荃灣豐盛酒家 (Closed)

今日同朋友係荃灣做完野11點幾 無食早餐既我就yo下朋友飲茶當埋午餐只有一個鐘空檔又想去茶樓過下口癮一搵就搵到呢間 貪佢早市至到12點除左正價點心紙仲有特價點心紙如果早多少少 十一點前會仲多抵野食最後同朋友用特價紙叫左幾個點心 粥 同飯 （13.8@ x 4）（22.8set x 1)咸魚肉餅飯 飯又係粒粒分明 唔會蒸到爛晒咸魚都幾大舊 成條魚尾肉飯就薄薄一層 13.8算抵食叉燒包 菜苗蝦餃包有3個 夠軟熟 叉燒肉粒唔多 但味道夠味既蝦餃大大隻皮略厚 似粉果皮多菜 蝦大概3-4粒 彈牙既牛肉球 唔會太粉 有腐皮係底呢個係翠瓜雞腸粉雞肉粒算大舊 腸粉皮唔算厚都夠滑仲有個柴魚花生排骨粥唔記得影個粥夠綿花生夠淋 柴魚唔會硬兩個人食左咁多野都係$103 好抵食不過呢度啲姐姐淨係理熟客 同熟客吹水唔做野同佢講兩位叫佢帶位 佢竟然話自己搵位坐

回味年初大家在豐盛大酒樓團拜的盛宴。最近收到消息豐盛大酒樓快要結業了，真是有點依依不捨，因為這裡是慳妹我們在荃灣主要光顧的酒樓，食物質素當然不是頂尖級，味道都是大眾化口味，但是呢…相比起豐盛樓上的另一家連鎖酒樓，豐盛這裡總是比較熱鬧，換句話說，絕對有中式酒樓茶樓應有的風味。這次宴會的菜式，雖然大都是傳統宴會的菜式，熟口熟面，但是碟碟都很大件頭，有圖為証！當中最受歡迎的就是「百花釀蟹鉗」，因為當慳妹正想拿起手機「食先」之際，已赫然發現眾人率先夾走他們心愛的炸蟹鉗呢！

今日到了荃灣地鐵站附近荃灣豐盛酒家飲下午茶勝在夠大好快有位鳳爪排骨飯-排骨都偏肥但還可以,鳳爪都ok的,飯都唔算太林還可以的竹笙-特價野但中左招,唔好食,個味好奇怪,個味有d怪煎釀青椒-香口好味道魚腩粥-抵食多料又大碗

去左飲下午茶肚餓快點菜點左竹笙翅湯包,鯇魚腩鯪魚球粥,鮮蝦菜苗餃,煎釀青椒,蒸粉果,鳳爪蒸排骨飯竹笙翅湯包-有怪味,竹笙完全唔好食,入面料仲可以鯇魚腩鯪魚球粥-魚都算幾多,都唔錯鮮蝦菜苗餃-皮唔厚,料都幾足煎釀青椒-煎得幾香口蒸粉果-皮唔算厚都OK鳳爪蒸排骨飯-飯夠淋,排骨唔算肥,鳳爪都OK

剛出camp一行十多人搵地方食午餐，行經南豐中心搵晚新近酒樓食飯。一入去以為一眼睇曬，點知原來再行入仲有成排廳房，有廳房靜好多，坐得都舒服好多！叫左炒野同點心，味道都唔錯，腸粉做得幾好、雞紥點心小吃甜品都幾好。特別係叫左一個蝦餃拼盤，是很豐盛既點心拼盤，有成四籠點心放埋一齊！糊椒豬肚湯好足料，好夠味！甜品種類都唔少，但係有個紫薯煎堆仔就怪怪地，食落去有d鹹鹹地似鹹蝦味，唔知係咪d油炸左d鹹野先炸佢 吸左d味⋯⋯

今日大年初四，原本開開心心一行四人去嚟間酒樓飲茶兼拜年，當我哋洗好哂d杯、碗同筷子後，就叫咗一位著黑衫短髮應該係比侍應高一級的女經理來落單，當時我有禮貌叫佢收埋個水兜，佢係回我一句：我過到嚟會順住嚟做架啦!當刻我已經㷫㷫地😠😠不過見新年流流我忍妳，點知…到我枱上茶壺無水，我見到個位女經理拎住水煲在我枱附近行嚟行去加其他枱都不加我枱，我再叫其他侍應，她回我一句：等等!之後就不見蹤影，後來見到一對嫲孫行到我隔離枱那個黑衫經理急不及待幫佢執枱，我見那個嫲嫲給她一封利是她即幫她倒水洗杯，最後我忍不住出聲了😡😡係咪有利是就好服侍d呀！掛住利是唔洗理其他客😡😡之後還見不少侍應、傳菜的來俾利是個位小朋友。

