呼吸咖啡茶館 (Closed)

我從來未試過比差評一間餐廳，因為我覺得揾食艱難！但呢間餐廳d野食真是又貴又難食，而且餐牌誤導！没有服務可言！個餐包杯$42蚊野飲，杯鮮桃鮮果奶酪 （原價52），以為補差價10蚊啦！點知係原價減20蚊。即是補多$22蚊！其實咁樣散嗌仲抵！至於嘢食真是好麻麻，叫左個炸魚薯條，難食到我個朋友話個魚係咪番炸再炸，連個薯條都⋯⋯⋯而個餐牌真是花到冇朋友，唔知以為睇緊報紙！總之呢間餐廳要永久blacklist！！！

星期日都冇得抖，做野做到過曬飯鐘冇胃口，於是，來個coffee break啦。久聞呢間店的大名，但作為一名大叔，要去呢種年輕人的駐腳點，談何容易，鼓起勇氣之先，就係要先找到大廈入口，都幾難搵。安坐在店中央的小檯，果然周圍都係後生仔女，看著店子的裝修，有格調，但比想像中殘舊。只是叫了飲品和小吃：西班牙咖啡，咖啡味出，有誠意唔係行貨，上面的雪糕食唔出咩牌子，但味道佳，略嫌冰太多成杯飲品份量有限；反而薯條份量多，炸得夠熱夠脆，非常ok，當然一班人分享就更佳啦。希望下次能結伴再來試真一下主食和飲品，在輕鬆音樂下分享咖啡的味道。

呼吸 ，讀書時期經常去嘅一間咖啡室三層都各有特色 ;我自己最鍾意去4樓.朋友第一次嚟呼吸,我哋點咗2個set dinners前菜:水果乳酪沙律main courses :芒果大蝦天使麵 咖哩牛柳粒飯飲品: 玫瑰咖啡,咖啡沙冰天使麵好啱夏天食 麻醬味再加上大蝦芒果 味道清新好好食 咖哩牛柳粒飯都恰到好處唔會太濃或者太淡牛柳粒軟熟 冇咩根份量 非常足夠!$98 一個set,就算特別餐只係加十蚊或者特色嘢飲加錢都算抵!唯一一樣嘢 美中不足 就係有時太多人，人手不足。以前仲會有 live band真係好正!而家仲有冇咩好randomly而我鍾意4樓係因為四樓有時靜少少，燈光暗啲但係傾計會舒服!因為朋友仔好快就飽啦如果唔係真係好想試下各種 cheesecakes同甜品呀😍😍😍

九點半去到..未坐低已經講左要唔食煙果層,職員叫我地落三樓叫左杯奇異果青瓜....結果...出事之作最後杯野都未飲完,已經聞到煙味諗住忍一支半支無所謂,點知煙駁煙,食果“班”仲要係職員....到佢再食第三支煙時杯野始終無飲完都拿拿林走食物同飲品本來無大問題,之前幫襯過幾次覺得都幾好,包括職員.亦甘心再返去幫襯但依加已經好景不再,淨係煲煙趕人走呢個態度都唔想再去點解會知係班職員,因為其他唔煲既職員坐正隔離梳化位到講,吹到脹左啦呢下

此餐廳係徵友app例如happn, 用一啲少女照招引男士，女士唔知有無，兩句唔夠話交換whatsapp, 開始傾後不斷講自己係呢間餐廳食緊飯，放埋相，又話點好點好。如果真係好食我會去，但用咁嘅手法宣傳幾好食幾平都唔會去。

第一次去到呢d地方，首先第一個感覺，地點唔算起眼，電梯得一部唔太方便，不過入到去餐廳既環境都總算唔錯，佢地既綠色沙冰，唔算太甜，另外煙鴨胸冷麵，味道唔錯，，有機會再幫襯

週日係旺角閒逛，行到熱又餓，朋友推介去呼吸。我心諗：點樣去呼吸解到餓呀？哦，原來去附近既Fullcup Cafe可能是下午茶時間，客人不多。環境舒服優雅，音樂不太吵耳，絕對適合三五好友閒聊hea下休息一下。餐牌像一份報紙，選擇都挺多。特別是飲品下午茶時段買一杯飲品，其餘食品有半價優惠，所以叫了杯士多啤梨錫蘭紅茶。士多啤梨味重，蓋過了錫蘭紅茶的味道！記得叫少冰，不然坐耐左再飲會變得很淡。朋友叫了香蕉朱古力咖啡。香蕉味同朱古力味較濃，都係蓋過左咖啡味道，不過賣相都唔錯，坐耐左一段時間，都仲有香蕉同朱古力味，唔會話太淡。食物方面叫左意粉套餐既雜菌黑松露意粉。賣相不俗，份量對男仔黎講係唔夠。黑松露味唔夠，味道適中，不太咸及「漏」大蝦芒果芝麻醬蔬菜沙律，芒果同大蝦都夠鮮味，再加上芝麻醬，可以講係絕配。不過份量對男仔黎講較少。價錢$83黎講，值唔值就真係見仁見智啦小食就叫左個波浪薯條，份量都挺多，適合一班人吹水黎食。不過薯條唔夠脆，感覺好似食緊薯仔咁，但佢加左淮鹽，尚算可口！服務員都算有禮同服務周到。順帶一提，如果叫套餐的話，留意所選飲品要係$42 以下，否則補差價是該所選飲品再減以$20 ，而不

