鳳城酒家 (Moved) New Location

假期的第一日，同班游水的師兄弟妹飲茶，順手又傾下夏天有什麼搞作，地點選了在這裡。一行十人，已預早訂了位，十二時半來到，是直行直入，從容入座。但一時過後，在門口已埋滿等位的人，所以有心來就要訂位，最好早一點就更好。叫了不少的點心，除了一般的蝦餃燒賣鳳爪牛肉春卷鹹水角叉燒包外，亦有一些懷舊點心，如灌湯餃、炸粉粿、冬蓉包等。點心都有水準，尤其大家最關心的灌湯餃，也沒有幾隻是漏湯的，皮不厚餡亦不錯，都食得過。另外芝麻蛋散大大碟，炸得鬆脆，又夠香甜，我一個人已吃了大半碟，值得一吃。亦叫了幾款特價燒味如乳豬、叉燒、燒腩等，款款28蚊，都幾大碟，水準亦不差。斬了半隻炸子雞，水準差了一點，雖然皮夠脆，但肉都夠嫩，可能晚市會好一點。伙記人手充足，除了零星送錯點心的情況，服務也算是不錯的。埋單七百八十幾蚊，不算貴，都食得滿意。

同幾位財經界既叔父輩飲茶，學習吓投資，順便攞料。可能已經成了習慣，每次都會來鳳城。我中午一點左右去到，其中一位前輩已經到達，並開了茶，大概十分鐘後全部人都到齊。幾位前輩問我要食咩，我當然唔敢亂叫，就由仔他們點菜。要幾個點心，如鳳爪、燒賣、春卷、馬拉糕等，另加一碟菜遠牛河和一窩雪菜肉絲炆米。一邊食野一邊傾計，都忽略了食物的質素。但印象中，幾個點心唔錯，尤以馬拉糕為最佳。炒河只吃了些少，感覺幾好，牛肉幾入味又唔會太老。炆米都足料，濕濕地咁幾正。聽聞話粉果和炸子雞係招牌菜，但今次冇試。對呢間酒樓印象唔錯，下次會來試這兩款招牌菜。

十天長假最後一天,遠征中西區探望已有三個幾月大的契仔.順便來個簡單茶聚,一諗,就諗到上環鳳城.近幾年鳳城酒家版圖幾何級數擴大,由昔日北角同太子兩間老店,升至老銅已有兩間,上環一間,蔡瀾一間,連老廟附近一樣有間在左近.認真黎講,北角同太子,才是老店,其他只係分拆出來的.如果要四四正正吃餐晚飯,點都會去太子間老店.水準有所保証.明珠果間,新開張時吃過一次,完全唔掂.講到飲茶,又唔會咁執著,但求就腳.反正中午時段,都係賣點心.同埋,我地得三個人,食唔到幾多.最多叫碟特價炒粉麵.七個點心,一碟炸菜魚崧炆米,都係百二銀,在周六下午時段黎講,真係好平.點心都係一貫水準,粉果就一定必吃.鳳城名菜之一,無論蒸或炸,一樣好吃.飲茶無問題,晚飯嘛?略有保留,或者下次會在上環,來個鳳城飯局後,才能蓋棺定論.不知道有無食友有興趣?

i had lunch with my bf. ordered five dim sum:春風得意腸粉: really quite interesting. but have to eat fast. otherwise, the spring roll inside would not be crispy after absorbing the soy sauce.高湯炸粉果: i haven't tried it before. but for me, it is too oily. one is enough. 雞包仔and 蝦餃: standard. nothing special.雙皮奶: quite sweet........ok.

昨日同家姐去食，叫了上湯粉果；叫完一碟再叫一碟！！

今晚老朋友聚舊... 去左呢度食, 又幾正喎,唔貴又好味..叫左好多送... 多士蝦(唔記得個名)--- 個部長都幾醒目, 我地十二個人, 佢提醒我地每碟只有十只, 要加兩只 我想, 咁都得?? 上菜真係十二只, 真係抵讚.. d蝦好爽, 有蝦味~~ 好... 炸子雞~~ 唔肥,夠碟頭,味道好,皮脆,肉滑..好味..炒桂魚球(唔記得個名)--- 桂魚好鮮嫩, 好滑, 正,炸鮮奶... 冇乜特別, 唔識評.. 外皮脆..蟹肉扒介菜膽--- 好清,好多蟹肉.好似仲有個叫海鮮豆腐更--- 好多料, 唔似更, 似更渣多dd.黑椒牛仔骨, 好稔, 正常味道.. 金銀蛋莧菜--- ok, 正常最後送合桃糊.. 不過不失..個部長真係好醒目, 份量岩岩好.. 最後埋單本想去check 單, 但只係1003,咁平, 單都費事check..