年初三約了親友飲茶團拜，貪就脚揾咗呢間酒樓，一共19人要2張檯，我哋上午11點多嚟度，好好彩唔使等好耐便有檯。始終係新年，茶錢和點心價錢全部都加咗價，另外再加一。酒樓滿晒座，侍應都好好招呼，但似乎人手唔夠，tick咗啲點心要等好耐先有得食，有啲點心又好早賣晒，有啲又漏單冇嚟，總之預咗新年飲茶就係咁混亂。我哋點嘅都係一般普通例牌嘢：腸粉，粉果，燒賣，蝦餃，藥膳鳳爪，排骨，奶黃包，炸饅頭 ..... 等等，啲點心同平時一樣，普普通通；最後食甜品點咗桂花糕，南瓜西米露，芒果布甸和椰汁西米露等，都係要等好耐先有。無論點都好，我哋團拜嘅重點唔係食，只要食品唔係太差，有個地方俾我哋傾傾講講就夠，坐了3小時，19個人埋單只係$1,6xx, 算係好便宜。

今日boxing day走去飲早茶, 見人流都多,以為好好食。。。點知中晒伏先講煎炸點心咸水角同春卷。。。一睇就知隔夜嘅。。。又凍又淋。。。呢個冇影相。。。唯有退了, 之後個侍應叫我唔好朝早叫煎炸嘢, 佢地唔會即炸。。呆咗之後嚟臘腸卷。。。臘腸預咗俾渣嘢你食。。。入得口嘅, 淋囉叫咗鳳爪排骨飯。。。。啲飯濕嘅。。。排骨全部肥膏。。。放唔到入口(見圖)咁大個仔第一次對一間茶樓咁失望已經唔需要再講服務。。。。食物已經最差評了。完

豐盛套餐，食物一般，服務搭夠以前通常都是來喝早茶，因為地方大，吾覺得吵，容易搵位，價錢便宜，其實在樓下經過也看到她promote 的套餐，睇落幾底。今晚冬至，居然大嫂會推薦哩間。今次寫的主要不是食物，是她的服務，因為食物真系只是中規中矩，無乜特別好不好。～本來我地訂左12位，但大嫂話細妹個老爺奶奶都一起，梗系好，熱鬧D嗎。但其實一坐落已經覺得哩張12人太窄，我馬上問部長有無大D枱，佢話無大檯面，有D失望咖。但佢又加一句，你問下reception睇下有無得換；佢睇一下，馬上就換了一張大的，部長也不介意我地開曬茶飲緊。～我地準備點3188個全包餐，個女部長問我地訂位有無落定，餐單上面寫明有得減500，我地又真系無落訂啊！但佢好主動笑笑口幫我地問經理，終於省了500，正嗎？～不要說是冬至飯，平時其他酒樓侍應都是目無表情，口黑面黑，有笑容也是勉強的，這裡從reception到部長到經理，甚至是倒水啊姐都好開心。其實佢地人手吾系多，今晚都好忙但真系無埋怨還開心，值得一贊。～我地13人叫12人餐，有D酒樓，尤其是在做節，都會按人頭加，佢地又無喔。3188套餐都有幾多野食，分量充足，我地13人都夠食

太耐冇食中菜，所以揀左間近地鐵站的酒樓！ 我地點了魚 蒜蓉炒西蘭花 🥦孖寶 咕嚕肉+薑蔥粉絲鮑魚仔西蘭花都很不錯，夠鑊氣，又夠爽！ 咕嚕肉份量夠大，鮑魚仔都有6/7隻，都還可以！ 以酒樓來說，水準都不算差,但當然因為我期望很低🤪🤪 埋單約$330左右！

朋友約晚餐，臨時改地點，最終選擇這地鐵出口的中菜酒樓，是一家很正常的酒樓，枱面是正常餐具擺設。來到最重要的事情：點菜！　選擇困難症又發作。剛好部長落曬咀頭Sell這個套餐，還可提供六位半席的份量，一千元，包茶介和六個飲品。大家唔想煩惱選擇菜色，於是落搭，另外再加二款素食小菜。五福喜臨門　　麻油青瓜，燒鴨，油雞，叉燒，燒五花腩  喜灼游水生蝦　　雖然蝦殼較軟身，但是蝦肉很鮮甜。XO醬珍菌爽肉鳳球　　鳳球是否指雞球？但肉片味道似豬頸肉。紅燒竹笙倩影翅　　每人至少享用二碗  蠔皇海螺片金錢　冬菇大大隻，螺片也很大塊，還以為是鮑片。  蟲草花雲耳浸時蔬　　蟲草花是菌類，不是蟲，照計應該是素食。可是某仁兄真的以為是有條蟲的冬蟲草囉！冬蟲草好貴嫁喎！　　爽口菜心很清甜。清蒸大海石斑　　最奄尖果位大少都表示好好味。蒜香燒雞　　没有配豉油。原來表面灑有鹽花，味道已經很足夠。四寶銀苗　 好飽，無食到。豉油皇龍鬚炒麵   伊麵乾爽不油膩   合時甜品　紅豆沙，套餐的甜品，不過職員能保持匙羹柄乾淨會更完美。桃包　　　可選美點或桃包，不過食包包食飽！最後選了包包。桃包細細隻，兩啖就可以KO一隻包。　　果盤　　

