楓林小館 (Closed)

幾個月前嚟過一次食飯，覺得價錢唔貴，碟頭夠大，抵食！不過，因為嗰次一大棚人嚟，唔方便影相，所以，就無出過食評。今次趁同舊同事聚舊，又想起「楓林」，就決定再嚟試試。原本只喺打算普通食飯訂張枱，唯一要求喺無限時交枱而已，都預咗坐晌大廳，但嚟到驚喜咁俾咗個細房我哋。呢度整體裝修幾古雅，尤其啲廂房，牆上掛啲木雕，趁上啲仿古窗，配上木椅，非常古色古香。我哋剛好6個人，嚟之前就決定訂佢哋較平嘅「喜慶歡聚全包宴 」（$1788），一來貪佢全包，一口價唔會有再有咩雜費，二來有半席揀，份量應該啱啱好，三來又唔使諗食乜嘛，喺食飯懶人包。此外，店家仲有其他套餐，選擇算多，豐儉由人，所以，專登掃描埋出嚟俾大家參考。喜灼海生蝦 先嚟一大碟灼生蝦，雖然半席咋，但份量唔少，而且，啲蝦夠晒大隻，唔會蝦毛仔，肉厚又鮮甜，貨真價實嘅靚蝦。黃金百花球 叫得黃金，當然要炸得夠靚，個人就略嫌炸得色深較沉，未夠金黃，不過，就炸得香口，裡面蝦膠打得好彈牙，本身已經炸得唔油膩，但沾上甜酸醬，食起嚟更清爽。金瑤扒雙蔬有相你睇，所落嘅瑤柱絲一梳梳，一啲都無手緊，打成芡汁淋晒上面，而雙蔬喺草菇加小棠菜，沾上金瑤芡，寧舍好味。乾煸南非鮑魚煲

之前係灣仔店飲過茶、點心好👍🏻👍🏻👍🏻👍🏻睇完餐牌，想試吓晚飯。農曆新年舊同事約食飯敍舊，所以book 左荃灣店。睇網上資料、知道炸子雞及豬肺湯係招牌菜，早一晚打電話去訂： 誰知炸子🐔原來要早兩日訂嘅。豬肺湯非常好飲、湯渣好食又滑，應該冇味精🥹一窩5 個人：10+碗湯👍🏻👍🏻👍🏻炸子🐔非常好味、皮脆肉滑：又有童年回憶嘅炸蝦🍤片。南乳粗𪗋煲：入味又唔咸，份量適中。龍躉兩食: 炒球及蒸頭腩，個人喜歡蒸頭腩多D：蒜味足又有骨膠原🤣 甜品（忘記影相）： 香芒布甸，朋友話好好味，芝麻糕超👍🏻👍🏻職員服務態度好好及有禮貌。👍🏻👍🏻👍🏻👍🏻👍🏻

與初創代朋友共聚，談不完的話題，同步行動回味昨日。找到中間地點一起相聚，選了楓林。又開展瘋狂選食時間。蒸物：蝦餃，燒賣，叉燒包，六小福，蝦腸，叉燒腸，綿花雞，馬拉糕，豆苗餃，排骨，鳳爪煎炸物：蘿蔔糕，黃金糕，煎堆仔，椒鹽白飯魚，炒腸粉咩都有：泥孟粥，生菜，乾燒蓮藕條，鎮江水晶肉私心推薦：泥孟粥（最正有果皮味，粥底綿魚肉多），乾燒蓮藕條（開胃小食，蓮藕條拉絲好好玩），椒鹽白飯魚（超惹味，送走佳品）。下次約實再見4月生日月。

荃灣廣場六樓楓林小館乳鴿四人晚餐$1198足料老火湯紅燒脆皮乳鴿每位半隻乳鴿算大隻有肉仲有蝦片伴碟店內有膠手套和濕紙巾提供唔怕污糟招牌生炒骨外皮脆身無骨唔會太厚粉椒鹽海生蝦蝦幾新鮮爽口秘醬嘟嘟唐生菜略嫌油多了些清蒸龍躉條魚幾滑但得好少肉而且比較多骨沙田滑雞粥食到最後飽到食唔落但其實味道唔錯雞粥幾入味仲有糖水紅豆沙或南瓜西米露兩款可選擇加埋茶錢同白飯每碗$15都要$1650埋單今時今日出去食餐飯都唔平