四個女仔大家一方面喊減肥，把口就不停食食食，又或者剛剛打完波太肚餓關係，連前菜酸蘿蔔青瓜都覺得特別好食，一碟唔夠喉，問侍應姐姐可否俾多碟唔收錢，佢好爽快應承，佢咁好人，而其他伙計服務唔錯，係服務方面我俾5份啦!雞絲海蜇-海蜇好大條好厚身，但仍然好爽口，仲有少少辣椒吊味，雞肉好嫩滑，可惜連埋皮，所以比較肥。生炒骨-似咕嚕肉多D，買相似為麻麻，一食落口又熱又脆，肉質又好，甜酸度恰都好處，除了有青椒菠蘿外，還有酸青瓜作配料，是我近期覺得較好水準的生炒骨，而且大家一致讚好，之後還再叫多碟tim。桂魚卷-魚肉包住金華火腿，雖然魚肉唔霉，但缺少魚味，我只可以話幾特別，反而欣賞伴碟的西蘭花。生菜包鵪鶉肉(唔記得個全名)-可能鵪鶉肉太碎關係，我食不出什麼味道。蟹肉扒芥蘭-雖然有唔少蟹肉，但味道略淡些，而芥蘭亦嫩又爽口，不過太粗身，較難入口。奉送飯後甜品係合桃露，食得出係自家磨制的，有合桃渣，但又不失香滑，唔會太甜又不會太糊狀，好有驚喜，超出一般糖水舖水準。大家都食飽晒好滿足後，埋單要$550 唔算平。

上星期日第一次黎聞名已久嘅鳳城, 都係想試下D招牌菜. 我地叫咗個餐有炸子雞,雞燉翅,清場炒菜心,蝦多士,桂魚卷,楊洲炒飯,生菓. 叧外我仲叫咗炸鮮奶同布甸.炸子雞-係全個餐嘅 靈魂,最好味翅就普普通通啦,將貨就價.原價$400 for 4-5人,算係咁啦其他餸菜味道普通窩貼蝦塊多士索哂油, 唔好食炸鮮奶太遲上大家已飽哂, 好鬼"流"總括嚟講大部份都嫲嫲地,唔會再去, 因為咁嘅價錢應有更好選擇.

次次來鳳城都係食招牌菜, 包括炸子雞, 乳豬, 生腸, 窩貼蝦(請大家別再叫它做"蝦多士", 佢係順德名菜之一, 有名有姓), 桂魚卷, 炒鮮奶, 雞湯翅, 西米布甸...合埋眼都識order.今次與父母及老爺奶奶一齊食, 我媽媽是正宗順德人, 因此是一次好機會介紹我們的家鄉菜給大家認識及品嚐.除了以上必叫菜式之外, 今次新加:煎鯪魚餅- 做得好! 彈牙, 有魚味, 唔腥!五香牛展- 脂肪與肉比例一半一半, 岩岩好.野雞卷- 順德名菜, 食唔慣者唔好亂叫, 因為它絕無"雞"肉, 只是以肥豬用加金華火腿卷起炸至肥油鬆化, 比東玻肉更heavy, 一定要以普洱送之.最後以鳳城炒飯壓軸. 冇令人失望! 香, 乾身, 多料, 夠味! 香港區我只幫襯這一間, 九龍區則只去旺角店, 我都知此兩店老闆不同, 不過食開此兩店水準最穩定.

之前黎食晚飯.叫左炸子雞,超好食,用新鮮雞有雞味,炸得皮脆肉滑!個蝦多士都好味.不過炒鶉鵲就唔掂.西米焗布甸好杰好甜.價錢唔算平但食物質數好, 服務一般!

熬過整夜,看見太陽升起的一刻,也是下班的時候,亦是填補空空的肚子的楔機......!上一回沒空參與網友飯局,自己亦有點失望,反正今天是假期(十月一日),客人也不多罷.果然只得六七成客人,一個人獨佔一檯亦不太礙眼,古法灌湯餃是我響往已久的點心,此外再加上腐皮雞札及迷你鳳爪排骨飯,一盅兩件,都是我喜愛的.魚翅灌湯餃(兩個): 唉.......不知所謂,皮太薄,未上檯已經穿左一個,D汁都流走晒,都唔明點都要加魚翅,可能手作須時,如果賣太平好'晒',於是點都要加D好似貴野落去,可以賣貴D,畫虎不成反類犬,本末倒置,D皮厚少少唔怕既,好過D湯流走ar.腐皮雞札:好大路,用料新鮮已經好夠迷你鳳爪排骨飯:反而好好味,d飯好軟入味,排骨新鮮.有段小插曲,小弟結帳走人時,收銀竟然問左我三次有幾位,唔通一個人食三碟野好多咩?

