的午餐/晚餐的外賣其實已經食過無數咁多次，表現中規中矩啦! 堂係食早餐就真係第一次。今次食左個沙嗲牛肉包+熱鴛鴦，等左5分鐘左右食物便送上，牛肉當然已經化學處理過，但個包竟然係烘熱了的，真係難得，宜家好多d茶餐廳都係求其將d材夾入d麵包度就送上，毫無誠意可言，但其實麵包烘熱同冷冰冰送上來的效果係相差十萬八千里其實有時d食物雖然未必好好食，但係付出的誠意客人係感受得到的

早前曾經到過富都茶餐廳這分店用餐，當時在下覺得這裡的薯條做得好吃，炸得很脆。今天再次到訪，是為在下的晚飯而來，一上次午餐今次晚飯。這間茶仔看起來較新及光猛，兩邊都是卡座，中間是方枱，與一般茶仔格局無異。而每間茶仔都有電視機，已經成為趨勢，而富都則有兩部。在下甫坐下後，不停看著餐牌，看看有否合適的晚餐，當中竟有火鍋的餐紙，當然在下並不想吃火鍋，在下再看過其他餐牌，就點選了腰果炒蝦仁小菜。是日例湯是冬瓜烋唐排。當這例湯上桌時，賣相不可以，完全沒有美感，加上冬瓜只是一片，感覺上已經扣了很多分呢！幸好這例湯沒有味精，否則在下未必喝這例湯。小菜上桌後，就傳來陣陣鑊氣，這已經做到了香的部份，而且賣相也不俗，青綠色的芹菜配上紅白的蝦仁，再加上啡色的腰果，可算是色彩分明。吃下這小菜時，部份腰果卻明顯是炒得過了火，有點燶味，不過味道尚可。芹菜非常爽口，蝦仁亦有其蝦味和鮮味。至於飲品，在下不會在晚餐時段喝咖啡奶茶，以免晚上睡不著，唯有選擇其他沒有咖啡因的飲料。撇除例湯，整體味道都算合理，加上有鑊氣，是在下近年來少見的。但是微不足道的是腰果炒燶了些許，廚師大哥真的要留意一下吧。

唔知點解荃灣連平日都咁多人食下午茶, 真係有咁多人唔駛番工 行咗好多間先見到呢間有位, 唔理佢好唔好食, 又或者有冇嘢食, 總之有得食就可以, 因為茶餐廳都唔會衰得去邊., 即刻推門入去搵位坐..................坐低之後其實都睇咗好耐食乜好 因為茶餐廳d下午茶餐其實來來去去都係果d, 咁啱見到佢有燒味食, 而且我又好耐冇食, 所以叫咗個叉瀨.............. 叉燒瀨粉非常之瘦的叉燒, 一見到佢都驚好硬, 真係一d肥膏都冇, 好彩咬落都叫做林.................至於個湯底就淡咗少少, 唔係好夠味, 同埋d瀨粉碎濕濕, 差咁d~~ 熱利賓納都幾甜, 起碼可以沖多半杯

　　和媽媽去掃墓完畢，便在荃灣吃東西，恰好路過這一家，沒有試過，於是便來這裏。　　一般的茶餐廳環境，我們坐到了靠近水吧的卡位，電視的聲音有點大，但因為我們想坐卡位，所以便接受了。我們看到午餐很便宜，而我們一直很愛吃常餐，後來想到常餐吃太多，不如嚐些別的，於是最後選了午餐。　　我選了蒜茸雞扒薯菜配熱鴛鴦，媽媽則要芝士焗龍脷柳意粉配熱鴛鴦。餐湯則要羅宋湯。　　先談羅宋湯吧，值得一讚是它很大碗，而且湯料也夠多，很豐富，絕不欺場，誠意之作，媽媽竟在湯裏發現青蘿蔔，甚為驚喜。而且味道也恰到好處，濃濃的蕃茄甜味，也沒有太鹹。令人感動。　　再來的是蒜茸雞扒薯菜，薯條是剛炸好的，夠熱和夠脆，但蒜茸汁的蒜茸味則不夠濃，汁料也稍鹹，但勝在份量夠多，雞扒也夠大件，很飽很豐富的感覺。　　至於媽媽的芝士焗龍脷柳，夠熱，但芝士味不夠濃烈，但份量夠多，龍脷柳也夠大塊，汁料還覆蓋了整碟意粉，十分感動。感覺很飽膩。　　鴛鴦是又一經典傑作，可謂鎮店之寶，既有咖啡的香濃苦澀，又有奶茶的絲質軟滑，口感極佳，有回甘之味。　　在茶餐廳以３５元就可以有這等享受，實是驚喜。值得棒場。服務員的態度也很友善。　　

開左ACCOUNT甘耐第一次寫食評, 因為真系覺得幾好食閒日一行4人8點幾黎到, 全FULL, 要等左2,3個字先有位(隔離翠華小貓3,4隻)今次系第二次黎, 記得上次兩個人食2人餐好飽, 今次決定4人食3人餐叫左:2人餐$92 2餸+1菜 (魚香茄子, 酸甜京都骨, 菜心)1人餐$46 1餸 (菠蘿肉排)跟3個湯, 飯, 餐茶另加一個飯湯系青紅蘿白蜜棗豬骨湯, 清甜無味精, 連媽媽級的Antie都LIKE菜心系幼菜心, 白烚吾老酸甜京都骨 外酸甜內脆, 配菜的青椒洋蔥生熟剛好~我至愛配菜....嘻~最驚喜系茄子, 上黎個陣好似上緊鐵板牛扒甘, 用鐵煲裝住熱辣辣香噴噴, 茄子先走左油再煮, 好鑊氣~至於pineapple豬扒, 同京都骨撞左味, LIKE豬扒個位就話好食見下面D食評話SERVICE麻麻, 但我地就覺得服務幾好, 3個湯黎左, 我地都未開口呀姐就即刻送上一隻碗執枱時又好有禮貎, 滿意呀甘樣食一人先三十幾, 食到飽飽走~黎開千色店會再ENCORE....如果住開呢頭可以成為飯堂

同朋友行完花市返到荃灣諗住搵野食..見呢間野有開就入左去食~一坐低見到個餐牌已經唔對路~因為好多樣野食都刪哂~冇得揀想食米粉..但只得魚蛋..牛腩..同埋蝦雲吞俾我揀..種類少到冇人有最後嗌左.. 手打魚蛋米粉 $33味道: 魚蛋味道OK..但米粉好難食.. 特餐..(餐包, 雞翼2隻, 沙嗲牛肉+豬柳漢堡米線) $40味道: 雞翼細隻到爆..餐包OK..但個米線林到阿媽都唔認得..我從來未食過咁林嘅米線加上侍應態度超差..我同朋友一坐低..個侍應已經響我後面"依依哦哦"話:「你地兩位好開始喇喎..製作需時」大佬..佢地個餐牌上都冇咩野好揀...仲要響後面催促...簡直俾壓力D客食完又係極速收哂你D野..加句..「多謝..攞齊哂D野先好走」簡直趕客..發誓以後唔會再食呢間野! 垃圾!價錢又唔合理..去隔離翠華食冇咁嬲