富東海鮮飯店

Open Now

Now Closed

由於我奶奶同老爺係富東熟客,所以一個月都有三次係富東食晚飯.本人最喜愛佢哋o既鵝掌柚皮,燜得好好,亦都係我奶奶同老爺o既至愛.富東有分三層,一樓同二樓係食普通嘢而三樓裝修有別於一樓同二樓,有VIP房,通常食貴價嘢,個肘子雞燉翅勁得,不過就貴咗o的,要$1800一煲,過時過節食無妨.佢哋會附送糖水比每人枱,一樓及二樓係喳喳,不過勁難食,好水,無豆味,我寧願去對面甜品鋪- 晶晶食好過,三樓糖水係熱杏汁燉蛋白,即刻係你面前做,好香杏汁味,好滑!!豆腐班腩煲也很好味,但佢哋o既招牌"阿林特色炒飯"就唔係好得,又貴又唔好食,成$100一碟,又炒得耐,對上一次晚飯足足成咗成二個鐘,就係因為要等個"阿林特色炒飯".

清風街天橋底富東是另一間水準滑落了的酒家. 雖仍然標榜由阿一徒弟主理, 但近兩三年我都無見林先生在店內出現了.班腩煲經常都好得, 但近年用魚無咁新鮮, 水準差了. 鮑汁鵝掌曾係必食之選, 早幾年差唔多檯檯都食, 鵝掌好腍起膠, 汁又好味, 送飯一流. 今時今日, 鵝掌仍然好腍但係汁就走晒樣. 今日食仲好似有陣油"益"味, 不復當年囉. 反為平價小菜鹹蛋涼瓜肉碎仍然不錯, 涼瓜爽口味道調和, 可見廚房都應係有水準o既. 飯後送甜品渣喳, 料足唔太甜, 不過不失.此店尚有一牛尾煲, 食友們可以一試. 去年有個花膠會蛇羹、羊腩煲, 都相當好. 不過今年未試過, 留待各位食兄食姊發掘了.

魚腸- 有焗有煎, ok, 好過泉章居, 也好過對面間"留家"柚皮都ok.水準平均.... 雞除外! 未食過咁難食, 俾過2次機會, 永不再叫. 望佢好好攺善.