中午時間一班朋友相約飲茶聚會, 對上環不太熟識, 誤打誤撞才找到上環鳳城酒家, 起初心目中還留著旺角鳳城老酒家的影子, 酒家門前才發覺有很大分別, 有點似一家新裝修的連鎖式酒樓, 比旺角鳳城舊式酒家整潔得多.朋友們點了十數個點心, 點心精緻討好, 其中一個比較特別的點心, 春風得意腸粉, 形似炸兩實是腸粉包著春卷, 口感唔錯~ 除了點心還有兩個小菜, 先來的咕嚕肉, 甜酸味道平均但香脆不足, 另一味炸子雞皮脆肉滑水準之作, 而且排列得十分齊整. 最後來了聞名已久的焗西米布甸, 待應姐姐可能有點偏心, 分給我半碗蓮蓉, 過甜了一點, 布甸沒有想像中的香氣而且比想像中稀薄, 個人比較喜歡質感結實一點的焗布甸.已中午茶市來說很有水準, 服務環境價錢亦比意料中好, 但食物似乎有點過於標準化, 與連鎖式酒樓有點類同, 缺少了一點風格.

由焚化爐兄的一個留言開始，十二小時之後，就演變成一個即興茶聚之局。今次的出席者有Ray、Olivian、雪怡、Florence、honey及伯母、Lulula、Lazyqueen、FoodKing、MM1970同我，十一個人一張大檯，很是熱鬧。談起鳳城這個品牌，少不免話題也會帶到「那間先、那間後，那間是真、那間是假」的問題。但在於筆者而言，最緊要好吃，店名背後的故事，當花絮來聽亦無不可，是不用太執著的。叫了幾個小菜，十幾個點心，擺滿了一檯，幾壯觀。點心有懷舊蛋撻、蒸粉果、高湯炸粉果、馬拉糕、牛拍葉、排骨、雞包仔、麻蓉包、燒賣、三款腸粉﹝蒸/煎/包炸春卷﹞、鯪魚球等十幾款點心，加埋幾個小菜如咕嚕肉、炸子雞、燒腩仔、海浙同一早訂定的焗西米布甸。點心方面，幾款懷舊的都交到功課。個人計仍然最喜歡高湯炸粉果，粉果皮炸得鬆脆，淋上上湯，好味道；蒸粉果也不錯，幾有特色；炸子雞皮脆肉嫩，咕嚕肉則以量取勝，比桃花園及港大校友會的遜色不少；焗西米布甸雖然叫了大的，但因要分九碗，所以一人只得大半碗。個人覺得份量恰可，但亦有食友覺得不太夠喉，味道方面還算不錯。埋單七十蚊，不知大家覺得價錢如何，我就覺得幾抵食。

係上年新年(好似係初四),我同小熊11點幾原本係唸住買飛去澳門食餐飽,點之因為新年實在太full啦,只可以買到三個鐘頭後的票,所以為有係上環依肚先,當時行到天橋上想起lee到附近有一間鳳城(其實我都知lee間同北角&旺角果間唔同老闆,lee間係d伙計自己出來開的),我自己都係順德人當然要支持一下自家菜啦,所以選擇了lee間,黎遠都見到個大招牌(真係好鬼大個,好似驚死無人知果隻)一去到門口,門面同裡面真係同我食開旺角果間相差很遠,lee間真係靓仔好多,但見門口都有寫著有炸子雞同蝦多士,敢當然入去試試啦,一入到去大廳原來已經full曬,侍應就安排我地坐房,一入到房有兩張大台,一張中台,同一張好細的二人台係門口給我門,坐下後小熊見佢地有部電視機仔,敢咪開黎睇下囖,點知個女侍應見到即刻走入來熄了果部電視,之後隔了一會,小熊又再開過,點知果女侍應黑口黑面敢又入來熄,如是這都五六次,之後果女侍應直頭蚊開個插座,但佢從未同我地講過唔可以開電視,之後果兩張大台d人都來了(係d公司來吃開年飯),之後我d野食來了,唔知點解我一食就覺得真係同旺角果間唔同味(可能真係一早已知唔同老闆開,所以有lee種錯覺),

一般份量, 要成$158 一碟!!