富士山55 (拉麵沾麵專門店)

Open Now

Now Closed

第一次係香港食沾麵就係係富士山55，不過係銅鑼灣店，都三年幾前啦，原來銅鑼灣店已經執左，依家得尖沙咀有得食。個陣食完覺得好滿足好好食，仲有得整雜炊食，前幾日係尖沙咀剪完頭髮後搵下附近有咩食，見到有富士山55，就過黎食拉麵啦，不過我地食完有啲失望😢我叫左柚子沾麵 ($88)。唔係等左好耐就有得食都幾好，先上左拉麵湯同叉燒，再等多陣先有拉麵🤣枱面好細，但要放三碟野係到🤣拉麵上面舖滿蘿蔔片，沾上柚子豚肉湯食，我覺得個湯都重柚子味，但係唔夠濃。叉燒有兩塊，食落覺得硬左啲，拉麵我揀左正常硬度，但係食落我覺得偏硬咗少少，整體嚟講我覺得麻麻地。老公叫左濃香櫻花蝦沾麵 ($98)櫻花蝦湯好香，面頭都灑上好多櫻花蝦，睇落好似好正咁。老公話個湯都OK濃(不過一生懸麵嗰個好食啲🤣) 叉燒同埋拉麵都一般，不過不失，但係佢話啲筍唔好食，有一陣味，日本拉麵店既筍係唔會有呢浸味喎，所以佢一直喺香港食拉麵都走筍(除咗去食一生，個間冇呢個問題)。店舖方面入面唔算大，有可以坐bar枱或普通枱，裝修方面其實都好似日本拉麵店，就當自己去咗一次偽旅行，不過冇下次了😢.

iFOOD_ProMax今次黎到尖沙咀的富士山55(拉麵沾麵專門店)Fujiyama 55 (ramen.tsukemen)😍由於前一晚係附近Staycation實在飲得太多酒，周身唔舒服，決定食番個暖笠笠的沾麵補一補！平平地叫左個特濃豚骨沾麵$88真係諗住轉下胃醫下肚就算，點知食落非常有驚喜！仲以為特濃豚骨湯會令到個麵底好鹹，會蓋過或者搶走其他食材味道。點知完全冇！豚骨味同其他食材鮮味早已融為一體，相處得非常和諧。可能因為冬天關係，麵底放一陣就好快開始變硬，好彩豚骨濃湯係用石鍋keep住座熱，將麵條放入濃湯中5秒左右，再放入口，味道和溫度都啱啱好👍🏻最後當然要加入熱湯，將剩餘的豚骨濃湯飲得乾乾淨淨🤣📍尖沙沙咀麼地道75號南洋中心地下7-8號

聽說有間幾受歡迎的舖頭提供有火熱著的沾麵，今天特意來到試個究竟。平日的下午落車後看著地圖找來，雖然不算很近巴士站、地鐵站，位於尖東的餐廳也不算很難找到。平日剛好下午茶時間2:30pm到達，店舖細細的有三張檯之外就是幾個吧檯，我選了對著開放式廚房的吧檯位置。餐牌上的選擇就是那麼多，拉麵和沾麵各有幾款，另外也有些小食可供選擇。一般的拉麵店未必會有下午茶優惠，驚訝這裡竟然有提供，可以$10加配一款小食，以原價來比較的確幾抵！今次我加配了煎餃子(4隻)($10)，落單一會店員就送上。這款日式餃子比起一般在拉麵舖食的較濕潤，作法是剛剛煎熟鍋了收乾水份就上碟，沒有如一般那樣把餃子的表面煎上色、煎得更乾身。由於餃子煎得比較濕潤，餃子皮的質感仍然帶黏性，幸好皮很薄很容易咬開，煎完亦保持完整沒有穿破。裡面的肉餡都幾多，味道亦較淡，食得出有摻入椰菜但份量不多。細碟裡面的是餃子醋，味道淡不怎麼酸，喜歡沾醋的我把整隻餃子浸到醋內的味道仍是偏淡。味道來說我覺得一般般，特別是我比較好表面煎得乾脆一點的餃子，不過相比起原價$7一隻，下午茶優惠只是$2.5一隻都可以點來做小食過過癮。聽到廚師忙碌地製作我的食物，過多一

