富泰家 (Closed)

加班前對自己好一點，跟同事一起來個美味午餐。貪方便我們就十來到公司地下的餐廳，這裡標榜自己最有名的招牌菜：紅米飯和芝士撈麵。我點了煙鴨胸紅米飯，再+$8配牛柳粒，這個真的讓我有意外驚喜。。。本身的鴨胸又大件又肥身，足足有8件？10件？我已經忘記數算了，+$8的牛柳粒份量也十足紅米飯煮得恰到好處，不會太硬身，鴨胸和牛柳粒味道不會太咸，其實我的舌頭很敏感，如果稍有味精都要瘋狂找水喝，這裡的餸菜都是真材實料，並沒有下很重的調味料，值得一讚。是日午餐，免加一，盛惠$57，我是覺得這個午餐絕對值這個價錢

所點嘅......撈麵.......，薯條......，意粉......都超堅咸，咸到條脷都 '鞋' 埋D牛脷 就 '蘇' 到不得了，從未食過咁 '蘇' 嘅牛脷食完口渴咗成晚

返工食飯最緊要咩？ 梗係快啦 得果一粒鐘 餐廳上菜速度係非常緊要 呢間位於油麻地女人街ge富泰家就係快餐之選 平時同事通常都係嗌外賣 今日去左堂食 特價晚餐有四款揀 $48-52 我嗌左個蔥油雞扒飯 好多舊肉同事嗌咗韓式牛仔骨紅米飯 有四大嚿牛仔骨呢間野其中一個名菜 就係芝士撈公仔麵 同事嗌左個豬頸肉芝士撈公仔麵 所有餐都跟一杯冷或熱嘅紅茶或綠茶 或者加錢轉其他台式特飲 呢間野要稱讚嘅地方就係有紅米飯食 每一個餐都有一份生果送 （其實每次都係西瓜）夠晒健康

琴日約咗朋友食飯，喺旺角唔知食咩好，又走返去女人街搵嘢食，今晚行過，朋友話之前食過都幾抵食，所以就入咗嚟。侍應服務好熱情！我叫左豬頸肉牛柳粒紅米飯($48)配菜好多，有生果（西瓜） ，菜，木耳木耳好好食，酸酸地，好開胃豬頸肉比較大舊，如果細舊啲會好啲！同埋冇乜味牛柳粒比較un，同埋多根 驚喜嘅係有紅米飯食，而且仲唔使加錢，抵讚！朋友呢個係咖喱雞飯同樣地都係叫左紅米飯，咖喱味唔夠突出，雞都幾滑，如果有埋薯仔更加好！

由細食到大，需然食物質素下降但其實原本都唔會影響我幫襯的，本來差唔多一星期夜晚都食幾次的，有一次中午就叫外賣啦，打去你哋個聽電話阿姐勁分心，我一路落單佢就一路傾計，問佢係咪有得轉湯烏冬又話有，最後來到嘅就來咗個九唔搭八的辣炒烏冬，我真係少少辣都食唔到的，咁惟有打去同佢講，點知講講下又轉人聽，其實你哋啲大媽講廣東話已經唔正，大媽仲要唔聽人講嘢，又話佢無落錯，話個餐係無得轉烏冬的，所以佢無落錯（咁點解來到又變咗係另一個款的烏冬呢？）仲要發我脾氣，其實啲嘢食已經難食咗又貴咗，依家仲要咁嘅態度，我已經叫晒我識得嘅人同屋企人唔會再幫襯，咁你哋阿姐就可以多啲時間傾計啦😌