南豐中心如此大商場，荃灣豐盛酒樓算是最長久的店舖。屈指一算，十多年前已經在此經營。必是每天荃灣老街坊聚腳的好去處。貪其地方夠大，不但有一個很寬闊的大廳，還有數間的小偏廳，真的可以容納很多食客。蝦餃皇，皮薄餡紮實，鮮甜美味。咖喱蒸土魷，港式的咖哩味道，充滿懷舊小食。咖哩味不會太辣。金栗煎鯪魚餅，香脆嫩滑。紅棗糕，是女仕至愛，補氣血。鮮竹牛肉球，在酒樓最多人點的，個個人都非常鍾意吃的。鮮蝦菜苗餃，都是皮薄餡靚，蔬菜鮮甜多汁。荃灣豐盛酒樓另一優點是，價錢非常實惠，吃如此多東西，都是140元左右，果然是客似雲來。

今日去仁濟醫院排期睇耳鼻喉科 ，今日屋企大廈停電晏晝煮唔到嘢食， 所以搭車出去荃灣南豐中心四樓的豐盛酒樓 食個中午飯，先去醫院排期。 佢個午市孖寶都幾抵，仲有白灼菜心贈送 。不過同阿媽一齊嚟，就唔食碟頭伊麵或者炒飯，嗌餸食飯開心啲。梅菜蒸肉餅， 可能午膳時間人流較多，廚房唔夠人手， 肉碎剁得唔夠細 ，一嚿嚿肉出曬嚟 。但係勝在梅菜都夠入味， 應該係用咗上等梅菜， 所以肉餅都夠曬鹹香味 ，相當開胃。 雜菜煲不過不失啦，用料都幾多嘅， 起碼成個煲都裝唔曬。 有西蘭花，小棠菜，雲耳 草菇，腐竹， 粉絲 ，加上佢個汁都幾 濃郁，佐飯都唔錯。

今日晏晝我就同兩個朋友去咗呢度食個下午茶，星期六，對於一個要番工嘅人黎講，飲茶就係件奢侈嘅事情，我哋一行三人，第一時間入酒樓，入到去根本就唔需要攞飛，嗰度啲侍應都唔多睬你，所以好多野都自動波，咁入咗去我哋就見到張枱，啲熟客已經好快咁坐低左，有見及此我都唔客氣，周圍搵下邊度有枱就坐，依啲freestyle，真係好似細細個去咗飲茶咁，講真我都幾鍾意，枱可以自己揀，而唔係被安排，😜，可能星期六係weekend嘅關係，心情都放鬆啲，相反我哋坐低左，啲侍應走過來問我地幾多位飲咩茶。之後就係最重要嘅環節，寫食物表，咁話說，我哋都仲叫做後生仔女🙈，嘆茶就必要㗎啦，但同時食嘢都梗係要㗎啦，寫下寫下唔夠寫左十幾籠點心，嗰侍應嬸嬸睇咗張單，眼都得埋就問啦你地真係要咁多？我哋雄心壯志就話係呀我哋係要咁多啊我哋後生食得晒呀三個人喎。咁個嬸嬸就直接落單，首先講吓我攞張單係下午茶時段嘅，所以啲嘢會有限制，但我都已經隨心所欲係咁寫下。令我覺得最特別嘅係，已經叫做下午茶時段特價，佢仲要花款多多，尤其個燒賣四粒都唔同，都唔錯㗎，嗰個灌湯餃就喊定一人一客，呢個就一般啦，可以講下個油菜，呢個油菜其實唔係好特別，但勝在佢冇沙

一向不習慣寫食评，但今次真是不吐不快！一家人想着星期六找一間酒楼嘆個下午茶，便隨意選了這間酒楼，我們入座時已2:45，便即時先点了一个$88的下午茶餐，之後再入单点多幾碟点心。下午茶餐包括一碟烧鵝，一大碗米粉及一碗小白菜，米粉及小白菜很快便到，但等了15分鐘仍未見烧鵝送上，便問了行经的男部長，而该男部長只回答了因不同部門做（即廚房及烧味部不同），所以会不同時間，请耐心再等等吧，说完便自行走开了，當然亦说明他不會去跟進啦！不過幸好，隔多幾分鐘，烧鵝同点心便到了！半隻烧鵝都幾大隻，味道亦不錯，点心便是一般酒樓味道，不差但亦不特別出色。到了约3:30，便見男部長連同职員开始放隔板，他們粗暴的甚至碰到食客（包括我們），似乎想迫客人早点離開，再过10分鐘，男部長便走來和我們说，因為今天有酒席，他们要做野，一是另安排坐位，一是將我們的抬移开点，由於我们雖未食完，但見時間亦差不多，便接纳將位置移开点。但男部長卻十分粗暴的將抬移开，令到桌上茶亦瀉了出来，但对方像没看見似的，轉身便走开，己令我有点不满。但最过份的是，再过5分鐘，又有一女職員走來，说今天要擺酒，请我们食完便儘快離开，说完还不待我們有什麼反