滿屋廚房

Open Now

Now Closed

餐廳有兩張梳化位放咗reserved牌，問職員話因為要留返位俾員工食飯，我話想坐梳化位都話唔得，其實全間餐廳其他位一個人都無，感覺餐廳都好唔善待客人，寧願轉場唔食

其實呢到我自己覺得親子餐廳黎講性價比ok，係隔離玩完重有得減20，肉丸阿女話好食，我自己食焗豬扒飯無影相，total 13x，大家都有嘢飲，已經平過好多親子餐廳不過其實我一路唔明點解兒童餐成日會出現意粉，用長通粉會貴好多咩始終3-5歲細路仔手肌未發展好曬，用叉食意粉好容易會整到周圍係，好彩果日有帶圍裙我唯一覺得呢到兒童餐麻麻嘅地方係就兜啫哩，一食就知係羅拔臣果種，入面有d 色素有機會令小朋友好hyper，重要咁鬼大兜

因為餐廳同隔離playhouse同一集團，所以買過幾次野，但服務就愈黎愈差。買外賣初頭都有比膠袋，後尾唔比話要收錢，仲要語氣好差。明明有排隊，但可以比人插隊完全唔理照落單。聖誕節買套票，包玩同一份兒童餐。已經特登提早離場去食，當時好少客，帶埋小朋友坐底左，有個呀姐就喝我話人地要坐，但明明有兩張台，根本唔影響。之後指住後面隨便坐，但又話邊張邊張唔坐得。食左一陣，有其他姐姐清潔，佢就沖上去鬧人，嚇到大家都望下咩事。食物方面，我都未食過雞蛋仔可以完全係分開兩面，底還底面還面，明明已經即整。啫喱酸到連小朋友都唔食。推廣自己係親子餐廳，期望自然比較高，但食到一肚氣，寧願唔去依間playhouse 玩。

Went for a tea time with my son.the eggpuff was okay tho the street ones tasted better.Had a milky foamy hot chocolate, got a cappuccino instead of a latte! too much foam! I scooped it out and I could fill up a water glass 🤣🤣didn't drink it after a sip or 2.molten cake is taking ages to come, while I'm typing this I am still waiting for it. I might cancel my order, let see how long will it take for them to ring the bell for me to pick up my cake 🤣🤣sorry not coming back again

👉🏻👉🏻香烤春雞伴薯菜（$86)Set配雜菜湯、你懂的珍珠奶茶春雞份量偏大，配埋燒汁先有味（如果淨食雞就。。真GG 冇味架❗️仲有啲乾😠）👉🏻👉🏻芝士磨菇牛肉漢堡伴薯條（$68)配海鹽芝士四季春味道正常，不過不失 睇圖你都見到啲薯條唔夠脆☠️薯條控既我真係覺得唔掂👋至於個burger就還好，芝士味唔夠出，牛肉味又唔夠濃🤯，樣樣都差啲咁囉自私評分：🟡⚪️⚪️⚪️⚪️自私評論：🚁🚁🚁建議大家食其他，完🤔

《滿屋廚房 Full House Kitchen》 我好少去親子餐廳👨‍👩‍👧，所以一直留意唔到原來樂富都有，佢係連埋一個Playhouse，我見大部份食完就去玩埋，都唔錯🤗不過疫情關係，佢地出餐暫時改用即棄餐具🍴🍽，有好有唔好啦🙈＜黑松露魷魚鬚忌廉汁意粉＞🍝 估唔到佢個黑松露忌廉汁咁好食，超濃黑松露香味，忌廉少少厚身，媲美好多Cafe，佢個魷魚鬚都不錯，如果可以變成軟殼蟹🦀就完美了💕 ＜芝士磨菇牛肉漢堡＞🍔 又係味道比賣相更好💕牛肉煎得剛好，配上千島汁，比較港色口味🍔唯獨個包係最扣分，應該係用嘉頓，如果可以改用其實包會比較好🤗＜朱古力雞蛋仔＞🥚🧇🍫 好好食喎，佢粒粒都係入面軟綿綿，不太甜真係好適合小朋友，這個好推薦🎉 ＜芝士奶蓋四季春＞我自己選擇左走甜，喜歡四季春的味道，奶蓋佢唔算好出色，不過不失，但套餐也不用加錢，絕對無要求無投訴😂 整體而言，回食率高舖入清楚衞生都好令人滿意🥰

由於兒子呢排沉迷太鼓 喺youtube成日睇人地玩 所以知道有太鼓主題既餐廳就帶佢去食下 一去到嘈口已經有部太鼓機可以玩 我個仔緊係急不及待走去玩啦 好啦 講返野食 我地叫左個4人餐 都好多野食 但由於我太餓 只係記得影幾樣😂😂😂香煎雞扒飯(蒜蓉汁)蜜糖雞翼(唔係好記得個名)梳打(都唔記得叫咩名😂😂)整體黎講 味道還好 有得比小朋友玩下 我覺得都ok!