今日老豆生日, 所以一家人就出去食飯慶祝下,唔洗煮呀麻! 之前係呢到飲茶, 覺得都ok, 所以就卜晚飯黎試下! 可能係閒日, 成間餐廳得個幾台人, 氣氛有D冷清, 但係人少少都好, 待應服務周到D。個部長見我地拎坐個蛋糕, 就提醒我地有$100蚊切餅費… 都ok既, 提定先, 廢是有數嗌…由於我地都多人, 唔想諗就叫左個紅燒乳鴿套餐, 因為家姐聽同事聽講呢間野紅燒乳鴿好食, 所以就試下。待應都有細心問4隻乳鴿點切, 開2邊定4邊, 再加上有埋手套畀你, 服務ok wor!乳鴿燒得脆皮肉嫩, 仲有少少肉汁, 果然係招牌! 炸牛奶都有驚喜, 外皮炸得酥脆, 內裡牛奶細滑, 都有少少奶味既, 搵番少少家鄉味道。薑蔥鮑魚煲幾香同埋多薑, 薑蔥味好濃, 鮑魚略嫌少少un, 可能煮耐左少少…仲有避風塘炒蝦好惹味, 肉質正常, 蝦的size都正常, 如果大隻D更好!中式牛仔柳肉質鮮嫩, 調味都ok!其他野都不過不失, 不過食完番到屋企覺得有D口乾, 即係應該食物太咸了…

除夕倒數完, 訓醒教當然要同屋企人飲下茶迎接新年。由於驚1月1日好多人飲茶要等位等好耐, 所以一早係openricebook定位, 估唔到早1日卜都仲有位。黎到環境幾好,當日卜到位就可以直入, 現場都無乜人排隊, 可能D人唔知呢間有得飲茶? Anyway, 唔洗排隊拎飛, 飲茶都食多D野。我地一行5人叫左大約9樣食物, 都係D大路野, 蝦餃、燒賣、菜苗餃等蒸點，估唔到食落都有驚喜。蝦餃、燒賣夠曬大粒同足料，份量十足。蝦肉份量都足同算彈牙，豬肉食落無咩肥肉。菜苗餃的菜苗食得出都新鮮，皮唔算厚，3樣蒸點過關。最有驚喜係香芋流沙包，食落有濃濃的芋頭味，一meet開D流沙餡流曬出，新鮮熱辣!5人埋單5百幾蚊, 價錢合理, 可以encore

通常每兩個月左右就會去楓林小館，每一次都會食佢嘅招牌菜椒鹽白飯魚、椒鹽粟米、荷葉蟹飯、咕嚕肉，每次都係因為呢幾道菜而嚟，間中會食吓一啲魚、乳鴿、例湯、每一次都食得好開心☺️但除夕當日都係點咗平日食開嘅菜，當第一道菜椒鹽白飯魚上菜嘅時候，就憑外觀已經覺得同平時唔一樣，白飯魚嘅脆漿一啲都唔脆，而且冇乜味👎🏻椒鹽粟米本身會有好多辣椒同埋蒜頭擺饗面，我個仔最鍾意就係用呢啲嚟撈飯食，但今次只得六件平平無奇嘅粟米，其他配料全部都冇，味道唔使講，都係失色👎🏻咕嚕肉水準好一般，一啲都唔酥脆，唔難食，但如果知道係咁樣一定唔會再叫👎🏻荷葉蒸蟹飯，以前個飯係好香蟹味同埋荷葉味，今次個飯明顯地比平時用多咗雞蛋去炒，比我嘅感覺係將個炒飯擺落個荷葉度，再擺隻蒸好既蟹落去，個炒飯一啲蟹嘅味都冇，嚴重失色👎🏻一問之下，原來佢哋換晒廚房啲人，好似聽講話廚房人同樓面有拗撬，但係我好想話俾佢哋聽，換晒廚師之後已經食唔到以前嘅味道，相信我都唔會再返嚟食lu😅😅😅

荃灣楓林小館開了一段時間，我都係第一次幫襯！星期日過咗午飯時間，所以只得幾枱客。小館傳統中國裝修，部份侍應都上了年紀，仍親切有禮貌。帶子菜苗餃本身較清淡，上面加咗XO醬提升了味道香芋流沙包食起嚟有陣陣芋頭味，唔係好甜，可惜流沙餡未能流出！潮州粉果餡料切得比較細粒，味道都係偏淡。豬潤粒爽口，份量唔多，腸粉皮薄，值得試吓！清甜雞湯加竹笙、花膠仔。餃子餡料有少許蝦肉、冬菇等，味道適中。其他點心都唔錯，燒賣最好食，上面隻蝦爽口彈牙；反而覺得蝦餃啲蝦冇咁新鮮。陳皮牛肉球有淡淡的陳皮味，肉質淋，應該牛肉比例較多芝麻味濃，卷身軟滑，好少地方有咁精緻嘅甜品