今次係隔咗幾年再嚟 見晚市開返 諗住近近哋食多次 點知質素全面一落千丈……唔算好多客 一入去就有得坐低 落咗單等到另外兩枱新客有嘢食我哋都未有 點知原來漏咗單 下？！落完單佢仲已經俾咗張單我check有冇錯 客又唔算多都可以漏單 sorry都無句就行埋咗一二邊 跟住嘢食終於嚟 又講到一舊舊 撈亂哂啲嘢食 柚子沾麵啲湯又鹹又超稀 完全無掛麵嘅效果 雖然柚子味清新 但係真係鹹到要係咪飲水 櫻花蝦沾麵就好少少 另外仲叫咗炸雞 30幾蚊5舊雞不過不失啦總而言之 咁嘅服務態度 服務質素 食物質素 肯定肯定肯定唔會再嚟 完。

已經有幾年冇嚟，印象中幾年前嘅質素唔錯，今日想食沾麵就嚟咗呢度喇🙆🏻‍♀️ 鋪仔細細，唔係好多位，我哋就坐咗喺bar枱位置😆諗都冇諗我已經叫咗呢個特濃豚骨沾麵 ($88)😌呢個湯會有個火仔熱住佢，所以長期可以keep住熱辣辣～湯底非常濃郁，濃得嚟唔會太油，作為沾麵湯嚟講佢都係鹹淡啱啱好，可以食到好香好香嘅豚骨味☺️麵質都幾煙韌，仲有蔥、荀同溏心蛋添～隻蛋好好味☺️叉燒有兩塊，都有適量肥肉，唔會乾柴～不過始終食完都會覺得有少少鹹🤣印象中之前食日式芝士雜炊 ($32)好似係可以自己加飯，慢慢煮🤣不過依家轉咗形式，差唔多食完沾麵，師傅就會比個飯我～上到枱仲係超級熱，好多芝士鋪面😋啲飯粒索哂豚骨湯，好味🙆🏻‍♀️份量都唔少，不過都係嗰句啦，食得多就覺得鹹，感覺個湯可以稀少少先煮個飯🤣冇食佢幾年，我覺得佢都算冇咩退步，依然係我鍾意食嘅沾麵店😍製作幾認真😌👍🏻

今日同老公諗住試下呢間拉麵啦，下午茶時段，入到去，完全冇服務可言，啲職員黑口黑面又hea，我地去食既時候已經冇其他客人，得我地兩個，坐低然後落單啦，比完落單張紙之後都完全冇講野，就咁攞走去，好啦，佢最出名就係有個鍋下面有個火熱住啦，點知一啲都唔熱不得止，仲要凍凍地，我地叫左個辛辣沾麵、日式芝士雜坎同章魚小丸子，而個日式芝士雜坎都係微暖，最後個小食章魚小丸子一食落去就成口都係粉，搞咩呀🤬真心失望！！！

特濃豚骨沾麵$88.先講一講嗰沾麵汁，係香嘅，另外有個火興住，讚👍🏽 食完麵之後加木魚湯，好飲🥰不過略為有少許多油😅.叉燒係薄薄嘅兩片，我個人幾鐘意，食落唔會太漏.另外蛋係溏心嘅，荀係正堂，兩樣都係一般發揮.麵對自己黎講可以多啲，我朋友比左一半我，比完岩岩好😃😃另外建議麵家可以加個檬角，成個沾麵會再加一個層次.Cp 值及夠飽: 價錢正常，份量對自己嚟講唔係太夠.翻啅:行過附近想食沾麵會過黎食