為慶祝「太鼓之達人」誕生20週年，Fullhouse滿屋廚房與香港萬代南夢宮聯手打造《太鼓之達人》期間限定主題餐廳🤩門口位置放左兩部機比大家免費試玩，重溫一下經典遊戲🤗餐廳內部仲有一幅大海報比太鼓迷影相打卡添吖📸太鼓之達人咚咔二人餐 ($288)包括餐湯、兩款主食同飲品😁餐湯可以選意式雜菜湯或者加錢轉忌廉湯配麵包粒~😆主食有飯、麵同扒類選擇，今次就揀左香草肉丸肉醬意粉同茄汁帶子蛋包飯🍳，蛋包飯上面有以紫菜碎砌成既太鼓之達人公仔，好得意岩哂打卡吖😚~想食扒類的話都有橙香醬燒豬仔骨/紐西蘭西冷扒飯可供選擇~飲品有兩款，包括小咚打打(台灣蘋果果醋梳打)或小咔冰冰(荔枝乳酸沙冰)，岩哂夏天清爽一下🍹唔夠既話仲可以叫埋甜品芭菲或者玩味十足既敲FUN小咔蛋糕（Oreo慕絲蛋糕），係享用美味甜品之前，可以用隨蛋糕附送既小木鎚敲擊表面，體驗太鼓敲擊！夠哂FUN~

兩母子食lunch前路過，見到poster大大隻字「逢星期二 雞蛋仔 $10」。Lunch後仍有胃口，念念不忘$10一底雞蛋仔這件事。於是去買。下單，即製，大約等了五分鐘多一點。原來星期一至日都各有特價推介產品，有的是外賣，有的不是。雞蛋仔原價$19，星期二價$10。（其它各天的特價品請看附圖）雞蛋仔模具和一般不一樣，有滿屋廚房的公仔頭，幾得意。出爐本來是好吃，但店員心急了，一出爐就放進紙袋讓我們拿走。😣其實雞蛋仔是要放涼一會兒才會脆啊😭😭😭😭

唔使番學嘅日子，當然帶仔仔四圍去打卡...我地網上見到樂富有間餐廳「滿屋廚房」，一睇相片見到好多公仔，又見到有岩小朋友食嘅兒童餐，就已經揀咗呢間！.椰子糖馬上約佢朋友小雞奕去食飯！一黎到已經好開心搵公仔影相等左一陣，揀左個靚位（有兩隻大公仔）一齊食午餐，又坐得舒服！一坐下來椰子糖及小雞奕已選擇好自己嘅兒童餐，佢食得津津有味，食物賣相和質素都很好！餐牌多選擇有日式，台式，港式，西式，滋味套餐同埋兒童餐...下次可以同唔同朋友再黎(因為可以順便去隔離的兒童樂園玩😆！

個刈包好似中左輻射咁 。D 餡料飛哂出黎 。 D 汁流埋出黎 。跟住食到好笨手笨腳咁。同埋 D 野食都好一般 。但好就好在單身唔洗怕 。因為有五大隻公仔陪住你 。有兔兔呀、魔法師果 D咁 。同埋成間店個裝修都唔錯既，姐係打卡都 ok 既 。因為店內係有 D 似學校裏既 D 餐廳或者係 coffee shop 果 D feel 咁。 至於飲品係 ok 既。唔會話好死甜咁囉。同埋個芝味草莓係真係食到有草莓打碎左既揸囉。咁整體黎講食物係一般既 ，咁野飲就ok啦。

剛剛經過，應該係新開張/試業，仲有另一Part未開，係主題室內樂園，期待😍😍😍現時有Cafe，Menu有港式/西式/台式/日式選擇，小食為主，飲品都有不同種類，仲有不同口味嘅雞蛋仔，啲雞蛋仔仲可以加Toppings，幾特別喎😋側邊還有個甜品櫃，有蛋糕/cup cake/日本大福選擇，睇見就想食！重點係佢個環境好正，雖在商場内，但都感覺好開揚，有一部分仲用木搭建咗一間屋，屋内有小間隔、層架，層架上放咗不同大小的公仔，可供客人一邊食一邊影相，有啲公仔好大個架，小朋友一見到一定好開心，可惜今日無帶雪嵐嚟，下次一定要帶佢嚟先得！

之前行開樂富知道佢地裝修緊，見好耐都無去，就去樂富行下睇下有咩新餐廳。行行下見到有間好夢幻嘅餐廳，原來係fullhouse kitchen，不過我地已經食飽，但係見到佢地啲雞蛋仔好吸引，於是買左來試下。士多啤梨味雞蛋仔勝：1) 賣相得意2) 外脆內軟3) 唔太甜4) 唔係空心5) 即叫即做敗：1) 無乜士多啤梨味依家買雞蛋仔仲有張咭仔儲印仔，儲夠五個有一份免費雞蛋仔。

成日行經過，好似好得意咁，呢日終於有機會行入去食下。主要係日式西餐，行少女可愛風，又有精品賣。店主打想賣牛角包，於是我都唔再包拗頸，嗌左三文魚炒蛋牛角包加杯latte.牛角包夠鬆化香脆，但感覺真係太鬆脆，而且好細個，食完唔飽。內裏嘅炒蛋好滑，但可惜三文魚好腥 😣 腥，我最怕。Latte又唔好飲，同即溶咖啡無分別。cafe最重要係咖啡呀，咖啡唔好飲又唔香，咁其實都... 唔洗旨意有好多客人想去lu... 嗚嗚。個場幾好坐都補救唔到。