昨晚去楓林小館食晚飯，一點也沒有令我失望。小菜非常出色，乳鴿亦保持高水準。招呼10分妥當完全沒有一啲評論那麼差勁。除咗小菜及乳鴿外，最欣賞的就是中式甜品。我的至愛是芝麻卷係我食過之中最出色的。楓林已是我在荃灣區首選之食館。

今日約左幾條友仔去飲茶，其中1個朋友話呢間幾好味，所以就去左試下，我地order左蜜汁叉燒腸$32(普通冇乜特別)、蟹籽蒸燒賣$36(蝦幾爽口都好新鮮)、上素粉果$29(5知掂5掂因為我唔食粉果🤣、混醬蒸鳳爪$29(我覺得個芡汁比較比杰)、古法馬拉糕$32(5夠鬆軟)、蒜香鮮蝦腸春卷$36(應該係同一批蝦，因為都好新鮮個皮都炸得好脆卜卜😋)、帶子菜苗餃$32(味道比較淡)、香煎蘿蔔糕$22(煎得夠脆好味😋)、香煎糯米雞$32(5係周圍酒樓都食到，煎到脆卜卜好味😋)、座位都算坐得舒適，但係茶位$17@我覺得有d貴😅

今天中午用openrich訂位，吃午餐在楓林小館荃灣店，叫了的食品質量總體好，服務也很好，付款也很暢快完成。今次來吃飯也是第四五次了。小館環境座位也很好舒適。下次也會再來亦會叫朋友也來試試啊。

朋友預先打電話詢問最後截單時間及最後離座時間，職員明明講可以坐到四點，我哋大概差不多三點入座，之後陸續有其他客人離開，得返我哋最後一台客，但係當時只係三點二十分左右，當時已經係好多職員以及老練的經理企喺我哋枱嘅附近，不停用不友善的眼神望住我哋，但係當時我哋還有食物仲未到，而且其中一款點心仲嚟錯咗，侍應一句都冇講過唔好意思，就直接拎返入去，期間一路都坐得好唔舒服，俾人一直係咁望住以及行為上催促我哋快啲離開，而且仲食完一碟就行埋嚟收走就一隻碟，之後三點四十分都未夠我哋就埋左單，坐低食嘢一個鐘都唔夠，食物質素係的確唔錯嘅，不過咁嘅服務真係唔會再回頭，仲話係老字號，真心仲衰過啲舊式普通酒樓嘅服務！重點係你一係喺電話就唔好同人哋講話可以坐到四點啦，而且係未夠三點落單嘅時候服務同眼神已經好差，既然係咁就唔應該接客入啦，價錢已經唔係平，仲要咁嘅服務，完全信錯晒啲好評，非常失望！

今天訂座在中午12:30去了楓林小館吃午餐，食品及茶水及服務，總體評價所點食品質量良好好吃，服務員也達標有禮招待，座位位置也好，但其他座位客人聲浪比較會大聲嘈雜而枱與柏枱太接近，影响心情，希望能改善。

之前食晚飯見質素還可以，再想試吓飲茶。6月10日經open rice訂座成功，但今日突然收到信息訂座被取消，好明顯係有熟客訂座就做熟客先，所以openrice一定要post出嚟畀大家知。

在一年內，今次是第二次中午去吃小菜。第一次吃炆龍躉撥水翅，齒脥留香，想返尋味，可惜當天沒有，說因為近幾天沒開大龍躉🥲唯有試其他菜式：1）欖菜冰梅骨 - 肉質嫰腍，味道佳2）手抓羊扒 - 羊肉燒得乾身，肉醃得好好味，有少許麻辣。可惜上菜時發現夾雜了很多乾紅辣椒，但茶譜上並沒顯示辣的，有點失望，因當天有少許喉嚨痛，唯有立即去除所有辣椒，最初還用清水洗洗才吃，但為好味最後照吃可也🤣3）生折泥猛粥 - 鮮甜美味，整碗中只找到－條幼骨絲4）沙窩紅燒鮑翅 - 很多一梳梳的翅，但總是不喜歡紅燒汁的稠，唯一是回味兒時去喜宴時吃翅的感覺🤣餐前小食醋貓耳朵（雲耳）$15 茶介每位$15由中午12 時至1:30 左右，人客坐了8 成多，相比其他食肆算是人多😄