嗰日想食沾麵，見到呢間評價幾兩極就入咗去試下究竟好唔好食😙-🐽特濃豚骨沾麵 ($88)湯底好濃，啲麵會掛湯，同埋入面本身都有幾塊豬肉，食落味道幾有層次不過偏鹹🤔啲麵都算彈牙，而叉燒嘅肥瘦比例幾好不過偏薄，至於啲筍味道偏淡，份量都俾得夠😗-🌶辛辣沾麵 ($93)一樣湯底都係好濃，不過食落幾開胃，啲辣味係有層次嘅辣而唔係死辣，不過如果跟塊紫菜就更加好喇😙其他嘢例如麵同叉燒大致都同特濃豚骨沾麵一樣👀-🍜柚子沾麵 ($88)湯底都算過味不過唔夠濃，同柚子味夾埋唔會好奇怪，不過個人都係覺得特濃或者辛辣好食啲🤣隻蛋可以生少少，有少少過熟同埋唔太夠味，碗麵有跟紫菜，都夠脆，上到嚟唔會淋晒~-🐔名古屋醬油黑椒雞翼 ($32 3隻)張相得兩隻，因為小編太肚餓忍唔住夾咗先影…講返正題，啲雞翼夠脆，不過要點汁先夠味，個汁係醬油味，略嫌唔夠黑椒味，不過啲雞翼都幾大隻同埋夠肉汁🙉-啲沾麵一樣都係用石鍋裝住啲湯保持温度，見menu上面仲有好多唔同嘅款式可以揀，我地午餐時間去等咗五分鐘就入到👀不過環境唔算好闊落，啲枱櫈之間如果有多啲空位出入會方便好多，同埋服務方面都係不過不失，整體而言還好🤔

之前個仔同老婆食過，一直話好食嗰海膽麵，有期待。點知我叫了白湯豚骨拉麵，點知連啲麵都未錄開，個湯直情係怪。試吓我個仔碗海膽麵，啲海膽少已經不再話下，又唔好食，衰過爭鮮。仲要$198！章魚小丸子超級無敵差，巢皮！燒餃子一定唔係燒，質素奇差！

今日上晝喺尖沙咀教完班💆🏻‍♀️📖諗起🤔好耐冇食沾麵了😆所以就去咗富士山 55🗻食沾麵同拉麵🍜🍜係時候回味下濃香嘅沾麵😋😋😋這家店在尖沙咀堪稱係拉麵沾麵界最最最特色拉麵沾麵專門店及專家了👍🏻👍🏻你哋下次經開這店必須一試😋😋😋店內顏色溫馨🧡裝潢與佈局極度東洋日式feel的🇯🇵🇯🇵跟日本總店無異👍🏻👍🏻👍🏻 👍🏻👍🏻1⃣️邊有兩張長枱每枱可以座六人👍🏻👍🏻另外一邊有唔少Bar櫈位任君選擇👍🏻👍🏻採取開放式的廚房衛生整齊一目了然👍🏻👏🏻食用安心👍🏻👍🏻👍🏻$88 特濃豚骨沾麵🍜🍜沾麵形狀比拉麵粗少少🤏而店家很聰明的把沾麵凍上可保留爽口彈牙嘅感覺😋👍🏻 同時配上石頭鍋小火爐上的熱辣辣沾麵濃湯🍲咁樣當你食時夾起沾麵沾上沾麵濃湯品嚐嘅有熱辣辣暖意之餘又有爽口彈牙之感受🤩濃味十足很是窩心❤️👍🏻三個字👉🏻正好味👈🏻😋😋$93 濃香櫻花蝦沾麵🍜🍜同樣配上石頭鍋小火爐上的濃郁湯底👍🏻👍🏻可以keep著湯底既溫度食沾麵時便可以熱辣辣的入口了😋😋夠細心👍🏻👍🏻👍🏻🍤🍤櫻花蝦佈🉐️滿滿滿的🤩🤩賣相十分吸引🤩🤩食時先用青檸唧在麵上然後點濃郁的櫻花蝦湯一同進食，青檸很清新麵的口感爽口彈牙😋櫻花蝦湯濃口感複雜又豐富👏🏻👏🏻超