次次經過呢間cafe都冇入泥，今次終於有機會試下啦呼吸cafe有好多層，而我地今次去左4樓成間cafe都好暗平日泥講今晚都算好多人，室外坐滿哂我地坐左喺室內既窗口位坐底先知原來最低消費要每人叫一杯野飲d小食一d都唔平，同個意粉差唔多我叫左杯特濃朱古力沙冰杯沙冰比我想像中好飲，即使d冰溶左，朱古力既味道依然好濃我地叫左個溫泉蛋卡邦尼意大利粉，價錢同其他cafe差唔多之後我地叫左兩個小食其中一個係必食既雞翼味道正常，ok入味另外一個係薯條，份量比想像中大熱辣辣脆卜卜，仲有無限茄汁供應服務同環境都一般下次再來的話，叫多d人一齊share食可能抵d

我同朋友最喜歡來到旺角這裏尋找一些樓上Cafe因為可以靜靜地談心亦可以沒有時限今天叫了煙三文魚天使麵炸魚薯條及心太軟因為是日是本小姐生日所以有心太軟作一個迷你的生日蛋糕與我慶祝這裏的氣氛不錯光線較暗而且有一些柔和的音樂但可惜員工的態度一般因為那天發生了一些小插曲就是我們不懂得由地鐵站走過來我們打去那間餐廳問下如何走過來的時候員工態度10分惡劣好像是很忙而且又不想回應我們希望公司嘅員工可以重視番每個電話

午後的Cafe人客不多 室內環境有點暗但很寧靜 坐著發呆也是人生一大享受呢^_^他們的菜單很特別 第一眼看以為是報紙 看清楚發現原來是menu 打開每一頁充滿食物和飲料的介紹 感覺很有創意和特色泡泡蜂蜜綠茶這是模仿啤酒的飲料 很新奇😍茶味很濃很足夠 甜度適中 第一口飲感覺很特別 好像飲泡沫紅茶般 他們不會提供飲管 所以一大口飲下去感覺特別豪邁🤣十個讚黑松露野菌意大利粉松露汁誠意滿滿的蓋在意粉上 每一口都能嚐到汁的味美 加上菇的口感 和熱度 普通的意粉也能變得很好味😋咖喱吉列豬扒飯豬扒炸得外脆內軟 配上濃濃的咖哩汁 看似簡單 味道卻十分出眾 推介喔這裡很適合聊天聚會的好地方 仿似世外桃園的感覺 久坐不想離開🌸

一個星期六來到旺角嘆tea, 環境舒服, 香蕉窩夫份量大下午茶有半價抵食可當午餐, 而玫瑰花蜂蜜茶泡了多次仍有很香的玫瑰花香味真是不錯, 一個下什茶食物半價都要96蚊是有點貴, 但如果想靜靜坐2-3小時過一個悠閒的下午都是不錯的選擇.

從來未曾試過一間服務態度這麼差的cafe  ,食物昴貴不止，waiter  態度惡劣，到底這裡的買是什麼？今時今日競爭大的香港還有這種餐廳存在？整個晚上沒有主動收拾剩余東西和沒有主動提供餐前用具，只要你一出聲你就感覺他們仿佛有一團火在燃燒！永不做回頭客，一間餐廳如果沒有好的食物，而waiter 態度熱情友善的話，顧客是絕對可以開心地完成用餐，但食物一般而又態度惡劣的話，就應該在這一行消失，所謂服務性行業就應該以好的態度服務客人。

呢間cafe 屹立旺角已經好多年，佔地恆威商業中心5層，每層樓都有唔同特色同功能，一踏入門口，都彷彿置身與旺角截然不同既世界，令顧客享受唔同層次既音樂享受。每層都擺放70年代Longlife design傢俬同擺設，間中仲會有Live band show，閒時同band友聚下，聽住歌食下野，都係一種生活享受。店主對音樂有追求，對食物一樣有要求，水準甚高。

好像是五年前來過，印象沒有特別好。它算是早期的上樓cafe，或許不再新潮，現在反而多了份平實穩重感。我們坐室外露台的位置，可以抽煙，馬賽克的桌面，觸感和藝術感十足。100%五月天playlist，無論主打side track新歌舊歌什麼都有(跟我電話的音樂playlist大同小異)，旁邊桌的男生有時跟著哼唱。五月天，在流行還是搖滾上，有點受爭論的名字。我看過林一峰在報張上的一篇文章，當自己喜歡的音樂由小眾變成大眾流行的時候，他就不再喜歡甚至生厭，那不是真正的喜歡，因他只是享受那份「只有我懂得欣賞」的優越感，而不是真正喜歡那個音樂本身。或許放在「呼吸」身上，也是一樣道理。朋友點了西班牙冰咖啡，我點了「港女」至愛green tea latte，四五十塊左右。這裡的凍咖啡給我最深的印象是用咖啡做的冰塊。我想這裡的咖啡濃度還挺高的，還記得第一次喝完整晚心跳加急睡不著，這次比較好一點。ice green tea latte，喝不到綠茶味，cream質地很濃很厚，但沒甚奶香，整體微甜。

人大左…好多時朋友都有自己家庭，見面既時間少左！難得出黎食餐飯，食完之後有唔好意思”牙”人地張檯做生意！都會搵下場可以坐耐D繼續傾多陣！好多時都黎”呼吸”！貪佢係旺角，飲完大家都方便搭車返屋企！佢地宜家應該有成3,4層！4樓就最啱要”呼吸”既朋友！因為有個戶外位！尤其係涼爽D既季節坐出面其實既舒服！通常黎呢度我都叫藍莓乳酪！唔係太甜，飲下藍莓補下眼！！有時晚飯食得唔太飽，有時都會係度叫D野食！其實佢地D野食都可以！仲可以加D叫番menu上D飲品！不過D waffle 就麻麻地！如果冇記錯以前3樓耐唔耐都有Live music 不過宜家就唔知仲有冇！最後…總括黎講呢度係一撻唔錯既吹水打發時間既好地方！**不過近排4樓既服務好似差左！