今日早上到尖東開會，到了午飯醫肚的時候，於是和同事們走到附近的南洋中心，旁邊一間叫「富士山55沾麵拉麵專門店」，裝修跟日本的分店差不多，地方不是很大，有二十個位，感覺好像去了日本食麵似的。店內貼上各款沾麵和拉麵的海報，花多眼亂，樣樣都想食，於是我們點了這裏的招牌麵-「特濃豚骨沾麵」、「櫻花蝦沾麵」、「海膽拉麵」、「辛辣拉麵」、「唐揚炸雞」、「雞軟骨棒」、「煎餃子」、「日式芝士雜炊」。「特濃豚骨沾麵」的湯，是用豚骨和其他配料熬製48小時以上，令豚骨湯特別濃郁，味道層次豐富，用上較粗身拉麵麵條，彈牙有嚼口，沾上特濃豚骨湯，口感複雜豐富。「櫻花蝦沾麵」的湯，是將特濃豚骨湯加入大量蝦頭蝦殼一齊熬煮，上餐時再加入大量的櫻花蝦，入口香濃嘅蝦鮮味和啖啖香脆嘅櫻花蝦，選用較幼身拉麵麵條，榨幾滴青檸汁在麵條上，令麵質清新，沾上蝦湯進食，口感提升到另一個層次。「海膽拉麵」又是另一鎭店之寶，湯底選用豚骨湯加入大量海膽熬煮48小時，湯底非常濃身，再加上兩大條肥美加拿大海膽，各種麵條都配上半隻醬油溫泉蛋和兩片手掌大的日本叉燒，你話好唔好食？「辛辣拉麵」是特別專為無辣不歡的人而設，這個湯底絕對夠辣和夠辛，而且帶些

🍜特濃雙色海膽沾麵 $298見佢雙色好似幾過癮唸住有驚喜，果然現實係殘酷！鮮甜係無既…左邊鮮橙啲係好食過右邊果款🥲但麻麻地🥲個湯底先係問題其實，咸到有腎病😅不過應該岩啲食開重口味人士食😰🧀日式芝士雜坎 $32其實佢係要加沾麵湯再混合再食，但我加左好少，因為怕佢變到好咸，所以相片係無加湯既，我再加埋海膽落去食味道唔錯幾正😋🐥名古屋雞翼 $32等我仲甘期待…伏到爆，超乾….佢係炸到好脆，但啲雞又鞋又乾….🙈🐥雞軟骨棒$35呢個還好，咬落有少少軟骨，唔錯！海膽沾麵都係元祖好食好多🙈食過元祖先知元祖咩料🙈😭

喺尖沙咀鬧市嘅一角，有一間細小嘅拉麵店，有多款不同類型嘅沾麵。今日就揀選左特龍豬骨湯底沾麵（$88）以及特濃櫻花蝦湯底拉麵（$93）。兩款湯底嘅味道都十分濃郁，唔會過鹹，有驚喜。但份量略嫌較少，整體不錯。

Tried this place with my friend, it was not worth the price. The place is CRAMMED and the sits are uncomfortable. It felt like i have to squeeze every time someone walked by. For the food, not only does it taste average, and the amount is too little. The pork is very thin and the soup is too salty in my opinion.  It was very disappointing for a meal at $100-110. 

🇭🇰富士山55·呢間我中學嘅時候喺銅鑼灣食過㗎 嗰陣幾好食架 不過今次再嚟就覺得一般般 唔知係咪我嗌錯野食🤭🤭不過見佢呢個咖喱沾麵幾特別 所以都post比大家睇吓😈·日式豬扒咖喱沾麵$89我本身係好咗想食柚子沾麵嘅 但係見佢呢個期間限定好似好得意咁就嗌咗 不過我覺得佢唔係好夾🙈佢個咖喱係真係就咁咖喱湯 我本身以為會有啲豬骨味咁 所以唔係好沾麵 不過我幾鍾意佢個湯下面有個蠟燭一路熱住 所以食到最後都仲係熱嘅😎😎之後佢塊豬扒大塊就大塊啦 不過塊豬扒本體係好薄既 所以有啲柴 反而麵條幾好味 幾彈牙同幾掛麵🍜·#rbyeat#rby日本菜#rby尖沙咀·📍尖沙咀麼地道75號南洋中心地下7-8號